حوامل اماراتي الحبيبه ..يلا نتجمع شو رايكم

خوله الشحي:
بنات انا الحينه حامل من اسبوعين وما عندي خبر الا بس امس عرفت وحبت اجتمع وياكن ونسولف اشوي والله يسهل علينا جميعا :shy: :shy: :shy:

مبروك ..اختي خولة

ها بناااااااااااااااات شخباااااااااااااااااااركم
وينكم ؟؟؟

هلا بحوامل بنات بلادي:

شخباركن عساكم بخير

انا يا بويه استأذنكن بروح باجر مستشفى الكورنيش وايد تعبانة حدي
خلاص مو طايقة نفسي
والله صايرة ضعفانة اكثر من الاول ما اعرف ليش؟؟؟ ما لي شهية بالمرة وحالتي ما تسر..عندي امساااااااااك ولوعة ابي ارجع مو قادرة..صراحة الحملين اللي فاتو ما حسيت بها الشئ!!!

رحت البارح السوق مو راضية ادش محلات الاطفال قلت باذن الله بس خل اعرف بنت والا ولد..بروح اشتري اما قبل ما ابي اروح خايفة والله

اسمحولي ما بتشوفوني لين الاربعا الياي

الله يبارك فيكن ويسهل على كل حامل ويرزق الي خاطره في عيال

رابطتنا شوي خمولة...ليش يا حوامل!!!!


خلونا نستفيد من بعض

شو تجهيزات المستشفى ......ساعدونا ..

السلام عليكم ورحمة الله وبركاااااااااته
سلامتج روعة دبي ما تجوفين شر غناتي

الله الله بعمرج
بنشتاااقلج والله
وسيري فديتج خليهم يفحصونج
كله ولا الجفاف الغاليه

والله يسهل عليج يااارب
وما تجوفين شر غناتيه



خواااتي رابطتنا فعلا خمووولة خلونا فديتكم نستفيد

[grade="FF1493 FF6347 F4A460 FFA500 00BFFF"]
مراحب جايبه لكم اليوم أجدد المسجات لتبليغ عن المولود والمسجات منقوووووله



لأحضان أمي أنا جيت و على أبوي نورت البيت و با .......... تحوطون اسم البيبي ....... أنا تسميت ...حياكم الله زوروني و باسم الله شيلوني .. بمستشفى ........ الدور .... الغرفه ...... تلاقوني


صبحكم الله بالخير يا اهل الطيب ويسعد ضحاكم و الظهر والعشيه هذي ... فلانه.. ولدت يوم ... تحطون اسم اليوم ... على خير تفضلوا لستقبالها يوم ... تحطون اليوم والتاريخ اللي تبون ....عندنا بمستشفى ...... الدور ... الغرفة ..... حياكم الله لشوفة بنتنا البهية



رزقت والحمد لله بمولود و اتشرف بأستقبالكم في يوم .... تحطون اليوم والتاريخ ...... في مستشفى ..... الدور .... غرفة ....


( .... اسم الأم ....)


الحمد على عطية رب العالمين
رزقني "أسم البيبي الأول" أول درة من اثنين
و الثانية (او الثاني) "اسم البيبي اليديد" نور العين
و استقبالنا بكون يوميين
يوم ... و .... مستشفى .... غرفة


ممكن بعد
ياساده يا كرام صلوا على خير الانام رزقت (فلانه الفلاني) بمولودها (فلان) بدر التمام وتستقبل مهنئيها يومي ......... و...........في مستشفى ....... غرفه .........


