تجمع حوامل الثلاث الشهور الأولى1-2-3

هلا ومرحبا بالجميع .. ا:X_hell1:م يارا الله يثبت لج حملج وتفرحين به ..اذا انتي مب مطمنة من الدكتور روحي حق غيرها لا تقعدين توسوسين بروحه التفكير مرض الله يكفيج شرة..
قمقوومة انا وحامي توة بس مشكلتي اذا كلت بعد ساعه 8 صح تقولين ماكله بعير ما ارتاح لا رجعه و ا:angry:فنك
و غير هذا قعدت البيت يابت لي المرض والملل اقولهم بروح بيت هلي يقولون لاااااااااااا ما تركبين سيارة بتضرج
مب مشكله صيفنا مميز
روز ان شااااااااااااااااء الله ها الشهر تحملين و ت قعدين معانا و ترحبين بالحوامل الجدد و هذيج الساعه نسلم لج ولاية القسم و بنروح عنج لفندق شهور الوسطى:Zd_bye_3:

سوسو....عليج با البسكوت المالح واللبان المر العربي .....وقسمي اكلج على 6 وجبات يعني
بيضة..... خلاف سلطة ... خلاف تفاحة ..... خلاف موزة .... خلاف شوربا .... خلاف روب ..... خلاف كاس حليب .... وجي يعني با الاقساط..... الله يسهل عليج يارب وعلينا كلنا
رووووووووووووووز .... الله يرزقج انشا الله الشهر الي ياي وتحملين

مشكورة قمقومة الحبوبة ... ماعندي مشكله بالاكل حتى لو ما اكل بس ها المرارة اللي احس فيها و الضيقة بعد وين ياية ها الضيقة مع الوحام الله يعيين .. خت ريلي سمعتني اقول ابا بسكوت مالح ما قصرت يااااابت كل الانواع وماقصرت اقزر فيه بس ها احسن وحامي طلع على اي شي مطبوخ يعني فواكه و سلطة و سندويجات و الحمد الله اشرب وايد عصير .. بس بععععععععد ويع الظهر ذابحني ... عادي الالم الكل يقولي عادي بيخف
طمنونا عليكم و عليج

سوسو حبيبي عليج با الاذكار .... والله كريم هذا هو الوحام وانتي اسالي دكتورتج يمكن الي ياج اكتئاب الحمل ربيعتي ياها وكانت بسم الله عليج كله تبا تنتحر خخخخخخخخخخخ
احين لو الرياييل يسمعون يقولون شو ها الخرط يبن يدلعن مايعرفن كريف

ههههههههه الله يعين ..بتحمل وايام و بتعدي ...
انا ريلي معيشتنة وضعي يتحملني غصب والمسكين لا تعليق ..
انتي شخبارج ان شاء الله احسن
.....باقي البناااااااااااات وينهم انتقلوووو الى الطابق الرابع :Zd_bye_3:

حليله ريلج..... انا ريلي لين احين مب مستوعب كله يقولي ما ادري ليش احس انج اتقصين علي وكله يسألني متى بتظهر كرشتج خخخخخخخخخخخخ
وانا الحمد لله احسن عن قبل فديتج بوايد احس حتى اكلي احسن ..... البنات ما ادري بهم وين بس انا وانتي الا انسولف ومجابلين بعض
المهم ياقلبي ديري بالج وما اوصيج با الحليب ومنتجات الالبان كلها كالسيوم اتغذي ياقلبي
والله المستعان

السلام عليكم شخباركم طيبين انشااااااااااااء الله

شخبار الحمل والوحام وياكم

هلا ومرحبا بام ايمان الحمد الله ماشي حالنا مرة زين ومرة شين ونحمد الله على كل الاحوال انتي شخبارج وشو الوضع وياج معانا بنفس الحاله ؟

قمقوومة شعلومج صدقج ماحد متفيييج غيري انا وانتي والكل طالع اجازتة والله اعلم بس عسى خير هالغيبة

السلام عليكم

يا بنات باركوا لي توني مكتشفة اني حامل ... الحمد لله

اخر دورة كانت بتاريخ 19-5-2007 ... والحمد لله اني لحد الحين ما احس الا بشي بسيط من النساه ..

بس ممكن حد يحسب لي انا في اي اسبوع وكل كم اكمل شهر ..

حبيت اسألكم بنات انتوا تاخذون شي غير الفوليك اسيد ؟

لاني سمعت عن فيتامينات للحمل بس ما انصحوني فيها الا بعد الشهر الرابع من الحمل

وقلت اتاكد منكم ..

