تجمع بنات مصر المتاخرات عن الحمل

الف مبروك ليكي يا شهيدة وربنا ان شاء الله يتمم لك على خير يا حبيبتي وتشوفيه او تشوفيها عريس او عروسه يملو العين ويبارك لك في اولادك ويرزقك منهم لحد ما تشبعي
اما بالنسبة ليا انا فانا نفسي في طفلين برده عشان اسيب فرصة للمفاجآت لان سبحان الله ممكن احمل بواحد وانا مش في دماغي ومش عامله حسابي
ربنا يرزقنا يا رب ويكرمنا في عيالنا ويقدرنا نربيهم زي م يرضي ربنا

ما شاء الله الله أكبر يا شهيده ألف ألف مبروك وربنا يباركلك فيه يا رب و يكملك على خير يا رب و يرزقك بطفل زى القمر إن شاء الله والله فرحتينى و بشره خير لينا كلنا يا رب ألاقى بنات التجمع بتاعنا واحده واحده داخله تقول إنها حامل يا رب يا كريم و تكونى بشره خير لينا كلنا إن شاء الله لكن مقولتليش بنوته ولا ولد ربنا معاكى إن شاء الله
أزيك يا نونا عامله أيه النهارده يله بشره خير أهه شوفتى وش سيره عيالنا حلوه إزاى أومال بقى إذا بجد و بحق و حقيقى كانوا عملوا إيه كانوا كسروا الدنيا مش كده
أزيك يا أيام فينك مدخلتيش ليه أنتى خايفه من المصاريف ولا أيه يا ستى خلاص أنا و نونا هنبقى نساعدك و أمرنا لله ما هم عيالنا برده

نونا ورونا

ربنا يكرمكم ويبارك فيكم وعقبال ما تشوفو ولا دكم بيطننطو حواليكم

انا بس حبيت فعلا اقلكم اننا كنت جه عليا وقت قلت خلاص يظهر اننا هفضل كده ومعنديش اطفال وشلت الموضوع من دماغي وسبحان الله الحمل حصل بارادة ربنا ومكنتش مخططة ولا عارفه لدرجة اننا سافرت ومكنتش اعرف اني حامل وحصل مشاكل من موضزع السفر وانزل عليا دم وحملي كان مهدد

لدرجه ان في ناس كتير من اللي حواليا فاكرين اننا على اقل تقدير كنت باخد كلوميد مثلا وده اللي خلا في حمل ويسالوني انتى حامل بواحد ولا اكتر وحاجات كده
بس سبحان الله الحمل حصل بمشيئة الله وارادته من غير ما اعمل اي حاجه لدرجه ان زوجي نفسه كان مستغرب ويقلي ده احنا معملناش حاجه

وانا طول فترة ان مفيش حمل كنت بدعي ربنا وبلجا له واصوم واتصدق بالنية واهم حاجه والله يا بنات هيا الاستغفار

اه وكمان في حاجه لو في حد بيعمل حاجه ممكن يشعر انها تغضب ربنا ياريت يبعد عنها ولو في حاجه لو عملها ترضي ربنا عنه يعملها والله ربنا كريم جدا لطيف جدا بعباده وهيديكم ويدينا جميعا احلى المفاجات بس نخلص لربنا

معلش طولت عليكم بس انا عارفة احساسكم لاني مريت بيه وعارفة ازاي الوحده مننا بتكرة نفسها وبتبقى نفسها تبعد عن الناس كلها علشان الكلام اللي ملهوش لازمة اللي بيتقالها

بس فعلا خلو عندكو يقين في ربنا وانتو بتدعوه كلميوه وقوليله يارب انا عارفه انك معايا ومش هتغزلني وهتفرح قلبي


يارب عقبال ما اسمع عنكم كل خير ونلاقي كل واحده جايه تشتكي من ولادها
ان شاء الله

ألف مبروك ليكي يا شهيدة و يارب يتمملك على خير و تقومي بالسلامة ، و انشالله نشوف الخير على وجهك، احنا فعلا محتاجين اخوات يدخلو و يطمنونا و يحكولنا تجاربهم علشان يأثروا فينا....

ده انا اليوم صار معايا موقف اتفاءلت فيييييييه جدا، اليوم رحت أزور أهلي و انا هناك كلمتني بنت خالي قامت سألتني و ازاي الحمل معاكي يا أيام؟ انشالله الوحام مش تعاعبك؟ قمت استغربت قلتلها انشالله ربنا كريم انشالله يسمع منك..قالتلي بس انا اسمعت انك حملتي قلتلها لأ لسة بس أملنا بربنا كبير,,اتفاءلت خييييييييييييييير قلت يمكن لعل و عسى...

أنا آسفة يا بنات مشغولة عنكو اليومين دول لأنو الهانم شرفت و انا فعلا تعبانة و مغص فظيييييييييييييييييييع و قاعدة بسكن حالي بالحاجات السخنة القرفة و الميرامية ... معلش اعذروني اليومين دول ..اصلو اول يومين ببقوا صعبين .. و ياااااااااااااااااا رب و لا واحدة فينا تشوفها الشهر الجاي ياااااااااااااا رب

عارفين يا جماعة انا ليا واحدة صحبتي قصتها شبيه لقصة شهيدة..كلهم بقولولنا انسوا الموضوع و هوا بيجي لوحدو..و طول ما انتي بتفكري مش هيجي..طب نعمل ايه؟؟ ما انتي حتى لو شغلتي نفسك يومين او حتى اسبوعين عن الحكاية لازم هترجعي اتفكري بيها... اساسا حسبة الأيام اللي لازم تعمليها مع العلاج بتخليكي لازم تفتكري الموضوع...صح ولا لأ ؟؟؟ يعني انا دلوقتي الدكتورة قالتلي اخد كلوميد من تاني يوم دورة لغاية خمس ايام ..طيب ما هوا انا كل ماجي آخد الحبة اتزكر إنها للحمل ...

ربنا كريييييييييم معرفش يا بنات انا حاسة الادوية دي بتحبطني و بيجيلي اكتئاب منها يكفي اشوف منظري قدام المراية علشان افتكر اني باخد هرمونات

يا رب يا شهيده يسمع منك ربنا إن شاء الله و يكرمنا كلنا بالخلف الصالح إن شاء الله و يكملك على خير يا رب و تشوفى النونو بتاعك بيلعب حوليكى إن شاء الله و عارفه يا شهيده من ناحيه التفكير أنا الحاجه الوحيده اللى بتخلينى أفكر هى سفر زوجى لأن كل مره بيسافر برجع أبدأعلاج من أول و جديد أول ما بييجى من السفر لكن عن نفسى بعد اللى حصلى من حمل و إجهاض عندى يقين بالله إنه هيعوضنى كل خير إن شاء الله لأنى الحمد لله رب العالمين حمدت ربنا على كل حال هو اللى و جعنى كلام الناس لكن مع الوقت إتعودت عليه و بقيت أعرف أرد عليه كويس لكن متقلقيش على أختك أنا بميه راجل
أزيك يا أيام يا عسل عامله أيه ألف سلامه عليكى إن شاء الله تكون أخر مره تشوفى اللى متتسماش و الشهر الجاى تكونى داخله بتشتكى من مغص الحمل إن شاء الله و ربنا كريم إن شاء الله
يا رب ترزقنى و ترزق إخواتى فى المنتدى كلهم الخلف الصالح و تدى كل واحده فينا اللى نفسها فيه و متحرمش حد أبدا يا رب عاجلا غير أجل يا رب اللهم أمين يارب العالمين

ازيكم يا بنات وحشتوني والله انا بنبسط كل ما ادخل الاقي ناس كتير كاتبه حاجات حلوة ورقيقة كده
زمان كنت انا و رونا قاعدين نغني ونرد على بعض لوحدنا
على فكرة يا شهيدة انا ناس كتير قالولي اطلع الموضوع من دماغي عشان يحصل بس زي ما بتقول ايام كده ماهو العلاج بيفكرك بيه كل شويه وانا عارفه ان التوتر بياثر جامد بس ماهو اللي حواليكي لو شافوكي ناسيه ومبسوطه يجيبوكي بالعافية ويفكروكي صحيح الواحد بقى ما بيحسش اوي و بقى بيرد بس بفضل فاكره برده
لكن بستريح اوي لما بدخل المنتدى واتكلم مع البنات والاقيهم كاتبين كلام زي السكر ينسي الواحد همه
ربنا يسمع مننا يا رب و يدينا الذرية الصالحة ويقدرنا نربيها كويس زي ما يرضي ربنا
ويتمم لك على خير يا شهيدة ونحتفل معاكي بالسبوع في المنتدى ويخليلك النونو ويتربى في عزك انتي وابوه
ربي لا تذرني فردا وانت خير الوارثين

سلامتك يا ايام الف سلامة
ان شاء الله ماتجيلكيش الدورة الشهر الجاي
الا بعد تسع شهور
انا عارفه لما بتيجي الواحد بيكون قرفان من الدنيا ومن نفسه
بس هنعمل ايه
قدر الله وماشاء فعل والحمد لله على كل شيء
ربنا يرزقنا الذرية الصالحة جميعا يا رب

أزيكم يا بنات عاملين أيه النهارده يا رب تكونوا بألف خير يا رب و يا رب يرزقنا جميعا عن قريب بالخلف الصالح يا رب و ميحرمش حد مننا خالص من الخلف الصالح إن شاء الله

ازيك يا رونا عاملة ايه
تصدقوا يا جماعة التجمع بتاعنا بيوحشني كل ما افتح الكمبيوتر اول حاجة بفكر فيها ادخل المنتدى واشوف التجمع بتاعنا
عاملين ايه كلكم وايه اخر الاخبار
انا من ساعة الشتا ماابتدى وانا عاوزة انام وبس
وباجي الشغل وانا مضروبة بالنار
لو كان جوزي هنا كنت افتكرت نفسي حامل من كتر النوم اللي بنامه
مع ان الدنيا هنا مش برد اوي زي مصر بس برده دخلت المود بتاع الشتا والنوم
ازيك يا اياااام انتي بتغطسي فترة وبعدين تباني
خدي راحتك يا ستي بس احنا بنفتقدك والله
اخبارك ايه يا شهيدة ان شاء الله تكوني بخير
ربنا يتمم لك على خير يا رب ان شاء الله وتفرحي بالنونو بين ايديكي
بس امانه عليكي تدعيلنا و انتي بتولدي
ربنا يرزقنا جميعا بالخلف الصالح
و ربنا يشفينا و يصلح لنا الحال
آآآآآآآآآمين يا رب العالمين

انتوا فين يا بنات
وحشتوني
انا ماتعودتش على كده
؟؟؟؟؟؟؟؟؟؟؟؟؟؟؟؟

أزيك يا نونا عامله أيه و أيه أخباؤك تصدقى أنا كمان إتعودت على البنات معانا فى التجمع بتاعنا و بقيت أول ما أفتح الكمبيوتر أدخل على تجمع بنات مصر و أشوف إيه الأخبار نامى و أشبعى نوم يا نونا بكره ييجى اللى يقلق منامك و يخليكى مش عارفه تنامى إن شاء الله
أزيك يا شهيده عامله أيه دلوقتى و أيه أخبار النونو بتاعك عامل إيه مقولتيش أنتى منين من مصر؟؟؟؟؟؟؟؟
أزيك يا أيام فينك يا بنتى على رأى نونا بتغطسى تروحى فين؟؟؟؟؟؟؟؟؟؟؟

ازيك يا رونا
بقوللك ايه
انتي ماشية على خطة علاجية في غياب جوزك و للا لا؟
ولو ايوة ممكن تقولي ايه هي؟

