إلي جالها إحباط ويأس من سمنتها تدخل

ميكو روره وينكم شكله محد موجود فالرابطه غيري اخباركم ياحلوين انا اليوم برنامجي لين الحين ما بتديت الفطور قطعه توست اسمر الغدا تفاحه العشا تونه مع شريحه خبز اسمر .

ميكو وبافر و alshegra

انا جيت يابنات.. واخيرا الأجازة انتهت


تابعت وقريت كل الي فات وببدأ تاني معاكو من النهردة.. كان عندنا اجازة 4 ايام وما أدراكو والأجازة :((

لخبطت شوية بس مش اوي.. ونفسيتي كانت في الحضيض..

المهم مش هيأس، هبدأ معاكو تاني ان شاء الله من اليوم.. والوزن يوم الخميس الجي ان شاء الله زي ما قلتلكو

ميكو وبافر فينكو انا مش شايفة مشاركاتكو.. يلا ورووني الهمة

لو لخبطتو اليومين الي فاتو ومكسوفين تقولو لأ.. قولو عادي متتكسفوش..

المهم انا اليوم لسة ما فطرت

فطاري اليوم الساعة 8.30 ص (1 شابورة ريجيم + فنجان نسكافه عبارة عن: نصف كوب حليب خالي الدسم + ربع كيس سكر دايت + ملعقة نسكافه.)

وبسٍ..

لو قدرت اقعد للساعة 3 من غير اي اكل يبأة حلو اوي، مقدرتش ممكن اشرب عصير سناك او حاجة.. عموما هقولكو علا تطوراتي اول بأول

يلا ربنا معاكو

ميكو وبافر و alshegra مستنياكو


أبرار الجنة وينك حبيبتي.. ليش ما تدخلي تقولين علا يومياتك او عالأقل فضفضي معانا

انا جيت

معلش مدخلتش اليومين اللي فاتوا كنت عاملة خبايص

للاسف سافرت الخميس والجمعة وامبارح كنت معزومة عند حماتي


يعني باختصار بدل يوم
كانوا 3 ايام لخبطة


فطبعا مضايقة جدا جدا
واللي زاد ضيقي اني يوم الخميس قبل ماالخبط

لقيت وزني زايد !!!!!!!!

فطبعا موت من الغيظ

المهم عودة مع الرجيم النهاردة ان شاء الله والله المستعان

اكلت لحد دلوقتي 2 بيض مسلوق

وبشرب الشاي من غير سكر اهو

ولو لقيت في نفسي حيل على اخر النهار هروح الجيم
او اقعد انضف البيت

اهو اي حاجة تحرق وخلاص

معلش ميكو وروره ان شالله نلتزام انا لخبطت يوم الجمعه والسبت رجعت للرجيم وصار لي يومين ما وزنت وان شالله اكمل روره انتي حتستمري فالريجيم لين شهر 6؟

اذيكو يا قمرات.. وحشتوني موووت والله

يعني اليومين الي فاتو كان في تخبيص بالإجماع :(

عموما معلش.. بردو مش هنيأس.. هنبدأ تاني من اليوم واهو عندنا اسبوع بحاله وان شاء الله نخس فيه

بالنسبالك ياميكو جايز وزنك زاد عشان الدورة مثلا هتجيلك.. ودة سببه ان الجسم بيحتبس الماء وبينتفخ وطبعا بيؤدي إلى زيادة الوزن

ممكن تكوني وزني وانتي لسة مخلصة رياضة، او وانتي لسة واكلة.. دة كله بيزود الوزن

وانا نبهت ابل كدة يابنات الي عيزة توزن يبأة الصبح بدري اول ما تقوم من النوم تقلع هدومها كلها وتوزن.. وكمان تكون واخدة حمامها عشان تكون معدتها فاضية والمثانة فاضية

ساعتها تقدري تحكمي اد ايه وزنك

alshegra

معلش حبيبتي هو ايه معنى اسمك عشان بحس اني صعب كل مرة اكتبه.. فلو ممكن تقولي على معناه يبأة هكتبه بعد كدة بالعربي

بصي بأة ياستي، انا هنزل مصر ان شاء الله (أجازتي السنوية) يوم 31/7/2008

عيزة ابل اليوم دة اكون خسيت ووصلت عالأقل لــ75 كيلو، يعني انا مش طماعة، ادامي بالظبط شهرين ونص مقابل 10 كيلو بس.. ادعولي ربنا يقوي إرداتي واقدر اكمل

اختي شو معنى شابورة؟؟؟

اهلا اختي معانا.. ياترى مشتركة ؟؟

شابورة يعني قراميش مثل التوست بس محمصة وهي من القمح الكامل

أتمنى اكون أفدتك

انا لما وزنت جالي احباط فظيع

وعارفين رحت لحماتي لقيت اخت جوزي خاسة موت بقى وزنها 52 وهي طولها 100 حاجة وستين

انا اصلا عيلة جوزي كلها رفيعين .... لما اتعقدت واتحسرت على نفسي

وانا من بعد الجواز وزني مبيرداش ينزل مش عارفة ليه

ياعيني يا ميكو.. والله حسة بيكي موووت

انا كمان بتحسر على نفسي اوي لما بشوف حد خس وخاصة لما يكون خس بالساهل.. وانا الي مش ادرة امسك نفسي عن الأكل

