/////خبرات ومعلومات تخصك يا ماما /////

حبيبتي شكرا لردك يالغالية و ما قصرتي

بس ما جاوبتيني على سؤالي انه ولدي يفز يمكن 6 مرات بالليل مو جوع لا بس يبيني ارجع اهزه شلون اخلص من هالموضوع

ادري ازعجتك بس صراحة خبرتك ما تتفوت لازم استغلها شكثر ما اقدر خخخخخخخخخ لا امزح معاك

مرايم السعوديه

فديتك يالغاليه لو انتي معاي بالبحرين كان سهرت احرس البيت معكم
ارحمي نفسك وارحمي هالمسكين بكره وراه مذاكره وروضه ومدرسه
خليه ينمو بشكل طبيعي حاله حال الاطفال

والله ولدك ما ينصلح حاله الا بعد ما الله يصلح حالك ههههههههههههه

سامحيني بس خلاص اخذت عليك كثير احسك اختي الصغنونه
وعادي لو جيت نومتك انتي قبل ولدك صح ؟؟

طيب الليله بتنامون على الساعه اربع يعني خلاص هذا التوقيت الي ناسبكم حاليا صح ؟؟

وقتي الساعه على الساعه 8 الصباح اوكي وقومي وقعدي ولدك بالازعاج يعني نظفي البيت او شغلي المكنسه علشان لمجرد انه يعرف انك صاحيه خلاص دام هو متعود يصحى معك راح يصحى ..

وبعدها لا تنومينه وشوفي ردي للأخت لوليتا سوي نفس الطريقه وبعدها خلاص امشي على الجدول الي عطيتها اياه بالضبط ..

ولو اختفيتي عن الموضوع برسل لك رسايل ازعجك فيها
يعني نبي تطبيق مثل الأخت saroonaa


يلا ننتظرك بكره الصباح تردين على الموضوع على الساعه 8 الصباح
ادري فيك شكلك نايمه الحين والصغير منهد حيله من السهر
ياربي ما ادري كيف منظمه اكله دام مو منتظم بالنوم
يعني ما ينام كويس ولا ياكل كويس
مثل ما قلت لك برسل لك رسايل !!

:::::::::::::::::::::::::::::::::::::::::::::

هلا والله حبيبتي فديت قلبج

عاد اقول لج ولدي اليوم نام 6 الصباح

وانا نمت 8 وربع تقريبا يعني لو انتظرت اشوي رديت على موضوعج خخخخخخخخخخ

المهم صحينا 3 ونص لا غدا ولا هم

والليلة عاد بحاول اخليه صاحي الى 2 عشان ينام متواصل الى صباح اليوم التالي

عاد من كثر ما احبج بكرة بصحى عشان خاطرج

وبقول لج ياب نتيجة والا لسا

تـــرانيم;5113401:
طيب يا اختي بالنسبه لطفلك وكتكوتك الحلو
بعطيك الآن الجدول وان شاء الله لما تطبقينه راح تحسين انه تحسن بتنظيم نومه

هذا الجدول خاص للي عمره ما بين السنتين الى 3 سنوات

ببتدي من الفتره الصباحيه وبعدين بقول لك كيف تبتدين تنظمين نومه

تصحينه الساعه 6 ونص الى الساعه 1 ظهرا
وبعد الواحده ظهرا تنومينه الى الساعه 3 العصر
بعدها تصحينه وما تنومينه الا الساعه 8 الليل

هذا التوقيت يكفي لعدد ساعات نومه بالليل والنهار

ولما يكمل 3 سنوات تبتدين بهذا الجدول

تصحينه الساعه 7 الصباح الى الساعه 2
وبعدها ينام من الساعه 2 الى الساعه 3 ساعه واحده تكفي بالنهار

وبعدها ما ينام الى الساعه 8 بالليل

::::::::::::::::::::::::::

طيب كيف تبتدين لأني شفت المشاركه الي بعدها تقولين مع انه ما نام طول النهار برضوا قعد بالليل وسهرتي معه
السبب واضح انه شبعان نوم وقاعد الظهر اكيد لسه ما جلس الوقت الكافي علشان ينام طول الليل

طيب كيف تبتدين معه ؟؟؟

الليله ما تنومينه الا على الساعه 4 الفجر اسهري معه

وبعد الساعه 4 خلاص قعديه على الساعه 7 الصباح وبعدها لا تنومينه الى الساعه الواحده ظهرا وقعديه بعد ساعه يعني لا تخلينه الا ساعه وحده بس نايم

وهكذا امشي على الجدول يبي لك صبر وادري انك راح تتعبين بالسهر معه الليله وبرضوا قعدتك معه الصباح وبرضوا لما ينام الظهر لا تنامين علشان ما يضيع الوقت عليك وما تقدرين تصحينه

