تجمع حوامل الثلاث الشهور الأولى1-2-3

كستر حبيبتي اشوفج امبركنة تحت ..... بشري انشا الله حامل عقب هذاك الحمل

مساء الخير حبيباااااااااااااااتي

الله يعينكم ويعدي الشهور على خير يارب

ويسعدني إني أنضم معاكم كوني بالشهر الأول وإلى الأن ماحسيت بشي والله يعيني على الأيام الجاية وياكم يارب

حبيت أسألكم أنا ماأحب الحليب نهائيا" فماأدري اللبن الطبيعي يقوم مكانه

أنتظر ردكم وتقبلوا تحياتي

ودعوااااااااااااااااااااااااتي

حياتي ..... اي منتجات الالبان جبن .... قشطة ..... حليب .... هذاكله في كالسيوم .... خذي لج رز با الحليب .... خذي لج حليب با الفراولة
والله يثبت حملج انشا الله وحملنا

سلااااااام عليكم ومرحبااااااا ... يا ست شووووووووووق زي ما قلت لج قمقومة انا اول ما دشيت كنت اقولهم ليش ما احس و و وو و لما دشيت الثاني لاعت جبدي من عمري وماعرف شوة وحامي اكل ولا ريحة ولا نوم كان ربي يقول اختاري اي نوع من الوحااام اللي كنت اصييييييح اريد احس فيه والحمد الله ...سوي لج موعد عند دكتورتج و بتسوي لج سونار وان شاء الله خير
حياتي ... مبروك حملج والله يثبت لج و خليج ويانا و تابعي اخر التطورات
قمقوومة حبيبتي شخبارج وشو البيبي الحين قريب اعتقد بتروحين تشوفينه يارب يطمنج عليه ...

سوسو باجر موعدي وزايغة بس احساسي ايقول كل شي تمام وخير انشا الله

يا عمري ... نفس احساسي يوم كان موعدي الف وخمسمية و ست و خمسين سؤال راسي و انا رايحه الها و من رحت نسيت كل شي ميت ساكة استانست يوم سمعت النبض و شفتة الحمد الله انه بخير يارب الفال لج تلاقين الخير جدامج

اقولج سوسو .... احسج كله ترمسين عن البيبي انه ولد احساس الامومة ايقولج ولد
انا كله ارمس عن البيبي انها بنت ما ادري ليش جنه احساسي يقول انها بنت
وبخبرج بقنيلة الموسم بس لاتضحكين علي من حملت مب طاييقة معجون الاسنان مقزرتنها بس بفرشاه خالية بدون معجون واللحين اتسبحت وغسلت اسناني غصب رجعت لين ما قلت بس
اسبح احس اني ما اتسبحت هذا في الاسبوع مرة اسبح بصابون الطاووس عشان مافيه ريحة طبيعي واختي كارهه بيتي كاره عطوري مستغربة وين كان خشمي يوم خذت ها العطور ومستوية وغدة ما ابا اسير عند حد ولا اباحد ايني افففففففففففففففففففففف الله المستعان

يالله يا قمقومه قم قم أنا أكثر شئ اللي يخليني أرجع هو معجون الأسنان ياربي ما تشوفي حالتي كيف يوم أغسل أسناني عذاب في عذاب وإذا ما غسلتهم بعد الأكل يبقى طعم في حلقي مر ويزيد من لوعتي. والله اني أرفع أيديني للسما وقت الترجيع وأذكر الله في الحمام مع اني اعرف أن حرام بس هذاك الوقت عاد مضطرة لأني أحس نفسي بموت خلاص .

بنات ترا الوحام الصحيح يبدأ في الأسبوع السابع وفوق قبل كذا الوحدة ما تحس بهذاك الزود من الوحام اللي يذكر ويقل بعد الأسبوع ال12 وفوق عاد ينتهي. وترا عاد كل شهور الحمل متعبه( وهن على وهن) الله كريم يارب ويلطف بينا

بنات اللي يتلوعن من الصابون شو رايكم بصابونه لايف بوي الحمرا احسها زينة وريحتها ما تاثير عندي اللوعة.

