الي يرضعون عيالهم طبيعي

بناء على طلب الأخوات وحيث إنه لاينتبه الكثير للمواضيع المميزة راح أنقل الموضوع للصفحة الرئيسية من الركن لحد ماياخذ الموضوع وقته وتفاعل العضوات مع بعض وراح أرجع أنقله للمواضيع المميزة مرة أخرى وأتمنى لكم الإستفادة..

expresso;11226996:
السلام عليكم
موضوع رائع
وبالنسبه لي انا عمر بنتي شهر ونص تقريبا واعاني مع الرضاعه الطبيعيه لان حليبي قليل معأني اشرب 4 كاسات لبن + كاسه مغلي حلبه + 3 كاسات عصير طازج _ 4 كاسات ماي واكل طحينيه وتمر وبقدونس وترضع مني طول اليوم يعني بمعدل كل نص ساعه تقريبا بس ماااااافي فايده بنتي اتصييييييح يوم يخلص حليبي يعني تبى بعد كل مره ترضع فيها من صدري تبى بعدها صناعي
بصراحه تعبت وكارهه نفسي لاني اعطيها صناعي بس كل حد يقولي حرام عليج البنت بتموت من الجوع بصراحه وضع صعب ولله الحمد ياليت لو حد يساعدني والله مضايقه عشان بنوتي المسكينه
ومشكوووووورين يالغاليات

حبيبتي يمكن يكون السبب هو الحلبة نفسها، لاني سمعت ان الطفل يتعب منها وتغير طعم الحليب فما يحبه الطفل.

بالنسبة لي مريت بنفس تجربتك وكنت احاول اشرب (ماء الحلوة) يوميا كاس كامل او على الاقل نص كاس وكنت استمر على الحليب ومنتجاته مع جوز الهند .. فعلا استفدت منهم.

شي ثاني اختي لا تعتمدين على صراخ بنتك وتقولين انها ما يكفيها وما تخلينها ترضع منك .. لان الطفل على كثر ما يشرب على كثر ما يتكون الحليب .. بعض الاحيان ترى ما راح تحسين في الحليب بالمرة بس بتشوفين انه الطفل قاعد يشرب وعشان جذي ما يترك صدر امه ..

!!Me!!;10585390:
انه بنتي عمرها 8 شهور
واعطيها بس طبيعي بس ما ترضى تاكل
ومتعلقه فيني زياده عن اللزوم
بسس ما ادري شنو الحل وياها
حاولت اعلمها على الصناعي بس ماتتقبله

عزيزتي الحين بنتك ما شاء الله كبرت على الصناعي

كان المفترض تعلمينها انها تشربه في اوقات معينة ولو مرة في اليوم

الحين هي تفهمت وصارت تميز الافضل لها ولانها في هذا السن اساسا شي طبيعي تتعلق فيك حتى من غير الرضاعة .. فما بالك بالرضاعة الي من اهم فوائدها انها تقرب الام وبنتها من بعض؟!!!


ونفس الكلام إلى حبي الغالي

مشكورة على هالموضوع انا ابني عمرة 9 اشهر و نص و ارضعة طبيعي و صناعي لان حليبي قليل و مشكلتي انة يعظني و الحين حلماتي تنزف و ما اعرف ايش اسوي

خلوني اقول لكم عن تجربتي

انا ام لاول مرة و كنت ناوية ارضع طبيعي
و الحمد لله ولدت بالسلامة و حاولت اني ارضع ولدي
بس اول مشكلة واجهتني حلمتي " صغيرة + متشققة "
غير هذا ولدي حاله حال اي بيبي جديد الى احين ما يعرف يرضع صح
بس بالصبر و المحاولة مرة و مرتين و ثلاث و اكثر الحمد لله انا عرفت ارضعه و هو عرف يشرب


كل الشكر لصاحبة الموضوع
و الادارة على المجهود الرائع

موضوع راائع


عندي مشكله بالرضاعه الطبيعيه

كانت عندي مع رضاعتي لبنتي والآن


احيانا ً يصيبني
تجمع للحليب بجهه ويصيبني ألم بالصدر واليد والظهر خلف الجهه نفسها وحراره

ولازم أضطر اني أتحمل الألم لمده يومين يالله يخف عليي الألم ولا أقدر ارضع من شدة الألم

وتصيبني هالحاله أحيانا بسبب مص الطفل أحسه غلط


ماادري إذا لمشكلتي حل عندكم ياخبيرات

شهرزاد بغداد

عزيزتي الاطفال في هذا الوقت بالذات دائما ينفننون في العض
وخصوصا انها فترة قريبة من فترة التسنين بس مع الوقت راح يتوبون
انتي عشان تعلمين طفلك انه ما يعض اول ما تلاقينه عضك لا تصرخين (لانه يعتبرها لعبة) كل الي تسوينه انك تحاولين تسكرين خشمة بيدك فترة .. هو بيخاف يختنق وبيترك ..

