الي يرضعون عيالهم طبيعي

هلا اليازي
والف الحمدلله على سلامتج ومبروك ما ياج...

ان شاء الله الله يقدرج وترضعينها طبيعي ... انتي مجربة وشايفة بنفسج شلون الرضاعة الطبيعية فايدتها عظيمة

بالنسبة للرجيم انا بعد اسوي رجيم .. وبديت فيه بعد الاربعين .. لأن فترة الاربعين احسها وايد صعبة..
والام لازم تتغذى زين عشان تسترد صحتها.. وبعد عشان ما ينقص الحليب عن البيبي ...
انا كنت مطيحة في الحلبة.. آكلها كل يوم تصوري !!

ما خلص الاربعين الا كأني دولاب هههههههههه

فبعد الاربعين بديت رجيم صحي اخذته من عند اختنا عذبة الاحساس..
وبالنسبة للسوائل استعضت عنها بالماء.. وايد شربي ماي .. وعشان يملي معدتج وما تحسين بالجوع..
وعلى فكرة الرضاعة الطبيعية مع الرجيم يساعد على اختفاء الكرش... ومجربة :up:

نسيت اقولج الرياضة بعد مهمممة جداً عشان تخففين وزنج

سلااام موضووع راائع بصراحة
وحبيت اشارككم لأني اعاني من مشكلة تقريباً لاقيه لها حل
بس اللي حواليني يلوموني ومشكلتي اني اعاني من تسطح الحلمة
وماودي اترك الرضاعة الطبيعية بنتي عمرها توها شهر ونص فآنا استخدم
الحلمة الصناعية وماشية معاها عادي ترضع منها واقول دام في بديل شنو
المشكلة المهم ان البنت يوصلها حليب طبيعي من عندي بس اللي حواليني يقولون
حاولي تعطينها مباشر من صدرج ويكدروني لأني احاول لكن وايد صعبة السالفة
يعني بنتي زين اذا تقبضها ومجرد ماتتركها شوي ترجع تدخل وبعدين ارجع
احاول اعطيها اياها احسها تتعب وآنا اتعب بعد لكن بالحلمة الصناعية عادي
فشنو رايكم انتو؟ وهل هذا راح يسبب لي مشاكل في المستقبل؟

جنة القلب...

عشان اصدقج القول... انا عمري ما شفت شكل هالحلمة الصناعية.. بس اسمع عنها يعني تمام حق اللي عندها مشاكل بحلمة صدرها... واذا اروح الصيدلية اخذ غرض كله انسى امر اشوفها شلون شكلها...

بس على المدى الطويل بصراحة ماعرف شنو اخرتها بتكون يعني...
اكيد حليبج الطبيعي احسن بمليون مرة من انج تتعبين واخرتها تعطينها صناعي..
اممممم
الاطفال عموما في الفترة الاولى عندهم صعوبة في امساك الحلمة... يعني لازم الام تكون طول الوقت منتبهة للطفل لا يتسكر خشمة او يصير يمص الجلد فوق الحلمة .. او يمسك الحلمة بروحها بس بدون المنطقة المحيطة بها..
لكن تقريباً على عمر الثلاثة شهور تصير قدرتهم افضل على الرضاعة وامساك الحلمة بصورة سليمة بدون مشاكل..

من جذي انا اشوف انج تواصلين اللي تسوينه... لكن بنفس الوقت ترطبين الحلمة وتسحبينها للخارج بلاستمرار في غير اوقات الرضاعة... وتحاولين معاها كم مرة ترضع مباشرة... يمكن اذا كبرت شوي تصير افضل وتمسكها ...
بسألج بالليل شلون بعد؟ تمسك الحلمة عادي ولا لازم بعد الصناعية فوق صدرج؟

تفاءلي ... ان شاء الله تكبر وتاخذ صدرج بدون صعوبات...
وان شاء الله انتي مثابة وتؤجرين على جهاااااااااادج في سبيل الرضاعة الطبيعية...
اهنئج اختي على العزيمة القوية..

