/////خبرات ومعلومات تخصك يا ماما /////

الله يعطيك الف عافيه ترانيم
ما قصرتي يالغلا
معلومات مفيده ومشكورة عليها
بس يالغاليه ما جوبتي على بعض استفساراتي
واكيد ان ودك تجاوبين عليها بعدين
بس اللي صار البارح جنني
هذه مشكلتي الاولى كتبتها بالصفحه 2

بالنسبه للبارح
ولدي قام الظهر تقريبا 2 او 2.30 وما نام نهائي لعب مع الاطفال اللي جونا وملهي معهم
نام حوالي 12.30 بالليل ( صباحا) وحاولت اصحيه علشان اخليه ينام على 1 بس ما رضي
شو تتوقعي صار .؟؟؟؟
المفروض ما يقوم صح:(
لكن
صحي لي الساعه 3.30 صباحا :confused:
وقعدت معه لين 8 الصبح
وانا مهريه من التعب والنوم
اشوه اني باجازه حاليا وببيت اهلي
الله يخلي لي امي يعني اقوم الاقي الغداء جاهز
لكن لو ببيتي ياربيه بنجن .. وراي طبخ .. وتنظيف البيت .. والبيت زي ما قلت لك اول ما اعرف انظفه مدام هو صاحي
اصلا انظف من هنا يكركب من هنا :mad:
لو دخلت غرفه الالعاب وحطيها بالصناديق وكنست وكل شي
يجيك الاخ ينثرها كلها ويرميها بالارض وحاولت مره اخليه يجمعها معاي علشان يحس بالتعب ,, لكن نفس الاسلوب لازم يكب كل الصندوق بالارض بعد ما اخلص..
ولو نظفت غرف الضيوف طلع على الكنب ينط ويرمي الخداديات على الارض ومره طاح وانقشعت اللحمه من رجوله وصار يصب دم :confused:
لو نظفت غرتي بعد ما انتهي من ترتيب السرير طلع ينقز وراح ترتيبي
حاولت استخدم معه اسلوب السوبر ناني
وشريت كرسي للعقاب ما نفع .. ,, طوابع لشخصيات كرتونيه يحبها ياخذها كمكافأه له ما نفع ..
استعملت اسلوب انا زعلانه منك وما اكلمك .. ما نفع .. صار هو يقولها لي لما اخذ منه شي يقولي ماما ااعلان منك
استعملت الزنجبيل كتخويف ما نفع.. ومره غاضني وحطيته له شويه على شفايفه .. من قوه عناده اقول له ( قولي اسف يا ماما اتوب ولا احط لك ثاني ) يقول ابي ثاني( صورة وحده تشد بشعرها)
كل خوفي من تنظيم وقتي بعد الولاده .. يعني وانا معي واحد ما لحقت على شغل البيت كيف لو صاروا اثنين واي وين اروح :confused:
:
:
ويالغاليه ودي اسالك عن النونيه
انا صراحه اقرف منها وما احبها
والحمد لله صار يقدر يجلس على الكرسي حقنا عادي .. بس انا اجلسه يقدر يمسك عمره ما شاء الله من غير ما يطيح
لكن هو ما يحب احد يشوفه وهو يــ :o
حتى وهو بالحفاظه يروح بغرفه ثانيه علشان لا حد يشوفه
وان كان في بيت اهل زوجي
نزل يتخبي تحت الدرج لين يخلص:D
ومره كنا بمطعم نزل من فوق الكرسي
وراح يتخبأ ورانا:D
وتدرين الحين برد مره يعني ما بقدر ابطله ايها الحين
يعني اتمنى من ربنا ب لما يجي يوصخ ويقول ابي حمام ..

سوري ترانيم كثرت عليك بالحكي
بس احس نفسي ضايعه .. خاصه اني بارجع بيتي قريب .. وراح ترجع معاناتي

سلام يالغاليه

لآلئ قلبي

تسلمين على رسالتك توني قرأتها وانا بعد أحبك في الله

واصلي معنا عزيزتي وانا كتبت عن جدول تنظيم النوم الي بسن طفلتك الحلوه
ان شاء الله تستفيدين من باقي المواضيع
وكتبت كمان عن الاكل دام بنتك ما شاء الله وصلت لسن الشهر الرابع

::::::::::::::::::::::

rayaan

تسلمين يا اختي على هالدعوه الحلوه
جزاك الله خير يا اختي وربي يسعدك ويوفقك

:::::::::::::::::::::::::::

لوليتا;5102447:
السلام عليكم ورحمه الله وبكراته

اول ابارك لك الاشراف غاليتي صدق تستاهلين الله يكون بعونك يالغلا

موضوعك جدا نايس وجاه بوقته لان عندي مشكله مع طفلي الاول

عمره سنتين وسته شهور ..

مجنني الله يهديه .. ما يحب يقعد لوحده ولازق فيني وما بعرف اشتغل بالبيت ..
وما يحب يلعب بالالعابه لكن لما اروح لناس ويكون في اطفال يحب يلعب ويندمج معهم
لكن بالبيت لاااااااااااااااااااا
يعني لا جيت اكنس طفي لي المكنسه .. لو رحت اطبخ تقوم حرب .. لو جيت اغسل المواعين لاصق فيني لين ازهق حياتي..
ولانه ما شاء الله شقي شويه .. حتى الحمام اللي يكرمكم ما بقدر ادخله وهو بره .. يعني انتظر ابوه لين يرجع من العمل حتى اتحمم