وسلامتكم

هلا ومرحبا مبروك عليج حملج والله يتمم لج وتفرحين بشوفه
حبيبتي انا قبلج اقول ما احس بالوحام ولا بلوعه ولا لا بعد ما دششيت الثاني بدت الاعراض تهل علي بس قالت لي دكور حاولي
تاكلين خفيف لان المعده تكون شوي ضعيفة انه تهضم .. واحتمال والله اعلم ان راح ولادتك بتاريخ
يوم 23 فبراير 2008
وانا غير المثبتات و الفولك اسيد ما اعطوني

مرحباا بنوتات ...

الله يثبت حملكم ان شاء الله ...

بس بغيت اسالكم عادي انام علي بطني ولالا لاني انا عبطني متعوده جي .... وشو اكل احس مالي نفس لشي نفس لشي وحتى لو كنت يوعانه من اكل احس مالي نفس


هي صح انا خلصتالدوره عني تاريخ 11 - 5 وتاريخ 27 سويت اختبار وطلعت مب حامل وعقب شربت ريد بول لاني كنت بفترة امتحانات وقبلها يمكن خذت حبتين بندول والحين انا خايفه وايد بس اخذ حبوب الفوليك اللي تمنع تشوهات الجنين

شو رايكم

هلا كروشات شخباركم وعلومكم ..... انا باقي لي اسبوع وبخلص الثاني وارقد على بطني
وماخذت ولا شي ولاشي كيميائي حتى تعبت من بلاعيمي وقالتلي الدكتورة خذي مثلثات فكس خفت ما خذت خذت عسل على الصبح والحمد لله ما اجازف خواتي مول ....شو ها فوليك يمنع تشوه الجنين كل شي بيد رب العالمين هو الخالق ولو الله كاتب لنا خير والا شر ترانا بيجيسنا بيجيسنا
اتخيلوا بنات انا ماما في اخر اختين لي اتراجع المستشفى على السادس يقولونلها لازم تجهضين البيبي مشوه البيبي مشوه وايودون ماما غصب ويراونها صور انتي بتيبين بيبي جي صور يهال متشوهين وماما اتقول برايه لي الله كاتب لي اياه اباه كله رزق من رب العالمين واخر شي يوم اتيبهم الحمدلله مابلاهم شي بس ماشاء الله ماشاء الله ماما انطيح من بطنها ان جان ولد الا بنت شعورنا لين جتوفنا في السونار يكون الشعر على الويه ومغطنه يشوفون شي اسود يقولون حق ماما امشوه وهو شعر البيبي اتخيلوا...... جني طولت با الرمسة يا الله اللله يحفظكم وداعت الرحمن

السيدة سوسو

تسلمين لي يالغالية وما قصرتي بالرد .. وانا اصلا معدتي تعبانه من قبل الحمل ... الله يعين على النساه

bint_zayed

حبيبتي عادي تنامين على بطنج .. بس بعد ما تظهر الكرشه شوي ما راح تقدرين تنامين على بطنج

وما اظن ان حبتين بندول راح تاثر الا اذا كانت لج سوابق بالاجهاض ..داومي على الدعاء وان شاء الله ما يكون فيه ضرر عليج

قمقومة ... قم قم

الله يعينج على التعب حبوبه .. بس الفوليك اسيد مهم وايد في المراحل الاولى من تكون الجنين ويمنع من التشوهات اللي تصيب العمود الفقري والمخ ويقي من اصابه الاطفال بسرطان الدم واشياء كثيرة

واحنا ما ننكر قدرة الله عز وجل ولا ننكر ان اللي الله كاتبه لنا بيصير

بس بعد الواحد ما ينكر العلم .. ويتحرى الاسباب .. والا ما رحنا للدكاترة نتعالج كلما صابنا مرض

بنااااااااااات هلا ومرحبابكم بنت زايد حيالله و الله يثبت لج والنا ان شاء الله...شوفي يا بنتي الحين انتي حامل اتركي عنج ريد بوول ولا الغازات و عليج بلعصاير احسن لج وان شاء الله ما ايييج شر
يا قمقووومه يا حلوة ونعم بالله اذا اراد شي بيكوون بس نحنا ناخذ با الاسباب لا تنسين ها الوقت تغير من ناحية الاكل كل ش يدخل فيه كيماويات سواء بالفواكهه ولا بالخضروات .. والفوليك اسيد لعظام الياهل ربي يعافينا ويعافي عيالنا ..و بعدين الدكتور تصرفة على طول من اول شهور الحمل حبيبتي اسالي دكتورتج في موعدج الياي عنه اذا تحتاجين له ....جويل حياج الله حبوبه

