شهر مايو بريجيم دشتي بالرياضة الاجبارية مين تبدأه معاي

في الشهر في ناس اضعفو 8 كيلو اختي بس بالرياضه المضاعفه

وبدون رياضه في ناس يضعفون من 6 - 8 حسب طبيعة اجسادهم

وعندكم قطرية مشالله عليها شهرين الحين وانقصت 12 كيلو


انا اسوي رياضة البطن والمشي ورياضات تأليفيه بعد من عندي

انا بتديت رياضه مشي من يوم السبت وريجيم من يوم الاحد بس اليوم خربت عالاخر شسوي عادي ارجع من بكره؟

منيره انتي او احد الاخوات قالت انها اشترت نسكافيه بدون كافيين الكافيين ممنوع فالريجيم انا سمعت انه يساعد على الاحتراق . وسوال ثاني لازم نشرب 6 اكواب من الماي مثل باقي الريجيمات لان هاي مب مكتوب فالريجيم .

صبااح الورد

امم اليوم ثالث يوم لي والحمدلله ماشيه عااال العال..امس بديت رياضه بس مو لي هناك يعني لعبت 20 دقيقه عالدراجه الثابته|(السيكل) ووبس:o ..وووخذت الميزان من امس ورفعته فووووق الكبت ولا بعد خذت عصا وقعدت ادززه لورا عشان ما اقدر انزله ابد (6) لييييين اخر شهر مايو انشالله راح اجيب سلم(دري) وبنزله وباذن الله تكون النتايج حلوة لان بصراحه الميزان يسوي لي قلللق فقلت ارفعه احسن وما اوتر نفسي
اليوم باذن الله بحاول اكثر الرياضه..اي وبسوي لي حبوب خل التفاح اللي وحده من اللاخوات كاتبه عنها موضوع..بجربها وانشالله يكون كلشي تمام على اخر الشهر ياااااارب

يالله طمنونا عن اوضاعكم

السلام عليكم


ان شاء الله هبد معاكم

السن 23

الطول 170

الوزن 81

نفسى اوصل 70 بعد الشهر ....

يااااااارب:)

حياج الله اختي سلاسبيل ويانا وانشالله توصلين للي تبينه بعد شهر مايو ..وحظج حلو صدتي اول الشهر اليوم

alshegra;5885553:
منيره انتي او احد الاخوات قالت انها اشترت نسكافيه بدون كافيين الكافيين ممنوع فالريجيم انا سمعت انه يساعد على الاحتراق . وسوال ثاني لازم نشرب 6 اكواب من الماي مثل باقي الريجيمات لان هاي مب مكتوب فالريجيم .

أهلين حبيبتي ...

بالعكس حبيبتي الكافيين يعيق نزول الوزن اهو و الدايت

و بالنسبة للماي اهو مو اجباري .. بس أحسن عشان تنزل كل الأوساخ

و الأملاح اللي بجسمج و يصير النزول اسهل .. وبعدين مو شرط تشربين 6 أكواب مرة وحدة


بالتدريج .. مرة بدي بكوبين اليوم الثاني بثلاث

بعدين بتشوفين روحج تشربين ماي بكثرة بدون حتى ما تفكرين انه لازم عشان الريجيم

الكافيين لا

يعني ابتعدي عن شرب الشاي الاحمر والشاي الحليب لان الحليب ممنوع اصلا بعد

وابتعدي عن اي شي به كافيين

فقط النسكافييه ابو غطا احمر استخدميه

ولو حبيتي سكر حطي الوردي حق الدايت

ولو حبيتي شاي فالشاي الاخضر مسموح

بنات عندي اقتراح..شرايكم كل وحده تقول الوصفات اللي تسويها لوجباتها ..عشان مانمل من اكلنا ونتبادل وصفات..لاني بديت اقفل وابي اغير اكلاتي ..يعني اللي عندها طريقه حلوة للغدا او العشا تتبرع لي احم احم

ههه اي والله يا روعة .. انا بكتب لج جم وصفة شايفتهم من النت .. بس للأسف أغلبهم انا ما آكلهم :(

سلطة الباذنجان والكوسا

باذنجانه وكوسا مقطعين مكعبات ومقليين

فلفل اخضر بارد مقطع مكعبات

جرجير مفروم او بقدونس

تخلط هذي المقادير ونضيف عليها الصلصه التاليه :

زيت زيتون + ملح+ ليمون او خل ..... وممكن ماتضيفي الزيت لان الباذنجان زيته يكفي

........................

