ملفي الثاني المصور للحلويات...متجدد بإذن الله..

"كيكة الروب بجوزالهند"
هشششششششششششة وألذ من اللذيذة:)
وهي لبلبة جزاها الله كل خير يارب..

*المقادير:
2 علبة (الحجم الصغير)روب + 1ك زيت + 1 ك سكر + 2 ك طحين + 2 م ك باكنج باودر + 2 بيض + 1م ص فانيلا + 1 علبة صغيرة حليب محلى مركز للوجة+ جوز هند مبشور للوجة..

*الطريقة:
نخلط المقادير السائلة ( الروب - البيض - الزيت- الفانيلا ) ونضع معهم السكر أيضا إلى أن يصبح الخليط بهذا الشكل.(أن خلطتهم في خلاط العصير)



نصب الخليط في وعاء..ثم نضيف علية الطحين المنخول مع الباكنج باودر

ثم نخفق فقط حتى يتجانس الطحين مع الخليط..

نصب الخليط في صينية مدهونة.

ثم ندخلها الفرن..حتى تنضج..ويحمر الوجة قليلاً..
ثم مباشرة نصب على الوجة الحليب المركز..ثم نرش جوز الهند..


وهذي صورة من الجنب..للتعذيب خخخخخخخخ


شوفو كيف هشششة..ماشاء الله:)


وجربوها..صدقوني بتعجبكم,,وسهههههلة..ما يبالها شي:)

وكنت مصورة لكم قطعه منها لكن للأسف بالغلط مسحتها من الكاميرا:angry:

وعليكم بالعافيه يارب:)

//مهلبية الساقو//

لذيييييييييييييذة جداً وخاصة اللي يحبون نكهة الهيل مثلي بتعجبهم أكثر:)
وهي للأخت العزيزة ..ريحانة الوجدان..ولكني عملت تغييرات بسيطة عليها..وهي اللي باللون الأحمر..

*المقادير:
4 أكواب حليب سائل( أنا استخدمت قليل الدسم )
1/2 كوب ساقو
1/3 كوب سكر(أو أقل شوي)
5 حبات هيل مفتوحة جزئيا (استخدمت 1 م ص هيل مطحون)
خيوط زعفران منقوعة في 3 ملاعق أكل ماء ورد (لم استخدمه)
ملعقتين أكل زبدة مذابة (( فائدتها حتى لا يصبح سطح الساقو قاسيا بعد وضعه في الثلاجة ويبقى طريا))
*للتزيين:
قليل من خيوط الزعفران أو فستق مبشور أو جوز هند مبشور مع زبيب (حسب ذوقك)
*الطريقة:
1- ينقع الساقو في كوب حليب لمدة 30 دقيقة على الأقل ( أنا نقعته تقريبا ثلاث)
راح تلاحظون أن الحبوب انتفخت بعد النقع واتشربت بعض الحليب..
2- في قدر نخلط باقي المقادير(الحليب+السكر+الهيل) ما عدا ماء الورد والزعفران ونحرك الخليط على نار متوسطة حتى يذوب السكر ويغلي الحليب
3- ثم نضيف الساقو المنقوع مع الحليب ونحركه من فترة إلى أخرى حتى يغلظ المزيج وتصبح حبات الساقو منتفخة وشفافة
4- نضيف ماء الورد مع الزعفران والزبدة ونحرك حتى يختلط مع بع

هذ شكل الساقو اللي ما تعرفه..


وهذا شكل الخليط النهائي..


وتركتة شوي يبرد..ولاحظو جمد شوي أكثر..


وهنا عند اتقديم..شوي رشيت على الوجة فستق مطحون..


مممممممممم:shy:


طعمها رهييييييييييب..وأحلى شي تاكلونها وهي دافية:)

وبالعافية عليكم:)

يعطيج العافية عزيزتي........ وتسلمين

من جد إبداااااااااااااااااااااااااااااع .... ما شاء الله تبارك الله

:clap: :clap: :clap: :clap: :clap: :clap:

تسلم أيديك ... وفي إنتظار المزيد

فراولــة قطــر
الله يعافيج يارب:)
وهلا فيج..:)

Libya
الله يعافيج ويسسسسسسسسسلمج عزيزتي:)
وتسلمين على كلامج الطيب:)

om gala
الل يسلمج يارب:)
وحيـــــــاج الله يا أحلى om gala:)

تسلمييييييييين ياهمس ع الاطباق اللذيذه

وع الافكار الاروع

عنديه كم سؤال

لماااا تقولين قشطه تقصدين القيمر والا نوع ثاني من القشطه ؟؟؟؟

السؤال الثاني شفت طرقة اعدادج للكارميل

وقلتي نضع صينيه الكرميلا فحمام دافي وندخلها في فرن درجه حرارته 180

انزين لو حابه اسويهااا فطباق صغيره كيف احط اطبقاق التقديم فالفرن مابيتكسرن خخخخخخ

تره انا ميح فالطبخ واحينه باديه اتعلم ,, فياريت تفهمينيه ؟؟؟

يـعطيج ربـي العافيه ..
يزاج الله خـــير ..*

يـعطيج ربـي العافيه ..
يزاج الله خـــير ..*
:ok:

ما شاء الله لا قوة الا بالله

تسلم يمينك وربي يحميك اختي همسه

تم حفظ الصفحه وبرجع لها ان شاء الله اذا حبيت اجرب من وصفاتك

تسلم ايدك حبيبتي
اهم ما في الموضوع انهااطباق سهلة التنفيد وسريعة

هملووله بنت صوغان
يااااااااااامرحبااااااابج والله هملووله بنت صوغان<<عيبني اسمج هههههههههههههههه
أختي القشطة اللي اقصدها هي القشطة العادية مش القيمر يعني مثل نستلة أو المراعي أو بوك..أو التاج:)
وبخصوص أطباق الكراميل اذا حابه تكون أحجامها صغيرة ترا في أنواع تكون بايركس صغيرة مثل حجم طاسة الكراميل اللي نقلبها؟؟ أقصد بحجم الكراميل اللي تكون لشخص واحد..وهذا النوع مصنوع للفرن يعني اذا دخلتية الفرن ما يتكسر بس مب تحطين أي نوع في الفرن بعدين نعفسين الدنيا عليه ههههههههههههههه
ويالله كل يوم جربي شي لين ما تتستوين شيفة لا تفهمين غلط أقصد شيف بس للتأنيث هههههههههههه

1+1=4
ربي يعافيج أختي:)
وهلا فيج:)

@ قطعة سكر @
الله يسلمج أختي:)
وخلينا نشوف شي من تطبيقاتج الحلوة:)

asaria girl
الله يسلمج عزيزتي:)
وبالفعل أطباق كلها سههلة وسريعه بس عاد جربيلنا شي منها يا حلوة ههههههههههههه :)

الكيكة القادمة ..
كيكة التمراللذيذة بالتوفي

//كيكة التمر اللذيذة بالتوفي //
للأمانة هذي الطريقة عندي من زماااااااااااان للأخت بيان الله يجزاها كل خير يارب..ولكني غيرت عليها وأضفت بعض الأشياء من عندي..وبحط لكم المقادير مع التعديلات والاضافات..

*المقادير:
4/3-1 ك طحين
2/1 ك سكر
3 بيضات
2/1 ك زيت
2/1 م ص بيكربونات الصودا
2/1-1 م ص باكنج باودر
4/1 م ص ملح
1 ك تمر منزوع النوى ومقطع لقطع صغيرة
1 ك حليب سائل
4/1 ك ماء حار
1 م ص قرفة
*الطريقة:
- ننخل الطحين + بيكربونات الصودا + الباكنج باودر + الملح + القرفة ..
- في خلاط العصير نخلط:
الحليب + التمر + الماء الحار ..وبيكون هذا شكلة..<<مثل السيريلاك ههههههههههههههه

- نخفق البيض مع السكر حتى يصبح لدينا خليط كريمي ثم نضيف الزيت ونخفق..

- ثم بالتناوب نضيف خليط الطحين مع خليط التمر..
- في النهاية نرفع الخليط من وعاء العجن ونضيف 2/1 كوب جوز مجروش..ونقلب فقط بالملعقة..

- نصب الخليط في الصينية المدهونة وندخلها الفرن حتى تنضج..على حرارة 180 س..

- نخرجها من الفرن ونتركها قليلا.. ثم تقلب ونصب على الوجه توفي ثم نرش جوز مجروش..



طعمها رهيييييييييب..والأحلى طعم التمر مع القرفة يمي مييييييييييي :)
ماشاء الله لاقوة إا بالله..


طريقة التوفي::
نحمر 1 كوب سكر على النار مع التحريك حتى يذوب ..ثم نضيف علبة قشطة..ونحرك بسرعة حتى تندمج مع السكر ويتكون التوفي..
شوفو أول شي راح يكون شوي سائل..

بعد ما يبرد بحرارة الغرفة راح يجمد أكثر..


وبالعافية يارب..
ودعواتكم لي بالخير..
وبالشفاء من اللي فيني :( ما يعلمه إلا رب العالمين..يمكن من سببة ما أرجع أحط لكم وصفات بس ادعولي بالخير..

[grade="00BFFF 4169E1 0000FF"]ما شاء الله عليج
يعطيج العافية حبيبتي ما قصرتي
تسلم ايدج[/grade]

تسلم أيديك ................. يااااااااااااااااااااااااااااااااااااالغالية......

اللهم أشفها أنت الشافي ...لا شفاء إلا شفائك.... شفاء لا يغادر سقماً ........... وأصلح حالها ...
ورد لها عافيتها ...وأحفظها لأهلها ........... وأرحمها مما تجد وتحاذر ...

اللهم آآآآآآآآآآآآآآآآآآآآآآآمين .... وجميع المرضى من المسلمين والمسلمات ..إنك القادر على كل شيء.........بيدك ملكوت السموات والأرض .. وإذا إردت شيئاً قلت له كن ... فيكووووون ..

ماشاااااااااااااااااااء الله
هموسه
ابدعتي
تبارك الرحمن
سويتات كلها مغريه وتشجع للتطبيق
والطعم اكيد ولا اروع
ربي يخليج لنا ياااااااااااارب ويحفظج من كل عين
قولي امييييييييييييين






بس بغيت اسالج
بصراحه
اول مره اشوف جبن فيلاديفيااا على شوكليت وفراوله
موجود بكل الاسواق
امس جايه من الجمعيه ومافي عندناااا

mo00on14
الله سلمج ويعافيج أختي:)
وهلا فيج:)

نور_ العيون
الله يسلمج ويعطيج العافيه يارب:)
وهـــــلا فيج:)

om gala
الله يخليج يالغاليه om gala:)
واللهم آآآآآآآآآآآآآآآآآمين يارب.
الله يسمع منج إن شاء الله ويجزاج بمثل مادعيتي بالخير لي ولجميع المسلمين يارب:)

ملاذ الحب
هلا وغلا ملوووووووذة:)
الله يسلمج يارب..ويحفظج:)
وخلينا نشوف شي من تطبيقاتج الحلوة..
وبخصوص الفلادلفيا نعم أختي متوفرة واااايد في كارفور هذي الفترة كل ما أروح ألقاها دايما متوفرة وفيه نكهات كثييييييييييرة..بس في الجمعيات يمكن ما تكون متوفرة..مادري...

موفقه يارب

:shy: :shy: :shy: