تجمع الحوامل اللواتي يلدن في شهر اذار( مارس 3) 2009

هلا ..وعليكم السلام ورحمة الله وبركاته
حياالله فراشة بين الزهور
صباحك ورد اختي .. من اشوف نفسي فاضية شوي اقول
خليني اشبك نت اشوف فراشة شخبارها وش عندها جديد
ماشاء الله انتي ماشاء الله اكثر البنات تواصل الله لا يغير عليك

وضع الجنين ..ما ادري والله مو حاسه تغيير بس الحموضة هاجدة هاليومين
وعلى قولت مراوي 22 قاعدة بس ومن احس باي حركة احلل اذا راسه من هنا معناته هي ايده وهالحركة رفسة وهذي مدري وشو بس عظامي والله من اجلس ماعاد اقدر اقوم احس كن حوضي بيطق
اسفل ظهري يتنح ساعات لا في الوقفة يريحني ولا بالجلسة
وربك كريم الغالية

انتِ كيفك اليوم انشاء الله تمام

الله يعينه ويا هالكسل
تصدقون يوم الخميس قلت حق زوجي أبي أروح أتمشى شوي في الستي سنتر قالي شيودينه في هالزحمه قلت له لا لازم أبي أمشي من هالشهر

الله وكيلكم أول لفه وإلا مت من التعب حسيت بشد فضيع على صوب بطني كنت أحس إنه الياهل قاعد يتمقط في بطني ومتكور على صوب إلا قلت حق زوجي خل نقعد إهنيه في الكوفي شوب وإلا يقول وين إلي تبي تمشي :ss:

صج إفتشلت وبس رجعنه وماكملت

آنه إلي أفكر فيه إشلون بعض الحوامل يخلصون 40 إسبوع :eek: آنه في حملي الأول وصلت 36 إسبوع وولدت وإن شاء الله هالمره بعد أولد بالسلامه وما أطول لي 40 إسبوع بس صج لين أحس بهالآلام آقول مساكين في نهاية التاسع أكيد الآلام بتزيد وبتتضاعف

الله يهون علينه إن شاء الله

الحمد الله بخير والله من البارحه انا ما جني النوم عدل

واليوم احس ان البنوته غير شكل الوضعيه صار على جنب
هذا احساس بس وسمعنا خبر ان اخت ام ريلي توفيت الصباح
يعني التمشي راحت راح احوس لوحدي في البيت

مراوي22 الله يسهله علينا يارب بس كم ساعه المفروض امشي

ايه عادي اصل اذا تحرك الجنين تحسي بثقل وشلون نمشي وهو يتحرك ما نقدار

يالله هانت والله يسهله

شفتوا شلون .. بولد قبل ٣ سنوات
والله مو مني من الالم اللي تذبحنا
احيانا احس ابي اكتب الرد وبسرعه اقوم انسدح .. وايد احس بالام في ظهري
اتصدقون اول يوم اطلع اتمشى امس
وتعبت بسرعه ما خذيت حتى نص ساعه وقلت لريلي خل نمشي تعبت

الا بنات بسالكم
كملتوا كل شي ... ما تحتاجون اتروحون السوق بعد ؟؟؟

دخلت ادور الموضوع الا وصل الصفحة الثالثة كل هذا من التعب يا كروشات؟؟؟؟؟


الله يهون على الجميع ان شاء الله انا اليوم كنت عند الدكتورة وقالت لي ان كل شي اوكي الحمدلله
بس التعب زايد وعطتني موعد على بداية التاسع يعني بعد اسبوعين الله يسهل على الجميع ان شاء الله

خلنا انشوف الردوووووود

مراوي 22
انا بعد اتمنى من الله ما اطول واولد اول التاسع في بنتي كملت 40 اسبوع بالتمام
ييييييييوه ملل وتعب وهدت حيل

تدرين عاد خاطري اطلع اتمشى بس احس لو بيقول لييالله بقول له تعبانه مافيني حيل
حاسه نفسي كله مهدودة
الله يعين يهونها انشاء الله واتسهل بدري

فراشة بين الزهور
الحمد لله على كل حال اختي
والله يرحم ميتتكم ويتولاها بواسع رحمته
بالنسبة لكم ساعة اذكر في بنتي
قالت لي الدكتورة ابدي بالتدريج
من نص ساعة اول اسبوع وشوي شوي زيديها
س مو اكرة لكم يمكن ساعتين
خلنا نشوف البنات اشعندهم

بنـــــــــات تدرون كــم ساعـــة المفروض نمشـــي باليـــوم ؟

ومن اليوم بديت وقريت قرآن
احس نفسيتي احسن وحتى الشد اللي بجسمي خف سبحان الله

ترنيمة شــاعر
هلا اختــي مطول الغيبــات
بالنسبة للحركة اللي مو طبيعية عادي
هالايام ماعاد في شي طبيعي بالحمال
وهالجهال الله يصلحهم يتشقلبون ويلعبون جمباز قبل يطلعون للدنيا
مدري اش مستعجلين عليه
شدي حيلك وخلصي الاغراض مدام عندك فرصة هالايام ما تدرين وش الجاي
ولا تقطعينا

