حملة اقفلى بئك كفاية اكل

cico;9528472:
انا فطرت جبنة برضه

وماما مصممة تاكلنا انا وبابا فاصوليا من غير عيش ولا رز ولا لحمة

يا حجه احنا اللى بنخس مش انتى

حساكو مخستوووووووش

وانتى ماااااااااااااااااااالك :D

هتشلّني امى دى هههههههههههههه

امبارح كان كوسه ولحمة ورز



بس عايزة اسألكم حاجة

لما بقوم الفجر وساعات قبل ما انام كمان احس انى جعانه

تفتكروا اكل ايه يشبع ومحدش يقولي اشربي ماية

منا بفضل جعانه مش اوى بس بحس انى مش عارفه انام

انا باخد معلقه عسل صغيرة كتير ولا ايه ؟؟؟

انا كنت سمعت الدكتور اوز فى برنامج اوبرا
كان بيقول ان الانسان اللى جسمة بيحرق دهون كويس
لازم يصحى الصبح وهو حاسس بالجوع

فاطمنى دا دليل ان جسمك الحمد لله بيحرق الدهون كويس :)

وعشان بقى ما تحسيش بالجوع
ممكن تاكلى طبق سلطة او تشربى مية
وطالما المية مش بتحسسك بالجوع اكتر يبقى تاكلى سلطة
او خس او خيار سعراتهم قليلة وفى نفس الوقت بتحسسك بالشبع

مش عارفة العسل كتير ولا لا
انتى بتاكلى عسل ابيض ولا اسود
وانا اقولك سعراتة :)

لا ابيض ومعلقه نونو

او بمعنى اصح ومش تقولوا مقرفة

باخد بأيدي لحسه كده :D

cico;9529905:
بت مش فاهمه حاجة

ههههههههههههه هاضبط الكلام تانى

كنتى صحيح بعتى لميس فاتي كتاب باين يشجعها على الدايت

ممكن تبعتيه يا قطتي

حاضر من عينيا يا قمر
ثوانى اجيب الرابط وابعتهولك

cico;9530819:
لا ابيض ومعلقه نونو

او بمعنى اصح ومش تقولوا مقرفة

باخد بأيدي لحسه كده :D

ههههههههههههه
العسل الابيض ال100جرام فية 266سعر

يعنى اللحسة دى مش هتفرق كتير يا قمر بس قوليلى هو انتى بتحسى بعدها بالشبع :)

بشرب بعدها مية كده بحس ان السكريات اديتنى احساس بالجوع

تفتكرى هموت يا داكتورة :D ؟

لا يا حبيبتى
بعد الشر عليكى ان شاء الله الناس الوحشين
ربنا يحميكى يا رب
خلاص هاجرب العسل واشوف
ولا انى مش باحبة ااووووووووى

شاطرين يا ولاد

بصو هههههههه طول ماانا غاطسة يبقى مليش وش اجى اكتب لكم عملت اية

لما ارجع واكتب كدة يبقى اتطمنو انى ماشية حلو

وسيكو كريم الجنزبيل قعدتية قد اية؟؟

انا بيحرق عندى موت وبلاقى المكان احمر بس بعد مااشطف جسمى بالمية الباردة بيكونش لة اى اثر

بس لو تعبك بطلية

السلام عليكم
ازيك يا ملك وكيكو وميس فاتى وكل البنات
مبدأئيا كده انا طولى 160
ووزنى 75 اهئ اهئ
ومحددة لنفسى 3 اهداف
الاول اوصل ل70
والثانى65
والتالت 60ان شاء الله يارب قوينى
على فكرة اناكنت ابتديت ريجيم من 3 اسابيع لمدة 15 يوم وخصيت فيهم 4.5 لانى كنت 78 وبقيت37.5 وزهقت فرجعت لخبطت تانى وزدت 1.5 عاااااااااااااااااااااااااااا
انا نفسى بجد تساعدونى
انا مشكلتى انى عندى تكيس مبايض ويمكن انتى عارفة يا ملك من تجمع المتأخرات والكتور قالى لازم اخس اخس اخسسسسسسسسسسسس قبل اى علاج
فالريجيم بالنسبة لى حاجة علاجية واساسية
بس انا كل مابعمل ريجيم بعمل ريجيم حرمان بالكتير لمدة اسبوع او اتنين وازهق وارجع تانى
فانا عايزة امشى على نظام مافيهوش حرمان جامد يعنى يخسسنى كيلو حتى فى الاسبوع
فهل ده صعب ولا ايه؟
بالله عليكم يابنات ساعدونى انا استفدت منكم كتير وخصوصا ملك وكيكو والله وكلكو ربنا يكرمكم يارب وعايزة تشجيع يا بنانيت
وماتنسوش تدعوا لى بالذرية الصالحة يارب عاجلا غير اجلا يارب يا كريم