ممكن انك تشغلين المكنسه واتسوين ازعاج بالغرفه علشان يقعد من نفسه علشان ما يعتفس مزاجه او انك تجيبين له هديه وتصحينه ولما يشوف الهديه راح يشغله عن النوم لأنه بالتأكيد ما اخذ راحته من البارحه يعني على الاقل الهديه بتشغل تفكيره

:::::::::::::::::::::::::::::

الله يعطيك الف عافيه ترانيم
الله يجزاك بالخير على التفصيل الممل لموضوعي
بالنسبه للنوم راح احاول اطبقه بعد اسبوعين بعد رجعتي لبيتي ومناقشة الجدول مع زوجي
لان مثل ما قلت لك عمله شفتات ومتغير
واذا نيمت الولد الساعه 8 بالليل ما راح يشوفه لانه احيانا يرجع 2 بالليل من العمل
تخيلي مره نيمت الولد 1 الليل جاء ابوه وصحاه وجن جنوني ( يقول ولدي حبيبي وحشني من البارح ما شفته )
ان شاء الله اذا بعمل تغيير بسيط عليه بما يتناسب مع زوجي ونرد لك على النتائج لاحقا

بالنسبه للسرير يا اختي ما عنده سور ؟؟

يعني لو كان فيه تقدرين ترفعينه وقت ما ينام
واهم شي ان سنه تقدرين تقنعينه كلاميا

تدريجيا من كثر النقل مره ومرتين وثلاث بالليله الواحده راح يتعلم تدريجيا

ان قدرتي تنقلين سريره بعيد عن سريركم يكون افضل للجميع

بكره ما راح يرضى بغرفه خاصه فيه يعني بيرفض انه ينام لحاله خصتا انه كبر يا اختي

اها جيتي على الجرح
سور السرير واطي ولا تساليني ليه لاني اصلا ما رضيت عن السرير يوم شراه ابوه الله يهديه ويصلحه .. والولد ما شاء الله عليه ينقز من فوق السور
اخاف ابعد السرير في يوم يقوم يصحى من النوم يبغى ينقز عندي ويطيح على الارض وينفقش
بالنسبه للغرفه انا مفكره انقله يوم يصير عمره 4 سنوات
ومن الحين امهد للموضوع لابوه
والله يصلحه يقول لي انتي ما عندك قلب تبغي ولدي ينام بعيد عن عيني وما عندك قلب
( مشكلتي انه ابوه فيه حنيه زياده عن اللزوم لدرجه الدلع وما احس احد خارب ولدي الا هوا لانه ما يرفض له طالب وانا اللي دايم اقول لا وخناقي كله مع زوجي بسبب هالولد حتى يوم سافرت الحين لنزهه بدبي ما صارت اجازه كلها خناق بسببه)
تخيلي جات مره اقنعت ولدي ينام بسرير وانا ادخل يدي من بين السور والمس شعره ويده علشان يحس بالامان وما يخاف .. واني احكي له حكايه .. واغني له .. ونقرأ قران مع بعض ما دام اهو على سريره واقتنع وصرنا على هذا الحال 3 ايام
اليوم الرابع جات اجازة ابوه ولانه غايب اسبوع عننا ينام بالعمل اصر ينيم ولده جنبه ويقول واحشه قلت واحشك العب معه النهار الليل بسريره لاني صايره اتأذى منه من ترفيسه ببطني ( وخاصه اني حامل )
لكن لا حياة لمن تنادي وخرب نظامي ورجعت ريما لعادتها القديمه ( وحده تشد بشعرها*) :mad:

::::::::::::::::::::::::::

اختي في ملاعق زي الأبر تحطين فيه الدواء وبسرعه تدفعينه بدفعه وحده بفم الطفل

من غير ما يشوف محتوى الملعقه تلقينها بالصيدليات

ودائما صفقي وقولي له انه بطل علشان يشرب الدواء

بعرفها يالغاليه ما نفعت اذا عطيته الدواء بالغصب بها الله يكرمك يرجعه
ومره عانته وعطيته 3 مرات ورى بعض وفي كل مره يرجع حتى ما بقي في بطنه شي :(
وجيت اعطيه الرابعه بس ابوه ما خلاني قال بتموتين الولد :D

وحاولت اغريه اذا اخذ العلاج له شوكولاته بس الاخ يطلبها قبل واذا ما عطيته
راح دور له عن مصادر ثانيه تنفذ له طلباته
يا ابوه يا اهل زوجي :mad:

:::::::::::::::::::::::::::

حرام عليك كيف تبين تكسرين عناده
عناده منك انتي ههههههههههههه

:D شو عرفك اني عنيده
البلا اني عنيده وابوه عنيد فهو ما شاء الله عناده اقوى مننا كلنا جمع العنادين لدرجه ما احد
:D

شوفي يا اختي دام حنا الكبار نعاندهم هم يتعلمون العناد منا
قد ما تقدرين سهلي الامور بينك وبينه يعني تعالي له بالهداوه
وركزي على كلامك ان يكون بشكل هادئ جدا
ودائما قولي له انا احبك وماما تحبك كثير لو عملت كذا

احيانا نحتاج نغير بأنفسنا علشان نغير طبع اطفالنا ..

