/////خبرات ومعلومات تخصك يا ماما /////

جزاك الله خيرآ ياترانيم ..متابعه لما كتبت..

يعطيكي العاافية يااقلبي على الموووضوع الحلـــو
وحاابة أشاارك معكم عشاان أستفيد من خبرتك والله يجعلة في ميزاان حسناااتك ويسخر لك عياالك ويصلحهم لك
والله يرزق المتزوجين اللي ماعندهم بالذرية الصااالحة اللهم آمين

أناا أم لطفلين الكبير عمره 4 سنوات والثاني سنتين و10شهور
الصغير هو اللي متعبني شوي عصبي و مزاجه صعب وأذاا عصب ممكن يمد يده أحياانااا وخاصة أذا أنحرج يضربني أو أبوه ((خاااصة أبوه)) ويحب الحلويات بكثرة مع أني ماصرت أوفره في البيت علشانه
هل هو طبيعي أم لااا لأنه ممكن يغنيه عن الوجبه ومن كثر مايحب الحلااا ممكن يأكل التمر صحن كامل
أماا الكبير أحااول أني أعلمه أني أذاا أمرت مايفاوضني مثلااا أطلب منه يسكر النت يقول أبغى أطلع أو أي طلب ثاني ولازم أعاقب عشان يسمعني بعدين يسمع وأذااا رحناا عند أحد أضطر أطلع مواهب العقاب عشان يعرف أنه حتى برى ممكن أني أعاقب من غير ضرب طبعااا وصاار ممكن يلقط كلام وأذا قلت له عيب يقول جيبي الفلفل هههه الجواب عنده جاهز
أسفة على أطاالة

تبارك الله اختي ترانيم تستحقين الاشراف بحق

بارك المولى فيك وبورك مسعاك
واسال الله ان ييسر لك امورك ولايريك مكروه ويحفظ لك اولادك

انت رائعه...

انا ام لطفل عمره سنتين وشهرين
ودي اعلمه على ترك البامبرز
كنك داريه عني البارح حاولنا انا وابوه نخليه بسريره خلاص صارله اسبوع ينام معانا عجزنا عنه والبارح خليته بسريره وقعد يبكي بكاء يقطع القلب وكلمته ان سريرك حلو وهذا لعبود بس وسريري لماما وبابا ويوم صحى الان يقول له ابوه تعال يقول لالالالالالالالالا مابي
مادري ابغى طريقه تقنعه ينام مع العلم انه من ولدته وهو بسريره الا من فتره قصيره بس


وبالنسبه للأستحمام متعود اني اسبحه يومي بس وقت الشتاء صرت اخاف عليه يعني يوم ويوم
والاسبوع الجاي مسافره لمدينه جليديه والله ماادري اروشه يومي والا اخفف افيديني ربي يجزاك الجنه

صباح الخير

انا من المتابعين لمواضيعك يا ترانيم وماشاء الله عليك الله يحميك
حبيت سجل حضور لاستفيد بالايام الجاية ان شاء الله
انا حامل بآخر اسبوع بالشهر الخامس الله يتمم معي ومع كل الحوامل على خير
ويرزق كل زوجة بالذرية الصالحة المعافاة بدنيا وعقليا عاجلا غير اجل

دلوعة توتي;5104639:

برنومة ..

الله يعطيك العافية وتوفقي بين هالموضوع والبيت
ماشاء الله عليك طويلة بال
الصراحة موضوع قيم ومفيد جداً
والكل حيستفيد وانا قريت كل شئ كتبتيه وبظل اقرى إن شاء الله

أنا ركوني الله يخليه ليه
عمره 9شهور
الحمد لله موضوع النوم هذا تغلبت عليه من الشهر الخامس
وصار ينام لحالة بدون رضعة وبدون ما اكون جمبة
تعبت صحيح لكن عدة
بس اكيد اواجه مشكلة مع النوم إذا طلعت برى سهرة ولا تأخرنا بمشوار
يتخربط شوي نومة بس مايتعبني
مشكلتي مع ركونة وين

مــشــــاغـــــــــــــــــــــــــــــــــــــب

مايخلي شئ إلا يمسكه ويخربة
صار يعور قلبي قد ما احبسه بسرير اللعب بالصالة
لو نزلتة المطبخ بهذل الدنيا وفتح الأدراج وطلع كل شئ وفتح الفرن وحالة
والصالة على طول على التلفزيون يسكرة ويمسك كل شئ بطريقة
ولو أخليه بغرفته بالأرض
ما حقولك كيف يخلي المكان
عنده العاب الدنيا
على طول يروح للدولاب يطلع كل جزمة وملابسة وبجاماته وكل شئ كل شئ
ويقعد ينبش فيهم
اخ ياريت القى عندك حل لهالمشكلة
وعساك على القوة يارب ....