والله يصلحه ويهديه تعلق فين ياكثر بعد فطامي له وحملي حاليا انا بالشهر 6

:
:
مشكلتي الثانيه معاه ..
مو عارفه كيف اعوده على الحمام
وليت بالحفاظه اكرمك الله خالصه ما يحب يغيرها نهائي ومجنني .. اقعد اجري وراه كثير حتى يرضى يغيرها
:
:
المشكله الثالثه
ما يحب ينام بسريره لازم ينام بيني وبين ابوه واحيانا لما ينام اشيله واحطه على سرير ..
لكنه ما شاء الله يحس بعد ساعه او اقل او اكثر ينقز من سريره ويرجع على سريري
لاني حاطه السرير جنب سريري فسوره واطي واخاف يطيح لو بعدته

:
:
المشكله الرابعه
لو مرض ما ياخذ العلاج

:
:
الخامسه
اهو عنيد مو عارفه كيف اكسر عناده
:
:
السادسه والاهم
نومه مخربط
يعني ينام لي الصباح 6 -7 الصبح
ويصحي العصر
وحتى لما حاولت اعدل نومه وما انيمه قيلوله وخليته ينام 12 بالليل يرقد ساعه اثنين ويصحى يبكي لين اطلعه عند التلفزيون ..
ونقعد نكمل السهره
( على فكره قيلولته ممكن ساعه تجلسه وقت طويل حتى ينام .. فهو قليل النوم .. ولو نام هالساعه لو عملت شو ما يقوم)

::
معليش يالغاليه طولت عليك
بس ودي استفيد من نصائحك خاصه ما عندي شغاله وعايشه بمدينه بعيد عن اهلي
على فكره عمل زوجي اسبوعيا يتغيرا يعني مره الصابح مره العصر ومره اخر الليل ويرجع الصبح
مافي نظام :(

مودتي

سامحيني يا اختي والله نسيت اني ارد على مشاركتك وفي كثير من المشاركات
ايضا ما رديت عليهم ولكن اغلب المشاركات كانت عن النوم ولذلك
سامحوني لأني كتبت المعلومات عن النوم وجدول التنظيم حتى يكون الرد للجميع بكيفية تنظيم نوم الاطفال

طيب يا اختي بالنسبه لطفلك وكتكوتك الحلو
بعطيك الآن الجدول وان شاء الله لما تطبقينه راح تحسين انه تحسن بتنظيم نومه

هذا الجدول خاص للي عمره ما بين السنتين الى 3 سنوات

ببتدي من الفتره الصباحيه وبعدين بقول لك كيف تبتدين تنظمين نومه

تصحينه الساعه 6 ونص الى الساعه 1 ظهرا
وبعد الواحده ظهرا تنومينه الى الساعه 3 العصر
بعدها تصحينه وما تنومينه الا الساعه 8 الليل

هذا التوقيت يكفي لعدد ساعات نومه بالليل والنهار

ولما يكمل 3 سنوات تبتدين بهذا الجدول

تصحينه الساعه 7 الصباح الى الساعه 2
وبعدها ينام من الساعه 2 الى الساعه 3 ساعه واحده تكفي بالنهار

وبعدها ما ينام الى الساعه 8 بالليل

::::::::::::::::::::::::::

طيب كيف تبتدين لأني شفت المشاركه الي بعدها تقولين مع انه ما نام طول النهار برضوا قعد بالليل وسهرتي معه
السبب واضح انه شبعان نوم وقاعد الظهر اكيد لسه ما جلس الوقت الكافي علشان ينام طول الليل

طيب كيف تبتدين معه ؟؟؟

الليله ما تنومينه الا على الساعه 4 الفجر اسهري معه

وبعد الساعه 4 خلاص قعديه على الساعه 7 الصباح وبعدها لا تنومينه الى الساعه الواحده ظهرا وقعديه بعد ساعه يعني لا تخلينه الا ساعه وحده بس نايم

وهكذا امشي على الجدول يبي لك صبر وادري انك راح تتعبين بالسهر معه الليله وبرضوا قعدتك معه الصباح وبرضوا لما ينام الظهر لا تنامين علشان ما يضيع الوقت عليك وما تقدرين تصحينه

ممكن انك تشغلين المكنسه واتسوين ازعاج بالغرفه علشان يقعد من نفسه علشان ما يعتفس مزاجه او انك تجيبين له هديه وتصحينه ولما يشوف الهديه راح يشغله عن النوم لأنه بالتأكيد ما اخذ راحته من البارحه يعني على الاقل الهديه بتشغل تفكيره

:::::::::::::::::::::::::::::

بالصفحه الي فاتت كتبت ردي على مشكلة تغيير الحفاضه
وبالنسبه للنونيه دام ما تحبينها خلاص بلاش منها
وان كان يقدر يقعد على.... بالحمام خلاص المشكله انحلت الحمدلله
او ممكن تشترين له مقعده خاصه تتركب على المقعده الرئيسيه علشان ما يعوره مؤخرته مع تكرار العمليه

::::::::::::::::::::::::::::

بالنسبه للسرير يا اختي ما عنده سور ؟؟

يعني لو كان فيه تقدرين ترفعينه وقت ما ينام
واهم شي ان سنه تقدرين تقنعينه كلاميا

تدريجيا من كثر النقل مره ومرتين وثلاث بالليله الواحده راح يتعلم تدريجيا

ان قدرتي تنقلين سريره بعيد عن سريركم يكون افضل للجميع

بكره ما راح يرضى بغرفه خاصه فيه يعني بيرفض انه ينام لحاله خصتا انه كبر يا اختي

::::::::::::::::::::::::::

اختي في ملاعق زي الأبر تحطين فيه الدواء وبسرعه تدفعينه بدفعه وحده بفم الطفل

من غير ما يشوف محتوى الملعقه تلقينها بالصيدليات

ودائما صفقي وقولي له انه بطل علشان يشرب الدواء

:::::::::::::::::::::::::::

حرام عليك كيف تبين تكسرين عناده
عناده منك انتي ههههههههههههه

شوفي يا اختي دام حنا الكبار نعاندهم هم يتعلمون العناد منا
قد ما تقدرين سهلي الامور بينك وبينه يعني تعالي له بالهداوه
وركزي على كلامك ان يكون بشكل هادئ جدا
ودائما قولي له انا احبك وماما تحبك كثير لو عملت كذا

احيانا نحتاج نغير بأنفسنا علشان نغير طبع اطفالنا ..

