منو تبدي معاي رجيم الدشتي مو اكثر من بنتين ؟ الجزء الثاني

[COLOR="DarkOliveGreen"]السلام عليكم
ماشاء الله عليك ماشاء الله عليك ماشاء الله عليك ياكوين ساره اغبطك على هالارادة القوية
انا ببكي الصراحه حماس البنات الحلوين اختفى وييييييييييييييييييييييييينكم
احس اشوي واختفي من القهر
انا الان ماقدر احدد كم الوزن لان الحلوة مشرفه
وقبل يومين راحين كورنيش الدمام ومسويه تخبيص على كيف كيفي
والله اني تعبت نفسيا كل ماقلت باتعدل صرت اخس من قبل احس نفسيتي خلاص اتعبت
خايفه يجي رمضان وانا ماحققت شي
تحياتي للجميع [/COLOR]

السلام عليكم معكم ام الشجاع احب كتير اني انحف لان وزني كبير واحب انضم معكم ممكن بلييييييز:SOFA:

كوين الله يبارك فيك يالغلا



لقيت المفاتيح نسايتهم في المكتب خخخخخخخخخ




الفطور كوب كافي فقط

افا عليكم محد رد علي كأنكم نسيتوني :(..

سلااااااااااااااااااام بنوتات ليش الخمول؟؟؟؟؟
حزني مبروك زين لقيتي المفاتيح حبيبتي. ان شاء الله الرجيم تمام.

صمت المشاعر وحشتيني مشكورة حبيبتي لو مو تشجيعكم ماكنت وصلت للوزن الحالي الحمد لله. بس خلي ارادتك قوية ولا تنسين الرياضة وترى صج هذي الأيام الواحد دايماً يحس بجوع ماأدري ليش؟

فدوووو الغالية لاتزعلين هذي الأيام كل البنات مشغولين لاتحطين في خاطرك تراكي غالية علينا.

أم شجاع حياكي معانا يالغالية وأهلاً فيكي ننتظر يومياتك ولا تنسين تكتبين كم وزنك وطولك وكم تريدين توصلين.

امولة وام عبادي وحبيبة فهد و سيتا ومس قطر وبشة و باقي البنات شخباركم وينكم وحشتونا يالغلا.

مشكورة كوين انا وزني الله اكبر بين 130-140 وطولي 153 كتير قصيرة والوزن كتير كبيراحب ابدا من بكرة شوهي الوجبات والوصفات الي بتاخدوها وامت الوزن

عموما حبيت أعتذر عن أنقطاعي بسب أنشغالي بزواج أختي دعواتكم ياحلوين


بكرة الزواج

هلا بنوتات...شخباركم...شخبار الرجيم معاكم...

هلا ام شجاع حياج الله معانا..والله يوفقج وتوصلين للوزن المطلوب يارب...

حزني الف الف مبروك على زواج اختج الله يتمملها على خير يارب...عقبالج وعقبال البنات كلهم...

اما من ناحيتي انا وااايد مخربطه اووووف زايده 4 كيلو والله مليت خاطري اسوي عمليه ربط معده زهقت...

حياك الله ياأم شجاع معنا ..
الرجيم هو عباره عن تأكلين البوتينات وتتركين النشويات بأكملها والسكريات
ومسموح لك حبه (طماطم - خياره) بااليوم فقط وتاكلين الاشياء الورقيه الخضراء اكثر
وتأكلين اي شي من اللحم او الدجاج او السمك او الربيان بشتى الطرق سوا كان
مقلي مشوي مسلوق او بالفرن

نورة الله يبارك فيك الغلا الله يسمع منك اللهم امين



اموري تمام مع الرجيم بس وزني ثابت الظاهر من شاي الرشاقة وقريت معلومة انا الشاي الأخضر يثبت الوزن وانا اشرب ومادري محتارة



يارب اوصل ل 65

بنوتلت وحشتوووووووووووووووووووووووووووني حيل,

شخباركم كلكم وينكم ليش الخمووووووووووووووووول وليش للحين احنا بنفس الصفحة يالله شدوا حيلكم .....