هلا خواتي
صراحة الموضوع حلو ومفيد
انا توني اول بيبي
ومن كم يوم كملت بنتي 3 شهور
مشكلتي انها من احطهاابي ارضعها ترضع اشوي بس تسد يوعها
ودقايق تقعد تلعب وتهد الصدر واحاول اعطيها بس اتم تطالع حواليها وما ترضع
ومن اشلها تقع تمصص بايدها
فمااعرف اذا هي تشبع ولا يوعانه
ونفس الشيء بالليل
ما تصيح اذا يوعانه
لا احس على صوت مصة ايدها معاني اقمطها بس ما شاء الله عليها دوم اطلع يدها
استخدمت كل شيء معاها
ومو عارفة شو اسوي وياها
وبعدين بسالكم ( سؤال خارج عن موضوع الرضاعة)
شعر بنتي خفيف من يبنتها ( مع ان شعري وشعر ابوها غليظ )
وابو ريلي الله يسامحه ما طاع اني احلقها
وللحين هو خفيف مع اني دوم ازيته والكل يقول لي لا تحاتين بيطلع
بس انا احاتي واخاف انه يتم خفيف
فشو اسوي معاها

والسموحة لاني طولت عليكم

UaEmoOon:
هلا خواتي
صراحة الموضوع حلو ومفيد
انا توني اول بيبي
ومن كم يوم كملت بنتي 3 شهور
مشكلتي انها من احطهاابي ارضعها ترضع اشوي بس تسد يوعها
ودقايق تقعد تلعب وتهد الصدر واحاول اعطيها بس اتم تطالع حواليها وما ترضع
ومن اشلها تقع تمصص بايدها
فمااعرف اذا هي تشبع ولا يوعانه
ونفس الشيء بالليل
ما تصيح اذا يوعانه
لا احس على صوت مصة ايدها معاني اقمطها بس ما شاء الله عليها دوم اطلع يدها
استخدمت كل شيء معاها
ومو عارفة شو اسوي وياها
وبعدين بسالكم ( سؤال خارج عن موضوع الرضاعة)
شعر بنتي خفيف من يبنتها ( مع ان شعري وشعر ابوها غليظ )
وابو ريلي الله يسامحه ما طاع اني احلقها
وللحين هو خفيف مع اني دوم ازيته والكل يقول لي لا تحاتين بيطلع
بس انا احاتي واخاف انه يتم خفيف
فشو اسوي معاها

والسموحة لاني طولت عليكم

هلا ومراحب اختي..

التمصص الحين شيء طبيعي وشااااااااااااائع عندهم..
قاعدين يكتشفونها يحليلهم..
مب شرط انها يوعانة عشان تمصمص...
عيل لو تشوفين اللي عندي..
24 ساعة يدها في حلجها هههههههههه
لا وتمصها بلهفة... اللي يجوفها يقول مييييييييتة يوع وانا متأكدة انها شبعانة لأني اكلتها ورضعتها وكل شيء..

بس اهم شيء ما تتطور الحالة الى مص الاصبع.. هذي يبيلها قفازات عشان ما تخترب الاسنان من المص


المهم .. رتبي اوقات الرضاعة.. خليها كل ساعتين او 3 ساعات بعد اذا حسيتيها مب يوعانة..
لا تخلينها فترة اقل عشان ما تقعد تلعب في صدرج..
الا اذا مثلا مشاها بطنها.. اكيد بتيوع في فترة اقل...


وفترة الرضاعة محددة.. بعدها ما يفيد المص.. يبقا هوا...
مرة من اللمرات شفت طبيب اطفال في التلفزيون يقول مستحيل اي صدر ام في العالم ..يكون فيه حليب بعد الدقيقة 7 او 8 من بداية الرضاعة
الباقي كله هواااااااااااااااء...


عشان جذي انتي عطيها صدرج وقت ما تكون جوعانة ومتلهفة... لمدة 6 او 7 دقايق تقريباً ..
بعدين اذا راحت اللهفة منها وصارت ترضع عادي وعلى خفيف... شيليها وخليها على الصدر الثاني تكمل رضاعتها فيه
واكيد ما راح تشربه كله ... فالرضعة التالية تبتدين فيه... وتكملين على الصدر الثاني وهكذا...



وبالنسبة للشعر .. لا تخافين... دام شعرج وشعر ابوها غليظين.. مردها بيطلع لها شعر..
اصلا الشعر في هالفترة ما يعتد به.. لأنه يطيح وايد .. الى الشهر الخامس... بتلاحظين نمو شعرها بيكون اكثف واسرع..
استمري على الزيوت وان شا ءالله شعرها يصير حلوووووووو

يفكم يا مرضعات..

انا مربية من شهرين بس وعندي نفس المشكلة صدري اليمين اكبر من اليسار لانو ارضع من اليمين اكثر من اليسار ..وياريت الاقي الحل ..مع اني بلشت اعود طفلي يرضع من الجهة اليسار بس ممكن يكبر مثل اليمين.

