تجمع حوامل الثلاث الشهور الأولى1-2-3

هلا سارونة .. شو تسوين سهرانة .. حبوبة تحملي لوحام كلنا نشتكي الحاله عني انا هذا وضعي فليل سهرانة و بنهار راقده ... علشان الوحام الدكتورة قالت لي افضل شي تكثرين سوائل و تخففين الاكل خصوصا فليل لان المعدة ها الايام بطيئة بالهضم ... خواتي اذا يتكم اي ضيقه كثروا من الاستغفار ترا الشيطان له مداخل و اذا شاف الواحد ضايق و يفكر يااه الشيطان الله يغربلة يزيد عليه الهم نصيحه 99 من قول استغفر الله و تختتمونها ب لاحول ولا قوة لا بالله والله انها زينه يارب يحفظكن من من ضيقة

بنات احسبو اي انا باي اسبوع اخر دورة 19-5-2007
رحت لدكتورة اول ماتاخرت الدورة وكان مهب باين الجنين والحين دكتورتي مسافرة ياليت تنصحونن

سوسو .... خير انشا الله ... بس ويا ريلي الي يتنازل مرة يتم طول عمره يتنازل
سارونة انتي سابقتني باسبوع والحال مثل بعضه حياتي
حبوبة .... انا كل 23 ادخل شهر وحملت في خمسة يعني انتي شرات سارونة سابقتني باسبوع اعتقد

سوسو مستغربة منج .... سهرانة انا من دخلت الثاني وانا اسهر بعد شو السالفة
رقادنا موووووول اتلخبط

مررررررررررررررررحبا حوامل .. وحشتوني وااايد

انقطع عندي الانترنت وتوني قدرت ادخل ...

قمقومة.. الله يسهل امرج ويا ريلج .. وكلها اسبوعين وتترقين ويخف وحامج ان شاء الله ... الله يعين اللي توهم ببداية المشوار

زهور بنفسجية .. الف مبروك والله يتمم حملج على خير .. عاد حاسبي على نفسج هالفترة

السيدة سوسو .. ترا الكل نومه متلخبط انا تمر علي ايام اكون توني قاعده من الرقاد وما اخذ نص ساعه الا وتلاقيني انود مره ثانية .. وتصدقين ان كلما سمعت القران وقعدت استغفر احس براحة اكثر .. سبحان الله

حبوبه ودلوعه .. :eek2: تصدقين انا بعد اخر دورة لي كانت في 19-5-2007 يعني انا وانتي تونا بالاسبوع السادس وبكره ندخل ان شاء الله الاسبوع السابع وموعد الولادة المتوقع 23-2-2008 .. هذا على حسبتي في موقع اجنبي

تدرون بنات تراني ما راحت للدكتورة لين الحين ان شاء الله الاسبوع الجاي باروح .. بس مب عارفه شاسوي في اللوعه ذابحتني بس بدون ترجيع .. وصرت اقرف من اي عطر حتى ريلي مسكين قلت له يخلي عطره في السيارة ويتعطر اذا انا مب معاه

قمقومة ... قم قم الله يفرج همك يارب

ترى كل الرجال عنيدين بس على الزوجه تصير احسن منهم وعليك بالدعاء وانشاء الله الله يهديه

سارونة العروس الله يساعدج على الوحام احنا تونا في بداية الطريق


باقي لي اسبوع وبيصير لي شهر


حبوبه ودلوعه لك شهر و5 ايام يعني انت سابقتني تقريبا باسبوع

السيدة سوسو شخبارك يالغالية انا غيركم في الليل ماسهر بس هاليومين عشان انا بيت اهلي بس اذا رجعت الشقة لازم انا مبكر

*~JeWeL~* الله يبارك فيك يالغالية هههههههه وانت بعد داري على روحك ترى مابينا الا اسبوعين تقريبا

