وزنك فوق ال 80 تبين تضعفين للعيد تعالي شاركينا الرابطة لاول 7 مشاركات فقط

حبيبتي روح
ربي يخليك

لآ إن شاء الله بقدر , وبالعكس هيك رآح يزيد الحمآس للنحآفه لووووـل

الله يعين والله , وإن شاء الله لو مآقدرت آكيد ببلغك , بس بإذن الله بحآول

اوووووووووو قهر والله قهررررررررر

طول اليوم ماشيه تمام على الرجيم

والعشى زوجي بدون مايسالني ياب لي بيتزا

قهرررررررر ماقدرت امسك روحي واكلت خلاااااص توبه

بكره من الصبح بروح النادي بلعب رياضه

ادعو لي بنات بالاراده القويه

آمير , قلبي ,

حبوبه لآتضآيقي , عآدي كلي مآنقول مآتآكلي بس بحدود ,
يعني مثلآ حبتين آو حبه ونص وبعدهآ إشربي شآي آخضر(c) ,
على طول , والليل إمشي نص سآعه لو بالكثير
يعني وجبه وحده دسمه في الآسبوع ولآ تكثري , بس حآولي تبعدي عنهم , بس مو دسمه مره لآ يعني ,

آنا آول آمس آكلت 6 ملآعق كسبة مآقدرت آقآوم مآبحرم نفسي بس مآكثر ,

وبكرآ ,,

يعني آنآ عن نفسي مشتهية رز آبيض مع لبن , ولآصحيت الظهر بآكل مآبمنع نفسي ,

بس بحدود 10 ملآعق ولآ بآكثر ,

وكمآن مشتهيه تمر مع لبن , وبشوف وش آكل ,

بس آكلت رز هالآسبوع آعتقد بآكل تمر ولبن ,

وبشوف منه هنآ لظهر بشوف ,

آنا توي خلصت مشي 30 دقيقه آنهد حيلي مشيت بسرعه عآليه لذلك تعبت ,

ولا ودي 40 بس خلآص طفييت , وسويت تمآرين سريعه , لآنه فيني نوم ,
آخ بس قعدت آتشهى على أمي آقول لهآ ابي صآلونه وآبي دجاج بالفرن وآبي شيبس قآلت هآ وش جاك قلت تعبت آبي آكل , وآنا من العشآء مآكلت شي ورآه , والله قمت المطبخ واخذت لي خوخ حبه :confused: شنو هذآ تحطيم ,

بس بإذن الله , رآح آوصل لـ 60 , وخلونآ يد بيد ولآ يتغلب عليكم الآكل لآ آنتم آغلبوه ,

وأمير قلبي لآتزعلي , عشآن كلتي بيتزآء مآعليه حآولي قد مآتقدري تتركي الدهون والنشويآت ,

بس مو تحرمين نفسك ,


طولت مو , المهم بروح آخمد لآني خلآص منهلكه ,,

آشوفكم اليوم المساء ,

فمآن الكريم ,

مشكووووره حبيبتي وجع البوح على التشجيع

عاد انه من اول يوم رجيم بيتزا واكلت لي ثلاث حبات لاني كنت جوعانــــــه من جذي منقهره لا وقت متاخر بعد

انه مب عن احرم روحي من الاكل....اكل كل شي في خاطري بس كميه قليله لين تصغر معدتي
وتتعود على الاكل القليل( انه من النوع الي يضعف بسرعه ويمتن بسرعه)

هلا بنات
ما شاء الله على الحماس والله انكم حمستوني على الرجيم
بس ان شاء الله ابداء السبت وبيكون قاسي بالاول ويخف شوي شوي
خاطري اسوي رجيم الشوربه بس كل ما اتذكر الروتين(اكره شيئ عندي)
اتكيسل ...بس لا الرجيم ثم الرجيم(مافيش لعب يا بنات)
انا طبعا يومي عدي (فاكه حلقي على الاخر)يالله باقي الجمعه وخلاص!!!

السلام عليكم اخواتي
كان المفروض اقول لكم يومياتي مع الرجيم..بس انشغلت شويه اعذروني
وانشاء الله اكون على تواصل معكم عشان استفيد من تجارب الاخوات....


