تجمع الحوامل اللواتي يلدن في شهر اذار( مارس 3) 2009

مراوي 22
ععادي اختي لا تشيلين هم انا آخر زيارة للدكنورة قالت لي رجوله عالقين تحت
قلت ويييييه اشلون يعني ؟؟
قالت عادي هو لسه قدامك وقت طويل ممكن ما ينزل الراس لتحت الا قبل الولادة بيوم او يومين بس
لانك منتي بكرية ونقول ينزل الراس من اول التاسع
سبق لك وولدتي قبل عشان كذا مافي خوف ولا تعطي السالفة اي اهمية توكلي على الله وامشي
والله يكتب اللي فيه الخير

موري2 + ميلاد

مشكورين على ردكم والله خففتو علي كنت شايله هم إن شاء الله ببتدي أمشي اليوم يعني مشي دلع مشي سوق وإن شاء الله يرجع لوضعه الطبيعي

موري2;8605924:
دلوعه
عامله ايه دلوقتى ؟
طمنينى عليكى

الحمدالله حبيبتي بخير وصحة وعافية
والحين صرت أحسن بوايد من أول والفضل لكتاب الله أقري قرآن وإن شاء الله راح ترتاحي

دلوعة بودي
الحمد لله اختي ومافي مثل كتاب الله يريح النفس ويهديها بس
الدنيا لاهيتنا لا حول ولاقوة الا بالله انا بعد بحاول اخلي لي ورد يومي من القراءة انشاء الله

بنـــــات بسالكم عن حبوب الكالسيوم نستخدمها في الثامن ولا خلاص نوقفها
لاني وفي حمالي الاول ببنتي الله يصلحها ويحفظها من كل شر
قالت لي الدكتورة يوم رحت لاهلي خلاص المفروض تبطلي حبوب الكالسيوم مارايحه تنفعك الحين
من بداية الثامن خلاص .. والحين باقي على مراجعتي اسبوع وانا في الثامن
اوقف الكالسيوم ولا اواصل عليه

افيدوني افادكم الله

السلام عليكم

كيفكم ان شاء الله بخير

دلوعه الحمد الله ما في افضل من القران
ميلاد مدري انا موعدي غدا اسال الدكتوره لان حتى انا
الى الان استخدامه بس بعض الاحيان انسئ من كثر الحبوب
اللي عندي ودعوللي ان نسبة السكر والدم تكون زينه واشوف وضعية الجنين
البارحه كنت عندنا عزيمه عائليه الكل عصب على قال بطني مرتفع فوق
لازم امشي وانا احتار شلون يعني هذا ياثر

صباح الخير كيفكم

شنو صار التجمع مايم اليوم موعدي ادعولي يكون كل شي بخير

شوف شنو اخذات امس عجبني واخذاته

السلام عليكم
هاه وين الناس
فراشة بين الزهور ..
بشري اش صار على موعدك وش قالوا لم بالدم نسبة السكر
انشاء الله كله تمام
وشلون بعد بطنك مرتفع
اتصدقين انا من زمان ما طلعت من البيت اقابل ناس اطلع للسوق وارجع مع زوجي
ماعندي احد ازوره بهالديرة الا الجيراو ووين وين نتقابل بين كل شهرين
وتوني اقول حق زوجي بطني كنه طالع فوق مو زي بعروبة حتى احس انه حييييل
مشدود وقاعدة تطلع خطوط تمدد بالجلد جديدة وتحرق ومن تحت ( اسفل البطن )
حاسه كن بطني رخو ولا متدهل مو عارفة ومن فوق مشدود ومرتفع
قولي لي اش قالوا لك انا موعدي الثلاثاء

وعليك بالعافية اللي اشتريتيه
فكرته حلوة بس احس ما نستخدمه كثير اذا هو اللي يتعلق بالرقبة تحملين فيه البيبي ونتي طالعة للسوق
ولا ؟ الصورة مب واضحة

