**رابطة شلة بنات رجيم الدشتي((الجزء الثاني)) حياكم**

هلا بنات ...
كيفكم اليوم...؟؟؟
انا اليوم الحمد الله بديت بالرجيم
قمت كالعاده متأخر شربت كوفي ميت مع نسكافيه بدون كفين
واتغديت كوفته من حقت البيت مع صحن سلطه (والحمد الله)


بنات ساعدوني والله فيني حماس (ما شاء الله)
وان شاء الله يستمر للشهور القادمه
انا وزني 100 وهدفي70
يعني ان شاء الله تنزل ال30 كيلو ومعها وصايه 2او 3

دشتيات كيفكون خخخخخخخخخخ... ام عزيز حبيبتي بما ان الزيادة في الوزن كبيرة انصحك بعمل تمارين رياضية مثل تمارين السلم او المشي لمدة 30 دقيقة ........عشان النزول يكون اكثر

وثاني شي حبيبتي حدد ووزن اولي كهدف لين توصلين له يعني انا ووزني 94 اول هدف لي 84 بعدين 74عدين 64 واخر شي 58 وحطي في بالك فترة مابين 6 شهور لي سنه عشان النزول يكون مضمون وبلا عودة والاهم انك ماتحسين انك مضغوطة وملزمة يعني خلنا نقول اول هدف لك يكون 95 او 90 عشان لو نقصتي يكون الهدف قريب وما يجيك احباط وعلى نفس الطريقة لين الهدف المطلوب
تحياتي لك ودعائي بالتوفيق والله معك وحياك معنا من جديد

حيااااك ام عزيز معانا وعساك عالقوه وصراحة انا مرتاحة مع هالرجيم لان مافيه حرمان اليوم رحنا الظهر للسوق انا واختي وكانوا الصغار بالملاهي ولما خلصنا قالوا بنتغدا واشووووا لقيت في هارديز البرجر الي بالخس كان حلوو واخذت معاه سيزر سلط من غير الخبز ولما جاء بالليل في بيت اهلي كنا مجتمعين علعشاء وارسلته جاب لي شاورما صحن فانبسطت اني ماخربته والحين اشرب شاهي اخضر ونفسيتي تمام لاني راضية اني مو حارمه نفسي وكمان منتظمة

سلاااااااااااااام
شخباركم؟؟
سمعت ضحوكة تناديني يالدبة جيت على طول هههههههههههههههه
شخباركم وشحتوين
صار لي يومين اروح بيت ابوي وماارجع الا متاخرة وعلى طول على الشغل
والله هالشغل مايخلص
واليوم كلش راسي يعورني عدل ماادري من شنو
يمكن من الدورة
اليوم ثاني

حرم سعادة الوزير البطاطس ممنوعة
وحتى الشوربة انتبهي حق الاشياء الي فهيا مو كل خضرة مسموح فيها

هلا والله بام عزيز
نور الموضوع
شخبارك؟؟

ان شاء الله تستفدي من موضوعنا
وتشجعينا ونشجعك

واني مع بعيدة عن اهلها لازم يكون في يوم للوزن علشان يكون في حماس
وتشتجيع اكثر
انتوا حددوا اليوم الي يناسبكم

بنات كل وحدة تكتب شنو نظام اكلهاف ياليوم
يعني تدخل تكتب شنو تفطرت وتغدة وتعشت
علشان البنات الجدد يعرفون طريقة اكل هالرجيم

بنات بكرة العصر بروح اقدم على شغلة ادعوا لي بنات
اتكون من نصيبي اذا لي فيها خير
ان شاء الله تكون دعواتكم مستجابة

هلا بالدشتيااات...ومشكووووورين علىالترحيب
والله انكم شجعتوني اكثر...والله يريح قلوب الجميع

واحس اني مرتاحه نفسيا(ما شاء الله)

غداي مثل ماقلت كفته وسلطه
وبعدها شاي
والعشاء من هارديز مثل بعيده عن اهلها...و ولد اخوي الي مسوي
من قبل الرجيم وحمسني اتصلت فيه وعزمته على الوجبه...
وبعدها شاي اخضر....والحمد الله

بنات وش رايكم بــ شاي الرشاقه لو باخذ منه بس بالليل
والله انه ينظف البطن...ويمنع الامسااااك!!!!

مشكوره بنات على مساندتكم لي والله يوصلنا لهدفنا
وعلى فكره ضحكه هدفي الاول هو 80 او85
الله كريم

اهلين دشتيات كيفكم شخباركم هلا والله بام عزيز وان شاء الله يدوم حماسك اكثر وتوصلين لهدفك ام عبادي القمر ان شاء الله تتوفقين وادعي لي انا عندي مقابله في البنك الاسبوع الجاي ادعولي اتوفق يارب اما عن نظامي اليوم انا صحيت فطرت عيالي وانا افطر النونو اكلت ملغقة سيريلاك بس شوي وبعدين شربت كافي والمغرب سويت لي كري دجاج بس بدون زبادي بدلته بكريمة الخفق بس طلع مره يجنن عجب زوجي كثير مره خفيف وشربت دايت سفن اما العشى اكلت ملعقه بنات بيتر بس مااكلت شي مالي نفس والحين اكلت دارك شوكليت بس بدون سكر خاص للرجيم اكلت قطعه

