الي يرضعون عيالهم طبيعي

السلام عليكم

صراحه موضوع حلو ومهم لان ينفع الامهات اليدد مثلي

الله يسلمكم مشكلتي ان ولدي تم في الحضانه لمدة 3 أسابيع وماعطوني ارضعه من صدري والحين اهو مب عارف يرضع من صدري لان طول ماكان عندهم كنت اشفط له ويعطونه او يعطونه حليب صناعي والحين لان الحلمة صغيرة وهو مب قادر يشرب جربت وشريت الحلمة الصناعيه مااحسه يشرب شي والحليب كل يسيح على صدري يعني احسه يمص بي مايوصله الحليب بنزل على صدري قبل لايروح له مب عارفه شسوي ويتم يصيح فاأعطيه حليب صناعي مااقدر اشوفه يصيح قلبي يعورني
قولوا لي شسوي معاه صدري بدا ينشف من الشفط

مشكورة الغالية جمانة :)

أهلين أختي جمانه
مشكووره يالغلا على ردك
بس مدري سالفة ال 7 دقايق هذي مو مقتنعه فيها
لانو لما كنت في المستشفى كنت اشفط لبنتي الحليب
عشان ياخذونه لها الحضانه ...
وكنت اشفط من الصدر الواحد ربع ساعه تقريبا ...

وبسألك يالغاليه بعد عن مسألة التهاب الأذن
هل تقصدين انه يمكن يتسرب الحليب ويوصل لأذنها ؟
والا نفس طريقة الرضاعه وانا منسدحه تسبب التهاب أذن ؟؟

ويعطيك العافيه عيوني والله على تفاعلك معنا :clap:

malaanah بالنسبه للشفاطه الكهربائيه واليدويه
أنا جربت الثنتين وعادي مايعورون
يعني تطمني يالخوافه :D_smil1:
<<<< من يتكلم عاد اللي تخاف من ظلها :2_106:
اما بالنسبه لــ الbreast pads أنا يوم سألت وحده قريبتي
تقول على الأقل بنظل نستخدمها شهرين وبعدين خلص
نقدر نستغني عنها ..... يعني طولي بالك عليهم شوي :gum:
وسلامتك ماتشوفي شر يالغلا ....

هلا عروس الموج
أختي انا بعد استخدمت امسحليب اس 26 وماشفتي وش سوى في بنتي
والله قامت ترجع كأنها وحده كبيره غرقت ملابسي كلها كأنه أحد كافخني
بجيك مويه :qaq:
غير الأرضيه شلون صارت لين فضت معدتها وحتى الماده الصفرا طلعتها
ومثل ماقلتي الترجيع من الأنف والفم
صحيح أنا بنتي صراحه من جبتها وهي كثيرة ترجيع بس لما استخدمت الحليب
يزياده حتى خفت عليها ووديتها المستشفى
والدكتوره قالت لي انو المفروض لما ارضعها صناعي ماارجع
ارضعها الا بعد 3 ساعات على الأقل
او 4 .... لانو الصناعي ثقيل وياخذ وقت على ماينهضم عكس
حليب الأم سبحان الله يكون كل ساعتين عادي ...
جربي حليب بيبيلاك1 وان شاء الله يناسب ولدك

أختي mllvllm
مدري أحس ساعه ونص كثير بالنسبه لرضعه
يمكن حليبك قليل والبنت ماتشبع
ان شاء الله تفيدك الأخت جمانه

أختي أحلا صغيره
عاد أنا أم جديده حالي حالك
يعني مافيني من نفشت ريشها وزعمت فاهمه
ان شاء الله يفيدونك الأخوات في مشكلتك

تحياتي لكم
شوق العيووون
:9_33:

شووووووووووق العيون

هلا ياعمري.. ما طلبتي شيء..

بالنسبة للمدة.. لا تقارنين كمية الحليب في اول الولادة والحين بعد مدة من الولادة..
اول ما ينزل الحليب خصووووووصاً اول اسبوع تكون كميته كبيييييييرة جداً..
وبعدين تخف الكمية تصير تكفي حسب طلب الطفل ( من جذي يقولون كثرة الارضاع تكثر الحليب في صدر الام ) :)
وبعدين لما تأكلين الطفل تخف اكثر واكثر ( هني ممكن تستغنين عن الفوط الصحية الي تنحط بالصدرية عن تسرب الحليب ) :)

وبالنسبة للالتهاب الاذن. اللي اقصده ان الرضيع وخلال رضاعة بيكون نايم على جنبه ووجهه يعني على الجنب.. فرضاعته وتحريك فكه واهو نايم عليه ممكن يسبب الالتهاب بعد فترة من مواصلة الرضاعة بهذه الوضعية..