::::::::::::::::::::::::::::::

خليني اشوف مشاركتك الجديده بالموضوع واحط ملاحظاتي

بس شكله ولدك مشاغب من الزين ههههههههههههه يا ربي يسلمه عطيني اياه وانتي رتبي البيت على كيفك

لوليتا;5113120:
الله يعطيك الف عافيه ترانيم
ما قصرتي يالغلا
معلومات مفيده ومشكورة عليها
بس يالغاليه ما جوبتي على بعض استفساراتي
واكيد ان ودك تجاوبين عليها بعدين
بس اللي صار البارح جنني
هذه مشكلتي الاولى كتبتها بالصفحه 2

بالنسبه للبارح
ولدي قام الظهر تقريبا 2 او 2.30 وما نام نهائي لعب مع الاطفال اللي جونا وملهي معهم
نام حوالي 12.30 بالليل ( صباحا) وحاولت اصحيه علشان اخليه ينام على 1 بس ما رضي
شو تتوقعي صار .؟؟؟؟
المفروض ما يقوم صح:(
لكن
صحي لي الساعه 3.30 صباحا :confused:
وقعدت معه لين 8 الصبح
وانا مهريه من التعب والنوم
اشوه اني باجازه حاليا وببيت اهلي
الله يخلي لي امي يعني اقوم الاقي الغداء جاهز
لكن لو ببيتي ياربيه بنجن .. وراي طبخ .. وتنظيف البيت .. والبيت زي ما قلت لك اول ما اعرف انظفه مدام هو صاحي
اصلا انظف من هنا يكركب من هنا :mad:
لو دخلت غرفه الالعاب وحطيها بالصناديق وكنست وكل شي
يجيك الاخ ينثرها كلها ويرميها بالارض وحاولت مره اخليه يجمعها معاي علشان يحس بالتعب ,, لكن نفس الاسلوب لازم يكب كل الصندوق بالارض بعد ما اخلص..
ولو نظفت غرف الضيوف طلع على الكنب ينط ويرمي الخداديات على الارض ومره طاح وانقشعت اللحمه من رجوله وصار يصب دم :confused:
لو نظفت غرتي بعد ما انتهي من ترتيب السرير طلع ينقز وراح ترتيبي
حاولت استخدم معه اسلوب السوبر ناني
وشريت كرسي للعقاب ما نفع .. ,, طوابع لشخصيات كرتونيه يحبها ياخذها كمكافأه له ما نفع ..
استعملت اسلوب انا زعلانه منك وما اكلمك .. ما نفع .. صار هو يقولها لي لما اخذ منه شي يقولي ماما ااعلان منك
استعملت الزنجبيل كتخويف ما نفع.. ومره غاضني وحطيته له شويه على شفايفه .. من قوه عناده اقول له ( قولي اسف يا ماما اتوب ولا احط لك ثاني ) يقول ابي ثاني( صورة وحده تشد بشعرها)
كل خوفي من تنظيم وقتي بعد الولاده .. يعني وانا معي واحد ما لحقت على شغل البيت كيف لو صاروا اثنين واي وين اروح :confused:
:
:
ويالغاليه ودي اسالك عن النونيه
انا صراحه اقرف منها وما احبها
والحمد لله صار يقدر يجلس على الكرسي حقنا عادي .. بس انا اجلسه يقدر يمسك عمره ما شاء الله من غير ما يطيح
لكن هو ما يحب احد يشوفه وهو يــ :o
حتى وهو بالحفاظه يروح بغرفه ثانيه علشان لا حد يشوفه
وان كان في بيت اهل زوجي
نزل يتخبي تحت الدرج لين يخلص:D
ومره كنا بمطعم نزل من فوق الكرسي
وراح يتخبأ ورانا:D
وتدرين الحين برد مره يعني ما بقدر ابطله ايها الحين
يعني اتمنى من ربنا ب لما يجي يوصخ ويقول ابي حمام ..

سوري ترانيم كثرت عليك بالحكي
بس احس نفسي ضايعه .. خاصه اني بارجع بيتي قريب .. وراح ترجع معاناتي

سلام يالغاليه

طيب بالنسبه للنوم تكلمنا عنه بالرد السابق

بالنسبه لصندوق الالعاب

شيلي كل الالعاب شيلي الصندوق بكبره

وان سئلك عن الصندوق قولي له انك شلتيه لأنه ما يشيل العابه بعد ما ينتهي من اللعب

ان وعدك انه يشيله عطيه وان ما شاله مره ثانيه شيليه ولكن طولي المده

يعني لا تعطينه الا اذا حسيتي بندمه ووعدك بصدق

ولما تعطينه حذريه للمره الاخيره انك ما راح تعطينه اياه لو ما وفى لك بالوعد

وان شفتي ما في فايده انصحك انك لا تشترين له العاب

والسبب انك تشيلين كل العابه وتخلين له بس 4 منهم

وكل ما يمل منهم تبدلينهم 4 من الصندوق الي خبيتيه عنه

وبكذا يسهل عليك الترتيب بغرفته

::::::::::::::::::::::::::