تحياتي القلبية لك

الله يعافيك ويسلمك ويسعدك يا اختي الحبيبه
والله يحفظ لك ركوني ويحرسه من العين

فديته والله صورته ما يبين انه مشاغب
يبين عليه هادئ ويحب الضحك

اكيد بهذا السن لاحظتي ان اقل الاشياء تضحكه

على فكره انا اشتاق للاطفال كثير كثير علشان امر مره ثانيه

بسن روكوني احسه احلى سن حركيين ونفس الوقت اقل شي يأثر فيهم

الله يحفظه من كل شر ويجعله يا رب من الذريه الصالحه اللهم آمين

بالنسبه للنوم عفيه عليك قدرتي تسوينها
وكلامك صح بالنسبه ان النوم احيانا يتخربط على حسب الزيارات والسهرات

ولكن تنظيمه سهل دام ان قدرتي بالبدايه انك تنظمينه ...

بالنسبه للمشاغبه

هذا يبين انه طفل ذكي ..
يعني بعض الامهات يفضلون الاطفال الغير حركيين وهذا طفل مو طبيعي من ناحية يمكن انه ما ياكل عدل او ما ينام كويس او ان وزنه بيزيد تدريجيا لأنه قليل الحركه خصتا ليلي يرضعون صناعي ..

أما الطفل الكثير الحركه والمشاغب
فهذا الطفل ذكي ما شاء الله عليه
لأنه يحب يكتشف عالمه ويحب يتفحص كل شي
بالبدايه الشي الوحيد الي كان يكتشفه عن طريق الفم
يعني اول ما يحصل شي يذوقه

اما ركوني خلاص انتهت هذي المده بالنسبه له
والحين يكتشف الأشياء باللمس ويقلب كل شي فوق تحت
يعني مو مشاغب ولكن يحب يكتشف كل شي بنفسه
ويستمتع ان يغير حال الشي من حال الى حال وكأنه يفتخر انه يقدر يحرك الاشياء
علشان كذا يطلع لك كل الاغراض من الدواليب
عاد هذي مالها حل الا انك تقفلين كل شي هههههههههههه
بس صدقيني هو مع تكرار هالعمليه ومشاغبته بالادراج راح يزهق ويشوف شي ثاني
يشغله ....

بالنسبه للمطبخ انا اقول عطيه ملعقه خشب و طنجره خليه يسمعك ألحانه هههههه
بدل ما يطلع ما في الدواليب

والتلفزيون اخذي لاصق بنفس لون التلفزيون وحطي على الحبات ما راح يقدر يميز الحبات من تطابق لون الحبات مع لون التلفزيون انا كنت اسوي كذا معهم ...

ربي يحفظه لك ان شاء الله ....

جـ22ـوري;5107896:
مرحبا ترانيم ويسلمو على الموضوع الجميل اناعندي نصور وعمره سنه وسبعه شهور مشكلتي معاه انه شقي حيل وبس يضرب الاطفال اللي بسنه او اكبر مثل امه مادري ليش يمكن انه دلووع زياده ومابيسمع كلامي نفسي اعلمه انه هذا الشي خطا ومعاد يكرره بس كانه يحب ينرفزني يكرره مره واثنين وثلاثه ......الله يصلحه ساعديني شسوي معاه

أختي شقاوة الاطفال شي عادي وكثر الحركه برضوا شي عادي
والام ما تقدر انها تصرفه عن هذي الافعال الا بتشغيله بشي ثاني

علشان يصرف النظر عن الشي الي كان يسويه والي كان يضايقك

سن طفلك مو للنصيحه للأستيعاب

يعني بقول لك على نقطه مهمه

هو الشي الوحيد الي يتقنه بالدرجه الاولى مو ان يسمع كلامك ويسويه

لا هو يتقن افعالك ...