السيدة سوسو .... المرة الاولى عطتني فيتامينات بما اني ضعيفة وايد بس ما خذيتهن وقلت بعتمد على عمري وصدق كل حد يشوفني يقولي الويه منور والحمد لله .... امس طافحة فواكه لين ماقايلة بس وعن الكالسيوم عليج با الحليب ومشتقات الالبان
جويل ..... انا وياج بس انا مول مب ويا الادوية سواء احين حامل او حتى قبل
وحياكم الله
سوسو .... واخيرا دخلوا غيرنا يسولفون خخخخخخخخخخخخخ

كيفكم بنات كان عندي موعد مع الدكتورة وسألتها متى اتخف اللوعة والغثيان قالت لي على الأسبوع 12 المفروض أتخف ومن تدخلي الرابع المفروض أتروح عنك وقالت لي أن أستمر على الفوليك أسد ممكن لحد نصف الرابع يعني من يخف الوحام لأن في الشهر الرابع خلاص نوقف فوليك أسد ونبتدي ناخذ الحديد والحديد ثقيل على المعده واللي عنده وحام شديد أتأخر بأخذها عشان ما تتعب أكثر. أنا بدخل الأسبوع ال12 نهاية هالأسبوع إن شاءالله بس أحس نفسي لازم أرجع كل يوم الأكل ما ينهظم عندي وبنفس الوقت أحس بجوع كيف يصير كذا.


بنات أنا بسافر في الطيارة لمدة ساعة وربع تقريبا تعتقدو هل يضر السفر الدكتورة قالت لي عادي مافي مشكلة بس أبغي أعرف رايكم بعد؟؟


السيدة سوسو أنتي يوم رحتي موعدك سمعتي دقات البيبي أو شفتيها بالسونار التلفزيون لأن على حسب علمي لحد الحين ما تنسمع دقات البيبي بهالفترة بس ممكن تنشاف.

صباح الخير بطوطااات المستقبل ...شحالكم كلكم قمقومة لا تدلعين من تروحين للدكتورة اسالها عن الفولك اسيد تحتاجينة ولا لاا .. لا تجادلين قولي ان شاء الله مب علشانج على شان الفطفووط الي يتكون ...
ريحانة يارب يسهل عليج حبوبة ان شاء الله يخف وحامج انا وحامي تافهه مرة يزيد ومرة يرووح ومرة لوعه بروحيي لاعت جبدي من عمري ماعرفت و فيني ..واعتقد السفر ما عليج شر بس تحملي انا خت ريلي سافرت وهي بسابع معاي تايلند و دارت كل السناتر والحمد الله ماصابها شي ماشاء الله عيوني انا حملي عن طريق اطفال الانابيب اختصروا على اسبوعين من الحمل هي مرحلة التلقيح والانغراس اشيا وايده و رحت الهم وكنت مكملة الشهر و قالت الدكتورة لج 6 اسابيع استغربت قالت بالانابيب نختصر فترة اسبوعين للحمل الطبيعي و وسمعت النبضات و حجمة اقل من سانتي ..يارب نساله ان يثبت حملي و حملكم

الله يثبت لك حملك أختي السيدة سوسو وان شاءالله كلنا نفرح بأولادنا.

أهلين حبيباتي ...... عساكم بصحة وعافية .......

أنا تاخرت على الدورة وقالولي حامل ... في الاسبوع السابع وهذا اول حمل لي ......

بس يا بنات انا مب حااااااااسة باي شي من اللي تقولونه ( غثيان ...... الخ )

ابدا ولاشي ....... وما رحت اسوي السونار ....... بلييييييز خبرووووني ...... هذا شي عادي .......؟؟

في ناس قالتلي ان عادي وما بحس بشي الا لما البيبي يتحرك ..... ّ!@!!!!!؟؟؟؟؟؟؟؟؟


أنا وااااااااااااااااااااااااايد خااااااااااااااااااااااااااايفة ..... ساااااااااااعدووووووووني

ريحانة ..... اذا الدكتورة قالتلج عادي اتوكلي على الله
سوسو .... بسألها انشا الله اذا احتاج ودكتورتي شطورة لو احتاج بدون ما اقولها بتعطيني
شوق ..... عادي فديتج ولا تعطين عمرج عين واتقولين ابا اتوحم شرات سوسو ما كانت تتوحم وكانت دوم تسال انا ليش ما اتوحم لين ما اتوحمت واحين حليلها اتعاني .... لاتخافين عادي
انا تعبانة نفسيا ها الايام ومضايقة مستوية وايد حساسة ودمعتي عند الباب