وزنك في الخمسين وتتمنين الأربعين
هنادي دبي
17-10-2008
146 رد
16,329 مشاهدة
هيك بدها الدنيا;7549722:
انا باذن الله لراح اكون معكم
بس عندي سؤال انتم متفقين على رجيم معين ولا كل وحده تسوي رجيم على كيفها ؟؟
بس انا مشكلتي مقدر اقاااوم الاكل وبسرعه اجوع يعني الرجيم الي تسوينه ماتحسين بالجوع ؟؟
هلا أختي .. حياك الله معانا
بالنسبة للرجيم مافي نظام معين
كل وحده تدخل وتكتب يومياتها .. يعني مو ملتزمين بنفس النظام
أنا من اليوم بديت رجيم السوائل .. يعني شوربات وعصاير وحليب
كل شي سائل وخفيف .. والاسبوع الجي بنشوف الوزن .. وربك كريم
هلا أختي علكه
جبتلك صورة الحريروه - الحبة الحمراء - وإذا اشتريتيها
خبريني وأعطيك الطريقة .. وطعمها حلو وايد ..
الحين أكيد عرفتيها .. يمكن أختلاف الأسامي بس ..
انا الصبح شربت ماي حار وليمون
ووبالكليه شربت عصير اناناس
والغدا شوربه وستيك دياي
وكليت كيك اشوي خربتها :)
والعشا توست وجبن ...:)
هلا بالحلواااااااااااااااااااااااااااااااااااات كلكم
تفطرت نص تفاحه وكوب مويه وقضمتين من فطيره الجبن لوزين ...وطلعت امشي على طوووول ...مشيت تقريبا 50 دقيقه او اكثر شويه ..ورجعت وشربت كوب مويه ...وماكلت شئ الا الساعه 9..سمكه متوسطه مقليه مع ازالةالجلد ..وروب خالي الدسم مع شطططططططططه وبس ...والحين تقريبا الساعه 12 وشوي اشرب شاي اخضر بالنعناع ....وسلامتكم
تسلمين يالغاليه هنادي ....وانا بعد فرحت لك كثير على النزول ....تصدقين اني كنت خايفه اني ماانزل الا نص كيلو اما ما انزل شئء ....بس الحمدلله ..وان شاء الله ننزل هالوزن الزايد بصحه وعافيه ...
رجيم السوائل ...شكله يجوع ولا ايش ...قولي لي علشان يمكن اسوي وياك ...وبالتوفيق
هلا بالاخت الجديده ...(هيك بدها الدنيا ) اسمك حلووو بس مو بس الدنيا الي تبي حتى احنا نبي ...واذا تبين تخسرين معانا وزن ...حياك الله بيتك ومطرحك ...وان شاء الله لما تنزلين لو كيلو نسمع منك دعوه حلوه بظهر الغيب وتشجيع ......
مثل ماقالت لك الاخت الغاليه هنادي ...مافي رجيم معين .. شوفي مشاركاتنا السابقه ...تدل ان احنا كنا نقلل من حجم الحصه يعني بدل ماتكليها كلها نصها فقط مع سلطه او شوربه ...
ابعدي عن المقليات باكبر قدر ممكن والنشويات والحلويات والمعجنات ...
بعطيك خيارات ....الصباح كوب حليب قليل الدسم من غير سكر مع كورن فليكس الرشاقه
الغدا صدر دجااجه او قطعة لحم او سمكه مشويه او مسلوقه او حتى مقليه بس المهم قبل لا تاكلي تنشفي الزيت تمام تمام تمام .....كليها مع روب قليل الدسم بدل الخبز او الرز ...وتفاحه وكوب مويه
العشا نفس الغدا او انك تكتفين بعصيرات مثلا الاناناس والكيوي وشريحة اناناس او سلطه خضراء او سلطه فواكه ...............هذي مجرد خيارات وانتي وراحتك ...ممكن تسوي رجيم السوائل او رجيم خاص او تخفيف عادي ....
.>بقول لكم حاجه بعترف لكم .....
>
>
>
>
>
>
>
>
>
>
>
>خاطري جاي على ايس كريم باسكن ...اهي اهي ولا حبة شوكولاته
تسمحون لي يافريقي .....