بانتظـــــار العسولات
خلو عنكم الدلع ويالله طمنونا عليكم

هلا كروشات كيفكم ان شاء الله بخير

ميلاد شكلك نفسي بطنج واليوم الدكتوره صدامتني الجنين بالعرض
ومرتفع لفوق عشان كذا انا عندي ادائما ضايقه وتنفس صعب
والسكر الحمد الله تمام وسالت عن الكالسيوم قلت خلاص لا استخدامه
واخذ بدل منها الحليب ومشتقاته بس المشكل الان وضع الجنين اذا ما قلب مره ثانيه
احتمال اولاد قيصريه وانا ما ابيها والله يسهله

وهذا اخذاته قلت يمكن اكون مشغول والبنوته تصيح اشيله فيها وبعدين زوجي ما يعرف يشيل
البيبي عشان يتعلم كيف يشيله

ويييييه فراشة صج لا تقولين اشلون بعد الجنين بالعرض
والله كنت شاكه الشهر اللي فات كانت رجوله تحت والراس فوق وكان لما يرفس احس بالم من تحت
والشهر هذا بالعرض يا ساتر يارب وش هالجيل المشاغب مب عارف يستقر على حال
الله يهديهم بناتنا شكلهم من الحين مشاغبات و رواعي مقالب ههههه
بس ماعليه لسه قدامنا وقت نمشي ويتعدل الوضع انشاء الله

الحمد لله على ثبات السكر عندك ومشكورة اختي افدتيني عن سالفة الكالسيوم

واللي شريتيه صج ينفع خصوصاً للرجال لان اغلبهم ما يعرفون يشيلون الجاهل
يمسكونه بطريقة كنه بيطير من ايديهم ههههههههه

مشكورة اختي
ماقصرتي

العفو اختي ميلاد حنا هنا نفيد بعضا

ايه الله يعين شكل والله البناتنا راح يجنونه يلعبون دخل على مزجهم

اما على الوضع الدكتوره قلت لازم اكثر مشي عشان تقلب وتزل تحت لا
تجالس فوق

ههههههههه صحيح الرجال ما يعرفون يشلون البيبي الصغير يقول يخوفون يعرونه

هلا كروشات أخباركم إن شاء الله كلكم بخير وببياتكم كلهم بخير
حبيباتي ميلاد وفراشة شدوا الحيل وعليكم بالمشي علشان البيبي ينزل راسه على تحت وأنا سمعت إن لم تقرين قرآن وبصوت مسموع البيبي ينزل راسه على تحت لأنه من يسمع القرآن يسجد

انا موعد ولادتي 10-3 انشاء الله اولد بسلامه ودعواتكم معاي:21_201:

صباح الخير كرووشات

كيفكم ان شاء الله بخير

هلا دلوعه كيفج الحمدالله انا اقراء القران دائما
وان شاء الله راح امشي كل يوم بس مدري كم ساعه في اليوم امشي
وريلي مو كل يوم موجود معي عشان يمشيني

لنور الساطع هلا فيج معا والله يسهله علينا يارب

سلام عليكم كروشات
شلونكم
انه وياكم انشاء الله ٢٦/٣/٢٠٠٦ ولادتي

!!Me!!;8641403:
سلام عليكم كروشات
شلونكم
انه وياكم انشاء الله ٢٦/٣/٢٠٠٦ ولادتي

رجعتينه ثلاث سنوات ورا ههههههههههه عيل بتولدين سنة 2006 :rolleyes:

إيش صاير إشفيهم عيالنه كله مفترين الله يهديهم بس آنه بعد آخر مره رحت من إسبوع قالت لي الدكتوره الياهل راسه تحت وكلشي تمام والحمدلله بعدها بثلاث أيام رحت مره ثانيه تقول الراس فوق :eek: قلت لها إشقالبه تقول عندج مجال بعد إسبوعين يرجع يعدل وضعيته وآنه من يومها من أحس بحركه أقعد أحلل مره أقول هاي الريل فوق أكيد إنقلب ومره أقول يمكن يد مو ريل والله جنيت شيصبرني لي موعدي الياي بعد إسبوعين