انا هذا الأسبوع كنت مشغولة مع الفحوصات والأمتحانات وفحص اللياقة وغيره علشان جذي ادش بالموت على المنتدى.

فدووو ونورة وام عبادي وحزني وصمت وسيتا وسماا النسيان وحبيبة فهد وام شجاع وباقي البنات شخباااااااااااار؟؟

كوين حياك ياالغلا


الله يكون بعونك ويتمم لك بخير يارب


اموري تمام بس من بكرة برجع زي اول بضبط الرجيم زي اول عشان انزل العشرة الثانية


ادعو لي يابنات




عندي سؤال صحيح الشاي الأخضر وشاي جامو يثبت الوزن

سلاااااااااااااااام
شخباركم؟؟
صار لي فترة ماادخل
حبيت اقول لكم
وصل وزني ولله الحمد 90 كيلو:)
يعني صاروا المجموع ماشاء الله لا اله الا الله 30 كيلو
عاد قولوا ماشاء الله:o

سلاااااااااااااااااااااام شخباركم اليوم بنات،

حزني بصراحة ماأدري اذا كان يثبت الوزن انا سمعت بعض البنات يشتكون من ثبات الوزن ويشكون في الشاي الأخضر بس بعد مو أكيد بس اذا انتي شاكه في الموضوع تركيه وجربي لأن كل بنت تختلف عن الثانية مثلاً انا الكوفي عندي كان يثبت وزني وعند خواتي ينزل وزنهم عادي ولما تركته ما شاء الله وزني نزل وايد علشان جذي اقول لك جربي تتركينه وان شاء الله خير يالغالية.

ام عبادي الغالية مبررررررررررررررررررررررررررررررررررررررررررروك النزول يالغالية والله فرحانه علشانك ماشاء الله ماشاء الله ماشاء الله عليكي وان شاء الله عن قريب تفرحينا بغيرهم يالله شدي حيلك ماباقي الا شوي وان شاء الله توصلين للوزن المطلوب بالتوفيق.

وين باقي البنوتات؟؟؟ ليش مختفيين؟؟ وين فدووووو ونورة وصمت وسيتا وبشة وسمااا وشموووووسة وحبيبة فهد والباقي وينكم وحشتووووووووووووووووووونا وحشتنا اخباركم يالغاليات.

هلا كوين سارة حبيبتي
يسلموو على الدعوة الحلوة
وان شاء الله انتي بعد توصلين وكل الي يتمنى
خاطري بس اشوف ال80 ههههههههه حتى لو في النهاية بعد حلو ههههههه

وصدق وين باق يالبنات
وين اايام الموضوع الاول والتفاعل فية:(

ما شاء الله
لا اله الا الله
تبارك الرحمن
وااااااااااااااااااو الله يزيد ويبارك ام عباااااااااادي
ما شاء الله عليج الله يحفظج من العين

الصراحه البارحه حاولت اجيك ع الموضوع والنت كان عندي زفت وما طاع يفتحلي الموضوع
وتفاجئت لما شفت ردج من شوي

ما شاء الله ويارب تنزلين اكثر واكثر وتوصلين لستييييييييين وتحرقين قلوب اللي قالولج ما بتضعفين خخخخ

صج حمستيني ارد لرجيم بكل قوه
هاليومين كنت ماخذه راحتي بالاكل بس اليوم كنت افكر ارد ولا لا
والحين قررت ارد عقب ردج هههههههههههههههههههههههه ابي ضعف وافتك
نبى نشوفج كل يوم بالموضوع عشان الحماس يزيد يالغاليه



كووووووووووين
حبيبة قلبي فديت عمرج
تكاسلت لان الموضوع كان فيه خموووووووووووول وقطعت عن المنتدى شوي
واليوم رديت لرجيم بكل حماس
وان شاء الله كل يوم تشوفون ردودي


