ابي ثلاث بناااات معزمين على النحف...

أشكرك يالغالية على انك خليتيني أنضم معاكم أنا طولي 157ووزني 87 ووأول شي اتمنى ان اوصل وزني شي وسبعين ، والله ياأختي اتعبت واجد وأنا أحاول انزل وزني وماينزل و شفت نظام الدكتور أسامه حمدي وقلت يالله خلنا نجربه يمكن استفيد عليه واني خايفه ماأنزل أو أني انزل كيلوين وبعدين يوقف مثل العادة..
المهم أن احنا ندعي أن الله يرزقنا الإرادة والعزيمة واشاء الله نقدر نكمل ونواصل:wink:

بناااااااااااااااات

ععفيه عفيه عفيـــــــــــــة

خلووني معااكم *,*


انا مته واضعف صارلي 6 اشهرررررررررررررررررررررررررررررررررررررررررر

وماكو فايدة ازي وانقص يعني زدت عن وزني الطبيعي بدال لا انقص بعدين رديت لوزني


عاد حدي انقهررررررررت

ممكن انظم لكم

وبرد على الموضوع يومياا

اوكي ؟؟

السلام عليكم ورحمة الله وبركاته

شعاري
اللهم ثقل موازيننا وخفف اوزاننا

صباح الخير يازميلاتي بالسمنه هههههه

اناالاالان وانا تعبانه من الزياده اللي حصلت لي رغم اني رياضه ساعتين تقريبا ورجيم الله المستعان


اولا اليوم صحيت متاخره وافطرت برتقاله الساعه 12 والمفروض الفطور ما يتعدى 11

بين الغداء والفطور حبة بندوره كبيره
الغداء الساعه3 علبة تونه كبيره صفيتها من الزيت وغسلتها بماء وخياره وحده وبندوره وحده وربع خبزة بر


والساعه اربعه طالعه النادي وراح ارجع مشي تقريبيا ساعه طبعا ما اصل الا تقريبا عند صلاة العشاء راح اشرب شاي اخضر والساعه تءسعه ان شاء الله اتعشى زبادي
وانام ان شاء الله واحده


هذي التفاصيل ان شاء الله نستمر على الحماس هذا

حبيباتي شحالكن .. وشلوووووون الرجيم وياكن؟؟؟؟؟

اليوم الصبح شربت كوبين ماي دافي وبعدها كليت قطعة جبنة كيري المربعات
وقت صلاة الظهر سويت تمرينات رياضيه مدة ربع ساعه

و عالساعه خمسه ونص تغديت بـ
ثلاث قطع برجر + صويص عباره عن: حبة طمام .. حبة بصل.. جزء بسيط من فلفل اخضر كبير .. ربع كوسا
حمرتهم ع النار لين ما استوا .. طبعا ما كليت كل الصويص خذيت جزء منه + حبة خياره + سفن اب دايت

وهالوجبه اعتبرها غدا وعشا

وشربت للحين لتر ماي وباقيلي اشرب نصف لتر لـ لتر

بعد باقيلي اسوي تمرينات بالليل لمدة ربع ساعه ثانيه

وهذا كان يومي



بشرووا عزيزاتي شلون كان يومكم اليوم؟؟




عرووس البحر
انصحج تسوين رجيم دشتي
لان مافيه حرمان وينزل الوزن بسهوله

هلا دبوبات الحبوووبات


اوكي شهد انضمي ويانا مايخالف ونتشرف بانضمامك


ام موديه حلو نضامك استمري عليه


والشعاااار رهييييييييييب حده


هههههههههههههههههه


اموله حبيبتي الله يوفقك ان شا الله وتنحفين وتوصلين 55 يارب


زين اموله انتي جربتي رجيم دشتي وارتحتي معاه ؟؟


انا اول ماصحيت تلبست ورحت للجامعه وماامداني افطر في الجامعه شربت ماي بس

ويوم رديت شربت لبن منزوع الدسم وربع خبز مع بصل وطماط


وعلى الساعه عشر بالليل اكلت سلطه+قطعتين صغار دجاج+قطعه من صينية خضار


ومشيت ربع ساعه وان شاءالله بجلس على جهاز ميقن نص ساعه



وهذا يومي لوقته


بس بنات هالله هالله بالاستمرااار


اسأل الله لنا التوفيق والرشااقه

بنااات ودنا نستخدم اقراص فيتامينات احس بيجينا نقص فيتامينات


وخايفه ان شعري يطيح وبشرتي تذبل فوش تنصحوني به؟؟


اللي قد جربت فيتامينات تقولي الله يوفقها
لاني مره استخدمتها وقالولي انها تفتح الشهيه وانا ماعلينا عايز بعد تفتح شهيتنا خلقه منفتحه

