تجمع الحوامل اللواتي يلدن في شهر اذار( مارس 3) 2009

هلا كروشات كيفكم ان شاء الله بخير

مراوي 22 افضل الاجازه من لان لج والله يسهله عليج وعلى التوزيعات شنو انتي اخذاتي وراينه
وا شاء الله اعطيج افكار حلوه وبسيط

ترنيمه كيفج الحمد الله انج خلاصتي بعضهم ما باقي لا القليل
والسدر بعد ليه ما تاخذينها انا مي قلت للي اخذ سدر عشان جسم البيبي يعطيه رائحه حلوه

آنه ماباسوي توازيع بس مجرد جوكليت بزينه وبزين الصينيه والأغراض إلي أخذتها كلها حق تغليف وتزين والله كلما أفكر في شي أحسها مصرف عالفاضي وإلي يعور قلبي أكثر إنه بينقط وفي حملي الأول سويت توازيع وخسرت عليهم سويتهم عند نوال عباره عن صور بنوتات أشكال حطت لي نوال في يدهم نفس البوكس دتخله حلاوه وهو يتعلق في السياره بعد

تصدقون قاموا النسوان يعطون عيالهم بالقطعتين والثلاث والياهال ينتفونهم جدامي :confused: وآنه قلبي معورني قلت خلاص هالمره بسوي شي بسيط وينبلع ماينقط خل يبلعونه ويبين في هينهم أحسن :eek:

مساء الخير كرووشااات

كيفكم ان شاء الله بخير

اليوم ما طلعت تمشيت بس تمشيت في البيت
ونوي ارتب غرفتي امس الجو غبار الغرفه صارت دمار من الغبار

مراوي حلو اسوي اشياء بسيطه في التوزيعات لان صحيح خساره المصريف كثير وبذات تحتاج له في اشياء اهم

هلا الغاليات أخباركم إن شاء الله البيبيات تمام
حبيبتي فراشة رايج ما أمش الحين أحسن
مراوي 22 حبيبتي عندنا في المنتدى الأخت شوكولاته مره عندها محل وشغلها وايد حلو ومرتب وأكيد بتراعيج بالسعر مدام أنتي يايبه كل الغراض ودخلي على ملفها وشوي شغلها ماشاء الله عليها مبدعة

هلا الغاليات لاتنسون تاخذون

هلا دلوعه كيفج ان شاء الله بخير

انا ما نسيت موجود في القائمه التجهيزات الباقيه

كيفكم كروشات

صباح الخير

كيفكم كروشات واخبار البيبيهات

ان شاء الله بخير

هلا كروشات

ترنيمه الحمد الله انج تطمنتي

ايه هذي الفتره تكون الموعيد كل بعد اسبوعين الله يسهله علينا يارب

البارحه ما عرفة انام من الم بطني واحس ان البيبي يرتعش وهو في بطني
طول الوقت يرتعش واليوم راحت مستوصف حكومي وسويت الدكتوره تصوير
وقلت الحمد الله بخير واجلا شي قالت ان البيبي صار راسه تحت بس امشي
وينزل في الجوض

دلوعة بودي;8456045:
قائمة بمواعيد ولادة حوامل شهر مارس

موري 2
4/3/2009

أم جود القمر
4/3/2009

نارا
5/3/2009

ريتال 2008
10/3/2009

دلوعة بودي
11/3/2009

_*-*-*-_
12/3/2009

أم عهودي
13/3/2009

دمعة شوق
13/3/2009

*أم زهراء*
14/3/2009

شاعرية
14/3/2009

فراشة بين الزهور
16/3/2009

ترنيمة شاعر
21/3/2009

عرادية
21/3/2009

أخت الفارس
21/3/2009

حنونة في ملامحها
24/3/2009

قمر بلانجوم
27/3/2009

متاب
2/3/2009

ميلاد
29/3/2009

مراوي 22

سلا

gigififi

في كروشات ما لهم خبر وفي كروشات جديدين معا

سلام يا حلوييييييييين
كيفكم انشاء الله تمام
اول شي بالبركة فراشة بين الزهور نزول راس البيبي تحت وعقبال ما ينزل في الحوض
انا اليوم عندي موعد وبشوف اش عندهم وبالمرّة بقولها اني مسافرة الخميس
اذا بتعطيني ادوية ولا شي حق الطيارة لاني في بنتي المرة الاولى
كتبت لي الدكتورة على اسبرين اطفال آكله مرتين في اليوم
لثلاث ايام قبل السفر بيوم ويوم السفر واليوم اللي وراه

متــاب
هلا اختي وصباحك جوري
يالله عقبالي انا بعد واخلص الاغراض بس خلاص هانت

وصج ترنيمة شاعر ليش يقيسون دبتك بالمتر ؟!!