السلام عليكم يا امهات


فعلا موضوع مهم علشان نكلم مع بعض ونحكى يومياتنا والمشاكل اللى زواجهتنا وخاصه فى البدايه علشان تستفيد منها اى ام جديده ..

انا كانت الرضاعه دى لأنى اول مره وكمان لأنى لوحدى كانت صعبه جدا :sad: :sad: بنتى كانت تعيط ومش عارفه ارضعها وكنت تعبانه من الموضوع ده والله كنت ابصلها ودموعى تنزل لأنى مش عارفه اعملها حاجه :sad: لغاية ما كنت استغفر وادعى ربنا انها بس تمسك علشان تعرف ترضع الحمدلله وصدرى كان بيوجعنى ومكنتش بعرف انام لأنه متصلب وواحده قالتلى اعمله كمدات ميه دافية عليه علشان ينزل اللبن من جواه لأنها طالما مبترضعش اللبن هينشف وخوفتنى انى كده هفطمها :qaq: :qaq: وبعد محاولات الحمدلله عديت المرحله دى على خيير :shy:

يا رب يوفق الجميع :shy: :shy:

هلالالالالالالالالا امهات ..

عني انا...

انا في حمود عانيت لاني كنت ادرس اخر كورس .. وكان عدنا وورك بليسمنت .. طبعا مثل ما تعرفون الاجازه اسبوع فقط ولاني كنت اشتغل فالمستشفى عطوني اسبوع زياده .. وفالاسبوع الثالث بدت المعاناه كنت ارضعه واطلع الدوام واليما ارجع احس صدري بينبط من الحليب اوصل البيت لولد يكون راضع صناعي وارجع ارضعه عشان اريح صدري .. وعقبها ب10 دقايق يرجع كل الي شربه .. المهم

تمينا على الطبيعي والصناعي (الصناعي مرة فاليوم واذا اضطرينا مرتين) والباقي كله طبيعي اليما كمل الولد 8 شهور .. وعقب ال8 شهور سنن وقام يعض صدري ويجرحني ويطلع دم مع الحليب وهو فطم نفسه ( يعني ما حسيت بالذنب لانه يت منه هو)

اما مريومه المزيونه ..

ارضعها طبيعي والحمدلله .. مرة حاولت معها الصناعي كتجربه رفضتها ورجعت .. والحمدلله انها رفضتها ...

بس من كمن يوم احس انها تمص وما يطلع شي تعصب .. اتصلت في خط الامومه والطفوله وقلتلهم .. قالتلي خذي حبوب متيرنا .. تزيد الحليب وتعطيج الفيتامينات الي بنتج تاخذها من جسمج ..

من خذت الحبوب الحمدلله كل شي رجع طبيعي ..


نسيت اخبركم ..

احسن شي فالرضاعه الطبيعيه .. اني يوم ارضع ما اتيني الدورة ....

الصراحه الموضوع مفيد...
انا بنتي شهرين ونص ويبتها بعمليه بس قلت لازم اعطيها من حليبي بصراحه تعبت بالبدايه الالم العمليه والرضاعه.... بس الحين ابي اعطيها ولو رضعه من الصناعي باليوم لاني يمكن اشتغل وابي اعودها بس فديتها لان طايعه ترضع من المرضعه وما تحب الحليب الصناعي جربت معها كذا نوع بس ما شي فايده وكله ترجعه تكره شيء اسمه مرضعه...شو اسوي!!

اختي جمانه ممكن تعطيني الرجيم لاني صدق محتاجتنه

الصراحه الموضوع مفيد...
انا بنتي شهرين ونص ويبتها بعمليه بس قلت لازم اعطيها من حليبي بصراحه تعبت بالبدايه الالم العمليه والرضاعه.... بس الحين ابي اعطيها ولو رضعه من الصناعي باليوم لاني يمكن اشتغل وابي اعودها بس فديتها لان طايعه ترضع من المرضعه وما تحب الحليب الصناعي جربت معها كذا نوع بس ما شي فايده وكله ترجعه تكره شيء اسمه مرضعه...شو اسوي!!