يعني مسئلة ضربه لأحد ما

يعني انه في احد يضربه ؟؟!!

انتي تضربينه ؟؟ او والده ؟؟

هو تعلم الضرب من البيت او من اهل البيت ان كان في احد غيركم

الطفل كيف يتعلم يتعامل مع الضرب

بالبدايه يألمه موضع الضرب

مع تكرار العمليه بيصير عنده عادي ممكن يتقبله حتى من غير البكاء

ومن هذا المنطلق ممكن انه ياخذه كعاده يعني لعبه انا ابي العب مع ولد عمي الصغير

لازم وانا العب اطقه !!!

انا اسوي حاجه امي تعصب وتطقني

طيب احد اخذ لعبته يطبق نفس ما تسوين له يطق غيره علشان يحصل على الي يبيه

وهذا ايضا ينطبق على الصراخ والشتايم

يعني الطفل ما يتعلم من نفسه لأنه ما عنده كتالوج جاي معه وقت الولاده

الطفل انسان كامل ولكن مجرد من كل الخبرات الكلاميه والافعال

ويتعلم من امه او من والده او اخوته او من اهل البيت عامه

ويشاركهم طبعهم وتطبعهم عليه

هذي اساس المشكله

والدليل انك تطلعين له لسانك كم مره ولاحظي بعد يومين راح يسوي نفسك

حتى الاطفال الرضع بشهر خمس او اربع شهور سوي لهم هالحركه ومع تكرار هالشي

بيسوي نفس الشي مع ان سبحان الله ما يقدر يتكلم ولا يتحرك كثير

لكن الطفل مثل الاسفنجه ياخذ ويمتص كل شي حواليه ....

اتمنى اكون افدتك ...

والله يخلي لك ناصر ويحفظه لك

*المـتـــأمــــلة*;5108973:
جزاك الله خيرآ ياترانيم ..متابعه لما كتبت..

يشرفني تواجدك يالغاليه

تابعي معنا نورتي الموضوع يا قلبي

سلام على كل العرائس الحلوين سلام خاص للاخت ترانيم اللي دائما تتحفنا بافكارها وتجاربها الجميلة.
انا مشكلتي ان عندي ولد عمرة سنة وتسع اشهر وللاسف عودته على انه ينام جنبي في سريري ولكن الان عاوزه اخليه ينام في سريره بس مايرضى ويخاف فكيف اعوده يرتاح في سريره

ارجو الرد السريع

saroonaa;5109124:
يعطيكي العاافية يااقلبي على الموووضوع الحلـــو
وحاابة أشاارك معكم عشاان أستفيد من خبرتك والله يجعلة في ميزاان حسناااتك ويسخر لك عياالك ويصلحهم لك
والله يرزق المتزوجين اللي ماعندهم بالذرية الصااالحة اللهم آمين

أناا أم لطفلين الكبير عمره 4 سنوات والثاني سنتين و10شهور
الصغير هو اللي متعبني شوي عصبي و مزاجه صعب وأذاا عصب ممكن يمد يده أحياانااا وخاصة أذا أنحرج يضربني أو أبوه ((خاااصة أبوه)) ويحب الحلويات بكثرة مع أني ماصرت أوفره في البيت علشانه
هل هو طبيعي أم لااا لأنه ممكن يغنيه عن الوجبه ومن كثر مايحب الحلااا ممكن يأكل التمر صحن كامل
أماا الكبير أحااول أني أعلمه أني أذاا أمرت مايفاوضني مثلااا أطلب منه يسكر النت يقول أبغى أطلع أو أي طلب ثاني ولازم أعاقب عشان يسمعني بعدين يسمع وأذااا رحناا عند أحد أضطر أطلع مواهب العقاب عشان يعرف أنه حتى برى ممكن أني أعاقب من غير ضرب طبعااا وصاار ممكن يلقط كلام وأذا قلت له عيب يقول جيبي الفلفل هههه الجواب عنده جاهز
أسفة على أطاالة

