منو تبدي معاي رجيم الدشتي مو اكثر من بنتين ؟ الجزء الثاني

مساء الخير يابنات....

كوين تدرين انا امس واليوم خبصت بس شاسوي كنت بدوام من الصبح الساعه 8 لين العشا الساعه 8 رجعت البيت...شاسوي تعبت واااايد واليوم عالغدا بس اكلت ملعتين عيش شاسوي اشتهيته من قلب...

ان شاء الله راح ابد من يوم الاثنين لان الاحد بخلص الدوام اهو تطوعي يعني بس فترة 4 ايام الدوام...

صمت حبيبتي مبروك عالجهاز...وكوين يالغاليه مبروك النزول...وحزني هااا يوزي ولا ترى .......?

نورة الغالية الله يعينك معليش حبيبتي لا تحاتين المهم اهتمي بصحتك يالغالية انتي لاحقة على الريجيم وان شاء الله توفقين حبيبتي.

بنات ماأدري شفيني من يومين شعري احس ان يعورني يعني فروة راسي ولاحظت ان شعري وايد قل وخصوصاً من الأمام انا كنت مالاحظت قبل بس لما رحت الصالون قالت لي واحده تشتغل هناك ان شعري وايد خفيف من الأمام ولازم ماأحطه بطريقة معينه علشان مابين كأني قرعة؟ اي قرعة الله يهداج؟ انا في البداية ظنيت ان شعري قل من كثر ما ارفعه على فوق بس للحين شعري يقل مع اني اخليه مفتوح مادري شاسوي فكرت اشتري زيت الحشيشة الخضراء يقولون زين؟
انا اكل فيتامينات كل يوم تهقون منه لأن صار لي 5 شهور اعتقد مدة طويلة شرايكم اوقف ؟
وثانياً بشرتي تغيرت صايرة جافة مع اني اشرب ماي وايد ووجهي متشقق مع ان عمري ماصارت لي مشاكل مع الوجة بشرتي كانت دهنية الحين صارت جافة كلش والخدود اختفت ووجهي صار طويل اكثر من اللازم وتحت عيني صار شوي غامق.
جسمي كامل جاف مع اني استخدم كل يوم كريم مرطب للجسم .
انا قريب بأنتقل للمرحلة الثالثة باركوا لي بس لذاك الحين باكون صلعت مو قرعت والله خايفة شنو تنصحوني بنات؟
سلاااااااااااااااااااااام لكم كلكم ،تعالوا فدووو وينها مختفية والله اشتقت لها.

السلااااام عليييييكم


شلونكم يابناااات ان شالله بخييييييير..

انااا دوم على المنتدى واشوف مواضيعكم اللي احلى من روعه

ولما قررت ابدا دشتي قالت لي مرت خالي احسن شي تتابعين مع بنات منتدى عروس

دشيت امس وتميت اقرا تجاربكم وحبيت اشاركم واتمني اني اكون خفيفة عليكم

انا صراحة سمعت عن هالريجيم واااااااااايد وشفت ناس ضعفو عليه اكثر وحدة ضعفت عليه كان 22 كيلو

ومشالله ماتغيرت شعورهم ولا بشرتهم وهذا اللي ساعدني

انا وزني للأسف كان من سنة 75 لكن مع الامتحانات والضغط النفسي ماحسيت بنفسي الا وانا صاكة الـ



90 تخييييييييييييييييييييييييييلوووووووووووووووووو وزن رهيييييييييييييييييب


والله يابنات من اروح مكان الا قالو ((طشتي متنتي طفحتي )) نفسيتي زففففت وكل ماقول بنسى يرجع اي احد يذكرني

المهم .. حاولت اجرب اكثر من ريجيم لكن اببببببد مافييييييه فايدة ماحب التزم بشي

لكن يوم جربت دشتي اوووووكي وبالعكس يشبع ن قلب وخصوصا اني شفت اخت رفيجتي ووايد نزلت عليه

