التوقف عن الاكل بعد الساعة السادسة مساءا

سنوايت عزيزتي .. يالله أنا راح أبدا معاكي ولا يهمك ..

خلاص اليوم بديت وإن شاء الله ما في شي راح يوقفني ..

اليوم فطرت بقصم وحليب ..

دعواتكم يا بنات .. شجعونا .

حمستوني وااااااااااااااااااااااااايد

شكلي ببدا من اليوم ان شاء الله ^.^ ....

أنامل .. وينك نبغي حماس أنا أمس تعشيت بس حاولت ما أكثر

يعني حاسبت على أكلي طول اليوم .. وبحاول اليوم إني ما أتعشى.

انا بعد راح ابدى معاكم
بس محاولة اني احافظ ع وزني

اممممم بس انا الاثنين و الخميس اصوم
فا بخترب اكلي
بس يلا هب مشكله
بحاول اني امشي وياك
بس بليز ينات شجعونا لا اتودرون الموضوع

دموع حالمة


تسلميين

أنا تريقت اليوم كورنفليكس

و تغديت همبورقر بس ما كلته كله

و كلت همبا بعدها

و عالساعه 6 كلت بيزا بالنقانق مسوينه في البيت واايد خفييف

و بس لين الحينه مسكره حلجي

يالله انا ابي ابدى اسد فمي ماابي اكل

وااااااااااااااايد عجبني النظام وبحاول أمشي وياكم عليه من باجر ان شاء الله

أنا طولي 152 واااااااااااااااايد قصيرة صح :confused:

الوزن يبان علي بسرعه

قبل لا احمل كان وزني 52 يعني مناسب على ال:confused:حمل صار 66:ss: صاعقة

بعد الولادة بشهرين رد اروحه وصار 52 :)حلو

الطامه الكبرى اني الحين بعد الولادة ب 10 شهور اشوف وزني يزيد يوم عن يوم وصار 57 :confused: والله بصيح اليوم ربيعاتي في الدوام قالولي واااااااايد متنانة تراج

خلاص ببدأ من باجر ما اتعشى بعد الساعة 6 والله الموفق

سنو وايت .. طلعتي أشطر مني أني خربتها وتعشيت بس رأح أمسك نفسي اليوم وأغلبك ..

نيران الكعبي .. 5 كيلو أعتقد بالرياضة ممكن انك تنزلينها وحاولي تتعشي بدري ..

والله يوفقنا جميعاً إن شاء الله ..

دموع حالمة

شفتي عاد :D

يلا عشان تتشجعين..لمل قريت ردج تشجعت..عشان جي سكرت حلجي عن الأكل

بنات هذا اول يوم لي في اتباع ريجيم الساعة 6

وانا مثل ما وعدتكم امس اني اقفل حلجي عند الساعة 6

وفعلا الحمد لله من عقب السته ما كليت شيء (y)

من الساعه 8 الى 8ونص كنت امشي بحماس بس تعبت :(

وبعد اشووووي بسير اسبح وبشرب عصير اناناس وبنام على الساعة 11

الحين الساعه 10 بتوقيتنا

ولي عودة غدا

وزني الحالي 56
طولي 152
الهدف 48

كيفكم ياعرااايس والله طريقة أكثرمن رائعة انا قلت لكم أني حبدأ الأسبوع الي فات والحمد لله ما خبصت إلا يوم واحد واليوم قست وزني لقيت إني ناقصة كيلو والله فرحت كتييير ومعلومة أنا سمعت عن الشاي الأخضر كتيير مفيد وجربته والله انه يخليكي مالك نفس تاكلي اشربي كوبين في اليوم وهو طبعا له فوايد كتييرة أرجو اكون أفدتكم والله يعينكم ويقدركم

متى بس نعقل ونواصل .. صراحة مليت من أهمالي لنفسي.

وينكم بنات .. اختفيتوا من الرجيم ..

