منو تبدي معاي رجيم الدشتي مو اكثر من بنتين ؟ الجزء الثاني

هلا مس قطر النقتس لازم تشيلين الطبقة اللي عليه وما في داعي تزيدين المدة من اسبوعين لثلاثة بس لعبي رياضة او تسوقي وتمشي علشان تحرقين اللي كلتيه وما يزيد وزنك ولا تحاتين حبيبتي.

كوين

والله مب عارفة كيف اشكرج حبيبتي..

وماتشوفين شر ان شالله..

الزبادي (الروب) مسمووووح؟؟

مس قطر
الزبادي والروب والحليب ممنوع .. الا في حالة لو ما ترومين تستغنين عن الحليب
مسموح لج ربع كوب لكل يوم


كوين
يالغاليه صج ضحكتيني الليله هههههههههههههه
لو كنت مكانج كنت بستوي باااااااااااااالووووووونه وانفجر من القهر خخخخخخخخخخخخ
الله يصبرج ويعطيج طولة البال لج ولنا

لا تضايجين حببتي يمكن الخير بـ بعد اربعه شهور
وعسى ان تكرهوا شيئا وهو خير لكم
وربج العالم باللي فيه الخير




اخباري زينه وتمشي الحال
اليوم كان اليوم السابع بالرجيم
وما نزلت غيييييييييييير كيلو ونص
لاني ما كنت اشرب الشوربه مع اني كنت ملتزمه بالرجيم
بس سر هالرجيم يكمل بالشوره
وان شاء الله خلال هاليومين برد لدشتي
صج وحشني هالرجيم واكلاته لاني غيرت الجو شوي هههههههههههههههه
لنا الله ثم دشتي خخخخخخخ

صباااااااااااح الخير

اليوم ان شاء الله راح ارجع لرجيم لان فتره الدوره كنت اكل وخبصت عدددددددددل

المهم زدت كيلو

بس مافي مطعم في بالي الا رحتله واكلت شوكولاتااات على كيف كيفكم

المهم قررت ان شاء الله بدايه من جديد لرجيم بدوون حبوب منع الحمل وراح اقارن النتايج

من نااحيه البشره عندي جفااف فضيع

وقهوه علي الدايت لون الغلاف فضي

كوين ماتشوفين شر يالغاليه وكل تاخيره فيها خيره

صباح الورد يالغلا وربي وحشتونــــــــــي واجد واجد
<<:SOFA: متفشله :oتدخل المنتدى لان أنواع التخبيص اسويه
كل يوم أكل اوكي من يجي المغرب اكل كل شي تقولون يوم مفتوح عندي :tongue:(^)(c):21_93::poster_dev:
المشكله الوزن عندنا بالرياضه يوم السبت والاربعاء تتهرب ماتوزن ههههههههه
لان عارفه وزنها ضارب
لم وزنت قبل ماتجي المدربه كان مرتفع كيلووو ونص
بس شنو اسوي قسم بالله موقادره اسيطر على نفسي كأن قهر بداخلي وافش خلقي بالآكل
ساعدوني ياقلبي ترى بروح 10 كيلووو اللي نزلتها وعندنا زواج يوم الثلاثاء الجاي
واخذت الفستان كان قياس 14 يعني مابي يضيق علي شنو اسوووووي

كوين حبيبتي أنا بخير بس اخبص ..ماتشوفي شر يالغلا
صمت المشاعر .. نوره الاموره .. أموله الدلوعه حبيبتي وينك .. مس قطر 90 حياك الله معنا ..
سمااااانيسان كيفك ..
واللي ما طريته اعذروني حبيباتي خلالالاص فدووو اختربت كل شي تبي تاكله وبسسس ههههه

:(

بسم الله الرحمن الرحيم
الحمد الله رب العالمين

شخباركم؟؟
وشخبار الرجيم
اني بصراحة صار لي كم يوم لازم اخبص
بس اصدقون بعد راضية عن نفسي لانة احس روحي اخبص بعد بحساب يعني مااكل وبس بس الي خاطري فية اضوقة
المشكلة اخاف اروح على التخفيف ولا يصير عندي تخفيف اقعد بعض الاحيان آكل عادي
وبس بصراحة بعد ماوصلت الى هالوزن متشجعة اكثر
ابي اشوف نور ال80 هههههههههههههههههه
احسة يناديني خخخخخخخخخخخخخخ<<<<<<<<<استخفت من رجيم الدشتي ههههههههه