المهم انا احين قلت بسويه

وان شالله اني اكمل عليه لاني سويته فترة ونزلت عليه لكن ماكان عندي خبره بالوجبات لكن احين عرفت الاكلات وصرت اتفنن بعد

اتمنى انكم تساعدوني وتوقفون وياي

بنات انا بديت الرجيم من امس وابغي اكون معاكم لني خاطري انتظم عليه وانا وزني الحين 71 ابغي اوصله 60

نورة


عادي ياكثر التخبيص خخخخخخخخخخخخ



لا الحمد الله منتظمة على الرجيم وإن شاء الله دوووم



بس على فكرة توني اليوم رجعت أنتظمت من بعد يومين تخبيص وعقاب لنفسي وأنواع التعذيب


الفطور كوب كافي بس من دون سكر

الغداء اول مأأطلع من الداوم وأنا في الطريق راح أفكر ايش أكل
بس نورة اقولك تعبت وأنا أحوس على الشكولاتة لين الحين ماشفته


بس جد في زواج ول خالي اكل انبهر واللي يقول لي صرتي حلوة بانت ملامحك وللي تقول نحفتي من هنا واللي تقول نحفتي من هناك


تحسين اكلت الجو اشوي
خخخخخخخخخخخخخخخخخخ


ناوية في المزيد

بعد زواج أختي يعني بعد اسبوعين بدخل المرحلة الثانية إن شاء الله

كوين زمليتي في الداوم نفس مشكلتك كانت تمشي على رجيم ولين الحين وهي تمشي على رجيم


والحين هايتعالج بشرتها وشعرها



قالو لها من سوء التغذية

مرحبا

بنات انا فطرت بيض اومليت وتغديت دجاج بالفرن عليه جبنه موتزريلا


اوكي ولا لأ ؟؟


بليييييييز حد يرد علي

هلا وغلا على الجميع
أن شاء الله الجميع تمام
وأنا الحمد لله ماشيه تمام بس بس خبصت بااكل رطب العدد 3 والله ماتحملت
بس بمشي والله من قلب اريد ادخل المرحله الثانيه لان رمضان قرب
كووين حتى انا نفس المشكله بس كثري استخدام الزيوت مثل زيت الزيتزن او اي نوع قبل الاستحمام
واستخدمي السدر والحنا ايضا تمام في منع التساقط وبالتوفيق اختي اتمنى تكونين باافضل حال
وطمنينا عن العمليه وش صار
تحياتي للجميع
الرياضه لاتنسونها

مس قطر 90 حبيبتي اكلك تمام ومافي غلط لا تحاتين والله يوفقك شدي حيلك.

صمت مشكورة حبيبتي فديتك يالغالية انا بكره بروح المستشفى من الصبح علشان الفحص وبكره بيقررون اذا اسوي العملية ولا لا واذا رجعت بخبركم شنو صار ادعوا لي ان شاء الله النتايج تكون زينة.

سلااااااااااااااااااااااااام بنوتات شدوا حيلكم وبالتوفيق.

كوين مشكورة لانك رديتي علي حبيبتي


انا تعشيت كباب مشوي وخيارة


بس عندي سؤال؟؟

عادي آكل تبولة او لأ ؟؟>>صار عليها خلاف لان فيها برغل ياريت تفيدوني


ويصير آكل كاتشب او لا ؟؟

thaaaaaaaaaaaaaaaaaaaaaaaaaaaaaaaaaaanx

فطرت اليوم جبنة بيضا واستبدلت الخبز بخس وكان طعمه حلو الحمدلله

لكني شربت نسكافيه وحطيت كوفي ميت ..مادري اذا عادي او ممنوع؟؟ بليز جاوبوني

اي صح نسيت اقولكم ترا شريت الكتاب من مكتبة جرير وواااااااااااااااايد ممتاز


يعني بان كل شي لكن مشكلة هالكوفي ميت مخوفتني

انا سمعت في منتدى ثاني ان الزيتون ممنوع لكن فالكتاب مسموح فقلت باكله دام اليقين (الكتاب) عندي

