تجمع حوامل الثلاث الشهور الأولى1-2-3

السلام عليكم ورحمة الله وبركاته
مرحبا بنااااات
انا جديده بينكم وتهت بين كلامكم وياذوب قادره اشوف ايش كاتبين
المهم
انا رحت لدكتوره من كم يوم وشافتني وقالت كل شيء كويس الحمدلله واعطتني موعده الولاده في 30|8|2008
بس انا اللى دابحني هووو الوحااااام كل شيء اكله ارجعه
ومعدتني توجعني واحاسيس فضيعه وكثير بجد موت بطيء الله لا يوريه حد
الليل نهار مايروح الاحساس
المهم
كتب لي 10 ااااااابر كل يوم وحده
والممرضه قالت لي افضل افضل انك تاخدي كل يومين ابره وتستحملي شويه عشان تستمر معك
على شهر بدات انه وحامي بياخد 4 شهور وانا لسه بشهر ونص الله يعين مشوار طوييييييييل يا ويلي
وكمان ادتني دواء اخده مرتين باليوم وكمان دواء سائل تاني عشان المعده تخيلووووووو كل دي الادويه وما جابت معايا الا نتيجه نسبيه بس
وكل ده وانا ما اتعرض لاي روايح لا عطور ولا طبخ وكل هذا فيني
وانا كمان باخد حمض الفوليك وه ضروري الليبي زي مانتوا عارفين
ادعوووووووووووووووووووووووووووووووووووووووولي بنات الله يهون عليكم وعليا يارب

عذووووووووره ماعليك شر ان شاء الله
والله يطمنك ياااااااااااارب
باينك زيي باول الحمل االله يعينا يارب

مساااااااااااااااء الخير

اخباركم يا حلوات
ومبرووووووووووووووك الحوامل الجدد الله يسهل عليكم ويخفف عنكم الوحم ان شاءالله .................

لاجديد معاي نزلة برد خفيفه ...مزكمه

اشحالكن خواتي واشحال البيبيات الحلوين؟؟؟

++ ختيه البنت الدلوعة ++

الله ايسلمج يالغالية

وعساه الشر ما اييج

وعسى عينج اتقر بشوفة الياهل وانتي بصحة وعافية

+++++++++++++++++++++++

++ ختيه السيدة سوسو ++

الحمدلله على سلامتج وعلى سلامة مريومة فديتها

عسى ربي يحفظها لج واتشوفينها عروس

+++++++++++++++++++++++

++ ختيه *ضي القمر* ++

الشر ما اييج يالغالية

وأنا بخير الحمدلله

انتي اشحالج واشحال البيبي؟؟؟

+++++++++++++++++++++++

++ ختيه ام ريناد 1402 ++

عسى الله ايعدي حملج على خير

وتولدين بالسلامة

آااامين يا رب

+++++++++++++++++++++++

++ ختيه feedback ++

الله ايسلمج يالغالية

وأتريا صور تجهيزاتج لفصولي فديته ولج

بغيت أشوف الأرواب وكل شي خذتيه لج وللبيبي فديته

ويا ريت مع ذكر المحلات والأماكن اللي شريتي وفصلتي عندهم

إن شاء الله ما تبطين علي

عشان آخذ فكرة أكثر وأسير أكمل تجهيزاتي

+++++++++++++++++++++++

++ ختيه زهور بنفسجيه ++

الله ايسلمج يالغالية

وأتريا صور تجهيزاتج وتجهيزات البيبي

وعسى ربي ايسهل عليج كل أمورج

+++++++++++++++++++++++

++ ختيه ليتني معك ++

ألف ألف ألف مبروك الحمل

وعسى ربي ايتمم لج على خير حبوبة

بالنسبة للوحام

ماشي أصعب عنه

أنا وحدة الوحام ذبحني من بداية حملي لين أول الشهر الخامس تقريبا

لكن في النهاية

كل شي ايهون عشان خاطر البيبي .. والحمدلله على كل حال

حاولي يالغالية ما ترهقين عمرج .. وإن شاء الله اتعدي الشهور بسرعة وايخف عنج الوحام