بصى أنا دايما لما جوزى بيسافر بوقف كل الأدويه لأن ملهاش لازمه لكن بحاول طول فتره سفره أنزل وزنى عارفه أكتر حاجه مضيقانى دلوقتى جسمى لأن الحمل اللى فات طلعتلى بطن و قعدت شهر فى المستشفى فمعرفتش ألعب رياضه و بعد ما طلعت من المستشفى وربعنت جتلى الدوره اللى وراها عاديه و بدأت ألعب رياضه بس الدوره اللى بعديها جت بنزيف و دخلت المستشفى تانى و عملولى نقل دم من ساعتها مش عارفه ألعب رياضه براحتى و طبعا بطنى مقلكيش عامله إزاى غير التشققات اللى بقت فيها ده أكتر حاجه مضيقانى بقولك يا نونا عاوزه أسألك على حاجه دلوقتى زى مانتى عارفه بعد ما عملت العمليه يوم 14 رحت عملت التحليل طلعت النسبه صغيره و الدكتور كتبلى برشام أفضل ماشيه عليه عشان ينزل الدوره و لحد دلوقتى مجتش تفتكرى فى حاجه و أعمل تحليل ولا أشيل الموضوع من دماغى و أكبر دماغى ولا أعمل أيه المشكله إن الدكتور الأسبوع ده فى مؤتمر و مش موجود كمان و بينى و بينك خايفه أعمل تحليل بول لأن عمره فى حياته ما إدانى شرطتين أبدا فبقيت أتشائم منه خايفه أكون بعيش نفسى الوهم فاهمه قاصدى ربنا يكرم واللى فيه الخير يكون إدعيلى و إنصحينى

بصى يا نونا هصلى العصر و أرجع تانى بس أمانه ردى عليه عشان محتاره و كامن على فكره أنا معنديش أى أعراض لا لحمل ولا لدوره وربنا يكرم

بصي يا حبيبتي ان شاء الله و بإذنك يا رب تطلعي حامل يا رونا يا حبيبتي
في برشام بيتاخد عشان ينزل الدورة بس لو في حمل بيثبته وان شاء الله يكون الدكتور اداكي من ده
خللي بالك بس من نفسك وريحي وماتجهديش نفسك
و سيبي الدورة تتاخر على كيفها يا رب ما تشوفيها الا يوم الولادة بعد تسع شهور
و روقي ع الاخر وكلي اكل صحي
يا رب يا رونا تكوني حامل يا رب
و حياة ربنا هفرح لك من كل قلبي وهحس بامل في حالتي
ما تقلقيش خالص و ان شاء الله ربنا يكتب لك اللي فيه الخير
و خللي بالك ان اول الحمل الهرمون ممكن يكون قليل بس بيعلا بعد كده
صلي و ادعي في السجود كتير اوي
يا رب يا رب يا رب تكوني حامل يا رب
اللهم استجب اللهم استجب اللهم استجب

رونا معليش ما تزعليش اني مارديتش عليكي امبارح العصر انا دخلت وطلعت بسرعة والله ومالحقتش اشوف الرد بتاعك وما شوفتوش الا تاني يوم
اوعى تزعل يا جميل انا عمري ما بطنش اللي بحبهم

ازيكووو يا صبايا، وحشتووووووووووووووووووووووووووووووووووووني مووووووووووووووووووووووت، ما تتصوروووش الوحشة الي كنت فيها ليكو و للمنتدى و للمكان اللي بحس فيه بالتفهم و الانسجام و الفرح كمان، أنا عارفة طولت غيابي بس أعمل إيه امبارح بقيت بالشغل لغاية الساعة 8 العشاء و يادوب روحت هلكانة على طووووووول نمت.
أنا قريت اللي كتبتوه و ميرسي جدا لأنكو افتكرتوني و انتو كمان والله على البال، بس والله ظروف الشغل و جوزي..
معلش انا عارفة اني مقصرة بحقكو بس بكرة هزهأكووووو مني ...

عموما انا اخباري اني دلوقتي بقالي 3 ايام باخد كلوميد، و طبعا عينيا زغللت و بحس الرؤية مش واضحة عندي (الحمدلله) غير كده التنورة الزيتي بتاعتي بدأت ما تقفلش عليا...يا منجي من المهالك ياااااااااااااااا رب..