صباح الورد
البارحه السبت : فطوري كان كوب حليب بالنسكافيه
الغدي شوربه .. بعدين دايت سفن أب
العصر : حليب بالنسكافيه .. المغرب : شاي حليب
بعدين شربت عصير برتقال .. وبس ومافي رياضة
أختي علكه : بالنسبة لرجيم السوائل .. لازم كله سوائل تشربين يعني مافي أكل
تريحين أسنانك هههههههه
والمسموحات : العصاير بدون سكر .. الشوربات
الحليب .. الروب .. الشاي والقهوة .. مشروبات غازيه
وكل شي خفيف وبدون سكر ومو مسموح أكثر من 10 أيام ..
وسلامتك ياحلوه ..
ممنوع الايسكريم .. بس حبة شكولاته مسموح
هاااااي بنااات
السمووحة منكم بس مشغوولة حدي مع الامتحانات وهالسوالف
وو نزلت نص كيلو << الحمدلله على كل حال
اليوم فطرت حبة بانكيك وعصير برتقال
وفالمدرسة ماكلت شي
والغدا كلت ربع دجاجة والباقي كله سلطة وشوي جبس
وو بس العشا بكوون عصير مثل ماتعودت
ه
هيك بدها الدنيا
عروس جديدة
27-10-2008 | 08:10 PM
ياهلا فبيكم يابناااات
اليوم بديت رجيمي
فطرت كوب حليب وسندويش اسمر مع جبن
والغدا خبر بر مع جبن وحليب قليل لدسم
واشرب ماي بين الوجبات
ومشييت نصف سااعه
والعشاذ حمص
ه
هيك بدها الدنيا
عروس جديدة
27-10-2008 | 08:12 PM
مع خبز بر وسفن دايت وان شالله بستمر على كيذا
بس المشكله المزاان خربان بشتري جديد
هلا أختي : ايرما
لك وحشه .. وحمدلله على السلامة
مبروك نزول النص كيلو وإن شاء الله المره الجايه أكثر ..
أختي : هيك بدها الدنيا
ياهلا فيك .. نظامك حلو وخفيف
إن شاء الله توصلين للوزن اللي تبينه ..
أختي : هيك بدها الدنيا
الله يوفقك وينزل وزنك ..
اليوم الأثنين
فطوري كوب حليب .. الضحى روب أكتيفيا
بعدين كوب حليب .. وعصير برتقال ..
المغرب حليب بالهال .. بعدين عصير برتقال
وروب .. وحليب ..
هذا النظام أخذته من وحده من صديقاتي وهو عبارة عن :
4 كوب حليب بالنسكافيه أو الشاي
3 عصير برتقال بدون سكر
2 روب قليل الدسم
وهو يكسر ثبات الوزن .. وبشوف بكره تغير شي ولا لا ..
مرحبا بنوتات
انا اليوم الصبح شربت ماي حار وليمون
وبالريوق شربت عصير اناناس بس
والغدا شوربه فطر
العشا توست وجبن وطماط
:)
هلاااااااا و غلااااااااااا
اليوم الثلاثاء شوي خبصت ..
الفطور : كوب حليب ونسكافيه
بعدين أكلت تويكس الأبيض جديد أول مره أشوفه
الغدي : شوربة ودايت سفن أب
العصر : كابتشينو
قبل المغرب : قطعة كيكة بالكاكاو ... وايد وايد خبصت
بعد صلاة المغرب .. مشيت على عالجهاز 45 دقيقه
وسويت تمرين بطن 50 مره وتمرين المقص 50 مره لكل رجل
وتمرين القرفصاء 50 مره وبس .. عندج جهاز الأوربت ترك بس ماحبه متعب ..
وسلامتكم ..
ماشالله عليكم يابنات ...
انا اكبر وحده هيازه فالامارات:o
YASMEEN33;7573678:
ماشالله عليكم يابنات ...
انا اكبر وحده هيازه فالامارات:o
لا أختي خلي عنج الهيازه
وإن شاء الله بتتحمسين وبتشاركينا ..