الاخت !!Me!!
الحال من بعضه الغالية شدي حيلك
وبالنسبة للاغراض لا والله اختي بعد انا عن نفسي
باقي لي اكثر من النص احس كني ماسويت شي
استنى اروح عند اهلي نهاية الاسبوع واشتري السرير والرضاعات
واكمل الناقص من الداخليات لي وللبيبي
واغراض المستشفى
والله كريم

دمعــة شــوق
الحمد لله اختي على الصحة والعافية
وعقبال ما تبشرينا بولادتك
يا ســلام
والله احساس حلو بعد الولادة الوحدة تحس حِمـــل ثقيل
وانزاح ..صحيح انه بداية مشوار وتعب ورضاعة وسهر بس يظل
الاحساس بعد الولادة وانتهائها على خير شي مميز

طمنينا عليك

هلا كروشات كيفكم ان شاء الله بخير

ميلاد انا بدايت امشي اليوم نصف ساعه

وان شاء الله راح ازايد كل يوم والله قراءة القران تخلي الوحده مرتاحه

اما على التجهيزلت باقي للي لسه ما خلاصت بس بحل اخلاص كل شي

هلا فراشة حمستيني
خلاص احاول من بكرة امشي نص ساعة >> وحدة غيرانه
هههههه
حتى لو في البيت بين الغرف صح طفش بس اسمها حركة
والحركة بركة انشاء الله

هلا كروشات كيفكم إن شاء الله بخير
حبيباتي أنا للحين ما بديت مشي بس يدوب أمشي في البيت وأتحرك وايد وأرتب في البيت بس لأن لم جربت أمشي في بداية الثامن نزل علي دم فخفت أربي وقلت للدكتورة قالت لي لأن المشيمة نازلة وايد تحت
بس أنا أبي أمشي شو رايكم أبدي مشي على الأقل نص ساعة

صباح الخير كروشات

كيفكم ان شاء الله بخير

ميلاد ايه امشي في البيت اشوي والله يسهله عليج يارب

دلوعه اول شوف اذا لسه المشيمه نزله لا تمشين على التاسع امشي

والله يسهله على الجميع

صباح الخير

شخباركم اليوم

آنه حالي مايسر خاطري آخذ إجازه من الدوام بس مخليتها حق بعد الولاده حدي أتعب مايوصل نهاية الدوام وإلا ريولي مورمه حدها ما أقدر أسجد للصلاه منها أحسها بتنفجر ولين رحت البيت أحاول أرفعها بس ماقدر أطول على ظهري أحس بختنق وأصلاً بعد مايفيد

يالله هانت

الحمدلله خلصت أغلب أغراضي بس باقي لي أجهز شنطة المستشفى وأمس رحت خذيت أغراض حق التوزيع قلت بسويهم بروحي والله طلعو علي أغلى من بيع السوق الكاكاو ويا الزينه تقريباً 80 دينار :eek: لو شاريه بارز جان إفتكيت من العباله بس ماعليه آبي أتعب عليهم عشان أحس إني سويت شي من قلب

بنات من عندها أفكار حق تزين الصينيه ؟ أمس خذيت صينيه خشب بس ماعرفت إشلون أزينها يعني بشنو أغلفها وقمت رجعتها قلت باخذ أفكار من النت صديقتي تقول وديه محل في جدعلي بيسونه لج بس آنه حابه أسويه بروحي

ومن تعرف فكره حلوه حق تزين باب غرفة المستشفى في بنتي سويت عند محل لامركيز فلين على شكل غصن مكتوب عليه ولكم ومروه بس هالمره أبي شي غير

يالله عطوني آرائكم يالخبيرات وأهم شي لاتنسون الصينيه إشلون أزينها

ربي يسهل على الجميع يا رب

الحمدلله ريحتوني
افكر بس انه اللي ما كملت تجهيزاتي
كل يوم اقول بروح السوق ويطلع زوحي عنده شغل

دلوعه حبيبتي لاتمشين الحين دام المشيمه نازله
انتظري في التاسع امشي

ترنيمة يالله حاولي تكملين من الحين لا يصير عليج تعب بعدين

مراوي في وحده حاطه من قبل ان عندها تاجير استاندات لعند باب غرفة المستشفى على شكل اهرامات
اظن شفت الصور في موضوع تجهيزات حوامل البحرين

ميلاد الحركة زينه مو شرط تطلعي بره البيت صج بره احلى ويضيع الوقت اسرع بس مو كل يوم بتقدرين تطلعين (a)