تجمع بنات مصر المتاخرات عن الحمل

يا رب يا نونا لأنى طول ما جوزى جنبى بعرف أهرب من الناس لكن لما بيسافر و بقعد عند مامتى كل الناس بتقابلنى و بتسألنى عن الحمل و الحاجات دى فبيخنقونى منهم المهم إن إحنا نحاول ناخد بالنا من صحتنا و نكبر دماغنا من كلام الناس بس المهم يا نونا عاوزاكى تدعيلى لأنى عملت عمليه أطفال أنابيب و يا رب تنجح و يا رب يكرمنى بالذريه الصالحه يا رب اللهم أمين يا رب العالمين

أمانه متنسينيش معاكى فى الدعاء يا نونا ماشى و أنا كمان هدعيلك و يا رب يرزقنا بالذريه الصالحه يا رب اللهم أمين يا رب العالمين

يا رب يا رب يا رب تنجح العملية بتاعتك ويفرحك بابنك اللي بتتمنيه ويتمم لك على خير باذن الله آآآآآآآآآآآآمين يا رب العالمين و ان شاء الله هدعيلك كل ما هدعي لنفسي بس مش هقوللك تاني اني بدعيلك عشان يكون بظهر الغيب وربنا يستجيب مني ومنك باذنك يا رب

[GLOW="FF9933"]انتي مش ملاحظة ان مافيش غيرنا في التجمع ده؟؟؟؟؟؟؟؟؟؟؟[/GLOW]

مرحبا ..أنا فلسطينية بس من سكان مصر..ينفع أشارك؟؟؟؟

طبعا ممكن تشاركى معانا يا أيام و أهلا بيكى معانا
أزيك يا نونا عامله أيه وحشتينى عامله أيه روحتى للدكتور ولا لسه طمنينى عليكى ضرورى ماشى و ربنا معاكى إن شاء الله

اهلا بيكي يا ايام وباي حد عاوز يشارك
انا على فكرة ما روحتش للدكتور وماليش نفس من ساعة ماجوزي سافر
بس ماشية على برنامج سورة البقرة مع الدعاء وبحاول التزم باي ريجيم
انتي عاملة ايه يا رونا طمنيني عليكي

شكرا يا نونا و رونا على سماحكم الانضام لإلكو...انا حابة اعرف عنكو اكتر ..انا فلسطينية عمري 25 سنة عندي تكيس مبايض و كان عندي تقرح رحم بس الحمدلله عملت كي بالتبريد و الحمدلله الدكتورة طمنتني اني نظيفة الآن من اي التهابات او تقرحات..بس لسة تكيس المبايض موجود.... و متجوزة بقالي سنة و شهر و نفسي بنونو او عيل أدلعو او حتى أضربو قدام اللي خلفو :)

اهلا بيكي يا ايام وان شاء الله ربنا يشفيكي ويتمم عليكي بالمولود السعيد
انا عمري 27 سنه متجوزة من 5 سنوات ولم يحدث حمل والحمد لله على كل شيء عندي كيسين على المبيض الشمال واحد عادي والتاني فيه دم واتعالجت كتير عند الدكاترة بس لسه ربنا ما كتبش الشفا ونفسي ربنا يفاجئني بالحمل ويتمم عليا بولادة سهله ونونو يجنن زي ابوه وامه
وربنا قادر على كل شيء
يرزقني ويرزقك يا ايام ويرزق رونا كمان ويرزق كل اللي في المنتدى
بالولد الصالح اللي يملا حياة كل واحده فينا بالفرح والامل
ااااااااااااااااااااااااامين يا رب

صباح الخير عليكم يا بنات عاملين أيه النهارده أنا الحمد لله كويسه عاوزه أطلب منكم طلب عاوزاكم تروحوا لدكتور تانى تتأكدوا إن عندكم تكيسات لأنى قبل كده روحت لدكتور لمده 7 شهور و كان بيعالجنى على إنى عندى تكيسات و أول ما قالى لازم تعملى تخريم مبايض قلت أروح لواحد تانى أتأكد و طلع إن مفيش تكيس نهائى و إن كتر الأدويه اللى كتبهالى عملتلى ضعف فى المبايض عشان كده عاوزاكم تتأكدوا ماشى.
يا أيام أنا عندى 26 سنه و متزوجه من 4 سنوات عملت عمليه حقن قبل كده و نجحت لكن ربنا ما أرادش إن الحمل يكمل فى أول أسبوع فى السابع حصل إجهاض ممكن تقرى القصه كلها من المنتدى المهم الحمد لله على كل حال طبعا زى ما أنتى عارفه زوجى بيسافر و فى فتره أجازته اللى فاتت كان معنديش أى مشاكل تمنع الحمل لكن مكنش بيحصل حمل فالدكتور إضطر إنه يعمل العمليه للمره التانيه طبعا أنا مرعوبه و بعد الأيام بس أدعيلى ربنا يكرمنى المره دى لأن الوحده صعبه و نفسى فى نونو يملى عليه حياتى يا رب يرزقنا جميعا بنونوهات زى القمر يملوا علينا حياتنا يا رب

انشالله يا نونا و يا رونا ربنا يرزقنا كلنا و ننتقل من قسم المتأخرات عن الحمل لقسم الطفولة و الرضاعة و كيفية الاعتناء بالطفل... هوا قادر على كل شي...ربنا كريم ...و انشالله نسمع الاخبار الحلوة عن بعض..انا اعطتني الدكتورة كلوميد و هبدأ رحلة العذاب تاني معاه لأني بتخن كتيييييييييييييير... ربنا يستر..ادعولي

