تجمع حوامل الثلاث الشهور الأولى1-2-3

حياتي .....ظهرج يمكن من الرقاد والا انج ما تشربين ماي وايد
والنفسية شي عادي كلنا مرينا با الارف هذا
بعد اي وحام بي بس هذا وحامج ما بيتغير يقولون لين الاسبوع السابع وحياتج انا في العاشر ولين يومج لازم ارجع على الصبح وبعدني الروايح

صباح الخير يا تعبانات اخباركن مع الوحام إن شاءالله طيبة.

بالنسبة عني أنا الحمد لله شوي أوكيه يعني تجيني حالاات أبغي أرجع فيهن بس أقدر شوي أظبط نفسي مو مثل أول . يالله بإذن الواحد الأحد يهونها علينا ويتمم حملنا.
بنات أنا جاية أودعكن لأن الكمبيوتر ما راح يكون عندي لمدة أسبوعين يعني لما بيكون عندي بكون عاد خلاص دخلت الرابع بإذن الله تعالى لكني بدخل الرابط عشان أعلمكم بأخر مستجداتي وعشان أودعكن بعد.

ريحانة على خير انشا الله ديري بالج على نفسج

شموسة اشوفج تحت
ليش ما اتشاركين حد مزعلنج ياعسل بعدين انتي وينج نسأل عنج انا والسيدة سوسو انشا الله انتي بخير واطمنينا عليج

صباح الخير بوقيتي ....... لا تتشكون من الوحاااااااااااام ازمه وتعدي يووووووووووووة كل شي عادي عندي اللوعه و الغثة وووو لا الضييييييييييقة قلبي بيطلع من الضيقة البارحة من الله اتصلت لا ريلي وتضاربت معاه لا تلموني تحت الاقامة الجبرية محرم على الطلعه ... ريحانة طمنينا عليج نتراج ... حياتي ..تحملي شوي كم اسبوع و بيعدون .. قمقوومة شخبارج ان شاء الله الحين احسن عن قبل .. يا وخييييتي انا ليلي انقلب نهار ونهاري ليل فليل سهرامة و النهار نصة راقده الله يعيين .. اتريا موعدي على نار اريد الدكتورة تقول حق ريلي خلاص ماعليها شر خلها تهيييييت على الاقل اروح بيت اهلي .. :confused:

تصدقون بنات من أمس ماأكلت غير خبزة وجبن أحس مره مالي نفس بالأكل
صح ياقمقومة من حملت وأنا أنام كثير شكل كثر الرقاد سبب آلام بظهري

السيدة سوسو نتحمل والله يعيييييييييييييييييييييييييييينا كلنا

دعواااااااااااااتي لكم

مرحباااااااااااااا كروشاااات


الحين انا صرت مثلكم وبنضم لكم


توه اليوم عرفت اني حامل سويت تحليل منزلي وطلع لي الخط الثاني واضح حييل

والحمدلله :1_3:

الله يثبت حملج و يبارك لج فيه ...يا زهور البنفسج ...
بنااااااااااات اليوم بطني من تحت الطرف اليسار يعورني ناحية المبيض ....كان الدورة بتنزل ..حد صار له مثلي ؟؟

أهلين كروشات ..... عساكن بخير .......

سوسو انا بعد هاليومين احس ان خصري اليسار من تحت واااااااااااايد يألمني ... ما ادري شو اسوي ..

وعندي ضيقة احس ما لي خاطر فحد ...... ونفسي متقطع ... حتى ريلي مب طايقته ( الله يعينه )

بس انشاالله خير والله يعين الكل فالحمل .. مع اني للحين ما شفت البيبي وانا راح اخلص الثاني داشه الثالث ....

هلا شوق ..اشربي ماي يمكن الكلى هي الي تالمج لان تحتاجين ماي اكثر عن قبل .. وانا بعد مادري من الملل اختلط على الوحم والضيقة و التعب .. وبدين لازم تروحين تشيكين شهريا اول الجمل و تطمنين على البيبي والوضوع لا تتاخرين عن روحج وما تشوفين شر ...انا من يالمني شي على طول انسدحت و قعدت اقرا قران من الروووع والله يارب تثبت اجنتنا وتفرحنا يارب