حزني
يارب تنزلين العشره كيلو اللي باقيتلج
بشرينا عن العرس؟


وينها فدو .. عساج رديتي لرجيم واستقويتي عن التخبيص
بشرينا عن اخبارج يالغاليه .. وخلي ارادتج قويه
اذكري انج عروس ويبالج تضعفين عدل
وتخيلي عمرج ع الكوشه وانتي ضعفاااااااااانه ومحلوه والكل متخبل عليج هههههههه
نباج تردين للموضوع بحماسج وارادتج القويه وردودج الحلوه وحشتنا


و وين البقيه الباقيه
شو اخبــــــــــــــــار الحلوات
ان شاء الله خير

تسلمين امولة
والله وحشتوني
وحشني الرجيم
الحين اني تقريبا ماشية علية
يعني بعض الاحيان لازم اتغدى واتعشى من غير او عيش
بس ابي ارجع مثل قبل
لازم ارجع ان شاء الله
وانتي بعد ارجعي للرجيم دام انج اخذتي لك يومين راحة
والله يسمع منج واحر الي قالوا لي مابضعفين ههههههههههه

صباح الخير عالجميع...

هلا خواتي شخباركم وحشتوني واااايد واااايد فديتكم والله ...وفديت كل الي اسألت عني...

ام عبادي فديتج الف الف مبروك عالنزول...وان شاء الله ربي يرزقج كل الي تتمنينه يارب...

وعقبالي وعقبال كل البنات ان شاء الله..

كوين ساره\ اموله الدلوعه\فدو \حزني باقي البنات شخبارك الحلوين...ان شاء الله اموركم كلها ماشيه تمام....

صباح الجوري على الحلوات الغاليات
أخباركم وحشتوني بقوووة
طبعاً أنا كل يوم موجوده بس مالي خلق اكتب
بس اقراء
ابشركم فدووو مع التخبيص نازله كيلو ونص
قبل 84.5 وهلحين 73 فيه تقدم واجد من هلحين على العيد نزلت اكثر واكثر
لاتنسون انا بالرياضه اجلس هناك ساعتين ساعه على الجري مع الاجهزه الثانيه والساعه الثانيه رياضه مع المدربه
وزواجي قريب راح اعزمكم ..

هلاااااااااااااااااااااااا بالغاليات شخباركم كلكم،

فدووووووووو وحشتيني ياعسل مبرررررررررررررررروك النزول وعقبال عشرة غيرهم قولي ان شاء الله ومبروووووك ان شاء الله تكونين احلى عروس يالغالية.

نورة وينك وحشتينا شخبارك وشخبار النزول ؟؟؟؟ ان شاء الله تنزلين وزنك وتخلصين من الرجيم قبل العيد يالله شدي حيلك خلينا نخلص من الرجيم.

امولة الغالية والله انتي بعد وحشتيني شخبارك؟؟؟ يالله شدي حيلك في الرجيم وان شاء الله نخلص بسرعة.

باقي البنات صمت وام عبادي وسمااا وسيتا وحزني شخباركم وشخبار باقي البنات سلاااااااامي لكم كلكم.

انا عن نفسي الحمد لله بس شهيتي مسدوووووووودة كرهت اللحوم خير شر ولا حتى اشتهي ريحته.

وزني ينزل بطيءءء كلش وانا الحمد لله للحين اسوي رياضة.

الا بنات في احد يعرف تمارين لشد الجسم احس ان جسمي ضعفان كلش بس في شوي ترهل في رجلي واريد تمارين شد علشان تروح بسرعة تكفون اللي عندها لا تبخل علي بعد كم يوم عندي فحص لياقة واريد ان جسمي يكون مشدود مو مترهدل.

سلااااااااااااااااااااااااااااااااااااام لكل بنوتات الحلوات الرشيقات بأذن الله عن قريب والله يوفقكم كلكم في الريجيم.