هلا
كيفكم
اسمحوا لي ماكتبت يومياتي امس
بالنسبه للامس الاثنين
تفطرت المغرب كالعاده نصف تفاحه وكاس مويه وطلعت الممشى امشي ..تقريبا 40 دقيقه وتمارين لمده 10 دقائق ..وبعدها ماكلت الا الساعه 9ونصف ...طبق (بيض مع طماطم ) وسلطه (خس وخيار) مع لبن قليل الدسم .......وبس الى الساعه 12 كليت حبتين جالكسييييييييي.....واااااااي مكسوفه من حالي ومنكم وكليت فطيره جبنه..مع عصير مانجو ..........>>>>>>>>>قمة التخبيص
والسحور كليت دجاج على الفحم مع سلطه ....وبس
اليوم الثلاثاء ...تفطرت شريحتين بطيخ الاحمر مادري شنو تسمونه جح او حبحب ....مع مويه وماقدرت اطلع امشي احس كان فيها التواء ...ما اقدر اخبط على الارض فسويت الي اقدر عليه تمارين لمده 20 دقيقه ...وماكليت الا الساعه 8 ونص ...صدر دجاجه مسلوقه مع طماطم وشرايح بطاطس ...وروب خالي الدسم بالشطططططططططططططططططططه ...والحين الساعه 2 تقريبا كليت مثلجات بالتوت ...وناويه اتسحر بعد ساعه كورن فليكس الرشاقه مع حليب قليل الدسم وشريحه جبن خاصه للدايت وشرايح طماطم..........
والحين استودعكم
هلا هنادي ...اشدعوه ليش ماعطيتيني اذوق الكيكه ...ولا لك لوحدك
........................يالله يابنات ....شدوا الهمه باقي 3 ايام على الميزان خلونا نشجع بعض علشان مانخبص وناكل اشياء تحرمنا من نزول هالشحووووووووووم
انا بصراحه ...عندي عزومه الاسبوع الجاي ...وناويه اخليهم ينهبلون عليا ...وعلى رشاقتي
.................فكرت اشتري لي عصير اناناس ...وش رايكم ولا الشاي الاخضر افضل
بااااااااااااااااااااااااااااااي
هلا وغلا علكه .. هلا ياعمري
شوفي ما بغيت أعطيك من الكيكه عشان ما اخرب عليك
لا تنسين نحن في بينا منافسه وأنا مو غشاشه عشان أخرب عليك
هههههههه شفتي أني أحبك وأبيك تصيري كشخه في العزومه الأسبوع الجاي ..
المهم البارحه قريت موضوع في منتدى ثاني عن وصفه عجبتني ومن بكره
ببدأ فيها وهي :
انها وصفة سهلة جدا و لا تحتوي على مواد كتيرة مند اول استعمال تظهر نتائجها
و هي مضمونة و بدون اعراض جانبية حيث تخلص جسمك من الشحوم الزائدة
و تعيد نحت جسمك ليصبح رشيقا جميلا و دون ترهلات .. نبدا على بركة الله
المقادير :
تفاحة متوسطة الحجم من الافضل تفاح اخضر
ملعقة كبيرة زعتر مطحون
الطريقة :
قشري التفاح تم قطعيه الى قطع صعيرة تم اغمسيه في الزعتر و ااكليه
من الاحسن في الصباح على الريق قبل تناول فطور الصباح ب 15 دقيقة على الاقل
من المعروف ان عملية حرق الدهون تكون من الفجر حتى الساعة الحادية عشر صباحا
لدى اختير هدا التوقيت لتناولها حتى تعمل مع حرق الدهون ..
بس .. والله كريم
بنات اسمحولي حبيباتي مااقدر اكمل معاكم الرجيم هالاسبوع
عشان طبعا الدوره
واتمنى لكم التوفيق وتصيرون رشيقاااات وعاريس ونشوفكم احلى عروسات ان شاءالله
واللي متزوجات الله يوفقكم ويهنيكم ويخليكم لريايلكم يارب
أختي : حاملة الإيمان
سلامتك .. وننتظرك بعد ماتخلصين الدورة
وشكراً على دعوتك الحلوة ..
هاااااااااي
اهي اهي اهي ....لا لا لا
لا لا
لا لا
لا لا مستحيييييييييييييييييل
انا مو قادره استحمل ...
تهاوشت مع ريلي وحطيت حرتي في الاكل ...اكلت الاخضر واليابس
مع اني فطرت الصباح تفاحه خضراء وبيضه مسلوقه وكاس شاي اخضر
والغدا سمك مشوي مع سلطه وتفاحه
اما العشاء وما بعد العشا ......اهي اهي اكلت صدر دجاجه على الفحم وربع رغيف خبز وبطاطس مقلي ..وشربت كوكا كولا وكليت تويكس وفص فص (لب ) يعني ...خايفه من الميزان
.....خايفه يروح التعب ...مو بس تعب هالاسبوع.. حتى اسبوع الي فاااااااااااااااااااااات.....
الحقوني
ابي شئ يطلع كل شئ ....علشان مايتخزن ..شحوووووم
لأ ....مستحيييييييييييييييييل ....
وينكم
اهي تهي اهو اها ...>>>>>جميع النغمات للبكي والنحيب