زغاريد الفرح عمت أجواء مستشفى .....(اسم المستشفى) بقدوم ...(اسم البيبي) بكر السيد ....(اسم ابو الطفل) من السيدة ....(اسم الام) لذا فهي تستقبل المهنئين يوم ...(كذا وكذا اذا كان يومين) من الساعة ..... الى الساعة ..... في الجناح.... غرفة ...
شاركونا فرحتنا به
كلنا فرحة وسعادة وسرور
امتلت دنيتنا طيب وعود وبخور
شع حوالينا الضى والنور
يوم ربي رزقنا
"اسم المولود "




انا بنوتة توني مولودة سموني .. فلانة ...
امي ..فلانة .. وابوي ..الفلاني..
والحمدلله على سلامتنا انا وامي



كنت وحداني..
وصار لي أخو ثاني..
#اسم الولد الكبير


مرت الايام وتسعة شهور مضت ..... وجتكم رسالة تحمل بشارة وسعد
الحامل اللي خبركم فيها اولدت .... (اسم الفلانة ) ويابت ولد
اسم المستشفى .. دور .. الغرفة


لأنك عزيز عندي
حبيت أبشرك لتشاركني الفرحه
بما من الله به علي
حيث رزقت بإبنه هذا اليوم.
جعلها الله من الصالحات.


لنك عزيز وغالي
ودايم على بالي
ابشرك جاني ولد
اهداه لي واحد احد
ويالله يصلح لك عيالك
ويالله يصلح لي عيالي[/grade]


ها شرااااااااااااااااااااااايكم

غالية الأثمان

تسلمين حبوبة ع المسجات الروعة.. ^_^

عندج مسجات بالانجليزي بعد اذا ما عليج كلافة؟؟

غالية الأثمان

تسلمين حبوبة ع المسجات الروعة.. ^_^

عندج مسجات بالانجليزي بعد اذا ما عليج كلافة؟؟

=-=-= غالية الأثمان -=- =
هلابج .. أنا هذا اول اسبوع لي في التاسع .. ادعولي .. لأني تعبت .. وابي أربي ..



-=- الروضه -=-

هاي الفقرة منقولة من أحد المواضيع .. انشالله تفيدج


اما بالنسبة للاغراض اللي بتحتاجينها عزيزتي الام فهي:
- شنطه المستشفى وتضم:

قميص نوم مريح جداا ويكون ثقيل نوعا ما وله فتحه للرضاعه
- قميصان او واحد للمستشفى للاستقبال
- الفوط الصحية
- حمالات صدر مريحه وللرضاعه
- شبشب وانتو بكرامة للتنقل فى الغرفه
- مشط للشعر وشي تلمين به شعرك
- عطر خفيف جدا ويفضل دهن عود عشان لما يسلمون عليج الزوار
- حفاظات للبيبي ومفرش ومهاد وملابس لمدة الايام اللي بتكونين في المستشفى
- منشفه وادوات للاستحمام و فرشاه ومعجون واستشوار اذا حبيتي



-=- ملانه -=-

هذا مسج بالانجليزي ..


Time has come to let you know
That we have someone new
A baby boy so beautiful and sweet
God's blessing to make our life complete


-=-= أوبرا -=-=-
ما اعرف اسم المحل بالضبط .. بس هو يبتدي بحرف الميم .. البنايه اللي عقب بناية السيدار .. المحل داخل المركز .. واسمه الريال اللي يشتغل هناك جوون ...
وانشاالله راح اييب لج اسمه جريب ..


-=- خولة -=-= مبروووووووووووك والله يتمم حملج على خير


-=- الفلاسية =-=- انتي وين .. ..؟؟ طمنينا عليج ..

بنت جميرا 6

تسلميييييييييييييين الغالية ^_^ ابا اجهز مسج بالانجليزي حق رباعتي الهنديات في الدوام لول

مشكورة و ما قصرتي

انا ان شاءالله بيرقدوني بالثلاثاء عشان الطلق الصناعي :( اتقولي الدكتورة اذا ما نفع بتضطر تولدني بقيصرية بالخميس :( ادعولي بليييييييييييييز

بشتاقلكم والله :(

[glow=FF9999]هلالالالالالالا بنات تجمع اماراتي الغالية :)
اشحااااااااالكم ان شاءالله بخير وسهالة ؟؟
بنااااااااات دعواتكم لي انا باجر بياخذون عينة من المشيمة بيجيكون على كروموزومات البيبي اذا لا قدر فيه شي ولا لاء وان شاءالله يا ربي ما يطلع فيه شي ياااااااااااارب لانه لحد الحين مب عارفين شو سبب نقصان الماي :( والحمدالله على كل حال ،، ودعواتكم لي [/glow]

هلا يا حلوات

انا رديت كنت اسبوع إجازه وماعندي كمبيوتر فالبيت عفااني الله هههههه

ابا اسير اتشرا للبيبي بس ريلي وااايد بااارد مب متحمس شراتي اخاف يركضني على اخر الايام...