cico;9379232:
معلش يا ملك شوفت ردك متأخر

معرفش والله الأعادة امتي

بس هو هيجيي كمان بكرة ان شاء الله مع دعاء عامر

ف الدين والحياة الساعة 4 شوفيه بقى

ولو عايزين ريجماته انا ممكن احطلكو امثلة منها بس قولوا

ممكن تبعتيهم لى ياكيكو

ملك حياتى;9400812:
يومياتى امس
بصراحة خبصت
اكلت فى الفطار
ربع رغيقف
وبيضة مسلوقة

والغدا بقى كان
رغيف اهئ اهئ
واكلت معاة مربى
مش عارفة اية اللى حصل

بس والله اكلت من هنا وحسيت انى جعانة جدااااااااااا

اصلى امبارح كنت بانظف البيت ومشغولة وحركة
وفى الاخر كلة باظ من الجو
يلا الحمد لله


اقولكم عملت اية بقى لما لقيت نفسى واكلة كتير بس اوعوا حد يعمل كدة

عملت انى عندى امساك واخدت 3حبيات
كانت بطنى بتتقطع من الوجع

بس كده غلط يا ملك خلى بالك من نفسك

ملك حياتى;9464031:
[QUOTE=امانىمحمد;9458066]ازيكم ياحلوين

انا عاوزة اشارك معاكم



انا هابعتلك على الخاص كتاب بصراحة كان من اسباب تشجيعى على عمل الرجيم والاستمرار فية :)
ممكن تبعتيهولى يا ملك لو سمحتى وتقولى لى خسيتى وزنك ازاى وفى مدة اد ايه
وكل ما احس انى خلاص مش قادرة استمر فية بارجع اقراة


احنا مش ماشيين على رجيم معين
مثلا كيكو ماشية على رجيم دكتور بهاء ناجى
وانا ماشية على رجيم السعرات
طيب يا ملك قولى لى انا وزنى 75 وبعمل مجهود عادى فى البيت مش زيادة يعنى اخد كام سعر فى اليوم

يا عيال

انا زعلان اوى

مخستش الاسبوع ده اهىء اهىء

بس ان شاء الله هضغط بقى الاسبوع الجاى لان الاسبوعين اللى فاتوا

كنت مريحه شوية وكمان اكلت ايس كريم امبارح


ميس فاتي


انا غسلته باين بمية سخنه لأني كنت بستحمي

غبيه موت انا صح :D

شدي حيلك بقى عايزين المرة الجاية تيجي تقوليلنا خسيت



دينا


نفس مشكلة مرات اخويا

وعندها لا مبالاة رهييييييييييييييييبة

بجد بتعصب منها هى واخويا طول النهار ياكلوا

عموما انتى الطريقة مش طويل اوى

بس انتى هونّي على نفسك كده

وصدقيني الموضوع مش صعب

شدى حيلك يا حبيبتي وانا هحاول اجيبهوملك حاضر من عنيا

بصى

دول اللى عندى يا دينا

كانت واحده بعتهوملي

شوفيهم كده وممكن ابقى ادورلك تانى

معلش جهازي بايظ فاستسهلت وجبت دول

وابقى قوليلي رأيك يا قمر


الأفطار اليومي:

كوب شاي أو نيسكافيه بلبن خالي الدسم+ ملعقة عسل نحل+
قطعة جبنة بيضاء او قربش+2 توست ريجيم أو رغيف سن




الغذاء:
اليوم الأول: 1/4 فرخة + سلطة + خضار مسلوق أو مشوي + 4 ملاعق أرز


اليوم الثاني: قطعة لحمة مشوية + سلطة + خضار + 4 ملاعق أرز


اليوم الثالث: تونة+سلطة + 2 توست أو رغيف سن


اليوم الرابع: 1/2 كيلوسمك مشوي + 4 ملاعق أرز + سلطة


اليوم الخامس : 1/4 فرخة مشوية + 1/4 كيلو بطاطس مشوية أو مسلوقة + سلطة


اليوم السادس : علبة تونة + 2 توست سن + سلطة


اليوم السابع: 8 ملاعق فول مدمس + ملعقة صغيرة زيت زيتون + سلطة + رغيف سن أو 2 توست