إن شاء الله
::::::::::::::::::::::::::::::

خليني اشوف مشاركتك الجديده بالموضوع واحط ملاحظاتي

بس شكله ولدك مشاغب من الزين ههههههههههههه يا ربي يسلمه عطيني اياه وانتي رتبي البيت على كيفك

الله يعطيك الف عافيه يا عسل
هو كذا الله هديه مشاغب حبتين بس انا عندي توقع ان كثرة الحركه ان شاء الله تنم عن ذكاء الطفل
وانا من يوم ولدت كل امنيه حياتي يطلع ولدي عبقري
وكنت اشتري له العاب وكتب للاطفال لتعليم قبل ما يكمل سنه صدق ما استوعبها الا بعد سنه بس الحمد لله علمته هيا بعد سنه وباقي اعلمه بس الحمل طفشني وخلاني مالي خلق على شي وصبري صاير قليل

تـــرانيم;5113544:
بالنسبه لصندوق الالعاب

شيلي كل الالعاب شيلي الصندوق بكبره

وان سئلك عن الصندوق قولي له انك شلتيه لأنه ما يشيل العابه بعد ما ينتهي من اللعب

ان وعدك انه يشيله عطيه وان ما شاله مره ثانيه شيليه ولكن طولي المده

يعني لا تعطينه الا اذا حسيتي بندمه ووعدك بصدق

ولما تعطينه حذريه للمره الاخيره انك ما راح تعطينه اياه لو ما وفى لك بالوعد

وان شفتي ما في فايده انصحك انك لا تشترين له العاب

والسبب انك تشيلين كل العابه وتخلين له بس 4 منهم

وكل ما يمل منهم تبدلينهم 4 من الصندوق الي خبيتيه عنه

وبكذا يسهل عليك الترتيب بغرفته

والله فكره حلوة راح اجربها اول ما وصل بيتي ان شاء الله بس اعتقد ان الكلام كبير على سنه ولكن راح احاول
ربما يفهمني وعساه على القوة

::::::::::::::::::::::::::

بصراحه رده لك بسالفة الزنجبيل رهييييييييييب هالولد
طيب انتي لما تقولين له عن العقاب فعلا تنفذينه وله يكسر خاطرك وتترددين

يعني لما ما تكلمينه فعلا ما تردين عليه وله يقدر انه يقنعك بسرعه انك تتكلمين معه ؟؟

لا مو كل مره انفذها
يعني لو استمر بالشقاوة وما سمع التهديد اجيب العلبه عندي فيخاف ويتوب ابطل
لكن لما يعاندني اكثر وما يتاسف اقوم احط له شويه على شفايفه
هذا ان كنت بالبيت لوحدي لان لو عندي زوجي او اهل زوجي ما بقدر نسوي شي

وغير سالفه الزنجبيل لما ما خاف من العاقب جربت التخويف بالكبريت( هالاسلوب بس استخدمه لما يلعب بالكهرباء أو ولاعه النار أو البتوقاز يعني لشي الخطير جداااااااااا)
بالبدايه كان يخاف ويتاسف
ومره الاخ عاندني و طلب اني السعه
فولعت الكبريت وطفيته واستنيته يبرد شويه وقمت بالسواد الناتج عنه حطيت برجله رسومات
وخاف وبكي

بعد مده لعب لي بالكهرباء جبت الكبريت على بالي يخاف لكن ابدا مو راضي يتوب ولعته يقوم يعطيني رجله علشان احطه لها قهرني قلت له يحرق وهو يمد رجله احرقه
قمت طفيته وسويت نفس الاسلوب الاول يقوم يضحك ويقول ثاني ومو راضي يتاسف ويعاند
جن جنوني
ولعته مره ثانيه بس هالمره طفيته وبسرعه وهو حار حطيته بكعب رجله علشان يحس بالحراراه ويتاسفواقوله شوف حار مو حلو
يقول حلو ابي ثاني

المره الثالثه ولعته صد قوهو مولع قربته من رجله وحرقه وبكي

طبعا بعد هالمره ما رضيت اني اخوفه بالكبريت لانه اضطريت اني اذيه و انا ما احب العنف بالعقاب بس هوا اجبرني ومنها قررت اني اشيل هالعقاب من اللسته وجالسه ادور لي على طريقه ثانيه

افضل طريقه انك تقفلين غرفة نومك علشان ما يدخلها وان حاول منك الدخول قولي له انت تكركب الغرفه

احيانا انا كنت اسوي نفسي اني ابكي وتعبانه ومو قادره امشي طبعا عيالي يخافون علي

ومنها صاروا يساعدوني بترتيب البيت :tongue:

عاد ولدك شنو ينفع معه ههههههههههههه

انا ما بفتحها اصلا لان غرفه النوم وقت النوم بالليل بس

لكن يوم انظفها لابد يدخل معي ويخرب لي تنظيفي

بس راح اجرب ان وقت التنظيف لو عاد الكركبه اني اصك الباب واخليه برى كتاديب ( ولكن ما اقدر اطول لاني ما اتطمن عليه لوحده وهو الله يهديه يحب اللعب بالكهرباء والاشياء الخطيره واتوقع منه اي شي )

طيب هو ياكل حلويات كثير ؟؟؟

لأن يمكن النشاط الي فيه من الملل ومن زود ما ياكل سكر يعطيه طاقه ...

