تجمع بنات مصر المتاخرات عن الحمل

معلش يا رونا نسيت اسالك
هم الدكاترة اللي قلتي عليهم دول في القاهرة وللا اسكندرية؟؟؟؟

و بعدين ايام فين؟؟؟
مختفية كده ليه؟

أولا أزيك يا نونا عامله أيه النهارده أنا الحمد لله كويسه حبيت أقولك إن الدكاتره دى فى الإسكندريه إن شاء الله لأنى معرفش دكاتره فى القاهره و بقولك أيه أنتى مش قلتى إنك بتقعدى فى طنطا صح طب ما أنا سمعت إن الدكاتره بتوع أمراض النساء هناك ممتازين ولا دى إشعه عموما إذا حبيتى تيجى عند الدكتور بتاعى فى الإسكندريه قوليلى و أنا هاجى معاكى أوديكى إن شاء الله و ربنا يكرمنا يا رب بالخلف الصالح........
صحيح فينك يا أيام مشغوله عننا فى أيه؟؟؟؟؟؟؟؟؟؟؟؟؟؟؟؟؟

إزيكو يا بطابيط؟؟؟ واللللللللللله وحشتوووني ما بتعرفوووش قد ايه ببقى مبسوطة لما بلاقيكو مستفقديني و بتسألو عني...انا فعلا صرت حاسة اني بقيت واحدة من العيلة و بقيت ما اقدرش اغيب عنكو كتير..الصراحة انا بشتغل بجامعة امريكية (ياااااااااا رب يرزقنا و نفرح بخلفتنا و نشوفهم وصلو الجامعات) المهم الطلاب هيبدأو السمستر التاني الاسبوع الجاي فقاعدة بسجلهم المواد و بحضر التحيب بالطلبة الجدد،
صحيح يا نونا انت قاعدة فين بالامارات انا براس الخيمة .... و بالنسبة لزوجك ما تقلقيش انشالله ربنا يفرجها و يجمع شملكو ببيت واحد و تمليه عيال و قطاقيط...

انا معلش ما فهمتش موضوع اطفال الانابيب ده بس ازا سعرو 7000 جنيه بس يبقى ارخص بكتيييييييير من هنا ..بالامارات بوصل 12-15 الف درهم يعني حوالي 18000 الف جنيه او اكتر..

لكن انا دكتورتي قالتلي طالما انو جوزي سليم و انا انابيبي سليمة و مافيش الا تكيس المبايض الافضل نعمل تلقيح صناعي... بس ليا واحدة صاحبتي بالشغل بتقلي عالفاضي عملتها 3 مرات و ما زبطتش...

يعني الواحد حتى لو فكر يعمل اطفال انابيب لازم يشتغل مدة علشان يحوش المبلغ هنا بالامارات...الله كريم يا رب العلاج يجيب نتيجه معانا كلنا و ما نحوجش لعمليات ابدا ياااااااااااااااااااااااااا رب..

ازيك يا ايااااااااااااااااام
انا قاعدة في دبي يا ستي وبشتغل محاسبة ف شركة مقاولات عقبال مانشوف عيالنا مهندسين قد الدنيا ونفرح بيهم يا رب
انا كنت بسال رونا على دكاترة تعرفهم عشان بقالي سنتين بعيد عن مصر ومش عارفه حد اوي
ربنا يجمعني انا وجوزي على خير يا رب بس الاول عشان اتفق معاه نجرب بعض طبيعي كده الاول وربنا يسهل ان شاء الله
بس صحيح يا رونا السعر اللي انتي كتبتيه ده اكيد؟؟؟
لانه فعلا كده ارخص من هنا بكتير اوي
معلش يا رونا انا بتقل عليكي
ربنا يشفينا كلنا ويرزقنا بالذرية الصالحة يا رب

على فكرة يا رونا دكاترة طنطا كويسين بس انا تقريبا جربتهم كلهم قصدي المشهورين منهم
وبفكر اروح عند حد يكون معروف في المدن احسن من الاقاليم مش كده؟؟؟
واهو كله سعي
وربنا يوفقنا يا رب جميعا

عندك حق يا نونا جربى و مش هتخسرى حاجه ويا رب يجعل الشفاء على أيديهم يا رب المهم يا نونا فعلا السعر كده أنتى نسيتى أنى لسه عاملاها ولا أيه و على فكره ده أنا المره دى عملتها أغلى من المره اللى قبلها لأن الدكتور ده بيحجزلك غرفه درجه أولى فى يوم العمليه و فى يوم الترجيع تفضلى فيها لحد ما تكونى كويسه و على فكره أنا عملتها المره دى فى مركز الخصوبه المتكانل و لو عملتى بحث على النت هتلاقى كلام عن المركز و فعلا هم نظاف جدا و بيهتموا بيكى مش زى اللى قبل كده كان خلص و إنجز عشان يشوف اللى ورايا و هكذا و زى ما قلتلك بس أنتى ترجعى مصر بالسلامه و إذا كنتى حابه تروحى للدكتور بتاعى أنا تحت أمرك
أزيك يا أيام مقولتليش بتدرسى أيه فى الجامعه الأمريكيه لأنى كنت بشتغل فيها بس فى الفرع بتاعها اللى موجود بأكاديميه ميامى فى الإسكندريه كنت بدرس كمبيوتر بس مع ظروف الحمل اللى فات مقدرتش أكمل فى الشغل و قعدت فى البيت و الحمد لله على كل حال