بصراحه رده لك بسالفة الزنجبيل رهييييييييييب هالولد
طيب انتي لما تقولين له عن العقاب فعلا تنفذينه وله يكسر خاطرك وتترددين

يعني لما ما تكلمينه فعلا ما تردين عليه وله يقدر انه يقنعك بسرعه انك تتكلمين معه ؟؟

افضل طريقه انك تقفلين غرفة نومك علشان ما يدخلها وان حاول منك الدخول قولي له انت تكركب الغرفه

احيانا انا كنت اسوي نفسي اني ابكي وتعبانه ومو قادره امشي طبعا عيالي يخافون علي

ومنها صاروا يساعدوني بترتيب البيت :tongue:

عاد ولدك شنو ينفع معه ههههههههههههه

طيب هو ياكل حلويات كثير ؟؟؟

لأن يمكن النشاط الي فيه من الملل ومن زود ما ياكل سكر يعطيه طاقه ...

ان شاء الله بيتغير الين ما تولدين بس اهم شي الصبر اشغليه دائما بالنشاطات يعني ارسمي معه علشان تشغلينه عن الكركبه والتنطط على الكنب

وسلامته ما يشوف شر

خليه يشارك بالترتيب معك وكل ما يسوي حاجه قولي له ممتاز شكرا انا فخوره فيك
الظاهر متملل بروحه بالبيت ويلفت انتباهك بمشاغبته بالبيت

فيبي له انك تشغلينه دام هو قاعد شوفي شنو هواياته وحاولي انك تشاركينه بكل شي

وان شاء الله بيهدى تدريجيا ....




::::::::::::::::::::::::::::::::

طيب دام هو يحب يسويها بدون ما احد يشوفه افضل حل انه يسويها بالحمام لحاله بدون مساعدتك

فهميه هذا الشي وبيني له انك متقرفه من الحفاضات قولي له وعوووو

واشري على المقعده الي بالحمام علشان يفهم ان المكان الخاص بـــ .... هنا بهذا المكان مو بنفسه او صرواله او بالبامبرز

نصيحه اشتري له المقعده الخاصه الي تجي على حجمه يمكن مو مرتاح على المقعده الي للكبار

اشتري له هديه حلوه او مصاص حلاوه شكله حلو وجذاب وقولي له ان سويتها هنا كل مره بعطيك الهديه بعدها

وكل ما يسويها خليه هو الي يضغط على الماء علشان يتدفق الماء بالمرحاض وينظف الـــ....

لأن الاطفال يتسلون من هالطريقه ...

وسوي العكس لما يسويها بالمرحاض انك ما تقولين وووووووع يعني قولي ايوه هنا مو ووووع ههههههههههههه علشان يفرح

::::::::::::::::::::::::::::::

دائما الطفل الاول صعب بالنسبه للامهات تخاف تواجه المتاعب بروحها ببيتها الخاص
ابعدي فكرة انك خايفه لما ترجعين بيتك هذي حياتك وانتي المسؤوله فكري انك تكونين هادئه وان كل الامهات يمرون بنفس المعاناه اليوميه الي يفرضها علينا الاطفال خصتا الطفل البكر

يمكن الولد يحس بأنه الوحيد بالبيت وتحسين انه مشاغب

لكن بالنسبه للطفل الثاني ما تحسين كيف الوقت مر بسرعه وكيف كبروا مع بعض

لأن الطفل البكر تتغير تصرفاته 90 درجه للأفضل بعد ولادة الطفل الثاني

على حسب ما فهمت من ردك انك حامل

حاولي انك تشاركينه هذا الشي

قولي له انه يساعدك لما تجيبين الطفل الثاني الي بيشاركه اللعب والحياه اليوميه

وخليه يتخيل يوم بعد يوم كيف يخطط لمساعدتك

ركزي على هذا الشي بشكل يومي انك تذكرينه انك راح تجيبين طفل ثاني علشان هو يكون سعيد ومبسوط ويشاركه بكل شي

علشان ما تحصل لك مشاكل بعدين بسبب الغيره من الطفل الثاني

خصتا لما ترجعين من المستشفى حاولي انك تطلبين مساعدته بكل شي مثل جلب الاشياء مثل البامبرز وغيره ....

والله يوفقك ويسعدك يا اختي

بكره ان شاء الله بنتكلم عن الالعاب للسن الثانيه والثالثه من عمر الاطفال

وكمان راح نتكلم عن السلوك الجيد والسئ وكيف نفهم الطفل هذا الشئ

بوركت اختنا ترانيم
وفقك الله
متابعه

بارك الله فيك اختي تؤانيم و جزاك الله الف خير

اختي انا عندي سؤال

انا ولدي مثل ما تعرفين عمره 7 شهور و عندي مشكلة مع ابوه انه شنو ما يسوي ما يقوله لا لانه طفل و انا خايفة انه هذا الطبع يظل عند ابوه لحد ما يكبر و تصير الشخصية القاسية او الصارمة مني و انا ما ابي هذا الشي فشلون اتصرف

اتمنى انها وصلتلك المعلومة

شكرا لك بعد عمري

مرايم السعودية;5108942:
الغالية ترانيم

فديت قلبج على مواضيعج الحلوة مرة

انا لو اقول لج شلون نظامنا انا وولدي وزوجي العزيز

كان اتيين السعودية ترأفين بحالنا وتسوين لنا جدول تنومينا كلنا


الحين كتبت ردي 4 الفجر بقوم انام الى 10

وبكتب لج شلون حياتنا مقلوبة فوق تحت ..