اها جرح تاني :confused:

انا اخاف على اسنانه واحب اني اقنن اعطاءه للحلوبات

بس كل اللي حوليا يعطونه حتى لو رفضت وما رضيت
يدور له حد ثاني يعطيه يقولون وحده ما تاثر
حتى تجينا شحنه حلويات من اهل ابوه على بيتنا :(

واصحاب ابوة بعد لو جوا وزارونا يجيبون كيس مليان وما شاء الله عليه لازم يخلص الكيس كله لو كنت شاطره الحق كم حبه لليوم الثاني :D

ان شاء الله بيتغير الين ما تولدين بس اهم شي الصبر اشغليه دائما بالنشاطات يعني ارسمي معه علشان تشغلينه عن الكركبه والتنطط على الكنب

اللهم امين

وسلامته ما يشوف شر

خليه يشارك بالترتيب معك وكل ما يسوي حاجه قولي له ممتاز شكرا انا فخوره فيك
الظاهر متملل بروحه بالبيت ويلفت انتباهك بمشاغبته بالبيت

فكره حلوة ان شاء الله باحاول تنفيذها



::::::::::::::::::::::::::::::::

طيب دام هو يحب يسويها بدون ما احد يشوفه افضل حل انه يسويها بالحمام لحاله بدون مساعدتك

امنيتي والله .. وان شاء الله الله يحققها ليا

نصيحه اشتري له المقعده الخاصه الي تجي على حجمه يمكن مو مرتاح على المقعده الي للكبار

اشتري له هديه حلوه او مصاص حلاوه شكله حلو وجذاب وقولي له ان سويتها هنا كل مره بعطيك الهديه بعدها

انا بحسه مرتاح عموما راح اشتريه ان شاء الله

بالنسبه للهديه عجبتني الحركه بس لو عندك افكار غير الحلاوة ..
وافكار بسيطه لان تدرين عدد مرات دخول الحمام كثيره ولو كل مره حلاوة غير المرات اللي يطلبها الاسنان راحت فيها
ولو كانت هديه كبيره راح تكثر الالعاب .. ويتعلم الولد يصير مادي
لو ولدي اكبر شويه كان ممكن عمل له مثل السوبر ناني
احط له نجمات واخر الاسبوع يحصل على هديه .. اما ملاهي أو لعبه او اي شي
بس احسه لسه ما استوعبها

فياليت تفيديني بافكارك
:
:



::::::::::::::::::::::::::::::

على حسب ما فهمت من ردك انك حامل

حاولي انك تشاركينه هذا الشي

قولي له انه يساعدك لما تجيبين الطفل الثاني الي بيشاركه اللعب والحياه اليوميه

وخليه يتخيل يوم بعد يوم كيف يخطط لمساعدتك

ركزي على هذا الشي بشكل يومي انك تذكرينه انك راح تجيبين طفل ثاني علشان هو يكون سعيد ومبسوط ويشاركه بكل شي

علشان ما تحصل لك مشاكل بعدين بسبب الغيره من الطفل الثاني

انا باحاول افهمه من الحين ان في نونو بالطريق
لكنه رافض
اقوله هنا في نونو ( ااشر على بطني يقول لا )
واحيانا يجي جري ويضربني ببطني حتى مي شافته قالت له كذا عورت ماما قال هنا في نونو
يعني هو متقصد يعور البيبي .. مو انا
لانه صاير يحب ينط على بطني ويقول لي حصان .. ودايما اصرخ له واحيانا اضطر اضربه لانه يعورني صدق

خصتا لما ترجعين من المستشفى حاولي انك تطلبين مساعدته بكل شي مثل جلب الاشياء مثل البامبرز وغيره ....

ان شاء الله باحاول مرسي على نصائحك

والله يعطيك العافيه ويخليك لعيالك وزوجك واهلك

ويوفقك دنيا واخره

مودتي

جزاك الله خير اختي ترانيم على خبراتك


متابعة بحماس....

السلام عليكم اختى الكريمة
ومبروك عليك الاشراف

وانا عندى على (سنة وثمانية اشهر) وفطومة( شهر ونصف)

ومشكلة علاوى انه اي شى عندنه لازم يرميه على اي احد وهذا الشى يضايقنى وخصوصا اذا عنده اشياء ثقيلة ويرميها على راس احد .... فشيلة ..