ربنا ينجحكو كمان و كمان، انتو كده خلتوني افكر اعملها بمصر العملية ازا ارخص من هنا، لأني ناوية في الصيف انزل مصر سياحة ...قوليلي يا رونا تقريبا كم يوم مدتها العملية ؟ و هل هيا صعبة؟؟ و ليه ما نجحتش معاكي؟

انا ما بدرسش في الجامعة انا في قسم شؤون الطلبة بعيد عنك، الطلاب طلعو عيني و صارلي جفاف منهم، سبحان الله البني آدم طماع ، بيبقى يحارب علشان يجيلو عيل و اول ما يجيبو بيغلب معاه و هوا صغير و ما بيقدرش عليه و هوا كبير... المشكلة انهم شباب مش صغيرين بس جييييييل خربااااااااان ، مفكرين حالهم طالما دخلوا الجامعة الامريكية كإنهم عايشين بأمريكا . بس برضو في عيال حبيبة منهم...هههههههههههههههه

انشالله يا نونا تكوني مبسوطة بشغلك؟ انا عارفة دبي زحمة الصبح قوي و اسمعت انها غرقانة من المطر و شارع الامارات مسكر...عموما المطر خير..افضلوا ادعوا و المطر بينزل ،

رونا ونونا ...انا عارفة انا يمكن بقلقكو معايا بس تعتقدو انا حالتي خطيرة و لا عادية؟ يعني الأمل في ربنا كبير بس من خبرتكو هل اعمل عملية التلقيح او الانابيب و لا ارجع اتعالج بالحبوب و الهرمونات؟؟انا بقيت اخاف من الحبوب و الإبر مش لإني بخاف من الابر نفسها بس بخاف من عواقب الابر يعني التخن و وجع المبايض عند الجماع...ربنا يستر انا خلاص بطني قربت تنفجر و الدورة لغاية دلوقتي ما نزلتش..

شوفى يا أيام الأحسن إنك تعمليها فى مصر لأن زى ما بشوف البنات فى الدول العربيه لما بيحاولوا مره و أتنين و مبتنجحش بييجوا يعملوها فى مصر و حته إنها تنجح أو ما تنجحش ده بتاع ربنا و على فكره أنا عملتها قبل كده و نجحت بس ربنا ماأردش تنجح المره دى لكن من غير سبب يمكن لأنى عملت مجهود لأن المره اللى فاتت لما عملتها مكنتش بتحرك خالص لكن المره دى مكنتش قايله لحد خالص فبالتالى كنت بتحرك طبيعى قدام الناس و بعدين كأن الناس كانت مستنيه أنى أعمل العمليه و يجولى يقضوا باليومين معايا و طبعا شغل البيت و أنتى عندك ضيوف مبيخلصش و ربنا يكرم إن شاء الله و يحصل حمل طبيعى يا رب بالنسبه ليكى لو التكيس ميأثرش على العمليه أعمليها و ربنا يكرمك إن شاء الله و يحصل حمل بإذن الله

انتي عارفة يا ايام انا كمان ساعات بفتكر ان حالتي صعبة بس بشوف حالات اصعب بكتير وربنا بيكرمهم
الموضوع كله بايد ربنا احنا بنسعى ونجري ونعمل اللي نقدر عليه بس في نفس الوقت لازم نقرب من ربنا ونطلب منه وندعي ونتوسل وبعد كده الباقي على ربنا هو عارف الخير فين وايه الاحسن لينا سبحان الله احنا نظرتنا قاصرة ومش عارفين الغيب يمكن يكون اللي احنا فيه احسن من حاجات تانية كتير
صحيح العيال نعمة واحنا مموتين نفسنا عليها بس ماهي نفس النعمة دي ممكن تكون نقمة لو طلع لا قدر الله عاصي وللا عاق لابوه و امه و العياذ بالله
عشان كده لازم نحط في دماغنا ان كل شيء باوان
ولما ييجي الاوان هنحمل باذن الله ونخلف عيال زي العسل ينوروا الدنيا علينا و يدعولنا بعد عمر طويل ان شاء الله
يا رب ارزقنا جميعا بالذرية الصالحة

ربي لا تذرني فردا وانت خير الوارثين

متشكرة جدا ليكي يا رونا
انتي بجد طيبة اوي
ان شاء الله لما انزل مصر لازم هقوللك
عشان اعرف نظام الدكاترة و العلاج وكده
ربنا يكرمك يا رب و يديكي الخلف الصالح

ربي لا تذرني فردا و انت خير الوارثين

آآآآآآآآآآآآآآآآآآآآآآمين، يا رب استجب لدعواتنا جميعا... انشالله ربنا يجيب اللي فيه الخير ، صحيح انو قادر على كل شي بس برضو اسعى يا عبد و انا اسعى معاك، اهو احنا بنجري و نسعى و ربنا يكتبلنا الخير فيما اراد...