اختي عروس الموج..

زوجج طبيب يعني ؟؟ عشان يقرر انكم توقفون الطبيعي؟؟
والله ما دري الصراحة بس نصيحتي لكم لا توقفونه خير شر.. حتى لو حسيتي الكمية قليلة.. اخلطي صناعي وطبيعي.. بس حاولي يكون الاعتماد الاكبر على الطبعيي والصناعي مكمل له..
ترا فوائد الطبيعي ما تنعد ولا تنحصى، وكافي تشوفين في هذا الموضوع عدد الامهات اللي يجاهدون << ما حصلت كلمة تعبر اكثر منها :) .. يجاهدون في سبيل ان الطفل يقبل يرضع منهم .. وانتي طفلج يرضع عادي وتقولين بتقطعينه..
؟؟؟؟؟

الله ييسر اموركم.. وعن سالفة الترجيع.. لازم اول يشوفه الدكتور عشان يعرف لو الترجيع مرضي او طبيعي...
وبعدين موضوع الحليب فيه انواع منه لحالات الترجيع.. اعتقد نوعية ابتاميل...

mllvllm

حبيبتي لو قريتي الموضوع من اوله وشفتي تجارب البنات راح تشوفي اكثر من رد وطريقة عشان تنظمين الرضاعة <<< عيارة ما تبي ترد تكتب الكلام نفسه :D

بنتج شكلها من طريقة بنتي.. ما تسكت الا لما تحصل شيء تمصه .. وهالشيء اكيد بيكون صدري..

جربي تعطيها اللهاية .. يكون تسكت شوي عليها..

واما تقعدين بالساعة والساعة ونص رضاعة فاكيد غللللللللط وانتي تعرفينه بنفسج ما يحتاج نقول لج ..
بصراحة رضاعة ربع ساعة كل ساعتين واحس ظهري يألمني شلون طول الوقت ترضعين؟ الله يكون بعونج صج..

اممم فيه حل بعد.. تعطينها شكثر ماي؟ عطيها في اليوم الواحد مرضعتين ماي ( الصغار قياس 60 مل )
وتكون كل وحدة فيها شيء مثلاً وحدة بالاعشاب والثانية بسكر نبات.. او محطوط معاها مردقوش او ماي غريب شوي..
عشان شوي تملي معدتها .. وعن لا يصيبها امساك بالمرة بعد..

اختي احلام صغيرة..

مشكلتك صج معقدة يعني ظل فترة مب قصيرة يشرب من الرضاعة وتعود على حلمتها.. وبعدين لما جيتي ترضعيه طلع عندج مشكلة بصدرج.. واصلا الحلمة الصناعية هذي مؤقتة وما ينفع على طول.. وتقولين بعد ما فاد معاج؟ بس علي توكلي على الله.. وعطيه الصناعي لا يموت لج من اليوع.. ترا الي عليج سويتيه.. وبالطفل القادم حاولي ان شاء الله تدهنين الحلمة من الحمل وتدلكينها وتسحبينها عشان ما تولدين الا وهي جاهزة للرضاعة ان شاء الله...



















ربي ييسر اموركم كلكم يا بنات ويوفقكم للخير..

السلام عليكم ورحمة الله

أختي الغالية جمانة ممكن اتفيديني إذا عندج فكرة أو خبرة

فعندي مشكلتين :
الأولى : أنا الحمدلله أرضع بنتي طبيعي بعد الجهاد الطويييييل اللي استغرق 3 شهور لكنها مازالت ضعيفة يعني وزنها أقل من عمرها لأني أحس إنها في الأربعين كان مصها ضعيف والحلمة اللي ففي اليمين كبيرة فقلت بصبر إلى أن تكبر يمكن تقوى وتصغر الحلمة شوي لكنها لا زالت كبيرة ، وهي ألحين اتم عليها نص ساعة تقريبا لين اتخلص رضعتها أما اليسار الحمد لله اتم عشر دقايق..