السلام عليكم ورحمة الله وبركاته..
ربي يقضى حوائجك ويسر امرك يارب ياكريم..
اعاني من مشكلة تساقط الشعور بعد الولادة ..صار لي من ولدت 8 شهور وارضع طبيعي.. ادري ان موضوع التساقط امر طبيعي بس والله تضيق نفسي وابكي لما اشوف شعري يطيح بالكم الكبير يعورني راسي ويتعكر مزاجي واصل لدرجة اني ما امسك المشط.. هذي المشكلة الاولى..


اما المشكلة الثانية.. الحمد الله على نعمة الاولاد لكني بعد ولادتي اعيش فوبيا اسمها تكرار الحمل مرة ثانية تخيلي كل شهر اعاني القلق والتوتر من الحمل على الرغم عدم الجماع.. مو اعتراض على الحمل لا بس دايم احاتي بنتي الي عمرها 8 شهور وطفل جديد.. وخصوصا انا من النوع الابتعادي يعني ابتعد عن اي شئ يسبب لي الم في حياتي بشكل عام وهذا ماثر فيني للحين لاني اتذكر الالم الولادة وفحصل ما بعد الحمل وابكي واتضايق صار موضوع الحمل عندي كابوس اكره وبس اسمع وحده حامل اموت خوف واحاتي.. ممكن تقولين هذا امر الله والنعم بالله والله ما اعترض بس انا ابي اشتغل واكمل دراسه ماجستر يعني احقق احلامي مب بس ايب يهال.. ولكن في النهاية ااذ الله راد لا اعتراض.. فكرت اخذ حبوب بس ما اعندي خبره وابي اسال الي جربوا وين اروح وشنهو الفحوصات .. ادري كثرت عليك بالكلام بس والله محد يدري بهالسفة الازوجي وانا والحين فضفضت اليك.. مادري شنو اسوي ساعديني. ..

الله يعطيكي العافية وانا اسه ما عندي أطفال وادعولي يا أخواتي الكريمات بالذرية الصالحة

أبرار الجنه

طيب أيش رايك بدل الهز انك تطبطبين عليه او انك تدلكين معدته بنعومه

بإيقاع ثابت بتخلينه انه يهدئ عصبيا , لأن هو ما تعود على الهز فقط انما تعود انك
تكونين قريبه منه وبطريقة الطبطبه او التدليك الخفيف راح تنولينه الي يبيه بس بطريقه ثانيه
علشان ينسى تدريجيا طريقة الهز ولا تبدلين ايقاع الطبطبه او التدليك علشان ما ينزعج
ولا تتوقفين عن التدليك الين ما ينام بس لا تنسين ان التدليك العشوائي ما يهدئه ويخليه ينام
فخليك ماشيه على ايقاع معين بدون تغيره علشان يسترخي بسرعه وينام ....

::::::::::::::::

مرايم السعوديه

تراني انتظرك مو بس علشان خاطري تراني كل يوم انتظرك الصباح تردين علي
هنا بالموضوع والله اخاف انك تسهرين الى الصباح علشان الموضوع ههههههههههههه
بصراحه ردك فيه روقان مو طبيعي هههههههه

ربي يسعدك ان شاء الله

::::::::::::::::::::

لوليتا

غاليتي بصراحه كسر خاطري لما قلتي لي عن موضوع الكبريت
بصراحه انا ارفض هالأسلوب التقليدي القديم
انتي قاعده تفهمينه على ان العنف الجسدي وسيله علشان يفرض على الآخرين
تنفيذ طلباته و ياويلي ان التطبيق يكون على الطفل الجديد بالأسره
حاولي قدر المستطاع يا اختي الانتباه لهذي الامور عسى ربي يهديه ويصبرك على شقاوته
بس معلش يا اختي بكره راح تتذكرين هالسوالف وتشتاقين لشقاوته ..
بالنسبه للجوائز
بأعتقادي ان افضل مكافأه تقدمه الأم لطفلها
هو وقتها الثمين ... كافأيه بسرد قصه معينه او خروجكم معا للتنزه
او مشاركتك له باللعب اللعبه الي هو يختارها
ولا تخلين فترة حملك تأثر سلبا على علاقتك بولدك واهتمامك فيه لتعليمه المهارات الجديده
لأن الطفل ما يحتاج الا لأمه لتعليمه ...
تابعي معي بكره ان شاء الله بكتب عن التصرف الصحيح وقت الغضب والسلوك السئ والجيد عن الاطفال
وبالنسبه للعقاب نفس ما ذكرتي لي فهمت انك ما تنزلين العقاب فورا
وبكذا يستهتر بكلمة العقاب
طيب جربتي العقاب انك تحبسينه بغرفه لحاله لمدة دقائق يعني بما انه عمره سنتين ونص خليه دقيقتين ونص بالغرفه حاولي مسك الباب بيدك ونفس الوقت خلي بالك ان الغرفه تكون آمنه وما فيها العاب تسليه
وان شاء الله يتغير تدريجيا ويكره وجوده لوحده بالغرفه
وبالنسبه للكهرباء يا اختي في فيش خاصه بالكهرباء لتأمين السلامه للأطفال الصغار تخلين الفيشه هذي بالكهرباء اقصد الفتحات علشان تسدها ونفس الوقت ركبي قفل فوق باب المطبخ حتى ما يقدر يوصل للقفل وقت انشغالك اقفلي المطبخ علشان ما يدخل لما تكونين مشغوله بمكان ثاني
ودائما كوني ثابته بموقفك معه ولا تبيني عنادك وبيني انك مسيطره عليه بدون عناد
بسن السنتين دائما الاطفال يحبون يكونون شخصيتهم وسيطرتهم على البيت وافراد الاسره
ومقدرته المحدوده بهذي السلطه يحس بالاحباط لو ما تنفذ طلباته
حاولي لهيه طول وقت عناده بأشياء يحبها علشان ما يسوي حاجات يثبت شخصيته بالطريقه الخاطئه
ربي يسعدك ويحفظه لك من كل شر ان شاء الله

