ابي ثلاث بناااات معزمين على النحف...

رعبـــوبه;6050007:

شوفوا حبيباتي انا من النوع اللي مااحب اتبع رجيم مكتوب اللي اول الفطور كلي كذا والغداء كلي كذا


انا احب اسوي نظامي بنفسي ومااحد يعرفك مثل نفسك


لان انتي لين اتبعتي النظام اللي انتي مسويته حق نفسك ببتقبليه اكثر من انك قاريته بالمنتدى اول وحده سوته ونحفت عليه

انا مثلا الفطور ابطل الثلاجه اشوف وش فيها اذا لقيت عصير برتقال او جبنة قليلة الدسم وخبز نخاله او بر

او لقيت حليب منزوع الدسم ويا تمره وحده بس

فاللي انتي تشوفينه مناسب لك وتشتهينه كليه ولاتضغطين على نفسك وتغصبين نفسك على اكل انتي ماتبينه لان هذا بيأثر عليك

والغداء اذا جلستي على السفره ابدي بالسلطه يعني حاولي تشهوين نفسك عليها تحطين عليها ليمون او شي يخليك تاكلينها وانتي متلذذه بها

بعدين كلي اللحم او الدجاج لان فيهم بروتينات وبتعوض عن الخلايا التالفه

واذا اشتهيتي العيش لا تمنعين نفسك كلي منه ملعقتين ثلاث


يابنات لاتمنعون انفسكم من شي انتم تبونه بس كلوا بمقدار مثلا لما تكوني بعزيمة ووزعوا الشكولاته وانتي نفسك فيها خذي وحده وعادي لاتخافين لانك بتحرقينها بالمشي والرياضه


اذا منعتوا انفسكم ببتعب نفسياتكم حييل وبتضيق صدوركم وبتحسون انكم حارمين انفسكم واذا فكيتوا الرجيم رحتوا تعوضون عن هالايام اللي كنتوا مانعين نفسكم فيها وبكذاا يعود يزيد وزنكم اضعاف


والعشاء ياحبذا لو يكون بدري قبل النوم بأربع ساعات وياليت يكون فواكه لانا بنحاول نعوض نقص الفيتمينات
سويلك سلطة فواكه قطعي التفاح والكيوي والفواكه اللي عندك ماعدا الموز حاولي تبعدين عنه

واعصري برتقاله وصبيها عليها واكليها وانتي متلذذه بها واذا اكلتي وانتي متلذذه بيكون له مردود ايجابي على نفسك



وانا مااغصبك على شي اللي تشوفينه مريح لك سويه حبيبتي


والله يوفقنا ان شا الله