تجمع بنات مصر المتاخرات عن الحمل

هاى يا نونا أنا من الإسكندريه وأنت منين والظاهر إنك أنت كمان زهقانه زى حالتى بس حاولى تعملى حاجه تغيرى جو إسمعى أنا بروح لدكتور أنا شايفه أنه كويس لإنه أول دكتور مايقولش كلام وحش عن الدكتور اللى قبله و بعدين مطلعش تشخيص اللى قبله غلط لو حبه تجيله قوليلى و أنا أقولك إسمه و مكانه و إن شاء الله خير

ازيكم يا بنات مصر عقبال ان شاء الله ما نبقى امهات مصر
انا من طنطا و كنت بتابع في اسكندريه وبعدين بقيت بتابع في طنطا
و لسه ربنا ما كتبش
بس انا دلوقت عند اهلي في دبي عشان جوزي مسافر بلد تانيه
وانا بحاول اخس لاني تخنت وده برده بياثر
ربنا بوفقنا كلنا ان شاء الله
و نبارك لبعض ع البيبيهات الحلوة
اللي تملا بيوتنا فرحه ان شاء الله

كنتى بتتابعى مع مين فى الإسكندريه و شاطر ولا لأ

كنت بتابع مع مركز خصوبه في سموحه معروف اوي
بتاع دكتور اسمه سليمان حاجه كده مش فاكرة اسمه كويس
بس هو معروف بس كان كل شويه يقوللي عندي حاجه جديده
فزهقت و سبته و رحت لدكتور هويدي في طنطا

أنا بسمع إن دكاتره أمراض النسا فى طنطا شاطرين و مش ماديين ربنا معاكى و معايا ويرزقنا يا رب و مايحرمناش إن شاء الله

يا رب كلنا نحمل و ربنا يدينا الذريه الصالحه
و انا برده هتابع مع واحده هنا ف دبي بيقولوا انها شاطره
و ربنا يسهل و دعواتكم بقه معايا
و ربنا يشفيني من الكيس و من التخن و من كل مانع للحمل
يـــــــــــــــــــــــــــــــــــــــــــا رب

ربنا معاكى يا نونا و معايا لأن الدكتور عاوزنى أجرب أعمل حقن مجهرى تانى وأنا خايفه و بعمل صلاه إستخاره إدعيلى إن اللى فيه الخير يكون ويا رب يكرمك و الدكتوره الجديده اللى هتروحلها تكون شاطره و ترتاحى معاها

ربنا يكرمك ان شاء الله و يكتب لك الخير حيث كان و يديكي الذريه الصالحه اللي تفرحك و تملا حياتك سعادة
و ربنا يكرمني معاكي و يديني الذريه الصالحه يا رب
بصي اعملي استخارة كذا مره
واللي ترتاحيله توكلي على الله و اعمليه
وان شاء الله باذن الله خير

ازيكم يا امهات مصر انشاء الله عن قريب

انا عوز اعرف يا نونه انتي متابعا مع مين في الامارات لاني انا عايشا فيها و جربت لغاية دلوقتي 4 دكاترا وحده سورية واتنين مصرين و انا حاليا مع وحده هندية انشالله يجيب الشفا ع اديها
بس الدكتور المصري في فترة علاجي عندو حصل حمل بس اجهضت بعد شهرين ونص هول شاطر اوي بس عيبو مادي كتير اتصوري استشارة بس دفعني 200 درهم مع اني مريضتو المهم انا مرتاحة مع الهندية و على فكرا بخصوص الدكترا كلهم بيقلولي نفس السبب يعني مفيش حد فيهم قلي حاجة تانيه

وربنا يارب يكتبلنل الدرية الصالحة عاجلا غير اجلا

ربنا يكرمك يا غضيفه وتلاقى دكتور شاطر و تحملى و تبشرينا إن شاء الله

انا قدامي دكتورتين كل الناس بيشكرو فيهم واحده اسمها د/اميرة و دي ف مستشفى الزهراء في الشارقة و بتيجي مستشفي الزهراء في دبي يوم الاتنين بس
و في د/عزة و دي ف مركز فتحي عمارة في المطينه ف دبي و هم الاتنين مصريات
و ربنا يسهل و يجيب الشفا و الذريه الصالحه لينا كلنا
بس انا لازم اخس لاني تخنت جامد و بدور على ريجيم يكون كويس وصحي
و دعواتكم معايا