سارة حبيبتي ماتشوفين شر
اي مستشفيات الحكومة جدي
الواحد يموت بعدي الشر عنكم وهم يقولولن لج انتظري الموعد
ماعليكم شر ان شاء الله انتي واختج

مس قطر الروب والالبان والحليب وحتى الكتش بعد ممنوع

كوين سلامتك ياالغالية


أمس


الفطور كان بس كوب كافي مامعه شىء


الغدا كان صدر دجاجة صغنون


سويت رياضة ربع ساعه

وتروشت واستعديت عشان حفلة بنت خالي البارح ملكتها وشبكتها


جهزت ورحت الشبكة


اليوم


الفطور اكلت حبه توست بالجبن أدري ممنوع بس الجوع ذبحني عشان أني ماتعشتيت البارح وماكلت زين امس



الغدا ماتغديت


نمت صحيت المغرب سويت رياضة نص ساعة


العشا صدر دجاجة مشوية والحين اشرب شاي أخضر وشاي الرشاقة عشان بقوم انام بموت من النوم

حبووووووووووباااااااااات وينكن
الموضوووع طاااار ع الصفحه الثانيييه
شدووووووووووووا الهمه يالرشيقاااااات
وهالله هالله بالردود واليوميات الحلوه

موجودين


^_^

السلاااااااااااااام عليكم بنوتات حلوين شخباركم،

ليشششششششش الخمول ما قلنا مانبي خمول يالله نريد حركة وتشجيع يالله خواتي نريد ارادة قوية وتشجيع ما يصير جذي ترى لو مو انتوا مافي احد كمل الرجيم و لولا تواصلنا وتعاونا مع بعض كنت من زمان تركت الرجيم بس البركة فيكم وفي تعاونكم ومساعدتكم الله يوفقكم وينجحكم وتحصلون اللي تتمنونه.

شدوا حيلكم وخلونا نسمع اخباركم يالغاليات .

انا عن نفسي متكسره حدي تدرون ليش؟ كله من خواتي بالأمس خلونا نروح منتزه عذاري وخلوني اركب لعبتين والله كان خاطري اذبحهم المشكلة مو فيهم المشكلة في الخبله اللي طاوعتهم وسمعت كلامهم وركبت والله لو شفتوا شكلي في اللعبة كأني راكبة جفافة الثياب مو لعبة مافي حديدة ماطقتني والحين جسمي كله رضوض ومنقلب ازرق ومتنفخ.هذي اخر مرة اروح معاهم.

اما عن الرجيم تمام بس اكلي كلش خفيف وكله لايعة جبدي ماأشتهي شيء والله .واليوم ماأكلت شيء كلش لأنه جسمي يعورني وغير العاهة اللي سببوها لي خواتي.
ومن كم يوم لاحظت نحول شديد في جسمي خصوصاً الجزء العلوي حتى العظم صار واضح بشكل ملحوظ ومن جذي امس تعورت وايد لأن كل عظمي طالع وكل اهلي يقولون لي وقفي المشكلة باقي شوي على الأرداف مع اني العب رياضة وايد خاصة بالأرداف وامشي بعد.
انا انتقلت للمرحلة الثالثة من اليوم وان شاء الله اخلص عن قريب .
بالتوفيق لكم كلكم وسامحوني اذا مللتكم معاي ومع يومياتي يالله نبي اخبار حلوة. سلاااااااااااااااام.