سلاااااااااااام
شخباركم
وهلا بكل جديدة انظمت ويانا نور الموضوع

الحمد الله وزنت امس في المستشفى وطلع ميزان البيت غلط ويعطيني اكثر من وزني
وزنت في المستشفى وطلع 92 كيلو:)
الحمد الله ماباقي شي واصير في الثمانين
عقبالكم ان شاء الله

مس قطر
شخبارش؟؟
الكوفي ميت عادي حبيبتي ويفظل الكامل الدسم
عوافي:)

الكتشب اللي اعرفه ممنوع


بس مو متأكدة مرة

مساء الخير عالجميع....

ياهلا ويامرحبا بالبنات الجدد الي انضمو معانا...

كوين يالغاليه بشرينا عنج حبيبتي...اشصار معاج...

حزني فديتج انا شريت الكافي من كارفور محطوط في قسم الدايت يالغاليه...

مس قطر هلا يالغاليه الكتشب ممنوع فديتج...والزيتون عادي فديتج بس تاكلينه 7حبات او 15حبه وتكون الصبح عالريج علشان الامساك انتي وكرامه...

اموله وينج يالغاليه مختفيه عسى المانع خير حبوبه...

انا اليوم ماشيه الرجيم تمام...فطر بس كوب كوفي...

الغدا اكلت مسقعه بدون بطاطا...

العشا يمكن بيض مسلوق مع جبنه شيدر....

باقي البنات طمنونا شخباركم مع الرجيم...

**ام عبادي القمر**

زين حبيبتي طمنتيني الله يطمنج..انا لما جربته وايد عجبني وتمنيت انه يكون مسموح

..
حزني عميق
ويييييي انا عبالي عادي والصراحة مت من الجوع ع الغدا جبت نقتس وكلته مع كاتشب

..
نورة 1980
تسلميييييين حبيبتي

سؤااااااال::

عادي آكل نقتس ولا لازم اشل الطبقة اللي عليه


وانا احس اني خبصت اليوم فالغدا لاني كلت الكاتشب والنقتس عليه البقسماط

شلون اعوض هالشي؟؟


ازيد من الفترة من اسبوعين اخليها 3 اسابيع؟؟؟؟؟؟؟

سلاااااااااااااااااااااااااام بنوتات شخباركم وشخبار الرجيم،

مس قطر شخبارك حبيبتي؟؟؟ شوفي الكاتشب ممنوع بكل انواعة والصلصل بعد ممنوع والكوفي لازم يكون خالي من الكافيين يعني نسكافية اللي غطاه احمر والكوفي ميت مسموح لاتخافين ولازم يكون كامل الدسم لا تستخدمين قليل الدسم يزيد الوزن وهذا عن تجربه ن،الزيتون مسموح مثل ماقالت اختي نورة تأكلينه على الريج والتبولة ممنوع لأن مثل ما قلتي فيه برغل وحتى الكبة ممنوعة لأن فيه برغل والبقوليات ممنوعة مثل الفاصوليا واللوبيا و الحمص والباجلة وغيره واذا عندك سؤال لا تترددين حبيبتي البنات مايقصرون.

ام عبادي وحزني ونورة وصمت المشاعر شخباركم يالغاليات وحشتوني وهذي اخبار اليوم....

اليوم رحت ونقعت في المستشفى؟؟؟؟؟ طبعاً هذا مو شيء غريب علينا....

من الساعة السابعة صباحاً حتى الساعة ممممممم الحادية عشر..... صباحاً

مع ان السالفة بس خمس دقايق بس تعرفون الدكاترة كل واحد يتمخطر بكشته؟؟؟؟ والدهن اللي في راسهم آآآآآآآآآآه قصدي الجل الحين تطوروا.