حببتي رعبوبه
هيه انا وااااااايد مرتاحه على رجيم دشتي

تبين الصج
قبل سويت اكثر من رجيم وكله ما اكمل اسبووع وانسحب واتعب نفسيا
صج كنت انزل وزن بس الضعف رجع علي بعد ما اهده

والحين ما شاء الله علي صارلي شهرين وخمسة ايام ومستمره على رجيم الدكتور دشتي
ولو اشتهيت اكله معينه اخبص شوي واكل منها بس بكمية عشان لا اشتهيها مره ثانيه بسرعه
ولما اخبص وزني ما ينزل لمدة يومين وعقبها يبدأ بالنزول

واحلى شيء بالرجيم انه يسد الشهيه لابعد الحدوووووووود
هيه والله ما امدح فيه بس هذي حقيقه

قبل اني ابدأ فيه كنت مرات اتريق بس نادرا
وبعدين اتغدا
وبعدين اتعشى
غير اللي اكله بين الوجبات
والحلويات
يعني كنت عايشه حياتي على كيف كيفي

والحين يادوبي ما شاء الله علي وجبه وحده باليوم واكتفي
ولو يعت اخليهم وجبتين او اكل بين الوجبات جبن او اشرب ماي او قطعة شوكولا
لان في شوكولا خاصه اكلها لرجيم
بدون سكر ونسبة الكربوهيدرات فيها قليله
فكل يوم اكل منها قطعه صغيره

يعني باختصار وايد مرتاحه ع الرجيم ومو حاسه اني مضغوطه



بالنسبه للفيتامين يالغاليه
استخدم نوع معين بس ما عندي صورته
بس البنات اللي وياي برجيم دشتي يستخدمون نوعيه ويمدحون فيها وايد
هالفيتامين يحتوي على نسبه كبيره من الفيتامينات وانصحج فيه

وان شاء الله لما يخلص اللي عندي بدور على هالنوع لاننا ما نلقاه بسهوله في الامارات



اتمنى اني اكون افدتج


على فكره رعبوبه
ما شاء الله عليج بعدج في الجامعه مبين عليج صغيره
عبالي انج اكبر من جذي

مشكوره حبيبتي اموله


راح اشوف رجيم دشتي بصراحه دخلتيه بمزاجي مررره


والفيتامين اللي انتي حاطه صورته هو اللي كنت استخدمه قبل اسمه سنترم شكلي برجع استخدمه هو متوفر عندنا ونلقاه بسهوله


اقول اموله

حليلي انا تراني صغيره بس الجسم ظالمني والا انا عادني بالعشرينات


الله يوفقك ويقوي عزيمتك خيتوو

السلام عليكم


انا بعد ابي انضم لكم


انا اسمي (نص دكتورة)

طولي 169 او 170 مو متأكدة


وزني 73:(


ولا راضي ينزل


نزلت 15 كيلو في مدة 3 شهور او اقل مااذكر وصرت 62لاني كنت مدمنة نت وكنت مااكل الا سلطة وحليب وبالغصب اكلهم


بس طبعا جتني انيميا بقوووة


ورجع زاد وزني بسبب الجامعة المحترمة واكلها الي يجنن :(

وصار لي فترة ابي انزل وزني بس ماكو فايدة ولا عندي حتى ارادة


ولذلك ابي انضم لكم واتشجع


وبحسبه من 19 شهر مايو

وهدفي انقص 13 كيلو لين اوصل 60


وياااااااااااااارب اثبت عليه

تحياتي..

اموله حبيبتي
كم نقصتي في شهرين ونص مع رجيم دشتي

حيا الله دكتورتنا
ما شاء الله عليج احس وزنج وطولج لايقين لبعض
وان شاء الله توصلين للوزن اللي تبينه


حببتي اشواق
بالشهر الاول صادني وقوف بنزول الوزن مدة عشرة ايام تقريبا
وبالشهر الثاني خذيت اجازه لمدة اربعة ايام غير التخبيصات الثانيه

كان وزني قبل الرجيم 81 والحين ما شاء الله 71
لو ما كنت وقفت الرجيم لمدة اربعة ايام كنت بكون ع الاقل 70
كان تخطيطي بنهاية الشهر الثاني اوصل للـ 69 او 68