انشالله حالتنا كلنا تستجيب للعلاج من غير عمليات و يا رب يرزقك يا رونا و يا نونا عن قريب و تفرحونا..

يا رب يا بنات ربنا يكرمنا جميعا بالخلف الصالح إن شاء الله و على فكره العمليه نفسها مش متعبه هو ممكن اللى بيزهق شويه هو حقن المنشطات عشان بتخديها كل يوم بس لكن يوم العمليه و يوم الترجيع مفيهومش وجع نهائى يمكن بس يوم السحب بعد ما بتروحى بتحسى بشويه مغص لكن برشامه كيتوفان وكل حاجه تبقى تمام إن شاء الله و ربنا يرزقنا جميعا يا رب و ميحرمش أى واحده من كلمه ماما يا رب اللهم أمين يا رب العالمين

آآآآآآآآآآآآآآآآآآآآآآآآآآآمييييييييييين

اللهم استجب اللهم استجب اللهم استجب
يا رب يا بنات نبقى امهات ونتقابل ونشوف بعض في مصر واحنا شايلين عيالنا
و ماعنديش مانع لما يكبروا يحبوا بعض او يرتبطوا
و عن نفسي انا هربيلكم العيال كويس وهخليهم خاااااااااااااااام
هههههههههههه
يا رب ييجوا بس وانا ان شاء الله هربيهم تربية دينيه محترمة ترضي ربنا
ربي لا تذرني فردا وانت خير الوارثين

يا رب يا نونا و عارفه يا بت يا نونا أنا عن نفسى أول ما يكملوا 3 سنين هوديهم النادى و هشغلهم فى الرياضه عشان إحنا فى زمن لازم تشغلى فيه وقت عيالك وعنديش مانع أخد معايا عيالك الصغننين و ألعبهم معاهم فى نفس النادى و ممكن ناخد عيال أيام معانا و ممكن أسبلك أنتى التربيه أهو تريحينى شويه ماشى

ماشي يا جميل احنا نطول
واهو برده ياخدوا على بعض من دلوقتي
احسن مايتعبونا معاهم بعد الجواز
بس خلي بالك انا احب العيال يهتموا بمذاكرتهم
انا عاوزاهم يطلعوا من الاوائل
وانا شديدة في الموضوع ده
اصلي كنت سوسة كتب ايام المدرسة
كنت بحب المذاكرة اوي

خلاص و انا أدخلهم جامعات بس مش أمريكيييييييييييييية ، انتو الخير و البركة

يا حبايبي
ان شاء الله بكرة ربنا يكرمكم بدستة من الاطفال الحلوين الامامير

اهم حاجه التزمو الاستغفار بجد في كل وقت وفي كل حين وتصدقوا واكثروا من قول لا حول ولا قوة الا بالله وان شاء الله تفرحوا باولادكم عن قريب

انا على فكرة برضو الحمل معايا تاخر سنة و8 شهور بس ربنا كريم
اذا ارادشيئا ان يقول له كن فيكون

أهلا بيكى يا شهيده معانا فى التجمع بتاعنا و يا رب يكون وشنا حلو عليكى إن شاء الله و ربنا يكرمك بالحمل عن قريب إن شاء الله.
و أنتى يا أيام عليكى الجامعه ماشى بس بمصاريفها أمريكيه أو مش أمريكيه شيلى و يا سلام إذا كل واحده ربنا كرمها بتوأم ياه عيشى حياتك يا أيام و حوشى من دلوقتى عشان المصاريف أما أنتى يا نونا فإخترتى أسوأ حاجه المذاكره ده أنا بشد فى شعرى لما بذاكر لأختى فإنتى كده هتريحينى من هم المذاكره بس أنا عاوزه دكاتره و مهندسين ماشى
بقولكم يا بنات نفسكم إن شاء الله لما ربنا يكرمنا بالأطفال فى كام طفل أنا عن نفسى نفسى فى طفلين مش شرط توأم و مش مهم بنات ولا صبيان بالرغم من أنى بحب البنات بس بطلت أتأمر على حاجه المهم أعرف أربيهم كويس و أنتم أيه و على فكره جوزى بيقولى النونو التالت ده يكون هو الغلطه اللى بتيجى من غير ما نحس

حبيبتي رونا

الحمد لله ربنا اكرمنى وحصل حمل بارادته سبحانه

انا حاليا بالشهر السادس

عقبالكم جميعا يارب

انا بس حبيت اقلكم ان ربنا فعلا قادر ولما بيريد حاجه فلا راد لارادته وقدرته