حزني
وينج و وين يومياتج يالغلا
كنتي تحركين الموضوع ههههههههههه
لا تختفين



كوين
فديت عمرج يالغاليه
المفرووض تستمتعين بالالعاب ياعمري مو تتكسرين منها خخخخخخخخخ
مبين عليج انسانه هاديه في حياتج ومب شيطونه
ومبروووووووووووووك دخولج للمرحله الثالثه
ما شاء الله عليج الله يتمم لج على خير
عزيزتي انا وايد محتاره بخصوص المراحل
ياليت تشرحيلي شلون قسمتيهم
يعني جم كنتي ناويه تنزلين اول ما بديتي الرجيم مثلا 15 كيلو .. 20 كيلو
وجم كيلو نزلتي بالمرحله الاولى وجم شهر تميتي فيها
وكذالك المرحله الثانيه
وبخصوص المرحله الثالثه والرابعه على اي اساس ناويه تقسمينهم

امممممممممممممممممم
هيه بعد بغيت اسألج مثلا
انا تميت في المرحله الاولى 3 شهور ونزلت 15 كيلو وباقيلي عشره لـ 15 للحين مو داريه لما انزل عشره واوصل 55 وقتها اقدر اعرف لو بنزل او بتم على جذي
بس خلنا نقول انه باقيلي 15 كيلو

يا ترى
اقدر اكمل بعد شهرين ع المرحله الاولى وانزل فيهم عشره كيلو وبجذي بتم خمسه شهور في المرحله الاولى
وبيبقالي تقريبا خمسه كيلو ( لاني خايفه ان وزني ما ينزل بسرعه من المراحل الثانيه واتعب نفسيا وامل من الرجيم )

الحين سؤالي
المرحله الثانيه والثالثه والرابعه
ناويه اقعد في كل مرحله سبوعين وبعدها اوقف الرجيم
يا ترى هالطريقه ناجحه؟
ولا غلط؟؟

وبأي الطريقتين تنصحيني بطريقتج اللي تميتي في كل مرحله مده
او بالطريقه اللي شرحتها لج

سوري كثرت عليج بالاسئله بس سؤال صغنووووووون واخييير
جم كيلو نقصتي خلال الفتره اللي طافت؟

وتسلمين يالغاليه على طولت بالج وياي

مساء الخير عالجميع....

هلا بنات شخبارك...

كوين يالغاليه ماتشوفين شر فديتج...وكل تاخيره فيها خيره...يالغاليه لاتستعيلين وان شاء الله خير ياقلبي...

تدرون انا صارلي يومين اخبص ما ادري ليش...بس ان شاء الله اني اشترك في نادي واواضب عالرجيم تدرون لاني بروحي قاعده في البيت وما احصل تشجيع...اما اذا اشترك في النادي غير...طبعا بيكون عندي حماس وتشجيع مع المدربه والبنات....

باقي البنات شخباركم مع الرجيم...

أمولة فديت قلبك يالغلا


موجودة اشوفكم عن بعد بسبب ضغط العمل


اليوم كل شىء تمام



الغدا بس سلطة


العشا شاورما دجاج يعني بس دجاج وسلطة


جالسة الحين اشرب شاي جامو



اليوم تعبت من الحوسة والصياح:) عشان مفتاتيح الداوم ضايعين ولا بشايفتهم يارب القاهم


الحلوفي الموضوع كانت عندنا مناسبة من كم يوم وكل اللي في القاعة يقولون لي تغيرتي حلويتي مع اني ماحققت اي أنجاز يعني سويت نجاح بس مب أنجاز

عموما بكرة بوزن وبقول لكم



الحين أخذت شهر انا في المرحلة الأولى يافرحتي خخخخخخخخ الله يتمم لي بخير


اموري مع الرياضة تمام






كوين سلامتك ياالغلا

هلا امولة السموحة حبيبتي بس اذا ماتزعلين مني يالغلا بكره برد عليكي اليوم وايد تعبانة بكره برتب افكاري وبحاول ارد عليج حبيبتي لاتزعلين بس اليوم جسمي متكسر ماأدري ليش بس الحمد لله أموري تمام وبكره بشرح لك يالله تصبحين على خير.

مشكورين بنوتات والله فيكم الخير انا هالأيام ماأدري شفيني بسهولة انضرب وتصير رضوض في جسمي وينقلب مكانه ازرق بسهولة والله حتى لو ضربه خفيفة تعورني. الله يستر والله قمت اخاف من عيال اختي لأن طبعهم ان ينطوا على الناس قمت اتفاداهم علشان ما أتعور.

سلااااااااااام لكل البنوتات واحدة واحدة ولا تخافون علي انا قوية وان شاء بكره اكون احسن.