تصبحين على خير

اكمل لج هنيه

صحيت 10 اتصل لي زوجي قال بيتغدى برى

قمت نمت ويا ولدي الى 12 ونص :D شفتي شلون احب النوم

وولدي ما نام البارحة الا 3 الفجر يعني الولد طالع لأمه

وبحاول اخليه صاحي الى 11 الليل عل وعسى ينام مثل الناس

طبعا هذا النظام الحالي أما قبل فكنا ننام 7 الصباح الى 4 العصر

يعني نحرس البيت طول الليل

المهم

ولدي عمره سنه ونص

وان شاء الله على يدينج ينصلح حالنا :D

ماشاء الله ترانيم ابدعتي
عزيزتي ماقصرتي
خبارتج وايد مفيدة وتعابعة الى الاخر ان شاء الله

مشكورة حبيبتي على الرد ويجزاااك كل الخير ويسر لك أمورك يااقادر ياكريم

أقولك النظاام الجديد اللي اليوم بطبقة رااح أصرف الشغالة يومين عند أهلي عشان أتفضى لهم من غير مايكون في أحد غيري معهم
وراح أحاول أضبط نفسي أولاا وبأذن الله أخذ بنصاايحك
وأدعولي الله يسر أموري وراح أبلغكم بنتااايج أن شاء الله

هلا اختي ترانيم

مشكورة حبيبتي جدا جدا على الموضوع الحلو وفعلا كل ام وانا وحدة منهم محتاجة لها لخبرات

انا اسجل متابعتي معاك عندي ولدين الكبير 6سنوات والثاني شهر

مشكلتي مع ابني الكبير هي النوم وفعلا اعاني منها كثير من وهو كان صغير لحد الحين يمكن راح تستغربين اتقولين كبير وفعلا من كان صغير لين الحين نومه مررة قليل يعني الحين وراه روضة تخيلي اخليه ينام الساعة 9 الليل ماتجي الساعة 2 الليل الا صحى من النوم ونشيط بعد حاولت ااخر وقت نومه لين وصللين 2 الليل يجلس الصباح وهو ماشبع نوم مع العلم انه ماينام العصر شو الحل لان مأثر عليه وعلى تركيزه وخصوصا انو في الروضه وابي هالشي يعتدل قبل مايروح المدرسة ومشكورة مقدما

تسبيحات

الله يوفقك ان شاء الله

ويسعدك اللهم آمين

::::::::::::::::::::

ابرار الجنه

انا نفسك وبالعكس افرحي بهذا الشي
خليك انتي القائده
ما احب الحريم الي يقولون لعيالهم استنى لما يجي ابوك واخبره
بالعكس إنتي الي تعيشين مع عيالك أكثر وقت باليوم بدل ابوهم
وراح يسهل عليك عملية التربيه لو عملواا لك حساب ..
ولا تسمين هالشخصيه الشخصيه القاسيه بالعكس
دام انك تشدين وترخين ما راح يأثر بحبهم لك مستقبلا
على ايام امهاتنا كانوا يأثرون علينا بكل شي على انهم يخبرون الأب
عن ما نسويه طول اليوم ... ما عندي ملاحظات من هالناحيه ولكن
الظروف تغيرت بزمننا يعني والد الطفل خارج المنزل اغلب الوقت
وبما ان الدوامات تاخذ الجزء الأكبر من اليوم وبعدها بالليل المفروض ياخذ قسط من الراحه
لا تتوقعين انه بيكون فاضي انه يظهر لهم الشخصيه القاسيه
بالعكس المده الي قضاها خارج نطاق ممارسة حنان الأبوه عليهم ما يقدر انه يثبت قساوته
الى الآن احمد الله على هذا الشئ خصتا لما اشوف الأب يضرب طفله لتأديبه
أحمد الله على ان زوجي من النوع الحنون على اطفاله

عموما الأم لو تستعمل اي طريقه قاسيه على ابنائها تستحمل وتشيل الذنب
لكن لو اي احد حاول يطبق العقوبه على ابنائها تشوفينها دائما لهم بالمرصاد
هذا قلب الام وبالعكس لو شفتي يوم من الايام زوجك كان قاسي على ولدك
راح يعورك قلبك اكثر ما انتي تكونين قاسيه عليه ....

وانتي قاعده تقومين بدور الأم المربيه الحنونه فبلا شك انك احن قلب عليه ولا تسمينها قساوه سميها انك تسوين كل شي لمصلحتهم مستقبلا ....

ما شاء الله عليك قدرتي تلاحظين هالشي مع ان ولدك صغير لسه ما كبر الله يحفظه
هذا يعني انك واعيه للأمور الرابطه بينكم كأسره الله يحفظم
ولكن اخر ملاحظه يا اختي بهذا الخصوص مهما بين ولدك حبه الكبير لحنان وعطف والده
انتي ايضا بتكونين دائما مركز اهتمامه وحبه ...


::::::::::::::::::::::::::::::::



مرايم السعوديه

فديتك يالغاليه لو انتي معاي بالبحرين كان سهرت احرس البيت معكم
ارحمي نفسك وارحمي هالمسكين بكره وراه مذاكره وروضه ومدرسه
خليه ينمو بشكل طبيعي حاله حال الاطفال

والله ولدك ما ينصلح حاله الا بعد ما الله يصلح حالك ههههههههههههه

سامحيني بس خلاص اخذت عليك كثير احسك اختي الصغنونه
وعادي لو جيت نومتك انتي قبل ولدك صح ؟؟

طيب الليله بتنامون على الساعه اربع يعني خلاص هذا التوقيت الي ناسبكم حاليا صح ؟؟

وقتي الساعه على الساعه 8 الصباح اوكي وقومي وقعدي ولدك بالازعاج يعني نظفي البيت او شغلي المكنسه علشان لمجرد انه يعرف انك صاحيه خلاص دام هو متعود يصحى معك راح يصحى ..