العشاء اليومي:
زبادي + 2 ثمرة فاكهة



ملاحظات:
يمتنع عن السكريات
تزيد كمية الأرز بمقدار 2 ملعقة لمن هم فوق ال100 كجم
من أهم مميزات هذا الريجيم ان مبني علي الهرم الغذائي فلا تحدث معه انيميا او دوخة او تعب حتي في الأسبوع الأول
يكون معدل النزول بطيء لأنه نزول صحي بلا رجعة
يفضل طبعا ممارسة رياضة المشي ساعة كل يوم


2



الأفطار:

كوب شاي أو نيسكافيه بلبن خالي الدسم+ ملعقة صغيرة عسل + +3ملاعق فول أو بيضة مسلوقة + 2 توست سن


الغذاء:

اليوم الأول: وجبة مفتوحة

اليوم الثاني: علبة تونة + سلطة + 2 توست ريجيم أو رغيف سن

اليوم الثالث : 2 شريحة بيتزا + سلطة

اليوم الرابع: 1/2 كيلو سمك مشوي + 4 ملاعق أرز + سلطة

اليوم الخامس: 1/4 فرخة مسلوقة او مشوية + 6 ملاعق مكرونة + سلطة

اليوم السادس: تونة + سلطة + توست ريجيم 2

اليوم السابع: 5 مغارف شوربة عدس + سلطة خضراء

العشاء:


قطعة جبنة بيضاء أو بيضة مسلوقة + 2 توست + 2 ثمرة فاكهة





3


الأفطار:
كوب شاي أو نيسكافيه بلبن خالي الدسم + 1 كرواسون أو باتيه أو فنجان كورن فليكس بلبن خالي الدسم



الغداء
اليوم الأول:واجبه مفتوحه


اليوم الثاني: 1/2 كيلو سمك مشوي أو 2 قطعة سمك فيليه مشوي+4 ملاعق أرز + سلطة


اليوم الثالث: 8 ملاعق كشري + سلطة


اليوم الرابع : سيخ شيش طاووق (8 قطع) +سلطة+ 2رغيف سن


اليوم الخامس: 2 هامبورجر مشوي+ سلطة + 2 توست

اليوم السادس: 2 هوت دوج مشوي أو مسلوق أو 4 أصابع كفتة + سلطة + 2 عيش فينو سن


اليوم السابع: صدر فرخة مشوية + سلطة




العشاء:

قطعة جبنة بيضاء + 2 توست سن
او 3 مغارف شوربة خضار



ملاحظات :
الكرواسون أو الباتيه يكن متوسط الحجم




4





الأفطار:

شاي أو نيسكافيه بلبن خالي الدسم + ا ملعقة مربي دايت + شريحة لانشون او مثلث جبنة نستو دايت+2 توست سن



الغداء:

اليوم الأول:
وجبة مفتوحة

اليوم الثاني:
1/4 فرخة مسلوقة او مشوية +خضار بأي كمية + سلطة

اليوم الثالث:
1/4 كيلو جمبري او كاليماري مسلوق او مشوي في الفرن+رغيف سن + سلطة


اليوم الرابع:
1/4 فرخة مسلوقة او مشوية + 10 أصابع محشي + سلطة

اليوم الخامس:
8 ملاعق مسقعة دايت + رغيف سن + سلطة

اليوم السادس:
3 بيضة اومليت مع الخضار + سلطة + رغيف سن

اليوم السابع:
6 ملاعق فول بملعقة زيت زيتون صغيرة + سلطة + رغيف سن




العشاء:
3مغرف شوربة خضار او بيضة مسلوقة + 2توست سن

ملاحظات :
المحشي تكون الخضرة فيه أكثر من الأرز
عدد الأصابع للوزن من 90 - 100 كجم 14 أصبع
عدد الأصابع للوزن من 60 - 90 كجم 8 أصابع

المسقعة الدايت:
يشوي الباذنجان بدلا من قليه
تعصج اللحمة في مقلاة تيفال بدون زيت






5



الفطار
كوب شاي او نيسكافيه بلبن خالي الدسم + ملعقة صغيرة عسل +3 ملاعق فول او جبنة بيضاء + 2 توست سن




الغداء:

اليوم الأول:
وجبة مفتوحة

اليوم الثاني:
1/4 كيلو جمبري مشوي + 4 ملاعق ارز + سلطة

اليوم الثالث:
قطعة مكرونة في الفرن دايت + سلطة

اليوم الرابع:
1/2 كيلو سمك مشوي + 4 ملاعق ارز + سلطة

اليوم الخامس:
تونة + سلطة + رغيف سن

اليوم السادس:
8 ملاعق كشري + سلطة

اليوم السابع:
1/4 فرخة +1/4 كيلو بطاطس في الفرن + سلطة




العشاء
بيضة مسلوقة او شريحة جبنة شيدر (لايت) + 2 توست سن + ثمرة فاكهة






6


الأفطار

كوب شاي بلبن او نيسكافيه بلبن خالي الدسم + ملعقة صغيرة عسل نحل + 3 ملاعق فول او جبنة بيضاء او 2 طعمية
+ رغيف سن


الغدا:

اليوم الأول: وجبة مفتوحة


اليوم الثاني: 3 قطع بيتزا + سلطة خضراء


اليوم الثالث: 1/4 فرخة مشوية + 5 ملاعق مكرونة + سلطة


اليوم الرابع: 2 بيضة أومليت + رغيف سن + سلطة


اليوم الخامس: 1/2 كيلو سمك مشوي +4 ملاعق ارز + سلطة


اليوم السادس: علبة تونة + سلطة + رغيف سن


اليوم السابع: 2 هوت دوج مشوي + 2 توست سن + سلطة




العشاء :

بيضة مسلوقة او قطعة جبنة بيضاء + 2 توست سن

مس فاتى لية كدة يا قمر بتخبصى
مش عايزكى تغسطى تانى لازم اشوفك كل يوم
واشوف يومياتك حتى لو خبصتى احنا هنا بنشجع بعض
وبنقوى بعض عشان نقدر نستمر

ملك يا قمر نسيت اشكرك يا حبيبتي على الكتاب

ربنا يكرمك يارب

ربنا يخليكى يا كيكو تسلمى يا حبيبتى
طيب سؤال يا يا كيكو الارز مسلوق ولا ممكن بحبة زيت صغيرين وممكن ابدل الارز بربع رغيف ؟؟؟؟؟
واليوم اللى فيه الغدا وجبة مفتوحة اكل اى حاجة يعنى ولا برضو بكمية محددة

جزاك الله خيرا

فينك يا ملوكة

[QUOTE=دينا حمدى;9535096]السلام عليكم
ازيك يا ملك وكيكو وميس فاتى وكل البنات
مبدأئيا كده انا طولى 160
ووزنى 75 اهئ اهئ
ومحددة لنفسى 3 اهداف
الاول اوصل ل70
والثانى65
والتالت 60ان شاء الله يارب قوينى
على فكرة اناكنت ابتديت ريجيم من 3 اسابيع لمدة 15 يوم وخصيت فيهم 4.5 لانى كنت 78 وبقيت37.5 وزهقت فرجعت لخبطت تانى وزدت 1.5 عاااااااااااااااااااااااااااا
انا نفسى بجد تساعدونى
انا مشكلتى انى عندى تكيس مبايض ويمكن انتى عارفة يا ملك من تجمع المتأخرات والكتور قالى لازم اخس اخس اخسسسسسسسسسسسس قبل اى علاج
فالريجيم بالنسبة لى حاجة علاجية واساسية
بس انا كل مابعمل ريجيم بعمل ريجيم حرمان بالكتير لمدة اسبوع او اتنين وازهق وارجع تانى
فانا عايزة امشى على نظام مافيهوش حرمان جامد يعنى يخسسنى كيلو حتى فى الاسبوع
فهل ده صعب ولا ايه؟
بالله عليكم يابنات ساعدونى انا استفدت منكم كتير وخصوصا ملك وكيكو والله وكلكو ربنا يكرمكم يارب وعايزة تشجيع يا بنانيت
وماتنسوش تدعوا لى بالذرية الصالحة يارب عاجلا غير اجلا يارب يا كريم

ربنا يرزقك بالذرية الصالحة اجلا غير عاجلا ويرزقنى ويرزق كل مشتاقة امينننننننن
دينا الرجيم القاسى من عيوبة انك مش بتقدرى تستمرى علية
انا جربتة ونزلت فى اسبوع واحد 4كيلو والله مش مبالغة بس كان نتيجة الاسبوع دة
دوخت ووقعت من طولى وزدتهم تانى اسبوع
رجيم دكتور بهاء ما شاء الله متكامل وسهل وفعلا مش هتحسى انك بتعملى رجيم
ناس كتير جربتة وجاب معاهم نتيجة وما شاء الله كيكو خير دليل