انا ماشيه على الرجيم تمام الحمد لله بس فيه بعض المشاكل اللي هيه:

اعاني من حاله امساك مضايقتني وماادري شو الحل قالولي شربي ماي بس ما فيه فايده.........

والشي الثاني اني عندي زياده في الوزن في منطقه الصدر والذراعين اكثر بكثير من بقيه الجسم وانا امارس رياضه المشي بس احس انه ما ينفع بالنسبه لي وما اعرف شو الحل؟؟؟؟

هلا اختي دره

العبي على جهاز الاوربتراك هذا الجهاز يحرك الجسم كامل

وعن الامساك اشربي من الصبح ماء دافي وانتظري تقريبا نص الى ساعه

واشربي شاي اخضر ..... اكلي سلطه واايد واكيد بطنج بصير اوكي

عندج الكوفي بعد يمشي البطن

سلام ياحلوت

امس كان عندي عزيمة فما تريقت بس تغدين سلطة لحم و شوية بطاطا مسلوقة و شوية شبس و بسكوتتين

ما تعشيت

يعني كان فيه شويه تخبيص


اليوم تريقت صمونه صغيرة مع شريحة جبنة

و راح اتغدى لحم مع سلطة

و العشا ان شاء الله فواكه مع زبادي خالي الدسم

و اي تغيير بالخطة راح اكتب لكم

و بالنسبة لرياضتي بين يوم و يوم على الاوربتراك مدة ربع ساعة + مشي و ان شاء الله ازودهم بس ينزل وزني كم كيلو لان اخاف اكثر الرياضة فما ينزل وزني بسبب العضلات

وجع البوح ما شاء الله عليك مسوية خوش حماس

باقي البنات وين الهمة اذا من البداية كسل الله يستر من الاخر

ملاك وينك مو مبينة فتحتي الموضوع و هربتي

صج بنات متى يوم التوزين لازم نخلي لنا يوم ثابت نوزن كلنا فيه

السلام عليكم

طبعآ اعتذر لغيابي و اصلآ ما شاركت معاكم ولا مرة لكن باذن الله راح اتواصل معاكم دائمآ

و ان شاء الله اوصل للوزن المثالي يارب

بدايتي مع الرجيم من 10 شهور تقريبآ و ماشاء الله تبارك الرحمن قدرت انزل 15 كيلو

و باقيلي 13 كيلو و اوصل للوزن المثالي :)

و هذا هدفي باذن الله ناوية انزلهم خلال شهرين و يارب تقوى ارادتي اكثر

نظامي الغذائي كل يوم اتريق جبن و قطعة خبز سمرة و محمصة

اتغدى لحم و سلطة اتعشى شي خفيف او فواكه و احاول قدر المستطاع مااكل شي بعد الساعه 7

بالنسبة للرياضة حسب المزاج مرات اطلع اتمشى




ابي نشجع بعض و لازم تقوى ارادتنا خواتي :wink:

السلام عليكم ورحمة الله وبركاته

استانست كثير بالتفاعل الحلو ما توقعت كذا بس الحمد لله ربنا لا يفرقنا ونخلص من ها الفترة مع بعض

قلبي سكن جدة

هلا حبيبتي كثير حلو نظامك بصراحة وما فيها شي لو اكلتي شوي رز مو تخبيص بالعكس بداية سليمة يعني نقلل من الاكل بس ما نحرم انفسنا عشان ما نرجع زيادة بعد الرجيم

وعن الخضار المطبوخة بالبخار انا نفسك بس ممكن تسوي معاها غموس حلو عشان تتبقليه صوص البيتزا الاحمر ثوم وطمام طازجة وفلفل اسود وشوي ملح واوريغانو واذا حبيتي ليمون تطلع حلوة خليها تثقل على النار وسويها زي الغموس بتحبي الخضار كذا ان شاء الله

سعيدة جدا بتواصلك غاليتي واتمنى نشوف باقي يومياتك

*^*

نسمة خير

هلا الغالية يا ليت والله بس ان شاء الله بالرابطة الثاني بعد العيد بنسوي رابطة لعيد الاضحى ان شاء الله يا ليت تشرفينا فيها