وبعدها لا تنومينه وشوفي ردي للأخت لوليتا سوي نفس الطريقه وبعدها خلاص امشي على الجدول الي عطيتها اياه بالضبط ..

ولو اختفيتي عن الموضوع برسل لك رسايل ازعجك فيها
يعني نبي تطبيق مثل الأخت saroonaa


يلا ننتظرك بكره الصباح تردين على الموضوع على الساعه 8 الصباح
ادري فيك شكلك نايمه الحين والصغير منهد حيله من السهر
ياربي ما ادري كيف منظمه اكله دام مو منتظم بالنوم
يعني ما ينام كويس ولا ياكل كويس
مثل ما قلت لك برسل لك رسايل !!

:::::::::::::::::::::::::::::::::::::::::::::


بنت النواعم

ربي يوفقج ان شاء الله
ويسعدك ويحفظك انتي والبيبي من كل شر

::::::::::::::::::::::::::::::

saroonaa


ممتاز يا اختي بكون بنتظارك بس هالله هالله بالصبر والهدوء لما
تمارسين معهم اي عاده جديده عليهم ولا تنسين القاعده الاساسيه
ان اي مهاره جديده يتعلمها الطفل يبي له اسبوع علشان يثبت على النظام الجديد

ربي يوفقك ويسعدك اللهم آمين

Blossoms

اختي لما يصحى الصباح يروح الروضه
لما يرجع من الروضه ما ينام ؟؟
انتي كتبتي ان العصر ما ينام ولا الظهر !!
لأن مشكلته غريبه لو كان الكبير يصحى من الساعه 5 او 6 الصباح خلاص ما يقدر يواصل بالليل بالسهر

وما يكفيه النوم الى الساعه 2 .

بما انه كبير ويقدر يفهم اكثر من الاطفال الصغار لازم تكلمينه بهذا الخصوص
يمكن يشوفك انك انتي تسهرين مع الصغير وهو يقعد
او مشغول تفكيره بأشياء خاصه بالبيت او الروضه يعني نفسيته !!

لو كان ينام الى الساعه 7 أو 8 الصباح قعديه اشوي ابكر علشان يمكن يخليه يحس بالتعب بالليل ويواصل نوم
وحاولي بعد ما يقعد بالليل انك ترجعينه لسريره واسئليه يمكن يحس بالعطش او انه يحلم بكوابيس يخليه ما يرتاح بنومه ؟؟

طيب موضوعنا اليوم جدا ممتع

كيف نلعب مع اطفالنا

تكلمت عن الاطفال ما بين الشهر السادس والسنه وشنو الاشياء الي يحب يلعبها
وشنو الاشياء الي تلفت نظره وينشغل فيها ...

هذي رساله لكل أم

أنا ما احب ان الأم تشتري الكثير من الألعاب
واكيد الكثير لاحظ ان الطفل ما يقضي وقته بلعب هالالعاب لمده طويله

المفروض نعلم الطفل كيف ينمي قدراته وكل سن من مراحل الطفل العمريه

نعلمه مهارات جديده ...

وبالأخير بيكون عندنا طفل واضح عليه انه له مهارات خاصه يحب يتقنها

ومع مرور الأعوام هالمهارات توضح شخصيته الخاصه فيه

واحنا الكبار نسميها الهواااااااااااايه

طيب نتكلم من سن السنتين

الاطفال بهذا السن يعشقون السلالم

اتذكر اني شريت سلالم للأطفال يعني يتكون من ثلاث طبقات فقط

وكانوا عيالوا يركبون وينزلون عليه بأستمرار

وهذا شي مضحك لأنه ما فيه تشويق ولكن

بالنسبه لهم هذا قمة التحدي

نهاية العام الأول كانوا يحبون عليه مع انه كانوا يقدرون

انهم يمشون ولكن دام انها مهاره جديده عليهم

كانوا يخافون من الوقوف على السلم فكانوا يحبون عليه وينزلون

بطريقه مضحكه ....

ومع مرور الوقت خف الخوف وواجهوا هذا التحدي بالوقوف والصعود والنزول بشكل مستقيم

تدريجيا ...

وما انسى النظرات الحلوه بين كل محاوله والثانيه وكأنه انجاز لهم

حاولي قدر الامكان انك تشجعينهم بكل محاوله ودائما صفقي لهم

:::::::::::::::::::::::


لما ولدك او بنتك تكون ببداية مرحلة اتقان السير
حاولي انك تشترين لها لعبه عربه صغيره فيها حبل

علشان يتشجع ان يجر العربه معه وقت المشي
ودائما وقت شراء الالعاب كوني انتي اول شخص تلعبين فيها
علشان يتعلم كيفية اللعب بهذي اللعبه

وان ما لعبتي باللعبه بتكون بالنسبه له مثل الزينه يقلبه فوق تحت واخر شي
يتركه بدون ما يلعب فيه ...

الحركه الإضافيه بسن السنتين

انك تعطينه ادوات مثل ادواتك للنظافه مثل الريشه الي تستخدم لتنظيف الغبار

انتي وحده وهو وحده وصدقيني بيشاركك بسرعه لأنه انتي دائما القدوه امامه

فيحب تقليدك بأبسط الامور ...

..........