أنا اليوم برجع علية إن شاء الله وأخبركم بكرة بالتفاصيل ..

تحياتي لكم .. وشجعونا بلا كسل ..

الحمد لله يا بنات أنا كنت عند وعدي ..

فرحانة بنفسي بصراحة لأني قدرت امنع نفسي من الأكل طبعاً أمس في النهار أكلت بشكل معتدل إلى الغذا تغذيت من غذا البيت وحليت ومنها ما دخل بطني شي من بعد الساعة 4 .

ومفاجأة ثانية .. مشيت ساعة كاملة على جهاز المشي .

الحمد لله الحمد لله .. وسأواصل.

الله يوفقك خيتو

بالأمس عدى على خير الحمد لله قفلت بوزي من بعد الغذا ومشيت ساعة كاملة مع إن كان الوقت ضيق بس مشيت ونمت الليل .. صحيح اللي عنده إرادة يسوي المستحيل.

بصراحة هذي أول مرة أسويها عادة إذا المغرب ما مشيت خلاص اطنش وما أمشي الا اليوم الثاني ..

وإن شاء الله اليوم بعد يعدي .. دعواتكم ..

مبرووك دمووع ان شاء الله تتمين على هالموال وماتضعف ارادتج ابدااا

انا نفسج للحين على الرجيم بس المشكله اني مو قاعده انزل كلش :( والله مب عارفه ليش

مع اني امشي بس مافي فايده

انتي كم نزلتي على هالرجيم ؟ وكم صار وزنج اذا ممكن اعرف يعني :$؟

الله يوفقج ان شاء الله

ومادري اشفيها انامل اشردت الظاهر هدت الرجيم ههههههه
صار مهجور الموضوع من جذي مادشه

تحياتي : نــوارة

hazmaaaaaaaaaaaan : وينك اختفيتي ؟؟؟

من زمان ما سمعنا عنك اخبار .. بالنسبة لي نقصت تقريباً عليه ثلاثة كيلو وبعدها تركت الرجيم لفترة كان عندي احباط شديد فرجعت اللي نقصتهم ..

ولكن رجعت من جديد لأن ما عندي حل ثاني وبصراحة أحس هذا أكثر رجيم يناسب حياتي فعشان جذي رجعت له ..

أمس الحمد لله كان لي يوم ثالث من الرجيم وما خربته صكيت بوزي من بعد الغذا ومشيت لي ساعة كاملة على جهاز المشي .. وما راح اقيس وزني الا لما أحس اني خفيت شوي ..
وأتمنى هالمرة يضعف جسمي وما تضعف إرادتي .. والله كريم

وينكم يا بنات نبي نعرف أخباركم ،،، أنا بادية ريجيم صار لي شهر ونص ،، وأول ما كملت شهر نزلت بس 3 كيلو ... وبعد كا قريت موضوعكم .. بديت اتبع هالطريقة وراح أشوف شلون النتيجة .. طبعا راح أخبركم ...

صباح الخير عزيزاتي يا بنات احلى منتدى

في البداية حابة اقولكم اني افتخر فيكم وافتخر بارادتكم كلكم في الاستمرار على هذا النظام السهل والرائع والخفيف... والله يا بنات اني زعلانة ومتضايقة وايد اني تركت هذا النظام وذلك بسبب
ظروفي العائلية الصعبة جدا!!!

بس انا قررت من اليوم اني ارجع للنظام وازيد عليه ساعة او ساعتين من المشي او ركوب الدراجة الهوائية ... وايضا سوف افتح رابط جديد باسم

" نظام التوقف عن الاكل بعد السادسة + المشي ساعتين + لمدة شهر " واتمنى انكم كلكم تنتقلون معي في هذا الموضوع الجديد عشان نشجع بعض ونكون مع بعض...

وارجو ان تسامحوني لاني فعلا فعلا مررت بظروف صعبة جداااا جداااااا
اراكم في الموضوع الجديد ان شاء الله

اختكم انامل