الي يرضعون عيالهم طبيعي

قوة بنات .. وش مسوين مع الرضاعة :shy:

انا عندي تجربتين ..

بولدي الكبير حسين :: ما كنت ادري ان المفروض ادهن حلمة صدري اثناء فترة الحمل وهالشي ادى الى تجرح وتقرح شديد في الحلمة ونزول دم وحسيتها كأنها بتنقص ، حتى زوجي كان كل يصر ان ارضعه طبيعي اكثر من الصناعي لكنه يوم وريته الحلمة اقتنع وقام بنفسه يسوي له الرضعه يوم يصيح حسون :shy: وطبعا هالشي في الايام الاولى لولادتي ..
وكنت لما ما ارضعه يتجمع لي الحليب ويبتدي يقطر ويسرب لبرا حتى وانا نايمة او اسبح وكنت اضطر حينها ومن الالم ان ارضعه طبيعي علشان يخفف الحليب المتجمع في صدري واحاول اتحمل الم الجرح :confused:
بس لما ابتديت اداوم في الجامعه يعني بعد حوالي 3 اسابيع صار اعتمادي اكبر نوعا ما على الصناعي ويمكن هالشي اثر على كمية الحليب اللي في صدري وما قام يتجمع لي وايد لدرجة انه يسرب ..
وبعد 3 اشهر من الولادة قررت استخدم حبوب لمنع الحمل والدكتورة - مو دكتورتي هي اصلا - كتبت لي على حبوب تجفف الحليب وما اكتشفت هالشي الا يوم شفت ولدي ما يبغي صدري وانتبهت انه ما يتجمع لي حليب في صدري ابدا حتى لو ما رضعته ليوم كامل او اكثر .. واتذكر اني قمت اشفطه بالجهاز وما قام يطلع شي وانصددددددددمت ورحت المستشفى ولقيت دكتورتي اللي كانت في اجازة وخبرتها وراويتها الحبوب وقالت لي انها فعلا تجفف الحليب وبدلته لي وقالت احتمال انه خف بس ما جف بالكامل واناحاول ارضعه او اشفطه لكن ما في فايده .. حليبي جف بالكامل والحمد لله ان ولدي كان يشرب صناعي لكن ايامها تاثرت واااايد وحتى البجي قمت ابجي :confused: وللحين منقهرة ع الدكتورة الله لا يوفقها :angry:

وبولدي الثاني احمد :: للحين ارضعه طبيعي وصناعي واحاول ان اخلي الطبيعي اكثر من الصناعي خصوصا هالفترة لاني قمت أأكله .. والحمد لله انه زين مع المرضعة ويشرب الحليب والماي عادي وناويةان شا الله ارضعه لما يكمل السنتين اذا الله اراد ..


وانا احب اعطيهم الصناعي علشان ما يعتمدون علي بالكامل .. يعني عادي اذا بطلع اخليهم عند احد بدون احاتي ، او اذا كنت مشغولة في البيت اخلي زوجي يسوي لهم الرضعه ويعطيهم اياها لكن لو كنت معتمده بس ع الطبيعي كنت اكيد بستخف ودايما افكر شلون في امهات يقدرون يعتمدون بس ع الطبيعي ..

وطبعا ارحسن شي ان لما اكون طالعة برا وصاحوا عيالي اطلع الرضعه واعطيهم بدون ما اتبدهل وانا ادور مكان ارضعهم فيه وان احاسب واغطي نفسي <<< على فكرة انا ما اعرف اغطي نفسي زين وبرا البيت اعتمد ع الصناعي اكثر :shy:



وبس :clap:

هلا جمانة ....... جربت أفطم ولدي عن رضاعة الليل والحمد لله قدرت يعني قمت ما أرضعه قبل النوم ويوم يقوم بالليل بعد ما أرضعه لين الفجر وعقب عاد أرضعه كل ما يصيح إلين ما يقوم من النوم وعاد ما أرضعه لين ثاني يوم الفجر بس المشكلة إن أم ريلي هاك اليوم بالليل راوت ولدي صدرها وتبا اتشوفه بيرضع منها ولا لا وعاد هو مفتقد ها الشي فكان يبا فمن هاك اليوم اخترب كل الي سويته ورد نفس أول وأخيس يقوملي كل ساعة أو نص ساعة ويحط إيده على صدري ويحاول يطلع صدري عشان يرضع ويوم أبي أعطيه ماي يكفخ عمره ويحاول يقع عمره ما أدري أنا لازم أفطمه أخاف يتعلق فيني زيادة أنصحيني أو اقترحي علي أي شي واسمحيلي تعبتج وياي.........