الهمبرجر بالكريمه والمشروم

همبرجر مقلي

بصل شرائح

فطر (مشروم مقطع)

فلفل اخضر بارد

كريمة سائله ( انا استعمل كريمة كي دي دي الكويتيه )

جبن كرفت مبشور

بهارات + نص مكعب ماجي ( لاني استعملت مكعب كامل وطلع مالح )
غ
الطريقه :

نحمر البصل ونضيف الماجي والبهارات والفلفل والكريمه والمشرم ... نخليها على النار لما تبدي تطبخ ... نظيف الهمبرجر عليها ونخليها مع الخليط لما تثخن الكريمه ... بالاخر نضيف الجبن ... ويقدم

....................

البيض بالنقانق والفلفل الاخضر

3 بيضات

3 نقانق مقطعه حلقات

بصله صغيره مقطعه شرائح

فلفل اخضر بارد

وبهارات وملح

الطريقه :

نحمر البصل اشوي ونضيف النقانق حتى تتحمر اشوي وبعدها نضيف الفلفل وبعدها نضيف البيض ونخلط فيهم ... ونحط الملح والبهارات ... ولا تخلينه ناشف كثير يطلع اطيب

وبالعافيه

.............

سلطة الدجاج المشوي*

المقادير :

خس + علبةجبن كرافت مبشورة + دجاج صدور مشوي ومقطع طولياً .

الصلصة :

ملعقة مايونيز + عصير ليمون + زيت زيتون + قليل من الملح والخل حسب الرغبة .


الطريقة :
يقطع الخس طولياً ويصف في الطبق ثم يوضع عليه الصلصة ويخلط جيداً ، ثم يوضع الدجاج المشوي في الوسط وعلى الجوانب ثم توضع جبنة كرافت المبشور .

.........

*الباذنجان مع الحلوم*

المقادير :

باذنجان مقطع ومسلوق + علبة حلوم مبشور + ملعقتان صنوبر مشوي + شرائح الفلفل البارد الأحمر المشوي + حزمة جرجير أو أكثر .

الصلصة :

عصير ليمون + زيت زيتون + ملعقة مايونيز + ملعقة صغيرة جداً خردل .

الطريقة :

تخلط المقادير مع بعض ثم يوضع عليها الصنوبر المشوي وتخلط مع الصلصة وبالعافية .

ملحوظة :

يمكن استبدال الصنوبر بأي نوع واحد من المكسرات النيئة .

.........................

سلطة اللحوم الباردة *

المقادير :

مرتدلا دجاج + مرتدلا ديك رومي + دجاج بسطرمة بيروني دجاج + فلفل بارد أحمر و أخضر مقطع مربعات صغيرة + بقدونس + قليل من الشبنت + قليل من الكزبرة الخضراء + خس مقطع + زيتون أخضر مقطع .

الصلصة :

عصير ليمون + زيت زيتون + ملح + خل حسب الرغبة .

الطريقة :

تقطع اللحوم الباردة قطعاً صغيرة ويوضع عليها الفلفل البارد الأحمر والأخضر والبقدونس والشبنت والكزبرة وأخيراً الخس المقطع ، وتخلط جميعاً ثم توضع عليها الصلصة .

ملحوظة :

يمكن حفظ هذا الطبق لأكثر من يومين في الثلاجة .

..............................

* طبق الحلوم الساخن *

المقادير:

علبة حلوم + فلفل بارد أخضر أو أحمر أو أصفر تقطع شرائح + 3 ملاعق زيت + بصل أبيض شرائح + نعناع مجفف + شرائح من الطماطم .


الطريقة :


توضع شرائح البصل والفلفل البارد بأنواعه على نار هادئة ويحرك الخليط حتى يذبل ثم يوضع عليه الطماطم ويحرك قليلاً ، و أخيراً توضع شرائح الحلوم وتطفأ النار ويغطى القدر ويترك 5 دقائق حتى يذبل الحلوم وتزيل بالنعناع المجفف عن التقديم .

.......................

المقادير:

سمك هبر (الكنعد او الهامور ) منزوع منه العظم

كسبرة ناعمة + بقدونس + ملح بهار + ملح + ثوم ناعم + ليمون قليل

الطريقة :
تفرم جميع المقادير في الفرامة وتصفة من الماء الذي ينزل من البقدونس ثم تعمل على شكل اقراص صغيرة مثل حبة الفلافل
واذا اردتي تغمسيها في البيض لا مانع من ذلك
وتحمر في الزيت وتترك على نار هادئة حتى ينضج
وتقدم مع السلطة واليمون والدايت

.................