شكرا يا نونا
انا سمعت ب اميرة الزوهيري اضن دا اسمها بمستشفى الزهراء بس دي مواعدها متاخرة لانها بالدرس في جامعة الشارقة و هل سمعتي بدكتور ناصر البيه؟؟؟؟ بالشارقة ده الي انا كن اتابع معاه قبل و بعد الاجهاض و هو كمان قلي لازم تعملي ريجيم بس اتا نزل كتير بس لسا ما في نصيب لذالك عوزا اغير الدكتور

انا رحت برده عند دكتور ناصر البيه ده و هو قاللي لازم اخس على قد ما اقدر
وانا بجرب ريجيمات كتير عشان اشوف لي واحد امشي عليه
و ربنا يكتبلنا اللي فيه الخير
ربنا هب لنا من لدنك ذرية طيبة انك سميع الدعاء

وانتي ايه رايك فيه
انا اول ما بتديت معاه اداني ابر منشطة حمل عكول و بعد الاجهاض قالي تخسي ايه رايك هو كد بيقول لكل مريضة عندو ولا ايه

ربنا معاكم و معايا يا بنات ويكرمنا بدكاتره شاطرين لإن الظاهر إن المشكله دلوقتى فى الدكاتره على فكره يا بنات أنا كنت بتعالج عند د. حسن نعمان و هو من أحسن الدكاتره فى مصر و كنت بسمع دايما من صحباتى إن الدكتور بتاعهم طلب منهم يخسوا وكنت بسأله لازم أخس ولا لأ كان بيقولى مش لازم لكن قللى الدهون فى الأكل لأنها هى اللى بتسبب المشاكل لكن غير كده كلى برحتك حبيت بس أطمنكم عشان متحطوش الطخن فى دمغكم لأن ياما طخان و حوامل و ياما رفيعين و مش عرفين يحملوا

والله انا مش عارفه مين فيهم صح و مين فيهم غلط
و مش قادرة احكم اذا واحد فيهم هو احسن واحد
الله اعلم انا تعبت معاهم كلهم اد ايه
ربنا يجعل اخرة الصبر ده خير يا رب
و يكتب لنا الشفا على ايدين اي حد فيهم
و يرزقنا الذرية الصالحه يا رب يا رب يا رب يا رحمن يا رحيم يا قادر على كل شيء

اللهم أمين يا رب العالمين و يجعا الشفاء على أيديهم يا رب

ازيكم يا بنات معلش انشغلت عنكم شويه
ماشاء الله عليكم الحمد لله انكم بديتم تشاركوا بعض الاراء في الدكاتره
بس عندى سؤال الكل يقول ان التكيس من زياده الوزن بس انا اصلا رفيعه
يبقى المشكله فين بقى وبالعكس الدكتور بيقلى حاولى تزيدى شويه عشان لو حصل حمل اقدر
احافظ عليه وصحتى تكون كويسه بس مش عارفه ازيد خالص
لانى من النوع الى لمى بزعل بخس ودى مشكله فلو حد يقدر يفدنى يبقى جزاه الله الف خير عنى

حاولي تاخدي فيتامينات لانها بتفتح الشهيه و كمان مفيده للجسم
و موضوع التكيس ده عبارة عن اعراض كتير جنب بعضها
ممكن تحصل كلها او شويه منها مع بعض
زي اضطراب مواعيد الدوره
تخن
ظهور شعر في الوجه او الصدر او في الفخدين
ضغط عالي
مش شرط كلهم يحصلو

مش لازم تطخنى عشان تبقى صحتك كويسه حاولى بس تأخدى حاجات مفيده زى الفاكهه و الخضروات الطازجه وكمان العسل الأبيض لأنه مفيد لكل الجسم و يا سلام لو عسل سدر كده يبقى 100% و ربنا معاكى ومعانا جميعا ويقوينا ويكرمنا بالخلف الصالح أمين يا رب العالمين