حوامل اماراتي الحبيبه ..يلا نتجمع شو رايكم

انا اخذ دوا عسب يثبت الحمل و النزيف الداخلي

الحكومي قالوا لا ليش تاخذين شي ما تاخذين اي دوا

و ما يحتاي ترتاحين و انتي ما فيش شي

اقولها فيني نزيف تقول عادي ما فيها شي

و لا تاخذين اي شي .. و تخيلوا بعدين تقولي انتي اصلن تحتاجين تترقدين في المستشفى ليش ما رقدوج ؟؟؟

قهرتني و طلعت ..

---
روعه ما تشوفين شر يالغاليه و الله يعينج

---
بغيت اسأل الدكتورة ناديا وين عيادتها الحينه ابا استشير طرف ثالث ..

حيرتني وايد و ما استفدت منهم شي بس ضيقه

السلام عليكم و رحمة الله و بركاته..

ممكن اشارك ---> مال اول!!

انا دشيت الشهر التاسع و ميتة من الزياغ لأنه أول حمل لي و ان شالله بربي في مستشفى ويلكير عند ماتيفا...

فديتها ماماتي متولية أغلب التجهيزات و باقي لي الحلويات و التوزيعات... يمكن اسويهم عند أفراح او فيرووز... و اللي عنده أماكن ثانية لا يبخل علينا ^_^

مرحبا عرايس .. بغيت اسالكم عن التجهيزات .. بغيت افكار لي توزيع الهدايا .. في المستشفى .. ومن وين ممكن الواحد يسوي وانتو يا عرايس الي موصلات اكيد جهزتو كل شئ ممكن نستفيد من خبرتكم .. من محلات حلويات
وهدايا وغيرها وغيرها ؟؟؟

* د. ناديا اداوم في دار الشفا .. في بوظبي

* في محل في شارع الضيافة يسوي لج تجهيزات الغرفة مع التوزيعات كل شيء انتي تبينه .. بس يتحسن انج تسيرين له وانتي في نهاية السابع ... أو قبل .. إذا عندج شيء تبين تسوينه وفي بالج .. الريال فلبيني هو وحرمته .. وشغله مرتب .. .. وانا وااااااايد عيبني ..

* وفي بعد مجموعه بنات .. شغلهم بعد يمدحونه .. يسون لج اللي في بالج .. وباسعار مناسبة ..
تزيين غرف المستشفى .. وتوزيعات .. الخ

واللي بتلحق على معرض العروس اللي بيسونه في دبي .. اعرف وحده بتعرض جلاليب ولاده وبتبيعهم .. المعرض بيكون أول شهر 4

وبالتوفيق للجميع

مشكووووووووووووورة اختي بنت جميرا6 ^_^

بنت جميرا 6
بغيت اخبرج بس انه الدكتوره ناديه الحين انتقلت وفتحت مركز حذال دار الشفا واسمه مركز ناديا الطبي
مجنونه زماني
سيريلها اكيد بتنفعج لانه الدكتوره شاطره وايد وانا مجربتنها

وينكم اختفيتو!!!!!!!!!!!!!!!!!!


شكل حواملنا تعبانات كثير


سلامتكم ، وانشاء الله تمر ايامنا على خير

مراحب امهات المنتدى


انا رجعت لكم بعد غيبة

تحيدون يوم قلتلكم اني مسخنة وعندي التهاب في اللوز

عقبها رحت الكورنيش حرارتي وصلت 39 ويودوني

ترقدت من الثلاثاء ورخصوني يوم الجمعة


المشكلة اني اضطريت اخذ مضاد حيوي

وايد متضايقة من هالشي

بس الله كريم ويحفظني ويحفظ البيبي من اي سوء


وانتوا شخباركم ؟

هلا حبيبتي فراشة ابوظبي:

سلامتج الف سلامة الغالية وما تشوفين شر حبيبتي..وانا بعد كنت مريضة من يومين وشفت الويل، عيالي مرضانين وانا حامل وحالتنا حالة طول الليل اتخيلي ما شي رقاد!!!!!11
اليوم افضل بس احس وحامي بدأ من البارح ياتني اللوعة وما اقدر ارجع طبعا..


على فكرة انا انام على بطني؟؟ منو بعد تنام على بطنها!!!
انا للثالث متعودة انام عليه ما اعرف انام على جنب لاحقة ع العذاب بالشهور الثانية


اتمنى اسمع باقي الحوامل

هلا هلا بالكل.......انا عندي بنوته بتكمل سنه بعد شهر و توني حامل ما كملت شهر الله يثبته ع خير ان شاء الله.....انا في ولادتي الاولى ولدت في مستشفى wellcare لانه دكتورتي هناك دكتوره ماتيفا وايد شاطره هاي الدكتوره واااايد ارتحت من المستشفى و المعامله...في ولادتي كانن عندي 3 دكاتره و ممرضات 2 و الحمدالله على كل شي.........بعد ما اولد ان شاء الله بولادتي الثانيه افكر احط لولب لاني مابا احمل كمن سنه و اتفيج حق عمري....وهذا كل شيء.....

بنات كم رقم مركز ناديه ؟؟؟

الرقم الي خذته من الدليل كله يرن و محد يشيله ؟؟؟

madam sweety

ريحتيني و طمنتيني أكثر لأني أراجع عند ماتيفا بعد ^_^ و عسى الله يثبت حملج ان شاالله

هلا malaanah....الحمدالله انا ارتحت معاها و اخواتي قبلي كلهم ولدوا عندها...لو تعرفين شو صارلي في ولادتي بنتي مووول ما طاعت تنزل و وااايد كانت الدكتوره صبوره... قالتلي اختي يلي كانت معايا في الولاده لو كانت دكتوره ثانيه جان سوتلج عمليه بس الحمدالله..

moon stone
انا طرشت لج الرقم عالخاص
جيكي عليه

واي انا اليوم تعبانة حدي والله

اليوع مكسرني ومو راضية اكل ما اعرف ليش؟
انا الحين اكتب وبطني حاشر الدنيا يوعانة يا ناس بروح اكل لي كمثرى تشبعني


وين باقي الحوامل شو اخباركم,,.

[هلا بنات
انزين سولي سالفه...

انا في الشهر السادس وهذا اول حمل لي كتبت قبل بس سوتولي اكبر طاااااااااااااااااف...

انشالله ببتدي ازهب للياهل ولي انا بعد بحاول افصل كمن جلابيه للمستشفى بس ما براويكم ههههه انشالله انا ما بتخبل وبيلس اتشرا وايد اشياء لان البيبي يكبر بسرعه بدلعه بس عالخفيف هههه فديت رووووووحه الحلووو
روعة دبي...
الله يثبت حملج...لازم تاكلين الحين لان لو ما كلتي شي وايد تتعبين ابتعدي عن البهارات وهالسوالف في بالبدايه وايد الصعب..

ذكرتيني بأيامي الله لا يراويج انشالله ويكون وحامج خفيف.

روعة دبي

اتحرا هذا حملج الاول اوني بتفلسف عليج....
بس الحين انتي الي اتفلسفي عليه

ااااااااااااااااااااااااااااااااااااااااااه يالوحااااااااااااام.........كله اشم روايح كريييييها..ولايعه جبدي عالاخر..الله يعينا بس..باقي الحوامل وينهم اختفو عن الساحه ؟؟

وديان2000

اااااااه يالوحام...........صدق صدق ارف اكره شي عشته في حياتي والله معاناااااه لين الحين انا فالسادس بعدني ارجع...ويجيسني جفاف لووووووعة جبد