حوامل اماراتي الحبيبه ..يلا نتجمع شو رايكم

فراشه بوظبي .. الحمدالله على السلامة و ما تشوفين شر يالغاليه ..


بناااااااااااااااااات انتبهوا هههههه عسب ما تمرضن .. قبل فترة حسيت بألم في بلاعيمي و هذا بدايه احتقان .. و مع الاحتقان حمى و زكام و غيره .. و نحن مب ناقصات يكفي اللي صارلي في حملي الاولي.. المهم حرمه اخو ريلي نصحتني بنصيحه و جزاها الله خير

قالت كوب ماي دافئ يعني شوي حار مب وايد .. و ملح .. و تغرغري و الافضل ما تاكلين شي بعده .. و بعدها كم قطرة ليمون .. انا قلت خلوني اجرب شو خسرانه

و صدق ثاني يوم الحمدالله ما فيه شي لا الم ولا شي ..
و بعدها بفترة شفت برنامج اجنبي كان موجود دكتور و قال للاحتقان ماء دافئ و ملح بحري .. عاد انتوا دبروا عماركم بالملح البحري ههه .. و للي عندها التهاب في الاذن من الاحتقان كم قطرة في الاذن من هذا الماي و الملح .. و تستنق منه ..

---
مرموم .. انا ما قلت شي هذه سوسو طلعت الاشاعه ..
و بعدين انا ما اصدق ان في بنت هاديه ..

و مرة سمعت طبيب نفسي قال ملعومه غريبه .. قال ان البنت تكون حركيه في طفولتها وتحمل صفات صبيانيه ..
عكس الولد اللي يكون هادي و يحمل صفات انثويه ..

و مع الاكل تتغير كل هذه الصفات .. و قال نوع الاكل اللي يأثر عليهم ..

ريم81:
هلا روعة دبي انا موعدي في شهر اغسطس ان شاء الله

و انتي؟

بشـــــــــهر 10 باذن الله تعالى

قصايد دبي:
مرحبا كروشات ..

جد و الله الحمل وايد تعب ....

انا توني داشه الرابع بس احس بثجل ..

و امي اتقول تو الناس عالثجل .. دشي السادس و بتعرفين الثجل ..

الله يسهل علينا ولادتنا و يتمم حمنا على خير ان شاء الله ..

بس انا من كمن يوم قريت في الجريده .. ان الحامل لازم تكثر من اكل السمك و المأكولات البحريه ..

لأن هاي المأكولات ترفع و تزيد من نسبه الذكاء ...

و الله يرزقنا بنونو حسن الخلق و الخلق ..

هيه والله قصايد جربت الاشهر كلها متعبة يوووووووووه وخاصة اللي عندها عيال قبل

الله يعينج يا رب

همس الورد:

الله يعطيج اللي تبينه انشاء الله

بنات ما حد جاوبني متى تحس الحامل بحركات الجنين ؟

السلام عليكم ورحمة الله وبركاته

هلا ريم...

في الغالب الحامل تحس بحركات الجنين على نهاية الرابع...يعني من الأسبوع ال 16 بتبدأ تحس بحركة مثل الغازات ما بتصدقها

على الأسبوع ال 18 أو ال 19 أو ال 20 ممكن فعلا تحس بحركة الجنين...بتكون أوضح

بالنسبة لي انا احس بولدي الاول من الخامس ولما فوق

بولدي الثاني من الثالث والله العظيم بس مو وايد عاد

الحين ما اعرف بالضبط متى!!!!!!!!!


الله كريمم يا اختي

هلا والله بحوامل بلادي..

انا حامل في بداية السادس وهذا اول حمل الي والحمدالله.

طبعا لا احد يسألني عن الوحاااااااااااااام اصعب فتره في حياتي مريت فيها لاني لين الحين انا ارجع وكاره بعض الروائح ويمكن 100 مره دخلت المستشفى بسبت الترجيع والجفاف حتى الكل حافظني..


انا فتحت ملف اول شي في مستشفى دبي ...لاني اداوم هناك بس في دكتوره كرهتني بمعاملتها على طووول سرت الوصل...
الوصل دكاترته اوكي بس ما ادري وااااايد خايفه من الولادة والخياطات والباوي الي تستوي لاني بعد داومت عندهم وكنت اشووف المشاكل..معني ادري لو ربيت في مستشفى دبي بحصل عناية ولا كل العنايات بس ما ابا عسب ادري الموظفين والزيارات ما بتوقف هههههههه

افكر اربي في خاص بس كل حد يقولي شي ...وعلى اساس خبرتي فالمستفيات افضل الحكوومة لان كلشي متوفر عندهم..وتحسون انهم ماره عليهمكل الحالات والولادات.