كرري هالحركة مرة ومرتين وثلاث بتشوفينه راح يتوب من العض

في البداية انا خفت اسويها لاني اخاف على الاطفال .. الدكتورة تقول لي لا تخافين كلها كم ثانية والطفل ترى عنده خوف على نفسه اكثر منك


أم جودي وجوادي

تجمع الحليب في الصدر مؤلم جدا .. بس ما فهمت ليش ما ترضعين من الجهتين؟ هل فيه مشكلة؟!!

طيب ليش ما تشفطينه احسن من تحمل الالم ..
انا تصيدني هالقصة وفي نفس اليوم احسن بحرارة وألم في جسمي وكأني بصخن .. وما اقدر ارتاح الا لما اتخلص من الحيب بالرضاعة او الشفط ..

بامكانش عشان ترتاحين تاخذين اسبرين او بندول يهدأ الالم ..

سجود الروح;11567453:
شهرزاد بغداد

عزيزتي الاطفال في هذا الوقت بالذات دائما ينفننون في العض
وخصوصا انها فترة قريبة من فترة التسنين بس مع الوقت راح يتوبون
انتي عشان تعلمين طفلك انه ما يعض اول ما تلاقينه عضك لا تصرخين (لانه يعتبرها لعبة) كل الي تسوينه انك تحاولين تسكرين خشمة بيدك فترة .. هو بيخاف يختنق وبيترك ..

كرري هالحركة مرة ومرتين وثلاث بتشوفينه راح يتوب من العض

في البداية انا خفت اسويها لاني اخاف على الاطفال .. الدكتورة تقول لي لا تخافين كلها كم ثانية والطفل ترى عنده خوف على نفسه اكثر منك


أماخودي وجوادي

تجمع الحليب في الصدر مؤلم جدا .. بس ما فهمت ليش ما ترضعين من الجهتين؟ هل فيه مشكلة؟!!

طيب ليش ما تشفطينه احسن من تحمل الالم ..
انا تصيدني هالقصة وفي نفس اليوم احسن بحرارة وألم في جسمي وكأني بصخن .. وما اقدر ارتاح الا لما اتخلص من الحيب بالرضاعة او الشفط ..

بامكانش عشان ترتاحين تاخذين اسبرين او بندول يهدأ الالم ..

اختي العزيزة سويت هالطريقة و النتيجة انة حلماتي الاثنين تنزف الان و ما اعرف كلما يرضع اح س بتطلع روحي من الالم و هوة عندة 6 اسنان:096::033:

شهرزاد بغداد;11567947:
اختي العزيزة سويت هالطريقة و النتيجة انة حلماتي الاثنين تنزف الان و ما اعرف كلما يرضع اح س بتطلع روحي من الالم و هوة عندة 6 اسنان:096::033:

عشان تشقق الحلمات استخدمي كريم تريحينهم شوي ويعالجهم بنفس الوقت
انصحك باستخدام كريم بالمرز بزبدة الكاكو






اما بالنسبة للعض لقيت لك هذي الوصلة اتمنى تنفعك ..

http://arabia.babycenter.com/baby/breastfeeding/baby-bites/

سجود الروح;11567453:


أم جودي وجوادي

تجمع الحليب في الصدر مؤلم جدا .. بس ما فهمت ليش ما ترضعين من الجهتين؟ هل فيه مشكلة؟!!

طيب ليش ما تشفطينه احسن من تحمل الالم ..
انا تصيدني هالقصة وفي نفس اليوم احسن بحرارة وألم في جسمي وكأني بصخن .. وما اقدر ارتاح الا لما اتخلص من الحيب بالرضاعة او الشفط ..

بامكانش عشان ترتاحين تاخذين اسبرين او بندول يهدأ الالم ..

مشكورة أختي

بلا ارضع من الجهتين

لكن احياناً يصيبني كذا يتجمع الحليب في جهة معينه يعني مو ضروري تصيني في نفس الوقت من الجهتين هذا قصدي ومثل ماقلتي احس روحي بصخن وجسمي يألمني
ومايروح إلا بالرضاعه لين مايخف تجمع الحليب

لكن الرضاعه في هالحاله مؤلمة جداً

بس ابغى اعرف كيف ممكن أتجنب ان يحصل ليي هالحالة؟


ولك جزيل الشكر أختي