استعمال أقلام التلوين
قدمي لطفلك اقلام التلوين بس من النوع الي ما فيها مواد سامه او رطبه
طبعا ما بيطلع منه الا الخربشه مع ذلك كوني المشجعه الاولى لفنه العجيب
لكن مع تكرار العمليه بتلاحظين ان بيتقن الخط المستقيم وهذا شئ
ياخذ منه تركيز عالي فأمدحيه وصفقي له علشان يواصل حبه للأقلام

..............

بناء الأبراج
احلى الالعاب الي تمر على حياة الطفل
بسن السنتين انه يحب يبني الابراج بالمكعبات الملونه الكبيره
لا تاخذين المكعبات الصغيره لأن يسهل بلعه

انا كنت انتظر بس هم يبنون البرج اجي اهدمه لهم واضحك
وخذوها لعبه ونصفق مع بعض وقت الهدم ...

..............

تمييز الاشكال
اكيد شفتوا الاشكال هذي بأماكن الخاصه بالاطفال
يعني في مجسمات بشكل حيوانات او اشكال هندسيه
الطفل يحطه بالمكان المناسب للشكل
هذي جدا مهمه انك تشترينها له
وكثري من المدح بكل تجربه له
ولا تكثري مساعدته الا لما تشوفين نظرات الحيره
ولا تنسين انك انتي اول وحده العبي علشان يفهم اللعبه

............

التمرن على المخاطبه

عطيه موبايلك وخليه يتكلم على راحته
كأنه يتكلم مع شخص خيالي او والده
وبهذي الطريقه كأنك تمرنينه على المخاطبه

..........

احلى شي واحلى لعبه الي ما انساها

وقت ما اخلي عيالي يفحصون نفسهم

يعني اقول له وين عيونك يأشر على عيونه
وين اذنك ويأشر على أذنك

وهكذا بيزيد عنده حفظ المفردات الي يعرفها
ونفس الوقت بيزيد تميزه الشخصي بنفسه

...........


طبعا النطق عند الاطفال بسن السنتين
مو واضح من طفل الى طفل آخر

وهذي بعض النصايح للأمهات بخصوص النطق

بالنسبه للسنه الاولى لا تخافين لو ما نطق بالكثير من الكلمات

بعد ما تعود على كلمة ماما وبابا يعني الطفل بهذا السن عادي لو اكتسب

كلمتين او ثلاث خلال شهر واحد فقط .

عموما بالسنه الثانيه من عمره تلاحظين انه يربط

كلمتين مع بعض ويعطيك جمله صغيره

مثل أبي ماي - ابي اكل - انا جوعان - ماما حبيبتي

تقريبا بنهاية السنه الثانيه

بيكون بقاموسه ما يقارب على 200 كلمه محفوظه

حاولي انك تكثرين من الكلام معه وقت انشغالك معه باللعب
وحاولي اختيار الكلمات السهله اللفظ وقت ما تبين تفهمينه حاجه معينه

ممكن تستعيني بالصور الملونه وتعبرين تعبير شفوي عن الأشجار الطيور وهكذا زيدي مفرداته

وان شاء الله هو مع التكرار راح يسهل عليه الحفظ

لما يبتدي يتكلم او يحاول ينطق بكلمه معينه لا تكونين قليلة صبر معه

حاولي السكوت قدر الامكان علشان يفهمك وش يبي يقول لك وبعد ما يخلص

جملته حاولي انك تشجعينه على الكلام انك ما تسوين على طول الي يبيه

لا قدمي له الشي الي يبيه ونفس الوقت زيدي كلمه تخص جملته ...

::::::::::::::::::::::::::::::::::::

العام الثالث

الاطفال بهذا السن يحبون يلعبون بالاشياء الغير منتظمه
مثل تركيب الصور المقطعه وجمعها مع بعض علشان بالاخير تتكون عنده صورة كامله

احيانا يتعب من التركيز ولكن هاللعبه جدا مهمه لسنه
حاولي الجلوس معه ومشاركته اللعب قدر الامكان

...........

اكثر شي يحبه الطفل بهذا السن
استعمال يده
مثلا قدمي له القواطع علشان يقطع ويعجن الطين
وان عملتي معجنات بالبيت عادي خليه يشاركك بالعجن
وبيكون فرحان لمساعدتك ..

...........

الألوان والتلوين

بهذا السن الطفل من افضل الالوان
الي يحب يلون فيهم الالوان الزيتيه
يعني الالوان السائله
...............

اكيد بتلاحظون ان عندهم اصدقاء وهميين
يعني يتكلم مع الدب او الدميه

خصتا البنات دائما يسون حفلات الشاي مع الدمى الي عندهم
وتتكلم معهم كثير
كوني انتي اول وحده تلعبين هاللعبه معها
وبعدها بتشوفين انها بتحب هاللعبه وبتلعبها بدونك

ومن هاللعبه بتلاقينها تتقن المحادثه
وصدقيني من سلوكها بإدارة حياة اصدقائها الوهمين
يبين شخصية طفلتك وكثير تقلدك انتي بالذات بطريقة كلامك

..............

وبرضوا يحبون يلعبون بالرمل
يعني لا تبخلين عليهم بالرحلات خصتا على الشاطئ
وخلي أدوات الشاطئ من الالعاب نفس الدلو والقمع معك

بيساعدهم بتشكيل الاشكال من الرمل وهذي اللعبه جدا ممتعه بالنسبه لهم

............