وانشالله ببتدي اجهز للبيبي من هذا الشهر ..

شكرا مرموم و روعة دبي

انا قالولي لازم اراجع في العياده اللي قريب البيت ..

و بعدين هم رواحهم بيسوون طلب تحويل لمستشفى الوصل ...

و بنات .. فيه شي جي .. مشروب لونه برتقالي .. كأنه ميراندا ..

احس الحريم يوم يشربونه يشربونه بزور و قوة ..

و هذا عشان معرفه سكر الحمل ...

بس هل كل الحوامل لازم يشربونه ... و متى .. يعني في اي شهر ..؟؟؟

السلام عليكم ورحمة الله وبركاته

هلا أختي قصايد دبي

هذا محلول جلوكوز...يعني سكر مركز..

يشربوه بقوة لأنه طعمه حلو و سكّري جدا...

و هذا لازم لتحليل السكر...يكون في الشهر السادس أو السابع...علشان يتأكدوا ما عندك سكر حمل ( إن شاء الله ما فيكي إلا العافية )

تشربي منه و كل ساعتين يقيسوا مستوى السكر...علشان الدكتور يعرف مدى قابلية جسمك لإمتصاص السكر في الخلايا

ما تخافي كلها مرة واحدة يعملوه...مهم لك و للبيبي إن شاء الله

صح كلام الاخت مرمووووووووووووم

ما في بديل ..

انا صح اني بعدني عالشهر السادس

بس بعد ... احس انه شي ثجيييييييييل ..

الله كريم ...

مرحبا اشحالكم ياحوامل بلادي

عن محلول الجلوكوز انا هذاك الاسبووع كان عندي موعد
وسرت من الصبح وكنت من فليل الساعه 8 مب ماكله شي لين بالباجر هم قالوليه جذيه
وخذو عنيه فحص قبل لااشرب الجلوكوز ويوم شربته وبعد ماشربته بساعه يعني ثلاث مرات وانا صايمه
حسييت اني دوخت من الخااطر

يالله يسهل علينا جميع يارب

عيو*_*ون:
مرحبا اشحالكم ياحوامل بلادي

عن محلول الجلوكوز انا هذاك الاسبووع كان عندي موعد
وسرت من الصبح وكنت من فليل الساعه 8 مب ماكله شي لين بالباجر هم قالوليه جذيه
وخذو عنيه فحص قبل لااشرب الجلوكوز ويوم شربته وبعد ماشربته بساعه يعني ثلاث مرات وانا صايمه
حسييت اني دوخت من الخااطر

يالله يسهل علينا جميع يارب

احيدني لما سويت التحليل بالكورنيش وااااااااااااااااااي والله العظيم بغيت ارجع من كثر اللوعة وعاد ما ما ماكله اي شئ وشربته طعمه مثل الميراندا ومثل الدوا وع


الله يعين لين هذاك اليوم

الله يعين الجميع ان شاءالله

بس انا بعدنيه مب قادره احدد مكان ولادتي انشاءالله في توام ولاالواحه

كل حد ايقولي شي وانا مب عارفه كوعي من بووعي

مرحبا بنات ... انا بعد سبوع بدش السادس ..... بس بعدني ما جهزة عمري على الشهر الياي بابدا اخت عيون
صلي الاستخاره ... وانشاء الله الله بيسير لج

ويه يحليلنا الباقيات باقي لنا وايد لين ندش الحين احنا نحسب بالاسابيع ههههههههههه


الله يسهل علينا كلنا يا رب

هلا بنات ... اشحالكم جميعاااااااااااااا هلا بالحوامل... انا بشهر الثاني يعني بربي في شهر 9 انشاء الله ...
ولا سويت ملف ولا شي امس سرت في المستشفي الخاصة لاني فية اللوعة وقالولي في نقص دم دمي 7
واحس بتعب وخمول واحس بوجع في راسي
ودعلولي ...
لي الفرصة السعيدة اني معكم....
اختكم...
الدانة 2006

اهلين يا حوامل ديرتي الثانيه
انا لي سنه ساكنه الامارات واول حمل لي برى ديرتي ومو عارفه اي مستشفى زين اراجع فيه وعند اي دكتوره لكن فيه حريم مدحولي في مركز ناديا الطبي عند الدكتوره ناديا العراقيه
وش رايكم اما الولاده الصراحه ابروح عند اهلي في السعوديه الي اعرفه احسن من الي ما اعرفه ولا وش رايكم هو عاد مو كل سنه ابولد عشان اجرب ههههههههه
والله يهون على كل حامل ويقومها باسلامه