ازيك يا نونا اخبارك ايه؟؟؟وحشتيني؟ جوزك انشالله هيجيلك في شهر ايه؟
ياااا رب يا رونا تتطلعي حامل و تبشرينا ..على رأي نونا احنا هنفرحلك فرحة الأخت لاختها و انشالله تكوني بداية الخير علينا ...بس لو طلعتي حامل (انشالله يااااااااااااااا رب) عاوزة اخد عنوانك علشان أقطع تزكرة لمصر اروح أقرصك من ركبتك و حصلك بجمعتك.... ههههه ..

ازيك يا ايام وش القمر وللا وشك
وحشتينا يا بنتي معلش احنا عازرينك والله مانا برده عندي تقفيل حسابات و حاجة تقرف
انا جوزي ان شاء الله المفروض كده ان شاء الله انه هيبعت لي اجيله في شهر 8 كده تقريبا
و يا رب يا مسهل
ادعولي انتوا بس
انا بحاول التزم باي ريجيم عشان اخس عشان الكلوميد نفخني نفخة مش عاوزة اقوللكم بقه شكلي زي الكورة ومش بس كده انا فضلت فترة كبيرة عندي اكتئاب و زغلله و كارهة حياتي و الحمد لله على كل شيء
طمنوني عنكم دايما
و ربنا يرزقنا جميعا بالذرية الصالحة يا رب

إزيك يا نونا، ربنا يجمعكو سوا و يجعل الجمعة هاي خير و يطرح بيها البركة يااااااااااااااااااااااا رب، و ترجعي من عندو و انتي حامل.

انا كمان الكلوميد خلاني عصبية قوي لدرجة اني بخانق دبان وجهي، في الشغل عصبية و في البيت ، حتى اليوم عاوزة اشكيلكو اتخانقت مع جوزي انا عارفة انو مش قصدي بس خلاااااااااااااااااااااااااااااااص مش قادرة نكد نازل عليا من ساعة ما بدأت آخد الكلوميد و نعااااااااااس و ببقى همدانة و مش قادرة اتحرك و باكل عن 10 اعمل ايييييييييييييييييييه؟؟؟


فينك يا رونا؟؟؟؟ بشوف إذا حضرت الشياطين ذهبت الملائكة..يعني لما على مجهي لما بديت اجي و أكتب انتي تغيبي؟؟؟؟

يا ستي لعلو خير المهم طمنينا عليكي صار معاكي ايه؟

معلش يا بنات أنا الdsl عندى بايظ وبدخل بالويرليس فالشبكه ضعيفه عشان كده مش بعرف أدخل ولا يهمك يا نونا ده أنتى أختى حد بيزعل من أخته أنا الحمد لله كويسه و الحمد لله عملت تحليل حمل منزلى و طلع شرطتين الحمد لله بس مش مصدقه والله لحد دلوقتى و خايفه أقول لماما ألا يكون مش صح ولا حاجه بس عارفه أول ما عرفت مكنتش مصدقه لأن عمر التحليل المنزلى ما طلع معايا شرطتين أبدا و عارفه أول ما بطلت عياط صايت ركعتين شكر لله و الحمد لله على كل حال و جوزى أول ما عرف صلى ركعتين شكر لله و اللى نزل عليه قعد يقول الحمد لله الحمد لله بس أمانه يا نونا تدعيلى لأن عارفه منكرش إنى فرحانه بس عارفه عندى رهبه غريبه هو جوزى بيقولى إن ده من اللى حصل المره اللى فاتت بس أنا رميه توكالى على ربنا و يا رب يكملى حملى على خير يا رب و عقبالك يا نونا أنتى و أيام و يا رب تكون بشره خير ليكم كلكم هى بدأت بأيام و أنا و يا رب تكمل بيكى أنتى و أيام و يبقى تجمع لحوامل المنتدى يا رب أمانه تدعيلى لأنى حاسه أنى مخضوضه شويه