وانا بعد احس البيبي يرتعش بين فترة وفترة مدري ليه !
بسال الدكتورة اليوم وارد لكم خبر

دلوعة بودي
مشكورة اختي عالتذكير انا عندي واحد ما استغني عنه دايم
بشنطتي عشان بنتي ولوزها اشيك على حرارتها اول باول ومن جد مفيد
وبرايي لا تستعجلين وتمشين ما يسوى عليك بعد لو تتعبين
تاكدي اول من وضع المشيمة بعدين توكلي على الله

مراوي 22
لا والله ناقص الواح رفعة ضغط يتكلف ويسوي بعدين يعطونه الجــهال
يلعبون فيه وش ذا الذوق والادب
انا في عروب سويت توزيعات كلفتني 800 ريال ومو ناوية اعيدها لاني اخذتها جاهزة
لوني مسويتها بروحي كان اوفر بكثير ..بس ما طلعتها لكل الناس .. لا كان بيصيدهم اللي صاد توزيعاتك
كنت اطلعهم للناس اللي ما يجيبون جهال وياهم ولا جهالهم قلال ولا لصديقاتي المقربات والناس الفاهمة بس .. وهالمرة في بالي اروح عند اهلي واخلي خواتي يساعدوني اسويها بنفسي بس لسه ما حددت فكرة معينة

فراشة بين الزهور صج السدر كان رايح عن بالي
انا في عروب كنت استخدم صابون الاطفال وما جا على بالي السدر
يعطيك العافية

ترنيمة شاعر
ليه 3 مراهم عيون كلهم نوع واحد ولا انواع ؟ تفاجات فيهم

!!ME!!
يعطيك العافية حبيبتي و طمنينا عليك اول باول
والله يسهل علينا وعليك

يا امهــــات يا حلوات

شوفوا لي هالصور وقولو ا لي وين القى زيها واذا مرت عليكم
وانتو تجهزون .. واسعارها بكم تقريباً

هلا حوامل شخباركم وشخبار بيبياتكم؟؟
أول شيء بتليقف وبرد على اللي سألوا عن قياس البطن بالمتر عشان يشوفو هي في اي اسبوع لان كل سم عبارة عن اسبوع وفي ناس يسوى نفس الحركة بس باليد لكن اللي بالمتر طبعا ادق لكن عرض اصابع كل وحده تختلف عن الثانية
ثاني شيء اللي يحسو البيبيات يرتعشو في البطن اتوقع والله اعلم انو هذا اللي يسموه بالفواق أو الحازوقة لان يجي للبيبي وهو في بطن امه
أخباري
تنومت في المستشفى عشان الضغط كان مرتفع والحمد لله تطمنت على كل شيء البيبي نزل راسه تحت ووزنه زين والضغط اعتدل لكن يبغى له مراقبه والهيموغلوبين وصل 9.3
والله يقوم جميع الحوامل بالسلامة هم وبيبياتهم

_*-*-*-_;8669077:
هلا حوامل شخباركم وشخبار بيبياتكم؟؟
أول شيء بتليقف وبرد على اللي سألوا عن قياس البطن بالمتر عشان يشوفو هي في اي اسبوع لان كل سم عبارة عن اسبوع وفي ناس يسوى نفس الحركة بس باليد لكن اللي بالمتر طبعا ادق لكن عرض اصابع كل وحده تختلف عن الثانية
ثاني شيء اللي يحسو البيبيات يرتعشو في البطن اتوقع والله اعلم انو هذا اللي يسموه بالفواق أو الحازوقة لان يجي للبيبي وهو في بطن امه
أخباري
تنومت في المستشفى عشان الضغط كان مرتفع والحمد لله تطمنت على كل شيء البيبي نزل راسه تحت ووزنه زين والضغط اعتدل لكن يبغى له مراقبه والهيموغلوبين وصل 9.3
والله يقوم جميع الحوامل بالسلامة هم وبيبياتهم

دلوعة بودي;8661011:
هلا الغاليات لاتنسون تاخذون

عندي مثل هالجهاز تغربلت وياه ماعرف إشلون أستخدمه مع إني إتبعت التعليمات بس بعد مافهمت أحسه معقد

من يعرف إشلون يستخدمونه علموني