ريحانة ..... انا استخدم الطاووس مافي ريحة مول لانه طبيعي لايف بوي فيه ريحة معقمات ما ادري ديتول المهم ريحت نظافة وانا من حملت وانا مب طايقة ريحة النظافة
سوسو .... ياختي مقهورة من ريلي ... مب مستوعب اني حامل ولين يومج كله يلعب وياي معافر وضرابة ويشيلني ويفرني ويقلب فيني وما ادري شو ... امس لعب وياي جي واقوله حبيبي تراني حامل حبيبي دير بالك تراني حامل ما ابغي اكسر بخاطره والله من حملت وايد مقصرة في حقه واقولج ياسوسو بدون لايقصد يتني هذيك الضربة العدلة من ركبه في بطني مت مت مت يلست اصيح وادعي عليه وادعي انه الله يحفظ الي في بطني واصيح ... احين العصر الساعة 5 موعدي انشا الله البيبي مافيه شي ادعولي كروشات

سيدة سوسو ......... و قمقومة .. مشكووورات ريحتني بصراحة وما راح احسد نفسي .....

بس عندي سؤال ..... عادي ارقد على ظهري ... لأني كنت متعودة على بطني بس الحين احس لما ارقد على بطني روحي بتطلع .....

واذا نسيت آخذ الفوليك أسيد يوم ولا يومين يضرني ؟؟؟؟؟

وكيف اعرف اذا كان بنت ولا ولد ........ اقصد الي حملت كم مرة يمكن تعرف تفرق ...!!!

سلام بناااااااات ..
والله انج ضحكتيني قمقومة على سالفه المعجون الحمد الله ما وصلت انا اذكر وحده من الاهل كان وحامها على المكيفات تقول تطلع ريحه خايسة كله قاعجه بالحووش و حالتها حاله ..انا وحامي على عطر واحد معين ريلي يحطة كانه بف باف واذا تميت بدون اكل ارتاح من اكل شوي قامت معدتي تخبص ماعرف حرارة ولا الم ولا تعصر لين تلوع جبدي ..تدرين انا اتمني اتيني بنت واللي بيييبة الله احمد الله علية ..وخبري ريلج عن الحركات لو شي بسيط بياثر عليج ماعليه اليوم بيرو معاج و بتسوين صورة و بيشوفة وبيصدق ..
ويا ريااحانة الله يهديج شو وحامة بسابع لا بس علينا عني انا اريد اطلع اهييييييييييييت بعدني تحت الاقامة الجبرية في البيت ....
شوق انا مثلج كنت ما ارقد لا على بطني من اول ما عرفت اني حامل لو ما ارقد حط مخده يمين ولا يسار و ارقد على جنب ... وبعدين لا تنسين الفوليك ايام وايده حاولي انج تخليهم على اي وجبة انتي تفضلينها حتى ما تنسين
و ما ايييكم شر

شوق ما ينعرف حياتي من احين في ناس يقولون من اكلج بتعرفين بس كله كلام فاضي الله هو وحده الي يعرف لين الشهر الرابع في السونار
سوسو صح كلام ريحانه هي قالت الاسبوع السابع مب الشهر السابع

iههههههههههههههههه لا تلومووووووووووووني من الرقااااااااااااااد ما قمت اجمع

ماسرت الموعد سوسو .... رقدت بسير باجر انشا الله

سو سو حبيبتي الوحام يبدأ صحيح في الأسبوع السابع .

بنات أتصدقو انا الحين بنهاية الأسبوع 11 واحس نفسي شوي أحسن عن اول صح أتلوع من بعض الروائح والزحمة بس مقارنه بما كنت أحسه قبل أحس شوي أهون بس أكيد مو 100% أتمنى تكونو فهمتوني. يالله عقبالكم بنات ترا هالوحام فترة وتعدي وشهور الحمل مو كلها متعبة هو اتعب شئ الثلاث أشهر الأولى. صدقوني لو قارنتو الوحام مع يوم الولاده أسهل الولادة عن الوحام لأن الولادة أتكون يوم واحد او ساعات وتولدي وبعد الولادة ما تحسو بشئ لكن الوحام 3 شهور والشهر فيه كم يوم واليوم كم فيه ساعات والساعات كم فيها دقايق وثواني وهذي كله يأثر علينا أحنا من تعب ولوعه وترجيع والله يسهل علينا يارب.