الله يخلي لك عيالك يا اختي

ويحفظهم ان شاء الله من كل شر

بالنسبه للصغير لما يمد يده نفس الكلام الي كتبته للأخت الي قبلك

بالنسبه للضرب ياريت تقرينه يا اختي

كيف تعاقبينه من غير ما تضربينه

بالنسبه لي ما واجهتني هذي المشكله لأني كنت لمجرد رفع اليد علي او على والدهم

كنت اطالعهم بنظره تخوف اشوي فكانوا يخافون لمجرد النظر لهم بهذي الطريقه

لأني ما عودتهم على الضرب

الضرب ممكن يكون حل مؤقت لنفسك مو لطفلك انك تطلعين القهر والحره الي فيك بجسمه
ولكن ما نهيتي المشكله الاساسيه وان تعود على الضرب فخلاص ممكن يتقبله وما راح يأثر فيه لا كلامك ولا ضربك له

بالنسبه لضربه هو لكم يا اختي بعد ما يضرب قولي له خلاص انا ما اكلمك

وخليك عند كلمتك لو كلمك او كان يبي شي سويه ان كان لطلبه الحاجه للاكل او النوم او غيره

اما الاشياء الثانيه تجاهليه مثل اللعب معه ولا تتكلمين معه نهائيا الين ما يحس انه اخطأ ....

وقتها بيخاف من عقاب الصمت وعدم الكلام معه او الحوار معه

كثير من التصرفات الطفوليه لازم نتجاهلها احيانا

لأن الاطفال احيانا يسون حاجات لمجرد لفت النظر علشان تهتمين فيه

ممكن تتجاهلين هالتصرفات وتعودينه على عاده اخرى انه يتكلم ويقول بوضوح شنو الي يحتاجه منك ...

عسى بس ما تعاقبينه صدق بالفلفل هههههههههه

حاولي انك تعاقبينهم بالنظر يعني لمجرد انه يفكر يسوي حاجه يغضبك ناديه وخليه يشوف النظره وقتها بيفكر مليون مره ...

انصح الاخوات بهذي الطريقه خصتا للي لسه ما استعملوا العقاب بالضرب

لأن عن جد وعن تجربه كل الي علمتهم هالطريقه نفعت معهم

خصتا خارج البيت يقلل من نسبة احراجك وقومتك وصراخك عليه بنظره وحده ممكن انك توقفينه عند حده ...

اخترعي لنفسك نظره الغضب واستعملي طريقة التجاهل الكلامي وامنعي نفسك من ضربهم ..

اما التفاوض بين شئ لشئ ثاني

هذي طريقة ولدي الكبير ...

كان نفس الطريقه يسويها معي

بدل ما اقول له قوم من على الكمبيوتر

اقول له قوم سو كذا ...

انا اخذ مكانه ههههههههههه

وهو ينشغل بالمهمه الي عطيته اياه

يعني اصرفي نظره قبل ما يفتح فمه بالتفاوضات ههههههههههه

طبعا اكيد دام انه يشغل وقت فراغه بالكمبيوتر دوري له على شي يشغل فراغه يعني

عطيه البديل قبل ما تمنعينه من الاولي

قللي من عقابك كل شي

علشان يحس بقيمة كلمة العقاب

يعني احيانا تجاهلي حاجات تافهه واصرفي نظره لأشياء مهمه

علشان ما تجيبين له سيرة العقاب

قبل زيارتك لأي احد تكلمي معهم بهدو ء بدون نظرات حاده خليك هادئه معهم

واخر جمله قولي الي بيسوي عكس الي قلته ما بعاقبه ولكن بخاصمه وما بتكلم معه ...

:::::::::::::::::::::::::::::::::::::

الله يحفظهم لك ان شاء الله
وكل ما يكبرون كل ما يعقلون بس بالنسبه لطفلك الصغير والطق يا اختي لا ترضين بهذا الشي وسوي كل الي تقدرين من زعل وخصام علشان يبطل هالعاده وعلميهم ان احترامه لك ولوالده شي مهم ولازم يتعلمه ...

تسبيحات;5109739:
تبارك الله اختي ترانيم تستحقين الاشراف بحق

بارك المولى فيك وبورك مسعاك
واسال الله ان ييسر لك امورك ولايريك مكروه ويحفظ لك اولادك

انت رائعه...