::::::::::::::::::::::::::

نبع الحب

ربي يسعدك ويوفقك تابعي معنا عزيزتي اسعدني متابعتك

::::::::::::::::::::::::

أم طه
بتكلم عن هالموضوع ان شاء الله بكره تابعي معنا

::::::::::::::::::::::

ملكة الصمت

ان شاء الله راح يتوقف التساقط
ولا تخافين عزيزتي
انا كلمت الدكتوره وقالت لي ايامها لما كنت اعاني من التساقط ما بعد الولاده
ان كل بصيله تطيح منها الشعر راح ينمو بشكل أسرع وايضا اقوى

وانصحتني بشي حلو وسويته وخف عندي التساقط
تتذكرين الحبوب الحديد الي كنتي تاخذينه وقت ما كنتي حامل
اخذيه مره ثانيه
وراح تلاحظين خلال اسبوعين ان شاء الله ان بيوقف عندك التساقط
ما يحتاج استشارة الدكتور لأن الحديد عادي مثل الفيتامينات
تاخذيها لمدة شهر ونص وبعدها توقفين منه وترتاحين لمدة شهر ونص
وان شفتي لسه المشكله مستمره انصحك انك تسوين تحليل الهرمونات

اما مشكلتك الثانيه
حبيبتي حاولي قدر الامكان انك ما تفكرين بهذي الامور
ودائما ارضي بالنصيب علشان يسهل عليك متابعة حياتك بدون خوف
بالنسبه للحمل مره ثانيه
لازم تتكلمين مع زوجك بهذا الخصوص وشوفي المانع المناسب لكم ولعلاقتكم الزوجيه
واستمري على المانع
بالنسبه لي انا المانع طبيعي يعني هو الي يسوي الكنترول بنفسه
لأني اخذت حبوب وما قدرت اني اواصل عليه لأني زدت بالوزن وبرضوا كنت اعصب كثير
يعني كان مزاجي دائما متعكر وقت ما كنت اواصل على الحبوب
اما الواقيات ما احبها لأنها تسبب التهابات مع المواصله المستمره عليه
والحمدلله رغم المانع الطبيعي عمري ما حملت الا وانا وزجي قررنا هالشي اننا نضيف طفل اخر لعائلتنا

والحمدلله على كل
شيلي فكرة الخوف من بالك
وانتي لأنك توك طالعه من هذي المرحله الحمل والولاده فهذي الامور طبيعيه
انا كنت احلم بالولاده وكنت اشوف كوابيس ولكن
مع مرور الوقت سبحان الله نسيت كل شي
اذكري الله واستغفري وسبحي ليلك ونهارك الا بذكر الله تطمئن القلوب

ربي يوفقك ويسعدك ان شاء الله

:::::::::::::::::::::::::

nerd2010

ربي يرزقك بالذريه الصالحه وان شاء الله من زود الأطفال تقولين خلاص تعبت تعبت
ويكون هالموضوع ما يخلى من مشاكل مشاغبينك الصغار هههههههههه
الصبر يا اختي الصبر وكلنا ندعي لكم من قلب صدقيني
ربي يرزقك ويرزق كل وحده ما حملت بالذريه الصالحه يارب
اللهم آمين اللهم آمين

مرايم السعوديه

تراني انتظرك مو بس علشان خاطري تراني كل يوم انتظرك الصباح تردين علي
هنا بالموضوع والله اخاف انك تسهرين الى الصباح علشان الموضوع ههههههههههههه
بصراحه ردك فيه روقان مو طبيعي هههههههه

ربي يسعدك ان شاء الله

ههههههههههههههههههههه

تصدقين تقرين افكاري

قلت بجهز الرد على اللاب توب وباخذة معاي على السرير

و8 بقعد بضيف الرد وبرجع انام :D

مساء الخير اختي ترانيم والله يجزاك خير على هالمساعدات ويجعلها الله بميزان حسناتك
انا عندي بنت عمرها سنه وشهرين والحمد لله انا ساكنه فوق اهل زوجي ومشكلتي مهعا انه اذانزلت فيها تحت عندهم خلاص متبغا تطلع البيت واحيانن اخليها عندهم وماتطلع الا بصياح وحالتها حاله واول ماتصحا من النوم تصيح وتبغا تنزل وانا عادي عندي اني اخليها تنزل بس اخاف عليها لانها شقيه مره واخاف من الطيحات لا نها هي اذا طاحت تصيح ويجيها زي الصرع وتعبت معها اتمنى انك تساعدنيني

مرحبت عزيزني ..