السيدة سوسو ماتقصرين على دعوة


وانشاء الله ماعليج شر

واتوقع الي يصير لك شي طبيعي

بس انتبهي على روحك

هلا سوسو ..... لايا قلبي ها الالم الي اتحسينه صوب اليسار عادي ترا الرحم عندج يتوسع حق البيبي فديته
زهور..... الله يثبت لج حملج انشا الله وديري بالج
انا وريحانة ما نتشكا وايد من الوحام خلاص انا دخلت الثالث باسبوع عندي عشر اسابيع... الحمد لله وعلى قولتج سوسو فترة واتعدي ضريبة الامومة
الله المستعان...واقولج سوسو احين بتضاربين ويا ريلج بسبب وبدون سبب ويوم بتشوفين فلم بتصيحين وما تتحملين حد يقولج كلمة دمعتج امرة عند الباب وضيقة على خوف على كاره نفسجوالي حواليج وايد وايد اشيا كلها من تغير الهرمونات شي يالس يخلق ويكبر في داخلنا مب شي جليل الله يهداكن

اصبحنا واصبح الملك لله
اللهم لك الحمد والشكر كما ينبغي لجلال وجهك وعظيم سلطانك
هلا كروشات شخباركم ...
انا توني متريقة بيض وطماط من حملت لا اشرب حليب ولا اكل بيض
بس هابة في العصاير .... ومنتجات الالبان.... ووايد اكل عيش وفطاير خخخخخخخخخخخ
سوسو .... زهور .... ريحانة ..... حياتي (((( يا الله انك ترزقنا خير هذا اليوم وتكفينا شره )))
الله يحفظنا انشا الله ويحفظ الي في بطونا ويسهل علينا ولادتنا يارب ويعينا على تربيتهم <<<< جني مزهبة الدوا قبل الفلعة
الا اقولكم كروشات ....احفظوا سورة الزلزلة حق وقت الطلق والولادة لازم ما اتفارق حلوجنا يقولون وايد زينة.... واحين اقروا على بطونكم سورة يوسف عشان عيالنا ياخذون من جمال سيدنا يوسف ومريم بعد زينة عسا انشا الله الله يحفظهم ويستر عليهم مثل ما حافظ على مريم وستر عليها
((( جني وايد هذربت واتكلمت )))

مساء الخير ... هلا بلموجودين كلهم الغايب والعني انا واعية الساعه 2 لاني ما ارقد لا بعد صلاه الفجر مع اني كنت اكرة السهر . اتريق فواكهه واخذ ادويتي و ارد انسدح ...صدقج قمقومة نفسيتي والله زفت ماحب اي صوت ...اسبوع وبدش الثالث باشوف شوة يتغير ...قمقوووووووومة ماشاء الله عليج اليوم مصحصحة ومتفيجة يارب دومج بخير وفرحانة وبالعافيه حبيبتي تريقي وكلي احسن لج وللبيبي
وباقي البناتي شخبارهن وينهن ؟

قمقومة ... قم قم ماتقصرين انشاء الله بنتبه على روحي 000 الكل يقولي داري على روحك خاصة الشهور الاولى

وانا بحاول مابتعب روحي حييل :ok:

وعليك بالعافيه بالفطور

انا يبي لي اتغذى عدل واكل زين

بس الى الحين ماني حاسه اني صج حامل

عاد قبل المغرب كنت اسبح وماخذه راحتي حيل بعد فجاة خفت على روحي هههههههههه قلت لايكون يصير لي شي وطلعت بسرعه



السيدة سوسو انت ماتتحركين حيل ؟؟

هلا زهور ... اختي انصحج اذا خذذتي حمام حاولي الماي دافي قليل مب وايد دكتورة قالتلي خلي الماي عادي الماي الحار يضر بالحامل .. وعن الركة ممنوعه لين اخلص الثالث ما اتحرك خير شر..من السرير للحمام الله يعزج ..اصلي اقعد شوي بصالة و ارد انسدح ...ماعلية صح ملل بس بتحمل لاني زماان انتظر الحمل والحمد الله بتحمل كل شي علشان فرحتي بلياهل

الله يفرح قلبج انشاء الله وصحيح كل شي يهون عشان العيال :D_smil1:


ماتقصرين باخذ بنصيجتج انشاء الله

انا مضايقة حدي بنات عندي مشكلة ويا ريلي
واباكم بس تتدعون لي هاي الدعوة
انا الله ايسر اموري

الله يسر امورج قمقومه حبيبتي
انه الحين بكمل الاسبوع الثاني من الشهر الثالث وللحين غثيان الصبح ونفسيتي كل اشوي في حال مرة مرتاحه ومره احس روحي بصيح

قمقومة يارب يفرج همج و يصلح الامور مع ريلج و تردون حلوين يارب .. قمقومة فديتج الحياه تطلب بعض المرات تنازل حتى تمشي المركب والعناد بعض المرات يتعب .. خليج الاحسن وسوي روحج ان ماشي صاير و تكلمي عادي لان اذا شافج انتي معانده و الزعل فيج هوة يتذكر الزعل فديتج خليج انتي لكبيرة اوكي