انا ام لطفل عمره سنتين وشهرين
ودي اعلمه على ترك البامبرز
كنك داريه عني البارح حاولنا انا وابوه نخليه بسريره خلاص صارله اسبوع ينام معانا عجزنا عنه والبارح خليته بسريره وقعد يبكي بكاء يقطع القلب وكلمته ان سريرك حلو وهذا لعبود بس وسريري لماما وبابا ويوم صحى الان يقول له ابوه تعال يقول لالالالالالالالالا مابي
مادري ابغى طريقه تقنعه ينام مع العلم انه من ولدته وهو بسريره الا من فتره قصيره بس


وبالنسبه للأستحمام متعود اني اسبحه يومي بس وقت الشتاء صرت اخاف عليه يعني يوم ويوم
والاسبوع الجاي مسافره لمدينه جليديه والله ماادري اروشه يومي والا اخفف افيديني ربي يجزاك الجنه

بالنسبه لتركه للبامبيرز شوفيه بالصفحه الرابعه كتبت كل شي يخص هذا الموضوع

ابتدي معه تدريجيا خصتا لما تشوفين الاشارات الي كتبتهم بالرد ياريت تقرأينه

أما عن سالفة النوم معكم ذكرت سابقا ان كل عاده ممكن يتعود عليها الطفل لمدة اسبوع

يعني دائما اسبوع يكفي لأكتساب عاده جديده

وبما انه نام عندكم لمدة اسبوع فخلاص تعود على هالشي

طيب لما ينام شيليه ووديه غرفته ولما يصحى من النوم بيلاقي نفسه بغرفته

يوم بعد يوم سوي هالشي وان شاء الله بيتعود تدريجيا على غرفته وبيرضى

وبعدها بأسبوع نوميه من بداية نومه بغرفته وكل مايصحى لا تتكلمين معه

شيليه بدون كلام ووديه الغرفه علشان ينام مع تكرار هالعمليه بيتعب وبينام

ولمدة اسبوع وخلاص بيتعود ان شاء الله بالنوم بغرفته مره ثانيه

بس لا تنسين انك تسوين كل شي قبل النوم مثل ما ذكرت بالصفحه الثالثه عن

الروتين الليلي علشان يحس انه منتظم والنظام يريح الاطفال

::::::::::::::::::

بس يبين عليك ان بسرعه يكسر خاطرك عليه ههههههههه

حاولي ما تبينين له هالشي ترااا بيتعود على ان يكسر خاطرك ويسوي الي يبيه

خليك دائما انتي المسيطره ..

ربي يخليه لك ان شاء الله
وسوي طريقة حمله لسريره بعد ما ينام وان شاء الله بيتعود تدريجيا
وبما انه يتكلم ويعرف شنو تقولين بهذا السن
كلميه وفهميه انه كبير ولازم ينام بسريره وقولي له كل يوم انك فخوره ومبسوطه منه انه صحى الصباح وهو بسريره
ونفس العمليه بالنسبه للبامبرز كلميه وذكريه بأستخدامه للنونيه متى ما توقعتي انه يحتاج لها
وبعد كل عمليه لقضاء حاجته صفقي له بحراره علشان يحس بإنجازه الممتاز ورضاك عنه ...

:::::::::::::::::::

MONOSTEPS

الله يقومك بالسلامه وان شاء الله تفرحين بمولودك الجديد
يحفظك ربي ويقويك ان شاء الله
ويرزق كل الزوجات المتأخرات عن الحمل بالذريه الصالحه
اللهم آمين

تابعي معنا يا اختي واي سؤال يخص اشهر الحمل كلنا حاضرين لك
ربي يوفقك ويسعدك

:::::::::::::::::::::::::::::::::

Tosi

هلا يا اختي والله ضحكتني الصوره الي حاطتها للرد كأنك تطقين على راسك من زود حيرتك مع ولدك

ربي يحفظه لك ان شاء الله

اختي العزيزه

بالنسبه لولدك نفس كلام الي رديت على الاخت تسبيحات
بس ينام خليه بسريره وبيتعود بعد اسبوع
وبعدها يسهل عليك تنويمه من البدايه بسريره لأنه تعود انه يصحى فيه

شوفي ردي ان شاء الله مع تطبيقك لهذي العمليه راح تسهل عليك اقناعه ...