السلام عليكم

والله خوش رابطة
انا عندي مشكلة ان اعظامتي بدت اتكسسسسسسسسسر !! مادري من الرضاعة؟؟ يعني صرت عيوز بالضبط كل جسمي ايعورني و مفاصلي و صرت ماعبر اقوم من الارض بصراحه الدكتورة عطتني حبوب كالسيوم لكني اتكيسل اخذهم و انسه غالبا

الشي الثاني شعري اللي يتساقط واااايد واااايد
والله ان شعري اشوفه طايح في كل مكان في البيت و مادري شاسوي شنو الحل يابنات؟؟

ام الياس حبيبتي

حالي من حالج في سالفت الشعر كل مكان تلاقين الشعر الاشقر منثر ..

شعري طويل فكرت اقصه لانه وايد طاح ما باقي منه شي ..

اهلين خواتي انا الصراحه االي اعرفه ان الشعر بفترة الحمل يكون صحي بس لما تربي اااالحرمه يتساقط اناالحمد لله للحين مافي تساقط بس يمكن لاني اسوي له زيت
حبيت اسئل اللي عندها خبره البيبي المفروض يزيد كم بالشهر في اول شهر له

هلا حبيباتي اشحالكن بخبركن عن حالتي وابا حل للحالة

ولدي بعده ما كمل شهرين من اول ما انولد عطيته طبيعي لين ما استوت عندي التهابات في الحلمة ما كنت اقدر اتحملها وبعدما طلعت من المستشفى صدري كان متحجر من كثر الحليب وقمت اعطيه بس يوم يرضع يصيح وايد وكلهم إلي في البيت يقولون انه صدري مافيه حليب ما يكفيه عطيه صناعي فقمت اعطيه صناعي وصابتني حالة اني ما قمت آكل عدل نفسيا وكل ما احاول ارضعه طبيعي احين ما يرضى واحس انه احين خف الحليب في صدري ما خليت شي ما كلته عشان يزيد الحليب ( رهش,حبوب حلبة,جوز,اشرب وايد ماي)
بس ماشي فايدة وزوجي يلومني على اني ما ارضع ولدي طبيعي بليز شو الحل؟

تسلمين اختي على الموضوع المهم والحساس في الوقت نفسه تجاربنا تشجيع وترغيب للبنات اللي يفكرون بالحليب الصناعي فقط

انا عندي بنتين بنتي الاول اضؤيت اشربها الحليب الصناعي من يوم اهي بنت ايام لان كان عندها بو صفار وترقدت معاها وكانت دوم تبيني ارضعها وما تغيرت النسبة من اول يوم لانها كانت بره الحضانه فنصحوني الممرضات بالصناعي مع اني شفطت لها يوم قلت لهم قالوا لي ما يصير الحين تشربه مع ان ما صار له وايد من شفطته وما اقدر اشفط بسرعه من توتعي وتيلس الاتصيح ويوم طلعت من المستفى تم حليبي ما يكفيها فواصلت معاها على الصناعي

الثانيه اهي الحين خمس شهور تميت ارضعها طبيعي بس لغاية ا صار عمرها 4 ونص بس حصلت معناه يوم جربت ارجع للشغل رفضت الصناعي وللحين يسبب لها غازات بس الحمدلله ارضعها طبيعي على طول ما ارد البيت وفي الاجازه ارفض ارضعها صناعي الا يوم ابي اروح الصالون والحمدلله ما كانت يوعانه وما شربتها