انا في بدايه الثامن وهذا اول بيبي .. حبيت اعرف كيف اتصرف مع المولود و شو الاشياء للي لازم اتفاداها عشان ما يتعود عليها مستقبلا !!!

وهل بحب البيبي من اول نظره مثل ما يقولون ولا احتاج لفتره عشان اتعود عليه و احس ناحيته بشعور معين !!!

سؤالي الاخير .. كيف اقدر اوفق بين الزوج - البيت والطفل اليديد !!!

السموحه على الاطاله :)

عزيزتي بالنسبه لموضوع النوم والسبوح قبل الرقاد يكون فقط !! يعني الفتره الصباحيه ماشي سبوح !!!

مسااء الخيــــــــررر

بقولك اليووم كيف كااان طبعاا أمس وديت شغاالة عند أهلي ورجعت على السااعة 11 ونيمت العيال وعلى السااعة 1 تقريبا أو أكثر نمت وقمت على صلاة الفجر وقام ولدي الكبير (( تصوري قام يسأل عن الشغاالة ))وسألته طبعاا أيش تبغى وحاولت ماعير الموضوع أهتمام وشرب النيدو وبعدين قاعد يشااهد تلفزيوون وعلى السااعة 7 بديت أرتب البيت وهو ناام خلصت الشغل السااعة 9 وبعدين قومت ولدي الصغير ولبسته ملابس وفرشت أسناانه وبعدين قومت الكبير فرشت أسناانه ولبس هذاا لي فترة أحااول أعلمه وأقوله أنت كبير وأذاا صرت تلبس بوديك الروضة السنة الجااية ويتحمس ويلبس خاصة البنطلون ولعبت معهم سيارااات وجلسناا على النت نلعب بالدور خخخخخخخ
وطبعااا سألو عن شغالة كذاا مرة وأنااا أطنش ماأجااوب مع أني بوجودهااا ألعب معهم لكنهااا هي برضو طيبه معهم وتحاول تكسبنااا كلنااا الشهادة لله
وفكرت أني أستغني عنهااا حاليااا لمدة أطول عشان مايتعلقون فيهااا وأجدد علاقتي معهم
وفكرت العنااااااد أبشرك خفت شوي والعقااب من أمس ماعقبت الا مره عشان يستوعب أني جدية مو مزح أني زعلانة ورجع يتأسف وحااليااا تركوني على النت قلت لهم دوري أجلس وأنتم أجلسو على التلفزيون طبعاا أناا معهم نفس الغرفة

هذاا يومي بتفصيل الملل وطبعااا أبغى رأيك وأيش ممكن تضيف لي
وادري أنه طلبتنااا كثيره بس ودي أعرف متى أبداا معه القراان لأني أحااول من رمضاان من غير نتيجة تذكر
لكن أنجليزي من شهر سبعة وأناا أحفظه كلمااات معدل ثلاث كلماات أسبوعيااا الحمدلله حفظ وصاير يسأل( أيش هذاا بأنجليزي ) وأخوه حفظ منه بس مو كلهم
بس ودي أستغله في القراان |( أذاا قلته يردد ويقول الجملة الأخيره أحياانا من غير ماأكمله هو يكمله )

دمتي بحفظ الله

أفكار وطرق رائعة

جزاكِ الله ألف خير

:confused:



ما قدرت اقوم 8


قعدت



قعدت








12 الظهر

وولدي قعد 12 ونص ما بنومه الا الليلة 11 عشان انام معاه بدري وبكرة ان شاء الله بتشوفيني من 8 قاعدة

:cool:

ربي يدخلك الجنة .. الحمد الله من الهحظة اخذيت السبحة وبديت استغفر واسبح و الحمد الله على كل حال ونعمه وعن حبوب الحديد ان شاء الله من الليلة باخذهم.. وربي يدخلك الجنة يااااااااااااااااااااارب

:confused:(n) نمت العصر لين السااعة تسعة مدري أيش جااني نوووووووم فضيع شكلي حتى أناا فقدت الشغاالة هههههههههه

وطبعااا عيالي نومتهم معااي على انه سااعة فقط بس سحبنهاا قامو على السااعة 6 وطول الوقت أزعااج واحد فوقي واحد يتحرش بأخوه يقول وحش وطبعااا يخااف ويزعجني
حاولت أسيطر على الوضع ماا قدرت من النووم :mad:بس كنت سااكته ماحااولت أعااقبهم :eek:
وضريبه خربطه ماعشيتهم ألااا يوم جاء أبوهم على السااعة 10 ونص وبعدين دخلتهم يناامون مو بسهولة ناامو لأنهم شبعو نوم