الثانية : إني بداوم بعد يومين وبنتي طبيعتها ما اتنام إلا وهي ترضع مني وأنا خايفة أعطيها اللهاية أخاف تتعود عليها فشو الحل ؟


وشكرا وآسفة على الإطااااااالة:flower::flower::flower:

اهلين اختي جمانه مشكوره على ردج
تقولين اعطي بنتي ماي ولا اعشاب يملى بطنها هههههههههه ضحكتيني
هيه اصلا تحط الرضاعه في فمها
اقولج حالفه ما تحطها في فمها
يعني ما عندي وسائل مساعده..
وحتى اذا طلعت ضروري من البيت موعد مستشفى ولا شي تقوم تصيح من الجوع ولا تاخذ الرضاع
اخر شي يعطنها تمر .. ويومين مغص..

جمـــــــــانه
يسلمووووو ياقلبي كفيتي ووفيتي :clap:
يعطيك العافيه

تحياتي لك...

هلا اختي جمانه مشكوره على الرد

احنا ما قررنا انوقف الطبيعي مستحيل بس قلنا بنخلي رضعه وحده فاليوم صناعي اونه عسب يمتن بسرعه ههههه

شوووق العيون

الدكتور نصحني اب بيبي لاك بس يعدني ما جربته قلت بخلص الاربعين وبتدي

نفس المشكلة عندي
ولدي عمره سنة و10 شهور
وما ينام الا بالرضاعة

بنات انا صدري ابدن مو مليان .. يعني لين معقوله يكون فيه حليب كافي... مع اني ايلس نص ساعه ارضعها ومع هذا ما تهد الصدر بروحها لازم انا اطلعه ... وشي ثاني انا بنتي من نوع الطفل النائم يعني عادي اتم نايمه فتره طويله بس انا اشيلها وارضعها من دون ما اصحيها هل هالشي صح والا لا ؟؟؟ وما ادري هل تكتفي من الحليب والا لا ؟؟؟ ارجوكم ساعدوني :( خاطري اشوف بنتي دبدوبه :( كل اللي يشوفها يقولي هذي قاصر وانتي ما تطعمينها .. :(

وشي ثاني .. انا اعتمادي كبير على العصاير والماي ؟؟ مب على الاكل ابصراحه ؟؟ هل هذا الشي ممكن يأثر على العناصر الغذائيه في حليب الام .. والا حليب الام هو واحد بغض النظر عن الأكل .. ارجوكم افيدوني وجزاكم الله ألف خير ...


مع العلم انا رب العالمين ولله الحمد رزقني طفله وزنها 1:800 .. وكانت ولاده مبكره يعني فالاسبوع 33 .. والحين هيه كملت شهرين وتوه وزنها واصل 3:600 واحس بعدها صغيره .. قولولي كم لازم يكون وزنهاالحين ..


انا اعطيها حليب نان وطبيعي بس .. .. المشكله الكبيره الغازات والامساك اللي فيها ..المشكله انا ما عندي قابليه كبيره على الأكل .. وبالتالي احس مافيني حليب كافي لها ما تحب تشرب الينسون .. شو تنصحوني اعطيها ...وعندي استفسار ثاني كم مره لازم الطفل يتبرز فاليوم .. وكيف اعرف اذا هذا الحليب ناسبها والا لا ؟؟؟

:9_33:انا بنت عمرها سنةو10 شهور:9_33:
تألمني عندما أفكر في فطامهااااا
أرجوا كل السيدات أن ينصحوني بأسهل طر يقة.
و شكرا
وهي اخرالعنقود
:cry:

موضوع جدا رائع انا توا فطمت ابني من اسبوع تقريبا - عمرة حاليا سنة ونص

السلام عليكم ورحمة الله وبركاته

خواتي انا طماعة .... ابي مسائل مفصلة عن الرضاعة ...

انا من يبته اعطيه بس طبيعييييي والحمد لله يكفيه ... والله يخلي الحلبة والرشوف ...

بس دخلت له باليوم رضعة وحدة صناعية احين لان قالوا لي بعدين بيغربل امي اذا رحت الجامعة .. وخصوصا اني باداوم شهر 7 يعني يا دوبك صار عمره شهرين ...