بداية الترضيع صعبه ومؤلمه بس شعور مميز اني ارضع عيالي احس بالامومه واحس بحناني من تعلق بناتي فيني
انصح كل بنت تثابر على الرضاعه الطبيعيه حتى لو كانت الظروف والحياه صعبه

um_mohmed:
هلا جمانة ....... جربت أفطم ولدي عن رضاعة الليل والحمد لله قدرت يعني قمت ما أرضعه قبل النوم ويوم يقوم بالليل بعد ما أرضعه لين الفجر وعقب عاد أرضعه كل ما يصيح إلين ما يقوم من النوم وعاد ما أرضعه لين ثاني يوم الفجر بس المشكلة إن أم ريلي هاك اليوم بالليل راوت ولدي صدرها وتبا اتشوفه بيرضع منها ولا لا وعاد هو مفتقد ها الشي فكان يبا فمن هاك اليوم اخترب كل الي سويته ورد نفس أول وأخيس يقوملي كل ساعة أو نص ساعة ويحط إيده على صدري ويحاول يطلع صدري عشان يرضع ويوم أبي أعطيه ماي يكفخ عمره ويحاول يقع عمره ما أدري أنا لازم أفطمه أخاف يتعلق فيني زيادة أنصحيني أو اقترحي علي أي شي واسمحيلي تعبتج وياي.........

سامحيني ام محمد انشغلت عنك شوية صادتني ظروف صعبة الله يحفظ لكم غاليكم...

ام محمد عمره الحين سنة وشهر حرام تفطمينه بالمولية...
وعاد تصرف عمتج ما عتقد انه السبب .. انتي لما فطمتيه عن رضاعة الليل ما كنتي ترضعينه بالنهار بعد؟؟

اعطي الولد يرضع منج شوي بالنهار كم شهر قدام..
وان شاء الله ف الرد الياي تقولين انه وقف رضاعة الليل..

أم إلياس:
السلام عليكم

والله خوش رابطة
انا عندي مشكلة ان اعظامتي بدت اتكسسسسسسسسسر !! مادري من الرضاعة؟؟ يعني صرت عيوز بالضبط كل جسمي ايعورني و مفاصلي و صرت ماعبر اقوم من الارض بصراحه الدكتورة عطتني حبوب كالسيوم لكني اتكيسل اخذهم و انسه غالبا

الشي الثاني شعري اللي يتساقط واااايد واااايد
والله ان شعري اشوفه طايح في كل مكان في البيت و مادري شاسوي شنو الحل يابنات؟؟

ام الياس هههههههه ضحكتيني كنج عيوز هههههه
اشربي سوائل وحليب وعصير واكلي خضراروات وفواكه وان شاء الله جسمج رراح يكون زين..
التعب اللي تحسين فيه هو مال ارهاق تربية الصغير والولادة نفسها... والرضاعة طبعاً...

وبالنسبة للشعر هاي الشيء طبيعي وبيوقف التساقط تماما بعمر ال 5 شهور.... اذا كان التساقط شديد راجعي المستشفى يكون يعطونج فيتامينات

lele_jonclode:
هلا حبيباتي اشحالكن بخبركن عن حالتي وابا حل للحالة

ولدي بعده ما كمل شهرين من اول ما انولد عطيته طبيعي لين ما استوت عندي التهابات في الحلمة ما كنت اقدر اتحملها وبعدما طلعت من المستشفى صدري كان متحجر من كثر الحليب وقمت اعطيه بس يوم يرضع يصيح وايد وكلهم إلي في البيت يقولون انه صدري مافيه حليب ما يكفيه عطيه صناعي فقمت اعطيه صناعي وصابتني حالة اني ما قمت آكل عدل نفسيا وكل ما احاول ارضعه طبيعي احين ما يرضى واحس انه احين خف الحليب في صدري ما خليت شي ما كلته عشان يزيد الحليب ( رهش,حبوب حلبة,جوز,اشرب وايد ماي)
بس ماشي فايدة وزوجي يلومني على اني ما ارضع ولدي طبيعي بليز شو الحل؟

اختي ولدج كمل الشهرين وانتي تقولين تعطينه طبيعي من انولد.. معناته ان صدرج الحين صار قليل الحليب اللي فيه وما راح يكفيه لوحده...
اعطيه طبيعي ولكن خلطي معاه الصناعي عشان يشبع وما ينقص وزنه ويستفيد من الطبيعي بعد ..