ههههههههههه اية اللى باكتبة دة
معلشى باردعليكى والله عمالة اعيط
ادعولى يا بنات ربنا يفك كربى ويهدى جوزى لسة متخانقين
الوقتى وزعلانة منة مش كفاية يا ربى المشاكل اللى عندى فى البيت جاى هو كمان يكمل عليا :(

بس كده غلط يا ملك خلى بالك من نفسك

انا عارفة يا قمر انة غلط بس حسيت بالندم بعد ما اكلت
ومش لقيت وقت انى العب رياضة او اتصرف غير بالطريقة دى
بطنى فضلت بعدها اسبوع توجعنى

طيب يا ملك قولى لى انا وزنى 75 وبعمل مجهود عادى فى البيت مش زيادة يعنى اخد كام سعر فى اليوم
تبقى محتاجة يا قمر 1500سعر فى اليوم
ولو محتاجة تخسى حاولى تقللى عن كدة
يعنى محتاجة تخسى كيلو فى الاسبوع تقللى 500سعر فى اليوم :)

كيكو معلشى يا قمر حاولى تعوضيها الاسبوع الجاى

اة نسيت اقولكم انا خسيت كيلو بس من المشاكل اللى كنت فيها امبارح نسيت اقولكم
مش حاسة انى فرحانة انى خسيت
ربنا يستر وما اخبصش النهاردة يا رب عدى اليوم دة على خير يا رب

دينا حمدى;9541185:
ربنا يخليكى يا كيكو تسلمى يا حبيبتى
طيب سؤال يا يا كيكو الارز مسلوق ولا ممكن بحبة زيت صغيرين وممكن ابدل الارز بربع رغيف ؟؟؟؟؟
واليوم اللى فيه الغدا وجبة مفتوحة اكل اى حاجة يعنى ولا برضو بكمية محددة

جزاك الله خيرا

فينك يا ملوكة

دينا كنت سمعت مرة ان الارز المسلوق صحى
بس لو مش بتحبية
عادى ممكن تاكلية مطبوخ عادى وحاولى تقللى الزيوت على قد ما تقدرى
ووممكن تبدلية عادى يا قمر
ربع الرغيف فية 80سعر يعنى اقل من 3ملاعق ارز بكتير
لان ال3ملاعق ارز =نص رغيف



اة نسيت اجاوبك على سوالك التانى خسيت فى اد اية
اول 5كيلو دول مش حسيتهم بيهم كان تقليل فى الاكل
وحركة كتير يعنى تقريبا كنت واقفة على رجلى طول النهار
بعدها مريت بشوية ظروف مش كويسة
بس استمريت على التخفيف ورجعت للرجيم بالضبط من يوم
18/1
والحمد لله ربنا يقوينى واقدر اكمل الباقى يا رب
ونقدر كلنا نحقق حلمنا ونوصل للوزن المثالى واحنا فى صحة وعافية :)

انتم فين يا بنات النهاردة

وانا معاكم

ملك يا حبيبتي


ربنا معاكي يارب ويفك كربك وكروبنا جميعاً يارب
هونّي على نفسك يا حبيبتي
ولو احتاجتى اى حاجة ابعتيلي انا هابقى ابعتلك الميل

مدخلتش النهارده لأن النهاردة المفتوح بتاعى وخطبيبي بيكون هنا :D



دينا

زى ما قالتلك ملك الرز عادى خاااااالص

بس بلاش سمن زبد يعنى زيت زيتون او زيت نباتي عادى

احنا بنعمله كده

دكتور بهاء كان قال ان مينفعش نغير الرز بالعيش

ممكن العيش بالمكرونة لأنهم اصلهم الدقيق

اما الرز او البطاطس فدول نوع نشاويات مختلف

بس انا عن نفسي بمشى نفسي باللى موجود لأن

صعب برضه تمشي بحذافيره ف النقطه دى

لأن كل بيت واحتياجاته وظروفه

ومنتظراكي على احر من الجمر علشان اشوف نتيجتك يا قمر


رقية

منتظرينك تانى يا قمر تقوليلنا ايه النظام

نورتي