بنااااااااااااااااااااات تكفون ادعولي ارجع رشيقه زي قبل والله والله مااكذب عليكم جسمي كاااااااان خطيييير الكل يحسدني عليه صحباتي وقريباتي دايم يسموني شكيرا لا جسمي مثلها بالظبط للحين محتفظه بملابسي اللي كان فيها مقاسي 8 والحين مقاسي 16 حرااااااااااااااااااااااااااااام

الله ينولك اللي في بالك ويثبتك يا رب..... حرم الوزير انا كنت ارشق وحدة في العيلة والحين انا ................. فيل العيلة خخخخخخخخخخخخخخخخخخ يالله ربي ان شاء الله يريحنا ويعطينى الارادة وان واصل انا محددة لنفسي سنة وراح ارجع ان شاء الله .... السنة اللي فاتت في الصيف 3 شهور ربي كرمني ونزلت من 95 لي وصلت 75 بس مادري وش فيني رجعتهم بسرعة .... وربي فرحت بس يا فرحة ماتمت ......... انا زوجي مسافر في دورة وراح يرجع بعد 6 شهور وابي اسوي له مفاجئة واعتقد الوقت كفاية ان احقق شي بسيط على الاقل والله البنات هنا مو مقصرين .......... وهذا هو الدافع بس ياريت كان في شات كان قدرنا نتواصل اكثر يالله الله كريم

خخخخخخخخخخخخخخ بنات للي مشكك وضايعة في لغتي انا امي سعودية وابوي بحريني ههههههههههههههه عشان كذا اتقلب خخخخخخخخخ كلمة من هنا وكلمة من هناك هههههههههههه لا والقهر اللي يشوفني يحسبني ايرانية ههههههههههه والله خلطة عجيبة ههههههههههههههههههههههههههههه مزيج جينات مو طبيعي

ام عزيز ان شاء الله توصلين لهدفك وهذي اول خطوة اساسية وثاني شي انتبهي لا تقولين لحد انك مسوية رجيم عشان ما يشتغلون عليك بانواع التعذيب والاحباط

ام عبودد يارب تتوظفين والله ييسر لك كل امورك ويفتح لك ابواب الرزق من اوسعها


وانا شوف انسب يوم للوزن اليوم اللي حددته بعيده

بالنسبة لفطوري لحد الحين مومشتهية شي بس راح اشرب نسكافيه خالي من الكافيين مع حليب كريمورا

ام عزيز اخذي لك منه هذا يناسب الرجيم اكثر لانه من حليب الصويا وطعمه زيي الكوفي ميت بالضبط
الكوفي ميت من منتجات الحليب وفيه كربوهيدرات اكثر

الغدا كوراللحم مقلية مع كوسه واحط عليها شويةمن خلطة السلطة كنور اي نوع للتتبيل غالبا استخدم الخل والثوم او الزعتر

العشى شووربة.... كاتش يو ليتور

سلاااااام
شخباركم؟؟
بعد اشوي مقابلتي الله يسر امري ان شاء الله
وشكرا الى كل من دعى لي
حرم سعادة الوزير
الله يسر امرج ان شاء الله ويكتب لج الي فية الخير

اليوووووووم جاني الظهر اول ماصحيت من النوم امساك فضييييييع
بس الحمد الله عدى على خير
ماادري ليش هذا الشهر الثاني الي اتعالج فية ويصيدين امساك لما تجيني الدورة
قبل كان اسهال
بس مايندرى شسالفة

اليوم بعد معانتاي مع الامساك الله يكرمكم
مااتشهيت اتغدى
سويت لي سلطة
واكلت كم حبة تمر
كلش مضايقة من نفسي لاني قاعدة اكل
ادري وزني مابيزيد بسرعة بس ماابي اعود معدتي من جديد على اكلي قبل

والحين قاعدة اشرب شاي اخضر
علي شغل الدنيا في الشقة ابي اخلص شغلي قبل رمضان

ضحووكة سالتش قبل عندش جهال ماجاوبتيني؟؟
الظاهر بخلي كل وحدة اتخلي بطاقتها الشخصية هههههههه
الحين صارت اجباري كل وحدة اتخلي بطاقتها الشخصي كاااااااامل
من غير حذف اشياء هههههه

هاي بنات انا توني صاحيه مالي خلق شي اكلت ملعقة بنات ببببيتر ومالي خلق اشرب شي ااالغداوبنفس الوقت العشا بيكون برا بس مدري ايش بالظبط بقوم انام للمغرب تعبانه ولدي نصور ماخلااني اناام جنني يلا باي اشوفكم الفجر

ام عبادي حبيبتي
ازيك حبيبتي الف مبروك الموضوع الجديد ما شفته غير دلوقت

والله الف مبروك بس يارب ميخدكيش من موضوعنا لازم نلاقيكي منورانا علطول

هلا والله موررووو نور الموضوعي يالغالية
لا حبيبتي لا تخافي مااقدر استغني عنكم:)

بنات كل وحدة اتخلي بطاقتها الشخصية
خلينا نتعرف على بعض اكثر

حبيبتي ام القمر ممكن اشترك وياكم
انا مجربة الرجيم مرتين


وودي اجربه علشان اخس شوي قبل الحمال واوصل الوزن المناسب