مها العروس:
تسلمين اختي على الموضوع المهم والحساس في الوقت نفسه تجاربنا تشجيع وترغيب للبنات اللي يفكرون بالحليب الصناعي فقط

انا عندي بنتين بنتي الاول اضؤيت اشربها الحليب الصناعي من يوم اهي بنت ايام لان كان عندها بو صفار وترقدت معاها وكانت دوم تبيني ارضعها وما تغيرت النسبة من اول يوم لانها كانت بره الحضانه فنصحوني الممرضات بالصناعي مع اني شفطت لها يوم قلت لهم قالوا لي ما يصير الحين تشربه مع ان ما صار له وايد من شفطته وما اقدر اشفط بسرعه من توتعي وتيلس الاتصيح ويوم طلعت من المستفى تم حليبي ما يكفيها فواصلت معاها على الصناعي

الثانيه اهي الحين خمس شهور تميت ارضعها طبيعي بس لغاية ا صار عمرها 4 ونص بس حصلت معناه يوم جربت ارجع للشغل رفضت الصناعي وللحين يسبب لها غازات بس الحمدلله ارضعها طبيعي على طول ما ارد البيت وفي الاجازه ارفض ارضعها صناعي الا يوم ابي اروح الصالون والحمدلله ما كانت يوعانه وما شربتها

بداية الترضيع صعبه ومؤلمه بس شعور مميز اني ارضع عيالي احس بالامومه واحس بحناني من تعلق بناتي فيني
انصح كل بنت تثابر على الرضاعه الطبيعيه حتى لو كانت الظروف والحياه صعبه

:clap:

ما شاء الله عليج والله انج مثال يحتذى به .. والله يعطيك العافية وتكملي الرضاعة طبيعية

هلا جمانة ولدي كمل سنة و3 شهور الحين يمشي ف الاربع شهور .. المهم سؤالي الاخير يعني يوم جربت أفطمه عن رضاعة الليل نومته الساعة وحده ونص وقاملي الساعة 3 بس ما رضعته لأني كنت مشبعتنه وعقب قام الساعة مادري 4:30 ولا 5 ورضعته يعني شيء قصدج كان ولا شيء ثاني وبعدين أنا بس في هاك اليوم ما رضعته بالنهار لأنه هو ما طلب يرضع ومثل ما أنتي عارفه أنا أبي أفطمه بالصيف هو الفطام كم يوم يآخذ ؟ لأني بسافر وبعد جسمي استوى بايخ ( كله عظام ) ولا أنا ودي أرضعه إلين ما يكمل سنتين. ما أدري ها أول ياهل عندي وأنا الوحيده في العايلة إلي أرضع طبيعي بس عسب شي ما عرف شي .

غاليتي بجعه حبيت أسألش عن الحبوب ما تمتن؟؟؟؟؟؟؟؟؟ لأن أفكر فيها و لكن أخاف أمتن؟؟؟

قرأت من فتره عن شي يدر الحليب و ما يمتن و هو الشمر

لكن المشكله ما أعرف أشمر بالضبط هل هو السنوت أم لا؟؟؟؟ الحواج عندنه في البحرين قال أنه لا يعرف الشمر!!!!!!

um_mohmed:
هلا جمانة ولدي كمل سنة و3 شهور الحين يمشي ف الاربع شهور .. المهم سؤالي الاخير يعني يوم جربت أفطمه عن رضاعة الليل نومته الساعة وحده ونص وقاملي الساعة 3 بس ما رضعته لأني كنت مشبعتنه وعقب قام الساعة مادري 4:30 ولا 5 ورضعته يعني شيء قصدج كان ولا شيء ثاني وبعدين أنا بس في هاك اليوم ما رضعته بالنهار لأنه هو ما طلب يرضع ومثل ما أنتي عارفه أنا أبي أفطمه بالصيف هو الفطام كم يوم يآخذ ؟ لأني بسافر وبعد جسمي استوى بايخ ( كله عظام ) ولا أنا ودي أرضعه إلين ما يكمل سنتين. ما أدري ها أول ياهل عندي وأنا الوحيده في العايلة إلي أرضع طبيعي بس عسب شي ما عرف شي .