بس ان شاء الله لنهاية هالشهر بوصل لستينات

والاهم من كل هذا اني مرتاحه نفسيا بالرجيم ومو حاسه بضغط

على فكره قلبوه كل من شافني قالي اني ضعفت واايد
حتى ملابسي اللي قبل ما كنت ألبسها الحين يايه على مقاسي
واكثر شيء لاحظته ما شاء الله كرشتي طااااااااارت خلال شهرين
لاني من الناس اللي لما يسمنون تطلع لهم كرشه باااااينه والحين ما اجذب عليج والله كرشتي رجعت على ورا وحجمها صغر واااااايد وخصري صار باين
مع اني مو ملتزمه بشكل يومي على التمارين
اللي يشوفني يقول اني أقل من السبعين بكثير

وان شاء الله مع نهاية الشهر الثالث بيكون شكل جسمي تغيييييير وااااااايد
باذن الله

والله يعينا على هالشحوم

يسلمو عزيزتي على الترحيب


صحيح الكل يقول لي رشيقة بس انا مو مقتنعه به


يعني لما وصلت 62 كان شعوري يجنننن

بس الحين دايما احس نفسي فيل متنقل


بس معذرة بكلف عليكم

اللي عندها نظام دشتي ترسله لي على الخاص لانه فتحت موقعه ولا رضي يفتح عندي

وناوية اطبقه ان شاء الله


تحياتي..

ان شاء الله توصليين للوزن اللي تبينه يا اموله

وادعي لي ان الله يقدرني وانقص خمسين كيلووو و

19/5/2008

بدأ التحدي


وان شاء الله نوصل للنهاية مع بعض وكلنا رابحات :o

مرحبا يابنات.. أخبار الرجيم معاكم اليوم .. انشاء الله الحماس يدوم قولو آمين .. أنا اليوم صحيت متأخرة واجد فراحت علي وجبة الفطور .. المهم تغديت خبز بر مع لبنة وكاس حليب والحمد لله ..
أختي أموله أنا جربت ريجيم دشتي ومانزلت الا كيلوين بس مع أني احس ان جسمي نزل واجد بس للأسف مانزلت غير هالكيلوين واستمريت عليه شهر بس ماجاب معي نتيجة وجربت انظمة واجد وكل انزل كيلوين او ماانزل ولاكيلو ، وأنا الحين ماشية على نظام اسامة حمدي واحس اني مرتاحة واجد ودايما حاسة بالشبع بس أنا ناوية كل اسبوع اغير النظام وبنشوف ويش يصير

حياك ويانا اختي نص دكتوره



الحمد لله نحن صامدون صامدون

<<<خخخخخخخخخخ

انا افطرت كاس حليب بس

والغدا اكلت سلطه+و3 ملاعق رز+وشوربه+وقطعة لحم


ودايماً اشرب ماء


الله يوفقنا كثروا الاستغفار حبيباتي عشان ربي يعينكم

بناااااااات لما كنت ابحث عن نظام دشتي لقيت موضوع تحذيري عنه في منتديات مطلع الشمس واللي كاتبته عضوه اسمها نور العاشقين ونسخت لكم موضوعها
7
7
7
7
7السلام عليكم ورحمة الله وبركاته

من فتره نزلت لكم موضوع عن نظام د / حسين دشتي وقلت لكم اني جربته مع الاهل عندي واني قدرت انزل من وزني وصار ان تسكر موضوعي بس بصراحه استمريت على النظام وبعدين وقفت عنه وبصراحه مالاحظت اي شي على ولاعلى اهلى بالعكس نزل وزني وترتب جسمي بعد وعشان جذي رديت اسويه مره ثانيه بس بالمره الثانيه وكانت تقريبا من شهر ونص او شهرين حسيت باعراض غريبه صارت معاي وعشان جذي نزلت هالموضوع عشان احذركم من هالنظام.

انا بديت النظام مع صديقتي باول الايام حسيت بصداع قوي ولا كان ينفع معاه ولا مسكن.. لابندول ولا بروفين والمشكله اني ماكنت انام من شدة الصداع وقوته وهذا اثر على بالدوام ولا كان لي نفس للشغل وكنت احس بالتعب وبالاجهاد بشكل كبير مع اني قبل لاابدي هالنظام كنت طبيعيه وعاديه ..هذي من نايحه...

من ناحيه ثانيه اثر هذا النظام على هرمونات جسمي بشكل كبير وهذا خوفني بصراحه بقولكم شلون..

الله يعزكم الدوره عندي منتظمه ومرات اتجي قبل موعدها بكم يوم وهذا شي طبيعي ...بس الشي مو طبيعي انها تجيني بالشهر مرتين!!يعني جاتي باول الشهر وبعدها باسبوعين اول اقل جاتني مره ثانيه ونزلت على بغزاره واستمرت معاي تقريبا 10 ايام وهذا سبب لى الصداع اللي قلت لكم عنه بالبدايه لان انا اصلا فيني انيميا ( فقر دم ) .