بس انشالله بسيراشتري سبوحات لاني بربي فالصيف...وناويه اطرزهم بإيدي يعني اسوي عليهن رسومات وانا الي بطرز..


ملاذ الطير 79

الله يتتم عليج حملج انشالله وماتشوفين شر وتوكلي على الله..

اسلام عليكم شحالكن روووووووووووووووووووووووووووشات شخبااااركن

ان الحمدلله بخير اليوم كان عندي موعد في مستشفى الكورنيش اول حصصي في فصول الأمومة وااااايد واااايد يفيد

ووايد استااااانست الكلاس اليوم كان عن الحمل الاسبوع الياي عن الطلق والولادة وهلما جرا واللي عقبه عن الولادة القيصرية و

يعطونج كلاسات تمارين رياضيه وكتيبات وااااااااااااااااايد مفيد والله يخلونج تسوينه الإكسرسايز ويااااهم

تطبقينه يعني .. واااااايد حلو .... تمارين للحوض .. البطن .. عضلات الرحم...والظهر وااايد مفييد والله واليوم بعد علممونا شقايل

نستخدم الكرة الكبيرة المطاطية و نسويي بعض التمارين عليها وهي مفيدة للبيبي والأم وعقب آخر 4 حصص كل وحدة تييب

وياها لعبة عسب بتكون الحصص كلها عن كيفية الاهتمام وارضاع الطفل ^_^ وناسة ....

malaanah
غاليتي فديتج والله ماعندي مسجات بالانجليزي لوعندي من عنوني والله

بنت جميرا 6
فديييييييييييييت روحج والله الله يتمملج على خير غناتي
ويقوومج انتي والنونو بالسلامة ياربي


ملاذ الطير + ملانة
الله تممملكم على خير ويثبت لكم حملكم ياربي

والله وفققكم خواتي كلكم
ولي عدة بحول الله

اول مرة اعرف ان في كلاسات

ليش ما يسونه في الرحبه ..

قمت اغار

مجنونة زماني:
اول مرة اعرف ان في كلاسات

ليش ما يسونه في الرحبه ..

قمت اغار

هلا غاليتي مجنونة

فديتج والله حتى انا كنت اقول شو بنسوي اثاريه واااااايد انتيريسيتنق ^_^

خلاص بحاول احطيلكم عيل كل حصة شسوينا ولا تزعلين غناتي

مع كل الحب

-=-= حوامل اماراتي الحبيبة -=-=

اللي طلبوا اسم المحل اللي في شارع الضيافة .. اسمه Melange...
ومكانه داخل مركز صغير .. البناية اللي عقب سيدار على طول .. وانتي يايه من صوب العلم ..

وبالتوفيق


=-= ملانه -=-=

الله يسهل عليج .. يقولون الفرق بين الطلق الطبيعي والطلق الصناعي .. انه الأول إييج برووحه والثاني انتي تزقرينه .. لا تحاتين .. كلنا في الهوا سوى .. انا شكلي بيعطوني صناعي

انتي بيعطونج عشان معديه موعدج ..؟؟!!



-=-= ملاذ الطير -=-
الله يقومج انتي والبيبي بالسلامه .. والله حاله وحده يقولولها الماي عندج واايد .. ووحده يقولوها الماي ناقص .. صدق انه الحمل شيء مب هين ..


-=- غالية الأثمان -=-

مشالله حلو انج تحضرين كلاسات ... وخبرينا اذا حسيتي انه في معلومه ما تتفوت ..