انا يشرب من عندي كل ساعتين
والرضعة الصناعية اعطيها اياه بالليل قبل لا ينام عشان يطول شوي بنومه ... اعطيه حليب نان 1

صج يسبب له غازات بس احاول اكرعه او امسح له بطنه
واعطيه ماي بعد كل رضاعه عشان لا يتيمع له الابيض بلسانه .. وبداخل الماي انوع مرات اخلي له مرقدوش اطفال مرات ماي الحلوة... مرات الحندبان بس لازم اخلي ماي غريب والا ما يحبه ...

بس سؤالي شلون تسون الرضاعة الصناعية للطفل؟؟.. عشان اتاكد من طريقتي ..
وبعد كل ما تخلص الرضاعة تغلونها ؟؟...

وشلون تعقيمها ؟


في أمان الله

بنات حابة اشارك لانه الموضوع كثير حلو ومفيد انا ابني بداية الشهر الخامس وبرضعو طبيعي وصناعي لما اروح للدوام ومشكلتي انوحليبي خف كثير عن اول قبل كان يشبع وكان صدري فيه حليب كثير ما شاء الله بس الحين ما في كثير مش زي اول مش عارفة شو السبب حابه تساعدوني شو اللي يجيب حليب كثير والله اني زعلانه على ابني لما يصي يرضع مني بس ما بشبع شو اسوي ساعدوني بليز بس لا تحكولي عن الحلاوة لاني اكلت منها عادي ما جابت حليب كثير بدي اشي احسن منها لاني حابه ارضع ابني طبيعي تساعدوني بليز واسفة اني طولت عليكم

هلا خواتي ،،

آنا هم مثلكم معتمدة على الطبيعي مع بنتي الله يحفظها ،، لأنها رفضت الحليب الصناعي والمرضعة خير شر ،،
كنت في البداية منزعجة من هالسالفة لأني انطر اتوظف وفي الطلعات ما آخذ راحتي وتجيني ظروف ما أقدر آخذها معاي فأظل أحاتيها ،،

هي كملت أحين 3 شهور ودخلت الرابع ،، أفكر إني أبدي أأكلها ،، لأني أحس إنها ما تشبع ساعات تبي ترضع كل ساعة أو كل ساعة ونص ،،

الأخت أم حمودي ذكرت إذا كنت معتمدة على الرضاعة الطبيعية فالأفضل أبدي مشوار الأكل بعد الست شهور ،،

أخاف اتأخر وياها بعدين ما تطيع تاكل ،، لأنها ما تعودت ،، وهي نتوف صغيرة ،،

وش رايكم !!

ياربي على موضوع الرضاعة الطبيعية ... انا من يوم اللي ولدت بنتي وانا متعذبة معها بموضوع الرضاعة الطبيعية ... وللحين العذاب مستمر ... صراحة انا مااهتميت بموضوع المساج للحلمة اثناء الحمل ولا مرة عملته... بالرغم انه حلمات صدرى كانت غايرة وغير بارزة لكن مافي حد نبهني لاهمية هذه النقطة وبالتالي كانت النتيجة الحتمية انه بنتي ماقدرت ترضع مني اول ايام وتمت تصارخ من الجوع فديتها فاضطريت اعطيها صناعي ... وبعدين ما رضيت تاخد صدري الشمال فاعتمدت بس على واحد والضغط الكتير عليه ادي لانه يتشقق ويلتهب وبالتالى تاني رجعنا للصناعي...

المهم الخلاصة اني مارضعها من صدري كتير ... وعمرها الحين ثلاثة شهور ... وللاسف خف اللبن عندي كتير ... من تجاربكم اذا كثرت من الرضاعة الحين في امل يرجع اللبن يزيد مرة اخرى ؟؟

خاطري ارضعها طبيعي... اتمناها تمسك صدري وتحس بحناني ... احس اني مقصرة فيها واني اجرمت بحقها... والشعور بالذنب يعذبني وخاصة انه كل الناس تلومني كاني متعمدة ..:cry::cry::cry::cry::cry::cry:

غير اني متأكدة ان الرضاعة من صدر واحد ما يكفيها بس شو اسوي رفضت صدري اليسار لغاية ما نشف اللبن اللي فيه