+++++++++++++++++++++++

++ ختيه اريج_خاشقجي ++

اشحالج يالغالية واشحال البيبي؟؟

طمنينيه عليج وعلى الكتكوتة الصغيرونة

+++++++++++++++++++++++

++ ختيه غدووورة ++

الله ايتمم لج الحمل على خير حبوبة

وطمنينا عنج

+++++++++++++++++++++++

++ ختيه عيون بوظبي ++

ألف ألف ألف مبروك التفوق يالغالية

^
^
^
أحب التفوق والمتفوقات لأني اتخرجت من الجامعة بتقدير امتياز مع مرتبة الشرف

وإن شاء الله دوم تتميزين في حياتج

+++++++++++++++++++++++

++ ختيه *Hala* ++

شخبارج وشخبارهن البنوتات فديتهن؟؟

ما دخلت من فترة ولا شاركت

وكل مرة أقول هالة هي نفسها لونليس؟؟؟ وأتم أتساءل

وعقب قلت أكيد غيرت اسمها في المنتدى >>> وااااايد شاطرة

+++++++++++++++++++++++

++ ختيه حبي الغالي ++

أنا بخير الحمدلله والبيبي بخير

أحس بدوخة قوية بين فترة والثانية وأطيح في الفراش

لكن الحمدلله على كل حال


انتي اشحالج واشحاله أحمدوه الصغير فديته؟؟؟

+++++++++++++++++++++++


خواتي .. أرجع وأكرر استفساري

وين أماكن للتصوير الرباعي للجنين في دبي

هلا كروشات شخباركم؟
وحشتوني؟

مادري ايش فيني في الفتره الاخيره ما احب اكتب،، صايره مره عجازه!!


الحوامل الجدد الله يسهل عليكم ويخفف وحامكم يارب،، ويثبت حملكم يارب


الحوامل القدامى،، الله ييسر اموركم ان شاء الله ويسهل علينا جميع،،

مرحبا كروشات وش اخباركم

اختي تيد لازم تسوين تحليل السكر حتى اذا لا سمح الله كان معك سكر الحمل تعملين حمية ولا يثبت معك ومثل ماقالوا الكروشات التحليل الاول على الريق و لاتاكلين شي من الساعة12 بالليل وبعد التحليل يعطونك سكر الجلوكوز ويعيدون التحليل بعد ساعة حتى يتطمنوا والله يكتب لك اللي فيه خير.

السيدة سوسو وش اخبارك طمنينا عليك وعلى مريومة ماعندك اخبار جديدة عن قمومة انشغل بالي معها ان شاء الله نسمع انها ولدت وقامت بالسلامة

حبي الغالي وش اخبارك وشلون احمد طلع من المستشفى؟

باقي الكروشات بلا استثناء القديمات والجديدات كيف صحتكم وكيف صحة اجنتكم

بالنسبة لي لاجديد بس ملل الله يهون على الجميع.

السلام عليكم .. انا بخير والحمد الله والريم فديتها بخير ..سهر وتوقيتاتي كلها مخربطة ..
قمقومة اليوم كلمتني و هي بخير واعتقد عندها بوادر بداية ولادة شوي تعبانة و اتصلت الها من شوي ما ردت و ارسلت الها مسج و اتريا الرد ربي يسهل عليها ان شاء الله الكل شخبارة اشووف وايد بنات مختفيات عساهم بخير ..

خواتي
خبرووني شواسوي
انا محمووووومه وحرارتي كل 4 ساعات ترتفع وخذت بنادول اليوم 3 مرات بين كل حبه والثانيه 4 ساعات لانها ترتفع وايد :(

اليوم سرت للدكتوره وقالت لي وزنج نازل 3 كيلو والبيبي صغير والبنادول لا تكثرين منه والحمى مب زينه لج
انزين شوواسوووي؟؟

شو ينزل الحمى ؟؟
وهل وحده منكن خذت بنادول في الحمال خصوصا اني لي 10 ايام من الشهر الثالث اللحينه
اترياكم

هلا اخواتي وانا بعد جديدة
اخر دورة 17/11/1428 تروني مااعرف الا بالهجري
وكان عندي غثياااااااااااااان وسد في الشهيه لكن الان الحمدلله تحسنت باذن الله ثم حبوب دايفكسن
ليتني معك متى اخر دورة عندك احسك قريبه مني