الله يخليه لك ان شاء الله

ترانيم

شكرا كتييييييير على ردك الحلو
والله يسمع منك وانا بيهمني كتير اعرف كيف تربية الطفل
وضفت الموضوع على المفضلة
وجزاك الله خيرا

يا أمهــــــــــــــــات تكلمنا كثير عن النوم
وعن اقناع الطفل عن نومه بسريره الخاص

وعن النونيه وكيفية استخدامه

بنتكلم عن اشياء تخص الاطفال الي توهم ياكلون

يعني كل شهر شنو المفروض تأكلينه وشنو المفروض ياكل من الخضار وغير

::::::::::::::::::::::::

الأكــــــــــــــل

من 4 الى 6 شهور

بالشهر الرابع او شي تبتدين تعطينه عصير برتقال مخفف بالماء

قبل ما تخلينه ياكل اي شي علشان ما تصدمين بطنه ..

بعدها بثلاث ايام من تواصلك بأعطاءه العصير أبتدي

تعطينه كل شي مهروس

مثل أرز خاص بالاطفال سيريلاك
او جزر مهروس على البخار
او تفاح مهروس او الكمثرى او البعض يقولون له الإجاص برضوا تقدرين تعطينه بعد ما تهرسينه بالخلاط

البطاطا المهروسه

يمنع وضع الملح او السكر علشان يتعود على طعم الاكل الطبيعي ...

::::::::::::::::::::

بالنسبه للاطفال بين الشهر 6 الى 8

الدجاج المفروم
السمك الابيض المفروم
البيض المغلي بالماء وبعدها يهرس

وان كان خلاص طلع له اسنان ابتدي عطيه
وجبات بشكل اصابع
مثلا اصابع رقيقه من الموز
او التوست الطري مع مسحه خفيف جدا من الزبده
وايضا تقدرين تعطينه الزبادي المخلوطه بالفواكه الطازجه المفرومه ناعما بالزبادي

الاطفال ما بين 8 الى 9 أشهر

تقدرين تعطينه اللحم المفروم الناعم جدا
والمعكرونه مع مرق بدون بهارات وحاولي ان المعكرونه تكون مستويه زياده علشان تكون لينه وسهلة المضغ

العدس المهروس ممتاز لسن 9 أشهر
وكمان الأرز العادي الي احنا ناكله بدون هرس باشري انك تعلمينه انه يتعود على أكلات اليوميه علشان ما يتعبك بعدين ...

وكمان الاطعمه بشكل الاصابع
مثل اصابع الكرفس الحلو او اصابع من الجزر الناعم
او الافوكادو شرائح رقيقه والمشمش

الشهر ما بين 10 الى 12

عوديه على البروكلي بعد ما يغلى عطيه بدون هرس
ولا تستغربين لو لعب فيه ههههههههههههه
لكن اكلي معه كبدايه علشان ما يستغرب من شكل البروكلي

قطعي قطع مربعات من الدجاج وقدميه له
او التونه المعلبه

او الفاكهه مثل التوت البرتقال والاناناس بدون هرسه مجرد قطع صغيره

:::::::::::::::::::::::::::::::

وخلاص بعدها عودي طفلك ان ياكل معكم الي تاكلونه


كيف نخلي الطفل ياكل و نشجعه على الاكل

اهم شي انك تقدمين الطعام له بعد مده طويله من رضعته
ولما يكون مره جوعانه

لان الطفل معدته ما تستحمل

يعني لا تستغربين لو ما اكل الا اربع الى خمس ملاعق

هذا الشي طبيعي وما يضر بطفلك

عادي لو كان هو جوعان كان اكل

نوعي من البدايه بأكله علشان ما يركز على شي واحد

كيف ننوع بدون ما يرفض الاكلات

يعني في امهات يقدمون الارز السيرلاك يومين ورا بعض

وهذا خطأ كأنك تعودينه على هالشي وبس

يوم ارز يوم جزر يوم بطاطا يوم تفاح مهروس وهكذا علشان هو ما يركز على طبق معين

علميه ياكل من سن 4 شهور بروحه

ونفس الوقت انتي تساعدينه

لـــــــــــــــيه

لأنه ينشغل بالملعقه

ويعطيك حريتك انك تحطين كل الي تبينه بفمه

يعني كل ما هو مشغول بالملعقه لا تنادينه

او تكلمينه بالعكس انتهزي الفرصه انك توكلينه بشويش بدون ما يحس

دائما خلي جمبك اكثر من ملعقه وقت ما تأكلينه

يعني بس يطيح من عنده الملعقه على الارض ناوليه ملعقه نظيفه ثانيه

وانتي ملعقتك بأيدك

ولا تقعدين تشغلين تفكيرك انه موصخ نفسك اشغلي نفسك بالشي الأهم انه ياكل وجبته

يعني الماي متوفر بكل بيت خلي طفلك ياخذ راحته يهرس الطعام بيده ويبهدل الدنيا هههههههههه