يارب تحفظ عيالنه يارب

عندي سؤال يعد إنتو من قال لكم إنه المشي يعدل الوضعيه ؟
آنه سمعت من المنتديات إنه الحبي يفر الياهل بس أخاف أسأل الدكتوره تضحك علي
من عندها خبره ؟

والأخت إلي سألأت عن حبوب الكالسيوم قولي لنه شنو قالت لج الدكتوره متى نوقفه لأنه العلبه عندي بتخلص على نص هالشهر وحرام أشتري علبه ثانيه فيها 60 حبه بس حق جمن يوم فإذا المفروض نوقفه من نهاية الشهر الثامن ماراح أشتري غيره

لاعت جبدي من هالحبوب متى أفتك منهم وأقطهم كلهم صايره صيدليه متنقله :confused:

السلام عليكم ورحمة الله وبركاته

لا ما شاء الله التجمع راجع يصحصح من جديد.. عشان الجو بادي يدفى يعني ههههه

دلوعة بودي
حياك الغالية .. اخبارنا مثل ما قريتي والحمد لله على كل حال
ومشكلتي مع المشي مشكلة زوجي مو فاضي يمشيني ومايرضى يخليني امشي لحالي
استنى اروح لهلي آخر الاسبوع وابداء المشي
والله انهلكت اكل وجلسة على النت ومن انسدح شوي نمت من التعب وارجع اصحى
معصبة ما تهنية بنومتي من بنتي ولا من الشد اللي يجيني بساقي
وعلى الله يا بنات الحلال
قرايت القران ..انا اعترف اني مقصرة والله بس انشاء الله ولازم اليوم ابداء

مشكورة .. ولا تقاطعين

النور الساطع
حياك اختـــي بيننـــا وانشاء الله تستفيدين وتفيدين
والله يقومك ويقومنا بالف خير وعافية

الاخت !!Me!!
ههههه اجل ولادتك 26/3/2006
ماشاء الله خبره والد من ثلاث سنين
كل عام وانتي بخير الغالية
واللي آخذ عقلك
والله الوحدة منا ماعادت تقدر اتركز بشي الله المستعان
وعلى اجر انشاء الله
لا تقطعينا وانشاء الله تفيدينا وتستفيدين
حيـــــاك الله ..ولا تزعلين منا نمزح معك

السلام عليكم كيفكم ان شاء الله بخير

me هلا فيج اختي الله يسهله عليج الوحده مو عرفه شنو تكتب في هذي الفتره

مراوي22 هلا فيج كيفج ايه مما ندري ايشفيهم في البطنا ويلعبون على كيفهم
وعلى الحبوب خلاص لا تاخذين كالسيوم بس استخدامي الحليب بدل عن او مشتقتقه هذا اللي قالت
الدكتوره للي بس الحديد للي استخدام

ميلاد كيفج واخبار الوضع الجنين انا احس تغير بس لسه فوق مشدود

هلا مراوي 22
اي والله اشفي عيالنا كله مفترين هههههه
الله يصلحهم ويتمم عليهم وعلينا بالصحة والعافية
بس تمام بما انه بثلاث ايام افتر معناته ممكن يغير وضعيته بعد بثلاث ايام
ولسه قدامنا وقت انشاء الله

بالنسبة لمن قالنا ان المشي يعدل الوضعية
الكذب خيبة ..انا محد قالي ..بس لبي امشي اصلاً مليت من الكسل والشد
وزيادة الوزن على قلة سنع ..وسالفة الحبي ما ادري
مفاجاة وبعد كل شي جايز هالايام

حبوب الكالسيوم في بنتي الاولى قالوا لي من بداية الثامن خلاص
اوقفها .. والحين استنى موعدي بعد يومين واتوقع تقول لي خلاص وقفيها

ويالله هانت قريب انشاء الله نسوي تصفية على صيدلياتنا