المهم موعدي الساعة 7ونص ودخلت الساعة 8 اول شيء شافني دكتور هندي شايف روحة و سالني اذا البس نظارة ولا لا ؟؟؟ قلت له البس عدسات.... قال لي كم رقم العدسات قلت له الرقم وبعدين وداني حسب الله عليه حجره النظر ودخل معاي واحدة عجوز وولدها الكبير والله فشيله شلون ايسوي جذي؟؟؟ والله ما يستحي على ويهه ؟؟؟ حسيت كل العيون علي.... لبسني نظارة النظر تعرفونها اللي يغير العدسات فيها ويخليكي تقريين اللي مكتوب على السبورة.
والله حسيت بالأحراج كأني فار تجارب وهو يغير في العدسات ويغير دوخ راسي المهم جرب وجرب لحين وصل للنتيجة النهائية.
وبعدين سألني كم يوم مالبستي العدسات قلت له 10 ايام و حسيت ان فيني الصيحة والله راسي كان يعورني لأن ماشوف.
المهم قالوا لي انتظري في الأستراحة انتظرت عشر دقايق وبعدين نادني دكتور مو هندي خخخخخ وقال لي خير شفيكي ياسارة ؟؟ تلخبطت تدرون شنو رديت عليه؟؟؟ قلت له: عيوني؟؟؟ قال لي ادري... شفيهم؟؟؟ ماتصدقون شنو قلت له..... قلت له : ماشوف؟؟؟ ياااااااااااااااااااااااربي كان احراج مادري شلون كنت اجاوب قام قال لي بعد ما يأس مني قال لي ماعليكي شر بس شنو المطلوب مني ؟؟؟ ليش يايه؟؟؟ قمت قلت له: ليزك... علشان اسوي ليزك... حسيته يقول واخيراً. والله حسيته يقول خبله ما تدري شنو صاير.

على 8 وربع خلصت وعلى 8 ونص نادوا اختي وقعدت انا في الأستراحة او بالأحرى نقعت تقريباً اخذت ساعة وهي داخل قلت لا اكيد ضاعت لأنها بعد ماتشوف وبعد ساعة شفتها قلت الحمد لله خلصنا طلع ان كل هذا الوقت بس للفحص؟؟؟ قلت لها ليش؟؟؟ قالت عملوا لها تصوير طوبغرافي وغيره وغيره؟؟؟ وانا؟؟؟ ليش ماسووا لي؟؟؟
قالت لي اختي يمكن ما أحتاج.

وقعدنا وانتظرنا الدكتور ونقعنا للساعة 10 ونص شافها الدكتور وعلى ذي كله بعد ما خلصنا قال لنا الدكتور ان فحوصي بيكملها بعدين وان الجهاز مو متوفر حالياً لازم ننتظر؟؟؟؟؟؟؟؟؟؟؟؟؟؟؟؟ 4 شهوررررررررر؟ حسب الله عليهم على هذا كله والتنقيع والعشرة ايام من عمري آآآآآآآآآآآآآآآآآه والله قهر .

ولما سألنا برع عن الموعد قالت لنا شهر 11 تاريخ 20 لأن الدكتور بيسافر؟؟؟ شفتوا عاد صج بوشلاخ وانا قبل الفحص والمرمطة كنت وايد متفائلة وحاسبة ان الأسبوع الجاي بسوي الليزك والله احلام وردية بس صارت سوده بس ما قول الا حسب الله ونعم الوكيل فيهم.

سامحوني طولت عليكم بس شاسوي ، مقتهره ماقدر انسى يومي الأسود. وسامحوني ..وايد دعوات اهديتها للدكاتره الله لا يوفقهم... سامحوني ضغطي مرتفع.

امولة وينك يالغالية وحشتيني شخبارك؟؟؟

فدووووو وينك لا تكونين زعلانه مني يالغالية وحشتينا شخبارك؟

باقي البنات شخباركم مع الريجيم طمنونا عليكم سلااااااااااااااام