اختي جمانه ممكن تعطيني الرجيم لاني صدق محتاجتنه

اهلين اخواتي شخبار الرضاعه معكم
انا لاحضت بنتي هاليومين من بعد صلاة المغرب تبدا بالصياح لين الساعه عشر مادرلاي شوهذا
مع انها كانت هاديه وكله رقاد
قلت يمكن غازات هم يقولون اللي ترضع طبيعي ماشي غازات تجي البيبي

جمانه خبرينا عن الرجيم اللي تسوينه وبسالج عن الدكتوره اللي خبرتج عن الماي انا يوم ربيت
ادمنت على شرب الماي وهم يخوفوني من شربه يقولون هوينفخ الكرشه
ويسلمووووا على فتح الموضوع

مشكورة اخت على ها الموضوع الانه انا في البدايه عنيت واجد في ارضع ابني لكن مع زمان سار المو ضوع سهل :shy:

:confused: :confused: :confused: :confused: :confused:

حبيبي ولدي ما رضع طبيعي ..والسبب اني ولدته في الشهر السابع وظل في المستشفى فتره طويله ونشف صدري..

الحين عمره ثلاث شهور وصحته زينه الحمد لله ..بس هالموضوع مأثر في نفسيتي وااااااااايد
كل ما أتذكر اصيـــــــــــح..

الحمد لله على كل حــــــــال..

اسور:
يفكم يا مرضعات..

انا مربية من شهرين بس وعندي نفس المشكلة صدري اليمين اكبر من اليسار لانو ارضع من اليمين اكثر من اليسار ..وياريت الاقي الحل ..مع اني بلشت اعود طفلي يرضع من الجهة اليسار بس ممكن يكبر مثل اليمين.

لا تخافين اختي.. بيعتدلون بروحهم اذا خف الحليب لما يكبر الطفل ويبدي ياكل .. يخف شربه للحليب ويقل بعدين يتساوون في الحجم... :)

فجر الأسلام:
السلام عليكم يا امهات


فعلا موضوع مهم علشان نكلم مع بعض ونحكى يومياتنا والمشاكل اللى زواجهتنا وخاصه فى البدايه علشان تستفيد منها اى ام جديده ..

انا كانت الرضاعه دى لأنى اول مره وكمان لأنى لوحدى كانت صعبه جدا :sad: :sad: بنتى كانت تعيط ومش عارفه ارضعها وكنت تعبانه من الموضوع ده والله كنت ابصلها ودموعى تنزل لأنى مش عارفه اعملها حاجه :sad: لغاية ما كنت استغفر وادعى ربنا انها بس تمسك علشان تعرف ترضع الحمدلله وصدرى كان بيوجعنى ومكنتش بعرف انام لأنه متصلب وواحده قالتلى اعمله كمدات ميه دافية عليه علشان ينزل اللبن من جواه لأنها طالما مبترضعش اللبن هينشف وخوفتنى انى كده هفطمها :qaq: :qaq: وبعد محاولات الحمدلله عديت المرحله دى على خيير :shy:

يا رب يوفق الجميع :shy: :shy:

الحمدلله انك اجتزت المرحلة الصعبة..
وفعلا كمادات الماي الدافية جدددداً ممتازة لاخراج الحليب المتجمع ... وحتى احسن من الشفاطة ...
بعد ممكن اذا تصلب بصورة كبيرة توقفي تحت الدش الداااافي وتقومي بتدليكه بلطف... بيفيد جداً...

وربنا يعطيك القوة وتكملي معاها الرضاعة ...

bj3a:
هلالالالالالالالالا امهات ..

عني انا...

انا في حمود عانيت لاني كنت ادرس اخر كورس .. وكان عدنا وورك بليسمنت .. طبعا مثل ما تعرفون الاجازه اسبوع فقط ولاني كنت اشتغل فالمستشفى عطوني اسبوع زياده .. وفالاسبوع الثالث بدت المعاناه كنت ارضعه واطلع الدوام واليما ارجع احس صدري بينبط من الحليب اوصل البيت لولد يكون راضع صناعي وارجع ارضعه عشان اريح صدري .. وعقبها ب10 دقايق يرجع كل الي شربه .. المهم

تمينا على الطبيعي والصناعي (الصناعي مرة فاليوم واذا اضطرينا مرتين) والباقي كله طبيعي اليما كمل الولد 8 شهور .. وعقب ال8 شهور سنن وقام يعض صدري ويجرحني ويطلع دم مع الحليب وهو فطم نفسه ( يعني ما حسيت بالذنب لانه يت منه هو)

اما مريومه المزيونه ..

ارضعها طبيعي والحمدلله .. مرة حاولت معها الصناعي كتجربه رفضتها ورجعت .. والحمدلله انها رفضتها ...