اهم شي انك توكلينه واشوي اشوي بيتعود على الطريقه الصحيحه

الاطفال يستمتعون انهم يستخدمون يدهم وقت الاكل

عطيه حريته وبتلاقينه جاهز لكل ملعقه تقدمينه له

ولا تعاندينه علشان ما تصير جلسة الاكل مناحه هههههه

الطفل وقت الاكل جاهز للتحدي وانتي اول تحدي امامه

يعني استسلمي للعب معه بدون مجادله

طيب بالنسبه للاكلات الجامده يحس الطفل بالعطش وقت ما يبلع هذي الاطعمه

حاولي انك تشربينه اشوي من الماء مو الكثير علشان يسهل عليه ابتلاعه

اذا لاحظتي انها تغمس يدها وتحاول انها تمد يدها لفمها بنفسها وبدت تبكي هذا دليل انها تطلب المساعده

وهي فعلا جائعه وتبي تاكل اكثر ..

ابتدي انتي مهمتك انك تطعمينها بنفسك بالملعقه ونفس الوقت هي مشغوله بغمس اصابعها بالاكل

::::::::::::::::::::::::::::

هذا بالنسبه للأكل

وراح نتكلم عن البكاء عند الاطفال الصغار والكبار وكيفية تهدأتهم

لي رجعه ان شاء الله

السلام عليكم ورحمة الله وبركاته

مساء الانوار والورد يا جماعه

يزاج ربي الف خير اختاه

عساه يكونون عيالج صالحين مصلحين

اختاه انا ولدي الحين مضى من عمره شهران و ثمانية ايام

مشكلتي اني اغيب عنه ايام للدراسة في مكان بعيد واتركه عند عمته فاسلوبي غير عن اسلوبها وبالتالي يتغير نومه لانه يتغير عليه المكان وباقي لي 4 شهور واتخرج من الجامعه..

فياريت تنوريني والله ينورلك طريقك..

الأخت تسبيحات

والله نسيت اني ارد على الجزء الثاني من سؤالك

يا اختي لا تسبحينه بالبرد بشكل يومي ولكن اهتمي بالنظافه بشكل جزئي

يعني مسحات خفيفه بالفوطه والماء الدافي قبل ما يلبس ثياب النوم

اما الراس حاولي انك تغسلينه ثلاث مرات بالاسبوع يكفي

وهالله هالله فيه بالبرد يعني انتي رايحه مكان ما شاء الله فيه ثلج

يعني حاولي انك تدفينه بالثياب والقفازات والقبعات الخاصه بالبرد

والشرابات .....

واهم شي أذونه علشان ما يدخل فيه الهواء وبعدين يرتفع حرارته او يصيده التهاب بالأذن لا سمح الله

والله يحفظكم وتروحون وترجعون بالسلامه ان شاء الله

أم غيثي;5111565:
السلام عليكم ورحمة الله وبركاته

مساء الانوار والورد يا جماعه

يزاج ربي الف خير اختاه

عساه يكونون عيالج صالحين مصلحين

اختاه انا ولدي الحين مضى من عمره شهران و ثمانية ايام

مشكلتي اني اغيب عنه ايام للدراسة في مكان بعيد واتركه عند عمته فاسلوبي غير عن اسلوبها وبالتالي يتغير نومه لانه يتغير عليه المكان وباقي لي 4 شهور واتخرج من الجامعه..

فياريت تنوريني والله ينورلك طريقك..