عقبالنا لما نخس كلنا ياااارب

معلومة:
لا تقس النجاح بتخفيض الوزن فقط : التغيير الأهم هو في تخفيض كمية الدهون في الجسم , تذكر إن عضلات الجسم تزن ضعف وزن الدهون , المهم هو كيف تحس بلياقة جسمك

ميكو شكرا للمعلومه المفيده روره الشقرا يعني الشقراء لوووووووول ما عني مش شقرابس عجبني النك ههههههههههههههههههههه ان شالله نكمل كلنا عالريجيم انا قايله اني حوزن يوم 31-5 وان شالله اقدر اكمل عالاقل اسبوع من غير لخبطه .

بنات اخباركم وليش ماتدخلون انا اليوم التزمت فالبرنامج اكلت الصبح قطعه خبز اسمر وتغديت تفاحه وفالليل كلت قطعه لحم مشويه وخبز اسمر وعقبال باقي الايام ان شالله ومشيت تقريبا ساعه

hi sorry i'm tayping in english there is no arabic here today i had a choclate :(

جميييييييييييييييييييل

حلو موضوع الشوكلاتة دة ...

انا بقى امبارح لخبطت بس اخد زنكال

بس النهاردة التزام ان شاء الله

بس على فكرة يابنات احنا لسة بنبوظ الدايت واحنا هنا اصلا عشان نبطل اكل

عااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا
اهئ اهئ اهئ

امبارح فطرت الصبح واحدة شابورة ريجيم مع نسكافه بحليب خالي الدسم وسكر دايت

ولما روحت اتغديت قطعة لحم مسلوق + 4 اصابع بطاطس مقلية + نصف رغيف خبز أسمر بالنخالة + جبنة لبنة بالزعتر قليلة الدسم + خيار و زيتون

بعد الغدا بساعتين كدة مكنتش نمت وتعبانة جدا والمفروض اني ابدأ شغل الشقة، فعملت نصف كوب شاي مع ملعقة واحدة سكر عشان بس اقدر اشتغل وافوق واصحى.. وجارتي فرضت علية اكل معجنات فأكلت قرص بيتزا صغير اوي.. يعني حجمه اصغر من الأربع اصابع..
واعتبرت الوجبة دي سناك

بعد ما خلصت شغل الشقة قمت بأة عشان اعمل الأكل لجوزي بالليل، والله هي دي المشكلة.. الأزواج
وخاصة زوجي انا ، اكبر مشكلة في حياتي .. اهئ اهئ

عملتله مكرونة اسباجيتي بالصلصة الحمرا واللحمة المفرومة + سبرينغ رول باللحم المفروم

ولئيته داخل علية وفإيده زجاجتين بيبسي .. :(

المهم .. نيلت الدنيا في العشا بعد ما كنت ماشية كويس..

لهفت طبق مكرونة بالصلصة واللحمة المفرومة + 2 سبرينغ رول باللحم المفروم

احسن.. أنا الي غلطانة.. انا عارفة اني اكتر حاجة مش بقدر اقاوم نفسي ادامها المعجنات بأنواعها

ايه الي خلاني اعمل مكرونة وسبرينغ رول وانا متهببة عاملة ريجيم..

انا الي جبت دة كله لنفسي

بصو بأة يبنات انا مش هقاطع واقولكو هاكل ايه النهردة، بكرة ان شاء الله هقولكو أكلت ايه النهردة..

وربنا يستر
بس انا لحد دلوقت ماشية كويس


وعيزة اقولكو علا حاجة كمان.. انا ابل الريجيم كنت مدهولة الدنيا في الفطار والغدا والعشا.. يعني الــ3 وجبات

اما دلوقت ممكن لو لخبطت، بلخبط في وجبة وحدة بس.. يعني انا بردو مبسوطة باللي انا بعمله

انا الأول كان فطاري ساندوتشين وشوكولاة.. او كرواسا وبيبسي
وغدايا كان زي عشايا.. مكرونات ومقالي وبهدلة

دلوقت انا بظبط نفسي في وجبتين.. والمفروض بأة اني ابدأ اسيطر علا نفسي في الوجبة التالتة..

وعلافكرة حتى العشا امبارح لما لخبطت انا كدة بعتبر نفسي اكلت خفيف.. لأني الأول كنت باكل بكميات رهييبة..
يعني انا كلت طبق واحد مكرونة زمان كان ممكن املا الطبق مرتين

كلت 2 سبرينغ رول، زمان كان عندي استعداد اخلص 10 واكتر

يعني بحاول يابنات وانا مش طالبة اخس كتير.. لو كل شهر 4 كيلو حتى والله هفرح بيهم اوي

وربنا يستر
ادعولي يابنات..

حبيبتي الشقرا.. اسم حلو ..ههههههههه

بصي اختي ما تزعلي على الشوكولا يابنات احنا مش جيين هنا نعمل ريجيم وبس.. مش جيين نبطل اكل وبس
مش جيين نشجع بعض وبس، لأ..