ونفس الشي انا مابعد اروح للطبية انشاء الله هالاسبوع

هههههههه الله يستر الى الحين مابعد احس بالوحام بس عندي ثقل في صدري والم خفيف ومرات احس بدوخه وتعب في جسمي وظهري ومرات الم الدورة يروح ويجي



:9_33:

السلام عليكم
اشلونكم جميع
حبيباتي متى يبين نبض الجنين؟؟؟

جويل ....لبى قلب ....زهور ..... هلا والله
سوسو .... اشوفج امبركنة تحت سهرانة شراتي

السلام عليكم

اشلونكم

محد رد علي متى يبين نبض الجنين ؟؟

السلام عليكم خوااتي


شخباركم عساكم طييبيين ؟

انه بيين لي نبض الجنين من اول شهر

سلام عليكم.... انا بعد نب البيبي بين من اول ما اكتشفت اني حامل وكنت في الاسبوع الثاني

وعليكم السلام .. شحالكم كلكم .. انا صار لي يومين مادري شو فيني مادري متضايقة ولا عصبية المزاج خربان الله اعلم انتم شخباركم قمقومة شخبارج ...يا بنات البيبي يبين بالكيس بو خمس اسابيع والنبض بعد على حسب الجهاز وتطورة يارب لا يخسركم حملكم و يثبتة الكم ...

لبى قلب وليدي صراحة مادري متى لانه مابعد اكمل شهر بس على ماسمعت يمكن من الاسبوع السادس او الثامن

السيدة سوسو اشفيك انشاء الله خير حاولي تقرئي قران وتستغفري والله يسهل امرج يارب

بنات عندي سؤال؟
انا في اسبوع الخامس وامس سويت سونار وبين كيس فقط وهو صغير وكان مكتوب بالجهاز سونار ان حملي 4 اسابيع هل في حملي شي ولا انه طبيعي

هلا سوسو .... سميت عليج با الرحمن شو فيج اقري على عمرج المعوذات وايه الكرسي
زهور .... هلا حبيبتي شخبارج
حزينة ..... الدكتورة شو قالتلج .... لانه صدق باربع اسابيع يكون وايد صغير نطفة
الله يعينا ويسهل علينا كلنا يارب

اهي قالتلي ما فيه شي يا قم قم بس انا مستغربه انا الحين 5 اسابيع بس امس بين بالسونار 4 اسابيع ولما سألت الدكتورة قالتلي عادي سونار ينقص ايبوع من الحمل هل كلامها صح يعني في وحدة منكم صار معاها هالشي ان سونار يبينها اقل من اسبوع

بنات باركو لي انا حامل
اظن من شهر.... وامس اكتشفت اني حامل
مع ان ولدي صغير سنةونص ...وانا ماحاطة في بالي احمل لين سنتين ...
بس الشي صار وانا ماخذه احتياطاتي ...بس الحمد لله نعمه
والله اني فرحت وادعو لي اييب بنوته ...

مبروك
الله يرزقج بالبنت اللي تسرج بالدنيا وبالاخره

سوسو الله يعينج
انا بعد دوم متضايقه بس انا موضيق ضيق انا خوف ووسواس يكافيكم الشر انا مسقطه مرتين ورى بعض فخوفي بزود

مع انه الدكتوره اكتشفت انه بسبب الاجسام المضاده كنت اسقط فمعطتني ابر يوميا من دخلت الثاني الين نص الثامن عسى الله ياجرني وياجركم

موعدي بعد عشرة ايام جذيه بتشوف نبض الجنين خاطري اجدم الموعد
التجربه جديده علي ومحد بعايلتي حمل بتوم علشان اسأله الله يهون الامر وتقر عيني بهم سالمين متعافين واعيالكم يا رب

حزينة .... اتوكلي على الله ولا اتوسوسين وانشا الله كل شي تمام لا اتحاتين فديتج
همس ..... الف الف مبروك ... ماعليه هاي نعمة من رب العالمين
لبى.... لا اتوسوسين يا قلبي واتوكلي على الله وانشا الله تسمعين قلبه واتبشرينها واتقر عينج بشوفته