اختي العزيزه

الله يحفظ لك ولدك ان شاء الله
ما فيها احراج ان شاء الله قعدي معها قعده تتكلمون

بشكل عام عن الطفل وكيفية نومه وخليها هي تبتدي عن اسلوبها

وبعدين انتي ركزي على الاشياء الي ما حبيتيها بطريقتها

وانتي لك الاحقيه انك تعطين الملاحظات المهمه الي تخص مولودك

يعني كلميها بشكل حلو شنو الاشياء الي تبين تعدلينه بأسلوب نومه

طبعا بسن الشهرين
ما يبي له خطط عن النوم لأن اكثر الوقت الطفل نايم
وما يقعد كثير لكن بعد الثلاث شهور يبتدي السهر ساعتين الى ثلاث ساعات
والسبب الآلام الطبيعيه والمغص المعروف عنه يصيب الاطفال بالشهر الثالث
ولو كان عندها اطفال اخت زوجك اكيد تعرف كيف تتصرف من خبرتها بالاطفال
وان ما كان عندها اطفال فهميها عن الجدول الي حطيته لكم عن الشهر الثالث
وتنظيم نوم الطفل ....

وان شاء الله انتي بعد ما تخلصين الدراسه بيكون عندك الوقت
انك تهتمين بطفلك
خصتا انه بسن 6 شهور وقتها يعني ما راح تفوتين حاجه ان شاء الله

بس يا اختي نبهيها ان ولدك ينام بسريره الخاص دائما
وعطيها شي من ثيابك المستعمله علشان تحطه بفرشته علشان ما ينسى رائحتك

لأن مع مرور كل هالشهور بيتعود على ريحة عمته بدل منك

وقت النوم تخلي قطعه من الملابس تفرشه بسريره افضل علشان يتعود عليك

الظاهر انك لما تاخذينه بعد ما ترجعين من الدراسه يتعبك وقت النوم والسبب انه مو متعود عليك

وهذا شي طبيعي ...

بس نفس ما قلت لك بالنسبه للنوم خليها تعوده انه ينام لحاله بدون هزه وبدون ما تشيله كل اشوي علشان ما يتعبك بعدين ....

والله يحفظك له ويوفقك بالدراسه

السلام عليكم ورحمة الله وبركاته..
حبيت اسال انا عندي بنت عمرها 8 شهور ..ومن الحين مفكره اعود بنتي على لبسي حتى لما تكبر ما يكون عندي احراج فمثل في البيت البس تنورات قصيرة او برمود يعني ازياء عصرية ..يعني كيف اعودها حتى بكره لما تكبر يكون الشئ عادي.. واختي ترانيم ما جوبتي على سؤالي حول عزل الطفل من سن 8 شهور هل ياثر عليه نفسيا ويخاف ..؟؟؟

ملكة الصمت

لا يالغاليه ما يأثر عليه نفسيا صدقيني عادي
بس خلي بالك عليه وحطي الجهاز عنده علشان تسمعين صوته
وقت ما يصحى او وقت ما يبكي

:::::::::::::

بالنسبه للبس عادي دام هي تتعود تشوفك من هي صغيره على الاشياء القصيره تتعود عليك

ولكن برضوا لما تكبر يا اختي بسن 5 الى 6 سنوات المفروض يكون كلامك واضح لها بالنسبه للبس

يعني قولي لها ووضحي لها عن اللبس الي يخص البيت واللبس لخارج البيت المفروض يكون محتشم

لكن الوضع يختلف بالنسبه للاطفال الذكور
انا ما عدت البس قدام ولدي بما انه وصل لسن 9 سنوات

يعني بس وصل الى عمر 6 سنوات ما عدت البس قدامه

وبما ان عندنا مجال واسع بالبيت صرت البس بفترات الي هو نايم

وبكذا اخذ راحتي بملابس النوم وغيره وحتى بنتي احسها صارت حساسه بهذي السوالف

وتحب تقلدني بكل شي فوقفت من لبس التنانير القصيره

لأن عندها اخوها بالبيت وما يصلح تعاندني وتلبس قصير قدامه وقدام ابوها كمان

وصلت متأخره :(

ما شاء الله عليج اختي ترانيم طرحتي الموضوع وصل لـ6 صفحات وانا مادريت لاني صار لي يومين ما دخلت المنتدى..

ألــف شكر لج على هذا المجهود والله يجعله في ميزان حسناتج

انا مشكلتي مع بنتي 4 شهور ماتنام الليل :ss:

برجع أكمل قراءة باقي الموضوع

(f)

جزاك الله خيرا حبيبتي ترانيم على كل المعلومات الي كتبتي وجعلهاالله في ميزان حسناتك
لازلت متابعة ان احتجت اي شي فلن اتردد في سؤالك عزيزتي ههه
ربنا مايحرمنا منك ومن مواضيعك