ربنا معاكى يا أيام إن شاء الله معلش التعب كله يهون لما إن شاء الله كده إن شاء الله تشيلى النون بتاعك على ذراعك وتلعبى معاه إن شاء الله أما عن التخن متقلقيش كلنا فى الهوى سوى أنا بقى طخن من المنشطات و من الغده الدرقيه و كمان بطن من الحمل اللى فات مقولكيش حكايه مهما أعمل مش عاوزه تنزل بس الحمد لله على كل حال كله يهون بس نشيل عيالنا فى أيدينا

ياااااااااااااااااااااااااااه امتى ييجي اليوم اللي نشيل فيه عيالنا على ايدينا
يا رب تنولنا اليوم ده وتفرح قلبنا بيه
تصدقوا ياجماعة قراءة القران بتريح الواحد برده و بتخليه قوي وصلب
انا امبارح حصل معايا موقف حسيت اني كنت قويه فيه جدا على غير العادة
واحدة معايا في الشغل جاية تفرجني صورة بيبي جابتها من على النت بنت امير او ملك مش عارفه
بتقوللي عقبالك ان شاء الله
قلت لها بهزار انا عيالي هيبقوا احلى من كده بكتير هيطلعوا لابوهم وامهم و بضحك
قالت لي ايه تصوروا ردها
قالت انتي طايلة حتى تجيبي بت سوده ووحشه
اللي زيك يرضى باي حاجه المهم تيجي
فقلت لها بكل جراة وانتي اشعرفك مش بعيد على ربنا
اجيب احلى عيال في الدنيا ويعوض صبري بكل خير ان شاء الله
قالت لي ده انتي ردودك مستفزة
قلت لها لا والله ده انا بس واثقة في ربي
وبعدين ادعي واتمنى احلى عيال ربنا كبير لكن البشر اللي عقلهم صغير
وارتحت بعدها لانها حست بغباء الكلام اللي هي قاعدة تقوله
و راحت ماشيه وانا اتبسطت من نفسي
احسن من الهبل والانطواء اللي كنت فيه
مش كده وللا ايه يا جماعة؟؟؟

هههههههههههههه ايوة كده خليكي قوية و ما تشمتيش العيال فينا .... زكرتيني بوحدة كانت جارتنا زمان..في يوم مطر ضلت تدعي ربنا بطفل حتى لو عبد اسود..و هيا بيضة متل لهطة القشطة و زوجها ابيض ..المهم ربنا استجاب و حملت بنفس الشهر ضلت تفكر طواااااااااااال ال9 شهور كيف هيكون شكلها ابيض..فكرت انو ربنا طالما استجاب للدعاء و خلاها تحمل معناتو هيخليه اسود كمان..قعدنا نضحك عليها ضحك..صحيح ربنا حكمتو واسعة و كبيرة بس برضو علم الجينات و الوراثة ماجاش من فراغ

مانا بقولك الناس مستخسرة فينا الثقة بالنفس
طيب ماهو فعلا ربنا كبير ماهو بيرزق النملة باضعاف حجمها غذا
مش كتير عليه انه يدينا عيال حلوة زي العسل واحسن من كل العيال
وللا احنا مالناش نفس؟؟؟المهم

[GLOW="FFCC99"]كل سنة وانتم طيبين

راس السنه الهجرية الجديدة بكرة ان شاء الله

يا رب تبقى سنة خير و كلنا نحمل و نولد احلى عيال

و يكونو تمام وصحتهم زي الفل

ويخليهم لينا ويزيدوا و ما ينقصوش

آآآآآآآآآآآآآآآمين يا رب [/GLOW]

شكرا يا نونا و انتي بألف خير و انشالله يجعلها سنة خير و حمل و ولادة علينا أجمعين

آآآآآآآآآآآآآآآآآآآآآآآآمين يا رب
اللهم استجب
اللهم استجب
اللهم استجب

اللهم أمين يا رب العالمين يا نونا و يا رب يرزقنا جميعا الذريه الصالحه و برافو عليكى أنك عرفتى تردى أيوه كده خليكى جدعه وردى ولا يهمك يعنى السكوت و الهدوء عملولنا أيه عارفه هى دلوقتى هتعملك ألف حساب و إستحاله هتجروء تتكلم معاكى كده تانى إن شاء الله.
أزيك يا أيام عامله أيه فى السقعه اللى إحنا فيها دى و أيه أخبارك؟؟؟؟؟؟؟؟؟؟؟
كل سنه و أنتم طيبين يا بنات و سنه هجريه سعيده علينا يا رب و يا رب يحقق لكل واحده فينا حلمها و كل اللى بتتمناه يا رب و ميحرمش حد أبدا من كلمه ماما يا رب

آآآآآآآآآآآآآآآآآآمين يا رب اللهم استجب منا يا أرحم الراحمين

أهلااااااااااا يا رونا ..انا بكتبلك الماسيج و انا لابسة كووووووووووووت ... انا حاسة مبايضي اتفرزنت و تلجت ههههههه .. و حاساها هتفقس من السقعة... هههه ..انا بخير الحمدلله بديت أخد البريمليوت لتنزيل الدورة و بعدين هبدأ بالكلوميد من تاني يوم و انشالله أستجيب الشهر الجاي ..انا المشكلة اللي خايفة منها التخن...لأني الصراحة السنة اللي فاتت لما كنت أتعالج عند الدكتورة الأولانية بقيت قد الفيل برااااشوووووت... بس لما وقفت العلاج معاها الحمدلله نزل وزني و رجعت البس لبسي ..... انا خايفة دلوقت ارجع انفش تاني .. بس اعمل ايه نفسي بطفل...

انشالله السنة هاي نبشر بعض بالحمل و نبقى نتنافس و الشاطرة اللي تهلك جوزها طلبات للوحام ههههههههه ..على راي عادل إمام ..وديني لهريه....هههههههههههه