طبعا انا ما وقفت النظام وبعدين قلت اكيد انا فيني شي بس مو منه لكن لما سئلت صديقتي شصار معاها قالت لى نفس الاعراض اللي صارت معاي وخصوصا صادف ان جاتها الدوره معاي باول الشهر اللهم وحده نظفت قبل الثانيه بيوم واحد . يعني نظفنا تقريبا بيوم 6 و 7 مارس وفي يوم 17 نزلت مره ثانيه على انا اول وبعدها بيومين نزلت على صديقتي!!!

اهني بدينا ندور بانفسنا عن السبب وخصوصا احنا ماغيرنا شي ولا اكلنا شي غريب بس اللهم اتبعنا النظام مع بعض؟؟وهذا سبب لنا تغير بالهرومونات ونزل لنا الدوره مرتين بالشهر..

ومره من المرات وانا اتصفح المنتديات لفت انتباهي عنوان عندهم وصاحبة الموضوع تقول صارت ابحاث ( بصراحه ماثبت وين باي دوله بس اذكر انها دوله اوربيه ولا احتمال بامريكا) المهم صارت هالدراسه وتوصلوا لنتائج مخيفه وهي ان هذا الريجيم له تأثير على المستوى البعيد يعني بعد كم شهر من نسويه ونمشي عليه ومن هالنتائج:

في حالات وفاه كثيره من بين اللي مشوا على هالنظام وفي حالات جاتهم امراض خطيره ومزمنه ..

عشان جذي والله ثم والله انا بصراحه تحسفت اني نزلت لكم الموضوع الاول ولاني مدحته لكم وقلت لكم انه عجيب وخطير بس بصراحه ماكنت ادري عنه جذي.. ولما الاخت الينا قالت لي عنه ضار بالصحه ولما سكرت الموضوع بصراحه وعذرا للاخت الينا بصراحه زعلت وقلت ليش تسكره بس الحين انا والله مستانسه انها سكرته لى على الاقل ارتحت ان مافي احد طبق النظام.. بس بعد فتره صرت الاحظ وجود هالنظام بعناوين مختلفه..

يابنات بقولكم شي وانتوا والله مثل خواتي واحبكم كلكم

شالفايده نمشي على هالنظام ونتعب نفسنا وبالاخير نخسر صحتنا وحياتنا؟؟؟ احنا صج ودنا نضعف بس الضعف يبيله اراده قويه وبنفس الوقت نظام صحي فيه كل العناصر ومع اشويه رياضه..

هدفنا الاساسي تكون اجسامنا حلوه مو شرط نكون مثل عارضات الازياء يعني ودنا نلبس وتكون الملابس متناسقه ومناسبتنا بس الاهم من هذي كله نكون بصحتنا مو بعيد الشر واحنا تعبانين ونحس كانه شايلين الدنيا فوق راسنا ولا نحس كبرنا بالعمر 10 سنوات جدام..

يابنات نصيحه مني لاتتبعون هالنظام و لاتخسرون حياتكم عشان جم كيلو ولا عشان مناسبه عرس ولا حفله تخرج ولا عشان فستان ولا بدله..واصلا شالفايده تضعفون ويكون هذا على حساب حياتكم وصحتكم؟؟؟واذا كنتوا تبون تضعفون احس شي تقللون الاكل مع الرياضه والمشي اسهل رياضه والاهم من كل هذي الاراده والاستمرار ..او تتبعون نظام مدروس من المستشفى يكون خاص على حسب كل حاله وكل جسم.

وفي النهاية حبيت اشكر الاخت الغاليه والمشرفه المحترمه الينا بصراحه لها الفضل بعد الله اني عرفت اضرار هذا النظام وعرفت مصايبه وبصراحه لها مجهود ملاحظ بالقسم ف لج مني الف شكر عني وعن بنات المنتدى والله يوفقج يارب ويعطيج على قد نيتج..

اسمحولي يابنات ادري ثقلت وطولت عليكم بس كنت بقولكم عن تجربتي مع هذا النظام الفاشل..