الغالية ام محمد :)

شوفي بعطيج برنامج حلو.. بما انج مثلي ترقدين عيالج بوقت متأخر .. ( ماحب من وقت عشان ما يغربلوني الصبح خخخ )


على الساعة 11 او 11 ونص تعطينه وجبة ثقيلة.. مب لازم عشا. . عطيه عشايين اذا تبين.. واحد الساعة 8 والثاني هالوقت اللي قلت لج عليه 11 او 11 ونص... وشربيه عصير ضروري او حليب منكه او اي سائل يحبه حتى لو ماي... عشان ما يحس بالعطش..
وبعدين اذا ما رضى ينام الا بالرضاعة ما يخالف رضعيه... وخل ينام..
اذا قعد الساعة 2 او 3 عرفيه عيّار... لأنه شبعان ومافيه شيء... شربيه ماي.. ونوميه مرة ثانية...
اذا قعد بعدين قبل الساعة 6 مثل الشيء... بس ماي... ونوميه....

بعدين اذا قعد الساعة 6 او بعدها... عطيه يرضع...

وباقي الاوقات اللي يقعد فيها بعدين بعد خليه يرضع...

بتقولين راح يقعد لي كل ساعة ...
انتي بنفسج بتشوفين لما يتعود انه ينام الليل كله بدون ما يقعد للرضاعة.. حتى الصبح راح يواصل نومه بدون ما يقعد..

السالفة ممكن تتخيلينها صعبة وايد... لكن صدقيني ... انا بولدي ما خذيت غير 3 ايام بسسسسس وانتظم نومه..

والله كنت متعذبة عذااااااااااب قبل... وبس جربت افطمه عن رضاعة الليل صرت مب مصدقة عمري اني انام متواصل...
وصرت اكلم روحي مثل المجنونة ويني انا عن هالراحة؟؟؟؟
كله بس من الخووووف اني ما اقدر حرمت روحي من هالنعمة!!!


ومني للصيف وقت وااااااااااايد... السالفة ما يبيلها غير اسبوع واحد بس :) بس عاد تصبري ولا تهونين وتقولين تعبت او يأست...
راح يعفس عليج الدنيا خصوصا اول ليلتين بس خلج اقوى ويا انتي يا انتي... ما عندنا احد مهزوم <<<< يتني الحماسة من موضوع الحفاضات خخخخخخ


ايي صج.. وبالنسبة للنهار... عطيه 3 رضعات..
اول ما يقعد
عند نومة منتصف النهار ( الظهر او العصر )
وعند الرقاد اذا يبي...


ربي يحفظه لج...

نجمة الرضا:
غاليتي بجعه حبيت أسألش عن الحبوب ما تمتن؟؟؟؟؟؟؟؟؟ لأن أفكر فيها و لكن أخاف أمتن؟؟؟

قرأت من فتره عن شي يدر الحليب و ما يمتن و هو الشمر

لكن المشكله ما أعرف أشمر بالضبط هل هو السنوت أم لا؟؟؟؟ الحواج عندنه في البحرين قال أنه لا يعرف الشمر!!!!!!

نجمة الرضا...

انا بعد مثلج كله افكر... الاشياء المدرة للحليب كلها تسمن ... وانا مب قاصرة متووون .. بروحي اسوي رجيم...

يعني اول ما يقولون مرة حليبها قليل مباشرة يقولون لها كلي :

رهش
سمسم
كازو
حلبة
عصاير طبيعية


اللي تاكل هالاشياء وين ما تصير دولاب !!

بس بقولج شيء.. فيه شيء ما يمتن.. بس فيه سلبية وحدة.. ( الزفر ) يسوي ريحة الفم خايسة ههههههه
اكيد عرفتيه.. البقل :)
انا عمري ما طيق اكله ولا ظنتي باكله بعد...