قولو معاي يالله نردد



مشاء الله


بسم الله مشاء الله

اللهم صلي على محمد وال محمد


وزني صار





















































70



الحمد الله لك يارب حمدا كثيرا:D



بس فرحتي ناقصة:confused: بسبب مفاتيح الداوم اللي مب شايفتهم:(


ياجامع الناس في يوم لاريب فيه اجميع بيني وبين ضالتي:)

يعني الوزن السابق "79

الوزن الحالي 70

مشاء الله :)

هلا امولة اسفة على التأخير حبيبتي بحاول اشرح ان شاء الله ماأنسى شيء:

انا كان وزني قبل الرجيم 68 كيلو وكنت ناويه انزل 18 كيلو المهم انا بقيت في المرحلة الأولى شهرين ونصف وقليت 11 كيلو بالمووووووووووت لأن وزني ينزل بطيء كلش يعني بالموت انزل كيلو او كيلوين في الأسبوع المهم وصلت 58 أهني انتقلت للمرحلة الثانية وكان بصراحة وزني ثابت مده طويلة يمكن شهر ماعرفت شاسوي غيرت نظام أكلي وبدأت أكل مرتين جبن صبح وليل ومرة مشويات يعني العصر و كنت أكل بسكوته واحدة عادية يعني مو مالريجيم وهني بدأ وزني ينزل ويحرق ونزلت كم كيلو يمكن اربعة بس والله بالموت وصار لي شهرين ونص في مرحلة الثانية والحين باقي لي كم كيلو انزلهم ودخلت في المرحلة الثالثة الحمد لله قولوا ماشاء الله. بس وزني صار كلشششششش بطيء اكثر من قبل يعني كل اسبوعين كيلو وبالمووووت.

امولة انتي لازم تبقين في المرحلة الأولى لحين تنزلين اكثر من النصف يعني يكون باقي لك مثلاً بس 7 كيلو تنزلين الأربعة في المرحلة الثانية واذا بقى ثلاث او اربع كيلو تنتقلين للمرحلة الثالثة يالله بنات نريد نخلص قبل رمضان بس بصراحة الوزن ينزل بطيء كلش والله تمللت.والحين صار لي شهر نفس الوزن ينزل ويركب يعني الغرامات وماأقدر اكسر لأن يتحرك بس اذا ثبت كلش لأكثر من ثلاثة ايام لازم أكسر.

المرحلة الثالثة ماأدري شكثر يعتمد على النزول ان شاء الله بس شهر خلاص تمللت اريد اخلص والرابعة شكلها في رمضان مادام الوزن ينزل بالموووت.

المشكله امولة كل المراحل تحتاج وقت طويل علشان الجسم يتعود وبعد الرجيم مايزيد وزنك بسهولة يعني قصدي يحتاج الى وقت طويل علشان الجسم يتعود يحرق وعلشان بعد الرجيم جسمك يكون خلاص تعود على الحرق وحتى لو تغير نظام اكلك يكون خلاص تعود لأنك أخذتي فتره طويلة في كل مرحلة وبظني اسبوعين لكل مرحلة مايفيد.

انا نزلت ممممممممم 15 كيلو ككل في خمس شهور شفتوا القهر خمس شهوووووووووووور من عمري.

المهم الحمد لله ماباقي الا كم كيلو وان شاء الله تكملون الرجيم وانتوا بالف صحة وعافية.

امولة اذا نسيت اجاوب عن سؤال قولي لي.

بنوتات انا بكره يمكن ماأدخل على المنتدى علي أختبار حق وظيفة ولازم ادرس شوي قوانين ادعوا لي الله يخليكم ميته من الخوف...

سلااااااااااااااام لكم كلكم واحدة واحدة وبالتوفيق خواتي.

حزني الغالية مبرووووووووووووووووووووووووووووووووووووووك النزول وان شاء الله عن قريب غيرهم ولاتزعلين روحك على المفاتيح قولي اعوذ بالله من الشيطان الرجيم كم مرة يمكن تتذكرين وقولي دعاء ضياع الشيء ودوري عدل في الشنطة او في المكتبه ولا تنسين تعوذين من الشيطان وان شاء الله تذكرين وين حطيتهم وتحصلينهم بس انتي فكري وين ممكن يكونون.