بجرب نفسي بكره :(:(:(

ترانيم الله يعطيك العافيه على صبرك وسعه بالك

وعسى المانع خير اليوم ما شفنا تواصلك مع العضوات

ان شاء الله تكوني انتي والاولاد والاهل بخير يارب

اسمحيلي ارد على الاخت

*بحر الدموع*;5124147:
مساء الخير اختي ترانيم والله يجزاك خير على هالمساعدات ويجعلها الله بميزان حسناتك
انا عندي بنت عمرها سنه وشهرين والحمد لله انا ساكنه فوق اهل زوجي ومشكلتي مهعا انه اذانزلت فيها تحت عندهم خلاص متبغا تطلع البيت واحيانن اخليها عندهم وماتطلع الا بصياح وحالتها حاله واول ماتصحا من النوم تصيح وتبغا تنزل وانا عادي عندي اني اخليها تنزل بس اخاف عليها لانها شقيه مره واخاف من الطيحات لا نها هي اذا طاحت تصيح ويجيها زي الصرع وتعبت معها اتمنى انك تساعدنيني

غاليتي بما اني ظروفي مشابهه لظروفك ممكن اساعدك شويه

اسمحيلي اقولك انه بنتك لقت شي جذبها للقعده عند اهلها

هل عندهم اطفال ؟

لان ولدي يوم يجون عيال عمته يتغير حاله يصير يصحى من 9 الصبح وهو متعود يقوم العصر بس علشان يلعب معاهم وطول اليوم ما يبي ينزل
لكن لما يروحون يرجع عندي ليه

لان فيه العابه .. و افلام كرتون


شوفي شو بيحصل عندهم وهو مو موجود عندك

يعني هل يلعبونها كثير .ز شوفي كيف يتصرفون معها .. و ايش يلعبونها عندهم علشان تسوين لها ببيتك نفس الشئ فتجلس عندك

حاولي تلعبين معها شويه

في قصص وكتب تعليميه مصنوعه من الكرتون او الفلين

تجي صغيره على حجم يدها
وبكل صفحه رسمه وحده .. او شكل واحد
هذه حلوة لسنها
جيبي لها زيها وعلميها لان هالكتب من عمر سنه لــ 3 سنوات
واللي ارعفه ان البنت تتكلم قبل الولد .. وما شاء الله خبراتهم اللغويه تكون اكثر من اللولد
فحاولي تستغلينها اكثر
وجربي عطيها ورقه وقلم خليها ترسم وإذا تخافين ترسم بلك على الموكيت .. اشتري لها السبورة السحريه اللي تكتب بقلم خاص .. وبعد الكتابه تضغطي على الزر وتتمسح
في منها بـ 2 ريال وفي بـ 10 حسب الحجم
هذه راح تستمتع عليها
وحاولي مره انتي ترسمين لها شخصيات الكرتونيه المحببه و اكلها المفضل
وخليها ترسم واساليها شو رسمتي
طبعا هي راح تخربش بس قولي لها حلوة وشجعيها .. ولا تجبرينها تمسك القلم صح لان هذا مو سنها
بس خلها متعه مشتركه..


وياليت لو عندك العاب مشتركه بينك وبينها تعلميني ..

او اغنيات .. واناشيد ..

خلصوا اللي عندي .. وصار الاخ يتملل منهم وما يبيهم ..

وهالطلب من جميع الاخوات

saroonaa;5129989:
:confused:(n) نمت العصر لين السااعة تسعة مدري أيش جااني نوووووووم فضيع شكلي حتى أناا فقدت الشغاالة هههههههههه

وطبعااا عيالي نومتهم معااي على انه سااعة فقط بس سحبنهاا قامو على السااعة 6 وطول الوقت أزعااج واحد فوقي واحد يتحرش بأخوه يقول وحش وطبعااا يخااف ويزعجني
حاولت أسيطر على الوضع ماا قدرت من النووم :mad:بس كنت سااكته ماحااولت أعااقبهم :eek:
وضريبه خربطه ماعشيتهم ألااا يوم جاء أبوهم على السااعة 10 ونص وبعدين دخلتهم يناامون مو بسهولة ناامو لأنهم شبعو نوم

بجرب نفسي بكره :(:(:(

بخبرج قعدة البيت تييب النوم جان عزمتي حد من اهلج مثل خواتج عشان يقعدون وياج بكذا ما راح تنامين

هلاااا والله مراايم صاادقة بس أناا مانمت اليوم اللي قبل
بس برضو سكرت من النت وعلى طول رحت نمت مااقمت الأ على الساعة 6 ونص نووووووم صرنااا نافسكم يااعسل ههههههههههه بغيت أعدل سلوك عيالي خربت نظاااام النووم هههههههههه