واسفة كثير

*^*

وَجَعّْ البَوُح

هلا الغالية ربي يبعد عنك كل الاوجاع ان شاء الله

بصراحة استانست كثير بوجودك شو ها النشاط والارادة الحلوة ما شاء الله لا قوة الا بالله لا نحسدك خخخخ

بصراحة كثير حمستيني احسك فعلا ناوية تضعفي ان شاء الله

بس مو كأنك وايد حارمة نفسك من الاكل

اكلي مع اهلك بس خففي الكمية وان شاء الله بنضعف كلنا واتمنى ما يقل نشاطك يا نحلة الرابطة

الا بقولك مو كأنك مخالفة احد شروط المسابقة وزنك اقل من 75 بس يلا بنمشيها لك خخخخخخخخخ

بإنتظار باقي يومياتك

*^*

ام عزيز2

هلا الغالية خلاص يعني من بكرا راح تبدأي معانا ان شاء الله

وانا بعد واااااااااايد نفسي ارجع للشوربة الحارقة واااااااااااااايد ضعفتني بس مملة وتلوع خخخخخخخخ خاصة بعد الدوام الظهر احس روحي انهار كل ما اشوفها

تسلمين على التواصل وبإنتظار طلتك الحلوة غاليتي

*^*

ام عمار القمر

هلا الغالية

والله زوجي جا وقالي ابي عزومة للشباب ومنها انشغلت اجهز الاغراض والطبخ وما قدرت اكتب بس كنت ادخل اشوف واطلع

صدقتي وجع مسوية حماس حلو بالموضوع ما شاء الله

نظامك حلو بس ليش الشيبس خخخخخخخخخخخخخخخ ترى انا سويتها امس بالليل على العشى

وعن يوم للوزن ما ادري اختاري يوم اتوقع نهاية اسبوعين حلو يعني مو الجمعه القادمة لا الي بعدها شرايكم ؟؟؟؟؟؟

بإنتظار باقي يومياتك عيوني

بوسيلي عموري

*^*

امير قلبي

ما شاء الله يومياتك اكثر من روعة غاليتي بس لو تنظمين انه فيه غدا وعشاء وفطور عشان ما تجوعي نفسك خلال وجبة وتعوضيها بالثانية

بإنتظار تواصلك الحلو يا عسل

*^*

ღ روح الحب ღ

هلا الغالية نتشرف بوجودك ونتمنى تطلي علينا بالفترة والثانية

*^*

ملاذ

الدبة خلاص شطبنا

جهزي روحج للرابطة الثانية ان شاء الله


*^*

د.ر.ة

هلا الغالية

معذورة وان شاء الله نلقى وقت ندخل تكتب يومياتنا

عن الامساك البامية والبرتقال ومنقوع التمر والكوسة كل هذا يفيد الامساك جدا

وان شاء الله يروح الامساك

بإنتظار يومياتك عيوني

*^*


نويره تقريبا طريقتك نفسي

وان شاء الله نوصل للوزن المطلوب

والف الف الف مبروك عيوني على ال 15 كيلو الي نزلتيهم

تسلمين على المشاركة

اكثر شي عجبني الشريط الي حطيتيه انتي واختك خخخخخخخخخخخخخخخخ حسيت صح بنفس الرابطة

الكلام لك يا جارة خخخخخخخخخخخخ نزلو الشريط

الحين انا بكتب يومياتي

امس طبعا

الفطور 2 توست مع شريحة جبن قليل الدسم وشاي اخضر من غير سكر

الغدا بصراحة شوية رز مع اي شي مطبوخ بس طبعا غير مقلي

العشى كنت طالعة مع زوجي واشترى مشاوي

اكلت وحده عرايس وقطعه دجاج مشوية وبس خخخخخخخخخخ

طبعا اكثر من شرب الماي واذا جعت بين الوجبات اكل تفاحه او كمثرى او خيار

ومشيت ساعه بس ما سويت رياضة البطن

وسوري على القصور

اليوم تريقت خبزه محمصة و قطعة جبن

راح اتغدى سندويشة سمرة فيها مرتديلا و شوربة ملفوف

و العشا فواكه

لي عوده فديتكم ,

آهئ

وَجَعّْ البَوُح;6742634:


لي عوده فديتكم ,

آهئ

ناطرينج يالغلا

حبيباتي الدبدوبات ( الله ينحفكم الين العيد وتاصلون للي تبوووووون وتطلووون احلى طله بهالعيد )
انا ام جوري
وزني الحالي 113 كيلووووووو واتمنى اصل الي 99 هدفي الاول امنيتي اشووووووووفه رقمين بس حتى ولو كان 99
اتمنى تقبلوووووني مشتركة جديده معاكم وتحمسوووووني
وتشجع:87457:وووووووني احب التواصل انا والالتزااااااام
وراح ابدأ من بكره السبت
وش رايكم .........................؟

السلام عليكم
انا اليوم تريقت حمص مسلوق وبس
والغدا شويه رز مع دجاج
والعشا :بطيخ بعدين خبز وزبادي قليل الدسم
واللي صار ان امي فديتها سوتلي دوا مشان الامساك وهو عباره حلبه مع الحبه الحمرا مطبوخه بدبس التمر وبصراحه مفعولها رهييييييييب واحس بتحسن والحمدلله بس ما ادري اذا خبصت ولخبطت في الرجيم

مساء الخير ,

لقد عدنآ , ,

كيفكم يآحلوين ,

آناآ بكتب لكم جدولي آليوم , وبعدهآ آرد عليكم ,

صحيت السآعه 1 الظهر ,
وآكلت توست بجبن كيري نصهآ بس مع جآم ,
وليتني مآكلت دسمه بقوه , مآتتصورون كيف ,

للآسف بيتنآ كل الجبن فيه دسم , عجزت وآنا آقول ابي قليل , المهم شربت معه عصير طبيعي ,
ومآقدرت آكمله , خلآص حآمت كبدي :confused: وعلى طول شآي آخضر مع حبق ,



المهم جآت السآعه 4 آكلت اللي تشبه ألخوخه , حمرآ لونهآ من جوآ آصفر , مآعرف إسمهآ :tongue:


جآت السآعه 6 ونص قلت بتغدى , المهم مسوين هم دحآج مسلوق من قبل ومقطع , قلت بسويه ,

حمست بصل وشقرته بالمويه , بس وبعدهآ حطيت صوص شويه < مو صوص مآغيرهم لآ , :tongue: لوووول

المهم وحطيت ثوم معهم شوي وكزبره مطحونه وفلفل آسود شوي وهيل وكمون ذرآت ,

وحطيت فليفله , وحطيت كمآن حمص , شوي مع مويه حقته شوي , وآخذت طمآطه وفقستهآ
اخذت المويه تبعهآ , وبس , وهذآ هو آكلي


مع توست , و سلطه وبصل آبيض , حطيت معهم تمر بس للآسف اكتفيت بالوجبه فقط , ولآ آكلت التمر, , ولبن قليل الدسم شربت نص فقط ,
ووالحين آشرب شآي آخضر , مع حبق وزعفرآن شوي ,

وخلآص بكذآ نوقف آكل , ولآجعت بآكل خوخه آو فآكهه ثآنيه ,


بصلي وآجي آكمل لكم , وآقول لكم آنه هذآ آكلي خطآء اللي آكلته :confused:

اليوم الصبح الساعه 6 تريقت سندويشه جبن توست وحده بس وشربت عصير برتقال
الساعه تسع رحت النادي مشيت نص ساعه وقالت لي المدربه بس امشي:( لانه توني طارحه 10 ايام
ورحت الجاكوزي والستيم وحسيت روحي فرش رجعت البيت صليت الظهر ونمت ماتغديت

والمغرب صار غدا وعشى مره وحده سلطه وخمس ملاعق رز بس وخلاص بعد مابي اكل

تبون تعرفون , ليه آكلي غلط ,

شوفو المحآدثه ويآصديقتي آستيلو :15:

فديتهآ وضحت لي شغلآت مهمه , آبيكم تنتبهون ,

آنآ جآني إحبآط ,,:confused:

وجع البوح كلام صديقتك صحيح 100%

تذكير بنات لا تنسون تحطون التيكر بتوقيعكم و لا تنسون التوزين الجمعة الجاية