لي رجعه ان شاء الله
واكمل لكم عن السلوك الجيد والسلوك السئ عن الاطفال

مرحبا اختي ترانيم ...
أول شي حبيت اشكرك واقولج ماشاء الله عليج ... الله يخليلج عيالج ويصلحهم ..
انا عندي بنتي عمرها 7 شهور ونص مشكلتي معاها النوم... تصدقين ماتنام بالليل الاساعه او ساعتين وتقوم ويكون فيها نوم بس هي تقوم تبى ترضع حاولت معاها عشان انظم نومها بس ماقدرت ...
انا شفت الجدول اللي حطيتيه بس بسألج يعني لو اتبعت الجدول ماراح تصحى بالليل ابد.. لاني تعبت الصراحه والله خاطري انام 3 ساعات على بعض...
ردي علي الله يخليج ..

ريمانة;5118032:
مرحبا اختي ترانيم ...
أول شي حبيت اشكرك واقولج ماشاء الله عليج ... الله يخليلج عيالج ويصلحهم ..
انا عندي بنتي عمرها 7 شهور ونص مشكلتي معاها النوم... تصدقين ماتنام بالليل الاساعه او ساعتين وتقوم ويكون فيها نوم بس هي تقوم تبى ترضع حاولت معاها عشان انظم نومها بس ماقدرت ...
انا شفت الجدول اللي حطيتيه بس بسألج يعني لو اتبعت الجدول ماراح تصحى بالليل ابد.. لاني تعبت الصراحه والله خاطري انام 3 ساعات على بعض...
ردي علي الله يخليج ..

هلا يالغاليه

اختي بالنسبه للجدول مدروس من أطباء متخصصين بالاطفال
وهذا الجدول هو الجدول المثالي لعدد ساعات النوم الي يحتاجه الطفل

طبقي الجدول وتوكلي على الله ..

وان شاء الله مع تقليل عدد ساعات نومك بالنهار مثل ما هو موضح بالجدول راح تقدرين تاخذين قسط وافي من النوم بالليل

طبقي لمدة اسبوع وبعد اسبوع بتلاحظين ان خلاص انتظم نوم بنتك
وانتي بعد ترتاحين من السهر

بس برضوا لاحظي ان كانت بنتك ترضع يمكن تقعد مجرد تحتاج لرضعه ولكنها بتعاود تنام

ولا تنسين الروتين الي كتبته ما قبل النوم انك تسوينه علشان تفهم طفلتك ان وقت النوم حان
ونفس الوقت تلاحظ الفرق ما بين النهار والليل
وكوني هادئه وقليلة الكلام بالفتره الليله ما قبل النوم

والله يحفظ لك بنتك ان شاء الله

السلام عليكم ورحمة الله تعالى وبركاته
صباح الفل والعسل لكل الاخوات انا عندي مشكلة ومش عارفة احلها وهي ان عندي انب عمره سنتين ما بيرضى ينام اللا هو ماسك بشعري وكل ما اقيم ايده بيصحى الرجاء اللي عندها حل لهالمشكله تساعدني هو على فكرة متعلق فيي كتير
الرجاء المساعدة ولكن جزيل الشكر

مشكورة اختي وجزاج الله خير..
ان شاء الله بجرب الجدول واتمنى انه ينفعني...

عندي بعد سؤال أنا أرضع بنتي طبيعي.. لكن ألحين اشتغلت وقمت أشفط لها حليب من صدري يوم أكون ف الدوام لكن المشكلة مرات مايكون فيني حليب ومايكفيها وفكرت اعطيها حليب صناعي ف الوقت اللي أكون فيه بالدوام ويوم اكون معاها ارضعها طبيعي بس متردده خايفه انها ماتتقبل الحليب او انه مايناسبها ويتعبها... هل عادي اني ارضعها طبيعي واعطيها حليب صناعي في نفس الوقت؟؟
انتي شو تنصحيني اسوي واذا بعطيها حليب صناعي شو أفضل نوع؟؟؟؟
بنتي عمرها 7 شهور ونص..

واسمحيلي على الاطاله..

ماشاء الله عليك ترانيم ربنا يبارك فيك انا قرات كل الجداول وان شاء الله راح ابتدئ بالنظام شوي شوي حتى اعود نفسي وبنتي عليه وانا متفائلة جدااا انو راح ينفع معاي كل الي كتبتي جعله الله في ميزان حسناتك

ملكة عذاري

اختي انتي الي خليتيه يتعود على هذا الشي وتقدرين تنهينه بنفسك
بالبدايه تدريجيا الين ما ينسى ولا تنهين المشكله فجأه علشان ما يأثر عليه
وعطيه البديل مثل دبدوب ...

::::::::::::::

ريمانه تقدرين تستعيني بالحليب الصناعي بديل للحليب الطبيعي
وتقدرين تنوعين الأثنين بعض الاطفال يتقبلون الحليب الصناعي بسهوله وبعض الاطفال
ياخذ لهم وقت ما بين اربع الى خمس ايام

اما النوع المناسب للطفل هذا انتي تجربين النوع المناسب لسن الطفل
اشتري علبه وحده بس وحاولي تشوفين ان تقبل
بس ما انصحك بالحليب العادي للكبار الا بعد الشهر التاسع
تقدرين تعطين طفلك حليب انكور اخف من حليب نيدو هذا بعد الشهر التاسع
اما الآن تقدرين كبدايه تجربين حليب نان جدا سهل الهضم وما يثقل معدة الطفل
هذا الي انا استخدمته لعيالي
اما الحليب الطبيعي ما عطيتهم الا بس ثلاث شهور وبعدها وقفته لأن كان متعب علي
اني اشفط ونفس الوقت كنت موظفه وصعب علي الرضاعه وانا بالدوام لمدة 8 ساعات يعني ما كان يكفي
::::::::::::::::::::::

rayaan

الله يوفقك ان شاء الله ويحفظ لك بنتك ..