بس من كمن يوم احس انها تمص وما يطلع شي تعصب .. اتصلت في خط الامومه والطفوله وقلتلهم .. قالتلي خذي حبوب متيرنا .. تزيد الحليب وتعطيج الفيتامينات الي بنتج تاخذها من جسمج ..

من خذت الحبوب الحمدلله كل شي رجع طبيعي ..


نسيت اخبركم ..

احسن شي فالرضاعه الطبيعيه .. اني يوم ارضع ما اتيني الدورة ....

ااااااااااااااخ ذكرتيني يا بجعة بعوااااار صدري لما كنت اغيب بالجامعة عن ولدي..
والله كنت قاعدة بس جذي مادري شيقول الدكتور من الالم...
والفضيحة لما سرّب الحليب اول مرة وبان من عبايتي...
ظليت امشي وانا ضامة الكتب :o

بعدين خبروني بشيء يسمونه دوائر قطن لمنع توسخ الثياب من الحليب.. ما كنت ادري :o

وان شاء الله بحط اسم الحبوب في بالي .. عشان لو احتجتها..
وعن الدورة ... هم انا بعد .. بحسين ما يتني الا بعد 8 شهور..
وهالمرة من وقف عني دم النفاس بعد شهر من الولادة ... بعد ما شفتها موووول... وبنشوف لمتى هالمرة :)

((ام الغاليه)):
الصراحه الموضوع مفيد...
انا بنتي شهرين ونص ويبتها بعمليه بس قلت لازم اعطيها من حليبي بصراحه تعبت بالبدايه الالم العمليه والرضاعه.... بس الحين ابي اعطيها ولو رضعه من الصناعي باليوم لاني يمكن اشتغل وابي اعودها بس فديتها لان طايعه ترضع من المرضعه وما تحب الحليب الصناعي جربت معها كذا نوع بس ما شي فايده وكله ترجعه تكره شيء اسمه مرضعه...شو اسوي!!

اختي جمانه ممكن تعطيني الرجيم لاني صدق محتاجتنه

ام الغااالية.. ان شا ءالله راح ارسل لك الرجيم برسالةخاصة...

وبالنسبة للحليب ..
انا بعد افكر اشتغل بالفترة الحالية.. وبنتي مثل بنتج ما تداني الرضاعة مول...
فبخليهم يأكلونها... ويعطونها الحليب بالرضاعة... ان قبلت كان بها.. ما قبلت.. بالفنجان او الابرة..

بس دائما اقول البيبي لما يجوع مرده راح ياخذ المرضعة غضباً عنه...

اهم شيء لا تقطعين الطبيعي... اخلطي بينهم ...

الـــــــــيازي:
اهلين اخواتي شخبار الرضاعه معكم
انا لاحضت بنتي هاليومين من بعد صلاة المغرب تبدا بالصياح لين الساعه عشر مادرلاي شوهذا
مع انها كانت هاديه وكله رقاد
قلت يمكن غازات هم يقولون اللي ترضع طبيعي ماشي غازات تجي البيبي

جمانه خبرينا عن الرجيم اللي تسوينه وبسالج عن الدكتوره اللي خبرتج عن الماي انا يوم ربيت
ادمنت على شرب الماي وهم يخوفوني من شربه يقولون هوينفخ الكرشه
ويسلمووووا على فتح الموضوع

هلا اليازي...

انا بعد لاحظت على بنتي ييها هالوقت مغص... بس انا خمنت السبب لأني ااكلها العصر او قريب المغرب
فمن جذي يعورها بطنها من ثقل الاكل...

وبالنسبة عن الماي... محد قالي عنه... اجتهاد شخصي يعني..
لأن العصاير تزيد الوزن معروف... والمشروبات الغازية كلها شكر والغازات اصلا تنفخ الكرش...
فمافي الا الماي مافيه سعرات حرارية... وبالعكس كثرته تشجع عملية الايض بالجسم وتجدد السوائل فيه
وانتي اكثر ما محتاجة له الحين وقت الرضاعة..
والله احس كل ما اخلص الرضاعة بعطش شدييييييييييد ولازم اشرب ماي بعد كل رضعة

حبيتك انا...

الحمدلله الامور سارت على مايرام...

فراولة..
لا تلومين نفسك على شيء مالك يد فيه..
ان شاء الله تعوضين في اطفالك القادمين.. وطفلك هذا اهتمي بتغذيته زين ... وشربيه حليب لما يكبر..