و ان شاء الله تكون عجبتج

انا وزني زاد 2 كيلو في يوم ونص اناىمن النوع اللي كل يوم اوزن ابتديت ريجيم يوم الاحد سويت 3 ايام ريجيم نزلت كيلو و 300 جرام بعدين امس خربت عالاخر اليوم الصبح قمت ما وزنت قلت بتم اسبوع ما وزن ماكلت شي بس شربت نسكافيه بدون حليب كنت احسب الشاي والقهوه يساعدون عالحرق من غبائي لين الحين انا ماكلت من الصبح قلت الحين بكل ولما شفت وزني شفت نفسي زياده عن امس الصبح 2 كيلو جالي اكتئاب شديد هل هالشي معقول ممكن تفيدوني شرايكم نسوي يوم فالاسبوع كلنا نوزن وكل وحده تقولنا وزنها شكرا او عالاقل تقولنا كم كيلو نقصت في هالاسبوع

alshegra ... اختي ما عليج من الميزان

أهم شي تشوفين الملابس و كلام الناس احسن من الميزان

و الميزان كل يوم أو كل أسبوع يسبب احباط

خلي الميزان كل شهر أحسن .. و اذا ما تقدرين خلي الوالدة تخشه عنج

و اذا كملتي شهر تعطيج اياه

ساعات بسبب الرياضة يزيد الوزن لان الدهن يصير عضلات ..بس الجسم يترتب

اهم شي انتي انتبهي على اكلج و لا تخلين في بالج النزول السريع

لان بيرجع اكثر من قبل

شكرا اختي بحاول ما خربط فالاكل مره ثانيه ريجيم دشتي مافي برنامج ثابث يعني اللي يخربط فالاكل يرجع عادي للبرنامج صح

alshegra;5892621:
شكرا اختي بحاول ما خربط فالاكل مره ثانيه ريجيم دشتي مافي برنامج ثابث يعني اللي يخربط فالاكل يرجع عادي للبرنامج صح

اي رجعي على البرنامج عادي

احلى بحرينيه يســـــــــــــــــــــــــــلمووووو حبيبتي مشكوووره والله..اي جي الوحده تقدر تاكل مو بس طايحه في الدياي والمايونيز لووول..يعطيج العافيه حبيبتي..انا بعد سويت شوية سيرج ولقيت وصفات حلوة بنزلها لكم عشان كلنا نستفيد


الشقرااا انا مع احلى بحرينيه اعتقد من الرياضه ..وبعد من التخبيص لان هالرجيم اكثر من مره سمت ان اذا خبصتي فيه حتى لو شوي الوزن يثبت ثلاث ايام ماينزل...وبعدين الميزاااان اخس شي توزنين في نص اليوم او اخره اذا بتوزنين اوزني الصبح عالرررييييق لان حتى الماي يأثر خصوصا اذا الكتروني..ووالاحسن انج تسوين نفسي وتفرين الميزان فوق الكبت مكان ماااتطالينه ابد ابد الا باستعانه بصديق(الدري) فا راح تتعيجزين وتخلينه يولي..لين اخر شهر مايو نتفاجأ كلنا مع بعض باذن الله بالوزن الحلو..عشان مايكون الميزان عقبه لنا ومايجيبلنا الا التوتر وعوار القلب

اي بعترف..اليوم سويت اكبر طاف حق الرياضه ومالعبت حاسه بالذنب بس فيني نووووووم..بكره الصبح بعوض<<<<ترقيعه:D

وااااااااااااااو وااااااااااااااااو وااااااااااااااااااو بناااااااااااااات لقيت لنك بجددددددددددددد يشجع ..نفس منتدى بس اجنبي فيه اللي يسون اتكنز دايت(دشتي) يحطون صورهم قبل وبعد وكم نقصو والفتره..عاد صدتلكم وحده عذاااااااب كانت تلبس سايز 22 وصارت سايز 8 ااااااااااااه ياقلبي جد جد تشجعت..ودي احطلكم اللنك بس مادري مسموح او لااا

alshegra;5891391:
انا وزني زاد 2 كيلو في يوم ونص اناىمن النوع اللي كل يوم اوزن ابتديت ريجيم يوم الاحد سويت 3 ايام ريجيم نزلت كيلو و 300 جرام بعدين امس خربت عالاخر اليوم الصبح قمت ما وزنت قلت بتم اسبوع ما وزن ماكلت شي بس شربت نسكافيه بدون حليب كنت احسب الشاي والقهوه يساعدون عالحرق من غبائي لين الحين انا ماكلت من الصبح قلت الحين بكل ولما شفت وزني شفت نفسي زياده عن امس الصبح 2 كيلو جالي اكتئاب شديد هل هالشي معقول ممكن تفيدوني شرايكم نسوي يوم فالاسبوع كلنا نوزن وكل وحده تقولنا وزنها شكرا او عالاقل تقولنا كم كيلو نقصت في هالاسبوع

صار معاي نفس الشي وزنت بعدها بيومين رجع وزني الطبيعي لا تحاتين

الدوره الشهريه تزيد الوزن

روعه بليز دزيلي النك على الخاص

شكرا امس ما كلت شي غير بيض اومليت بس امس فالليل فتحت موقع عن هالريجيم مكتوب يستحسن الاكل كل خمس ساعات للمحافظه على مستوى السكر فالدم كل وحده تكتب شبتاكل اليوم