تحياتي لكم


انتهى موضوعها

فعشان كذاا انا خفت اجربه يقولك اسأل مجرب ولا تسأل طبيب

رعبوبه
حببتي رجيم دشتي لو تبين تدورين عليه
تلقين ملفات فيديو له في اليوتيب
وفي ناس معارضين له

بس انا لما شفت ملفات الفيديو اللي خلاها الدكتور بموقعه
واللي موجوده في يوتيب

شفت ان الدكتور على صواب واللي ضد هالرجيم على خطأ

حببتي صاحبة الموضوع اللي انتي حطيتيه مصابه بفقر الدم
الدكتور كلامه وااااااااااضح في جميع مقاطع الفيديو المنتشره في النت وفي موقعه
هو قاااااااال: في تحاليل لالالالالالالالالالازم يسوويها الشخص قبل انه يبدأ بالرجيم
لان هالرجيم مو كل شخص يقدر يسويه

لازم الشخص يكون سلييييييييم ومو مريض بأي مرض كان سواء فقر دم او غيره
ولو مريض وحب يسويه فلازم يراجع دكتور ويسويه ويا دكتور تغذيه ومو وهو مريض يسوي الرجيم بكيفه وعقبها يقول ان الرجيم سوا به مشاكل وكلام ماله اول واخر

النقطه الثانيه الدكتور قال ان الرجيم يسوي خلل بالهرمونات
بس مو بالطريقه اللي قالت عليها الاخت .. الظاهر فقر الدم أثر عليها
هو قال انه يستوي خلل و وضحها بلقاءات كثيره .. وأكد ان هالخلل يروح بمجرد ان الشخص يخلص مراحل الرجيم
والدكاتره تأكدوا من كلامه وسووا تحاليل للاشخاص اللي كانوا ماشيين على رجيم الدكتور دشتي ولقوا نتايج اكثر من رائعه ان نسبة الكرستلول الجيد ارتفعت والسيء نزل وغيرها من النتايج الزينه
وحتى كان في ناس مريضين بضغط الدم وامراض ثانيه وسووا الرجيم ويا دكاترة تغذيه ولما خلصوا الرجيم .. نسبة الادويه الكثيره اللي كانوا ياخذونها استوت لنصف ان صحتهم تحسنت عشان النتايج الزينه اللي حققها الرجيم داخل جسمهم


ومالها مضار ع الدوره ههههههههههههههه على العكس حببتي رجيم دشتي يأخر الدوره تقريبا من اربعة أيام لاسبوع ومو تجيج مرتين بالشهر
وتقدرين تتأكدين من قروب بنات دشتي لان اكثر من بنت لاحظت هالشيء تأخر بالدوره
وهذا شيء طبيعي ويا الرجيم ومافي اي خلل ثاني
وعلى العكس انا من بديت هالرجيم لاحظت ان آلام الدوره خفت واااااااايد وشبه معدومه

اللهم الشيء السلبي اللي لاحظناه بشكل عام
هو انه تييج آلام خفيفه بالصدر في الشهر الثاني من الرجيم
وعرفنا السبب
وهو بسبب نقص البوتاسيوم وبالتالي البنات اللي جتهم الالم خذوا يوم راحه وأكلوا كمية موز وفيره لان الموز غني بالبوتاسيوم
وبالنسبه لهالنقطه الدكتور نبه بموقعه بضرورة اخذ فيتامين يحتوي أكبر قدر من الفيتمينات عشان ما يصيد اي احد ضعف او نقص في الفيتمينات

حببتي بالتالي في بنات اشتركوا ويانا برجيم دشتي وما نزل وزنهم
في وحده الرجيم ابد ما ناسبها وسبب لها صداع جربته اسبوعين تقريبا وتركته

ولو اي وحده سوت التحاليل والنتايج طلعت ميه ميه خلها تجرب الرجيم ولو ضبط وياها كان بها وبتحس من اول اسبوع لو هي مرتاحه او لا ..ولو ما ضبط وياها خلاص تتركه


بس يالغاليه كلام الاخت اللي فوق ما أقنعني ولو هي مجربه الرجيم انا بعد مجربته وفي الشهر الثالث

ولو تبين تتأكدين من كلامي في قسم خاص بالمرئيات بموقع الدكتور واتفرجي هاللقطات اللي حاطنها وتفهمين عن رجيمه اكثر

وعلى العكس اكثر الناس المأيدين لرجيم الدكتور في امريكا حتى له قروب خاص في امريكا
لانه سوا تجارب هناك اكثر من مره


عالعموم ياقلبي انا ما أقول هالكلام عشان تسوين الرجيم
اقوله لج وللجميع عشان تصحيح للمعلومات

والله يوفق اليميع

مشكوووره يالغاليه اموله على التوضيح

اقول اموله لوتقدرين تنزلين لنا الرجيم بكوون شاكره لك حبيبتي


وبجربه اذا ناسبلي بستمر عليه واذا صار خلاف ذالك بتركه


اكرر شكري لك حبيبتي

الله ينحفك من غير شر ولا يحملك مالا طاقه لك فيه:)