قمقوووووووووووووووومة والله هميتيني لتريااج ادشين و تطمنينا اليوم ان شاء الله تطمنين ..
ريحانة الله يعين الوحده من تتزوج تصير حياتها وحااااااااااااام خلاص قدر و مكتووب وان شاءء الله يعدي ها الاشهر بخير والحين نفكر بلحمل اذا يت ساعه الولادة الله كريم ربج يحلها ...يعني ريحانة انتي اسبوع بتودعينا و بتنتقلين للطابق الرابع .. ااااااااه يا سكان الدور التاسع يا بختكم :)
الحليب انا وايد يريحني اذا شربتة احس ان معدتي تبرد ..يارب يسهل الامور

السلام عليكم

الحمدلله الحمدلله انا حامل اتوقع بالشهر الثاني
باجر موعدي مع الدكتوره
طبعا حمالي هذا الرابع

النونو الاول ولدي فديت روحه عمره اربع سنين
والثاني والثالث الله ماكتبهم لي اجهضت بالشهر الثاني

حمالي هذا خذيت علاج والحين اخذ مثبت مع انه الدكتوره قالت انتي ماعندج سبب للاجهاض سليمه
بس الحين قاعده اقرا الرقيه الشرعيه كل يوم عسى ربي يحفظه وارفح فيه واجيب اخو او اخت لولدي يارب


انا بدى معاي الوحام صج متعب بس افرح فيه لانه يأكد لي انه البيبي باذن الله بخير
والحين انا اخذ حمض الفوليك وبيبي اسبرين
وعسىالله يحفظه ويحفظ اجنتكم
وبس هذا اللي ببالي اقوله

هلا سوسو سرت اليوم الموعد وشفت البيبي توه الراس والايد سبحان الله وسمعت دقات قلبها
قالت لي الدكتورة كل شي تمام وحسبتلي قالت لي انتي في الاسبوع العاشر
23-5-2007 كملتي شهر
23-6-2007 كملت شهرين
23-7-2007 الي بي بكمل الثالث وبروح عنكم
يعني انا احين شهرين واسبوع
اللهم لك الحمد والشكر .... وانا اقول ليش اتسبحت وغسلت اسناني با المعجون ثرني اشوي اشوي خاز عني الوحام الحمد لله
بس سوسو نازلة كيلو واحد اتخيلي كنت 39 و90 جرام احين 38 و90 جرام بس سبحان الله دمي اوكي السوائل في جسمي اوكي دمي اوكي الحمد للله عقبال انشا الله كل الحوامل يطمنون
ونربي على خير ...... عطتني موعد ولادة 23-1-2008

لبى قلب وليدي الله يثبت لج حملج وتفرحيين فيه وعليج يقراية سورة البقرة ...وكثري من الاستغفار ..ويساعدج على الوحام ..ماعليه المثبتات ما بيضروج خذيهم
قمقووومة اخييييييييير رحتي ...والحمد الله انج تطمنتي يعني انتي قبلي باسبوعين ان عطوني ولادة بتاريخ 17-2-2008 بتربين وبتخبريني عن مغامراتج ...وبعدين ريلج شااااااااااااف البيبي صدق الحين قوليلة اعقل بلا لعب يهال وديري بالج على نفسج لين تطوفين ثلاث اشهر على خير ..

مساء الخير لكم كلكم

من الطفش إلي فيني قمت أكتب لكم

ذبحتني آلام الظهر وأحس مره مالي نفس بأي شي حتى بنتي خليتها عند أهلي وزوجي يحاول فيني أطلع معه أغير جو مره نفسيتي معدومة هذا وأنا توي داخله الثاني
وغثيان كثير بدون إستفراغ أكرمكم الله ،، فيه أحد مثلي يابنات وأخاف إن الوحم يكون مره متعب إذا جاء الله يفرج همي وهمكم يارب

دعواااااااااااااااااااااتي لكم

www.vixen-toys.com