احنا هدفنا الأساسي لا لليأس .. لا للإحباط

يعني شوفو انا لخبطت امبارح بس بردو ميأستش وقلت هخس بردو..

خليكو احاسيسكو ايجابية مش سلبية

بصي يا شقرا الشوكولا الي كلتيها خلاص كلتيها والي كان كان.. متفكريش فيها كتير

خلاص يوم وعدى.. ابدئي النهردة من جديد

وحتى لو وزنتي ولئيتي نفسك خسة نصف كيلو بس رضا ونعمة من عند ربنا.. خلي عندك قناعة

لو لئيتي نفسك مش خسة خالص. بردو متزعليش ولا تيأسي.. لأن اليأس هيوصلنا لمرحلة صعبة اوي لحد ما نبأة فيل متحرك

*ميكو*;6066678:
جميييييييييييييييييييل

حلو موضوع الشوكلاتة دة ...

انا بقى امبارح لخبطت بس اخد زنكال

بس النهاردة التزام ان شاء الله

بس على فكرة يابنات احنا لسة بنبوظ الدايت واحنا هنا اصلا عشان نبطل اكل

ميكو اذيك وحشاني يا قمر

قوليلي هو الزينيكال بيعمل ايه.. وياترى مضر بالرضاعة

زي ما قلت ياميكو.. حتى لو بوظنا الدايت بقطعة شوكولا.. مش عيزة حد ييأس.. مش عيزة حد تجيله مشاعر سلبية..

عيزاكو تقوو نفسكو وتجمدو كدة.. وانا معاكو

[QUOTE=رورة;6066831] انا ابل الريجيم كنت مدهولة الدنيا في الفطار والغدا والعشا.. يعني الــ3 وجبات

اما دلوقت ممكن لو لخبطت، بلخبط في وجبة وحدة بس.. يعني انا بردو مبسوطة باللي انا بعمله

انا الأول كان فطاري ساندوتشين وشوكولاة.. او كرواسا وبيبسي
وغدايا كان زي عشايا.. مكرونات ومقالي وبهدلة

دلوقت انا بظبط نفسي في وجبتين.. والمفروض بأة اني ابدأ اسيطر علا نفسي في الوجبة التالتة..

وعلافكرة حتى العشا امبارح لما لخبطت انا كدة بعتبر نفسي اكلت خفيفQUOTE]

حرام عليكي يامفترية طبق مكرونة باالحم المفروم وسبرينج رولز عشا خفيف!!!!!!!!!!

احنا مش عايزين نخدع نفسنا

كل ما التزمنا كل ماخلصنا بدري

وانا معاكم بنصح نفسي....

عايزين نشد حيلنا شوية ونقوي ارادتنا

اما الزينكال فمنصحش بيه حد
لانه بيعلمك الطفاسة يعني ممكن تاخديه وتلاقي نفسك بتزودي اكلك عشان انتي اخدتيه

هو بيمنع امتصاص الدهون من الاكل
يعني لو اخدتيه بعد الوجبة يمنع امتصاص الدهون اللي فيها
وتسبب اسهال وتنزل مع التويلت ... وتعمل افرازات دهنية مع التويلت لونها اصفر

وسعر الشريط 105 جنيه

بس منصحش بيه ابدا

لا طبعا يا ميكو.. مش عشا خفيف ابدا.. .. معنى كلامبي ان بالنسبة للي كنت باكله الأول فيعتبر قليل

يعني انا كنت باجي ساعة العشا بدبها جامد اوي واحلي بأي حاجة بعدها وانام

امس كلت المكرونة والسبرينغ رول وانا ندمانة اوي.. وكان نفسي في أي حاجة مسكرة..

عارفة لو كان جالي احباط بعد ما لخبطت.. كنت قلت يلا بأة مهي خربانة خربانة وقمت حليت وكان ممكن اكتر في الأكل اكتر من كدة.. بس مرضتش، قلت الي حصل حصل واليوم اتلخبط وخلاص.. بس مش هزود عن كدة

الرابطه تشجعنا وان شالله نزصل لهدفنا انا رجعت البيت وفيه عربي انا مش متزوجه وبحاول ما طلع كثير لين ما تبدى الاجازه عشان مالخبط فالدايت انا مشكلتي التزم يومين وثالث يوم الخبط لووووول انا كلت الشوكلاته اليوم الصبح بس انا حلتزم وسويت جدول ةاحسن شي انتي ما صرت اقيس وزني بعد كل وجبه اليوم شفت وزني وكنت قاله 300 جرام عن يوم الجمعه الحمد الله لاني يوم الجمعه كان لخبطه ميكو صحيح كلامك الافضل نحاول نستغل هالشهر عشان نضعف قبل الاجازه والمناسبات انا احب اكتب لكم برنامجي فاليوم عشان اتشجع اكمله على فكره روره انتي فالايام العاديه تشربي بيبسي عادي مش دايت ؟ انا اكره البيبسي والسن اب العادي ولما يكونون موجودين ما شربهم حتى لو ما كنت مسويه دايت .