وعن الشمر.. انا بعد ما عرف شنو اسمه عندنا في البحرين بس انا اخذه لبنتي شاي عشان الغازات...
اذا يصلح خذيه وسوي لج منه شاي .. يهدئ اعصابج بالمرة بعد :shy:

مشكوررررررررررررة واااااااااايد على ها البرنامج بجربه إنشاء الله ماعلي بقفل الباب علي وبتوحد بولدي وما بخلي حد يخرب علي أكيد ريلي بيكسر الباب علي بس ما علي بقوله يوده ورضعه أنت خخخخخ وعادي أنا جربت قبل وفطمته عن رضعت الليل بس لين الساعة 4:30 مثل ما قتلج لأني كنت مدوخه وهو الحين أنومه بدون ما أرضعه ومن 4:30 لين ما يقوم من النوم أرضعه عادي متى ما يبا وبالنهار رضعه وحده أو رضعتين يلا بشربلي كوب نسكافيه عشان ما أدوخ وأنام خخخخخخخ ومشكورة مرة ثانية والله أهلي مسافرين وطلبت من ريلي أبات إف بيتهم عشان أتوحد بالولد بس للأسف ما رضى.

تسلمين حبيبتي جمانه على ردج الطيب

اتصدقون بنات معاي بالشغل لبنانيات ، من رديت الشغل واهم طايحين فيني تسئل ترضعين بنتج

" برافو عليكي .. صدرك مليان" مع ان صدري عادي بس صدورهم خخخخخ صدر بنت توها بالغه

لا ويسئلون مستانسه اقول لهم اي وايد احسن اني ام :-) لانهم ما يرضعون عيالهم وحده منهم رايحه تبي تسوي همليه تكبير في الصدر

بس رديت البيت شببت البيت ، وقريت المعوذات علي وعلى بنتي من عيونهم

نجمة الرضا ..

المتيرنا ما تمتن ...

والشمر هو نفسه الينسون ...

وبالنسبه للبقل والرهش انا شهر كامل اكله وما زاد الحليب عندي .. وانا من عشاق الخضروات

والعصاير في حمود كنت وايد اشرب اما الحين ما احبهم ...

الشمر غير الينسون
شكله مثل حبه الكمون بس طعمه وريحته غير الكمون

صراحه الموضوع عجبني وردوكم تفيد
عن نفسي اول مابديت ارضع ولدي جاتني التهابات في الحلمه وكنت ارضعه وانا ابكى من الم والحمدلله فترة وعدت
ولدي 8شهور ونص وما ارضعه الا طبيعى رغم ازعاج اللي حواليا من اهلى واهل زوجي يبغوني ارضعه صناعي اهلي عشان ارتاح واخرج واسهر بعيد عنه واهل زوجي يبغونه كل مايشيلو ولدي يقولولي خفيف وزنه ويحاولون فيا وبزوجي ارضعه صناعي عشان يمتن
مع انه وزنه طبيعى
ولدي يقومني من نومي اقل شي اربع مرات عشان يرضع شوي ويخلي صدري بفمه بس اسحبه يعظ عليه وحاولت اشربه ماي مايبغى الا صدري وصراحه مستانسه لانه اذا كنت نايمه وهوا صاحي يجي يحط راسه على صدري وينام الله يحفظه ليا يارب

موضوع وايد حلو ومشكوره صاحبته على الطرح الحلو :)

انا بنتي عمرها 7 شهور وارضعها طبيعي والحمدلله وكلش كلش ماجربت الصناعي معاها

كنت ماشيه معاها على نظام كل ساعتين بعدين كل 3 وهكذا

من شهر تقريبا قطعت عنها الرضاعه بالليل وهي صارت تنام واذا قامت ارجع انومها بدون رضاعه

الحين هي كبرت :( ابي اقلل اوقات الرضاعه بس ماااااافي مجال

مع اني اعطيها اكل بس ماترضى الا ترضع

سؤالي لكم بالنسبه لعمرها كم مره لازم ارضعها تقريبا في اليوم؟

مع الاكل يعني وجبتين (سيرلاك او بسكوته والثانيه قطعه خضره مسلوقه) وبالليل احيانا عصير او مريسه (تمر يعني)

:)

ويسلمووو