طبعا الموضوع مبين من عنوانه
كثير من البنات هني يعانون من مشكلة الوزن الزايد، وحتى لو ماكان في وزن زايد،، مافي أي بنت ماتحلم بجسم منحوت ورشيق ومافيه اي زوايد :naughty:
ويااااا مكثر البنات اللي عندهم أجهزة وقاعده في البيت متجمعه عليها الغبرا
وأنا وحده منهم للأسف :down:
أنا عندي جهاز الأوربتراك
وأخذته بعد حمااااس صابني وبعد مابحثت وقريت عن كل الاجهزه واستقريت عليه
وبعدين ابتديت العب عليه بكل حماس وطاقة ،،، لكن بعد فتره وقفت
والأسباب
اني انشغلت بالدراسه وغيرها
ومالقيت تشجيع ابدااااااا
فقررت من اليوم ورايح
راح انفض الغبار عن الجهاز :D_smil1: وراح اشيل الثياب اللي عليه <<<< مستعملته شماعه :durr:
وببتدي استفيد قد ماقدر من هالجهاز اللي قاعد كل يوم يشوفني ويتطنز علي :21_30:
الزبده من الموضوع هي اني أبي مجموعة بنات من اللي عندهم الجهاز يشاركوني في هالتحدي
وكل يوم ندخل ونقول يومياتنا وكم لعبنا وكم حرقنا سعرات حرارية (أنا جهازي يكتب عدد السعرات المحروقه)
وياليييت ألاقي تفاعل وحمااااااس
ترى مافي أحلى من الرشاقه واللياقه، وصدقوني تراه الجهاز وااااايد مفيد
- يحرق السعرات بسرعه كبييييره في الربع ساعة أكثر من المشي السريع لمدة ساعه :21_180: يعني تخيلي ساعة وحده على الجهاز = مشي 4 ساعات
- يشد الجسم وينحته بشكل ملحوظ فيعني اذا استمريتي عليه قولي للزوائد والشحوم باااي بااااي
- ممتع أكثر من باقي الأجهزه أو جهاز المشي مثلا، على الأقل تحسين كأنج تطيريييين في الهوا :Z_cool_c:
فان شالله ألاقي بنوتات حلوات مثلي
ويشاركوني في حلمي وهو الاستفاده من الجهاز بأقصى درجه عشان صحتنا وجسمنا وجمالنا :21_209:
طيب آخر نقطه
اللي تبي تنضم لهالتجمع تكتب مقاساتها عشان نقارن بين كل فتره والثانيه
وتكتب اذا هي تمشي على نظام غذائي ولا لا، وتكتب نوعه للافاده
وهاذي صورة للمناطق اللي تقيسينها
أما الوزن فذكره بيكون اختياري، بما أن التركيز أكثر شي راح يكون على شكل الجسم والحصول على مقاسات أصغر
بس مايمنع ان تكتبين وزنك عشان تشوفينه كل مره ويعورج قلبج وتتشجعين أكثر خخخخخ
وبسسسسسس
خلص الموضوع
:21_11: