حوامل اماراتي الحبيبه ..يلا نتجمع شو رايكم

[grade="FF1493 FF6347 008000 4B0082"]
مرحبتين يالحلوات:

انا وحامي بدا اقولكم من يومين يمكن وحالتي كسيفة وضايقة وايد والله..

احس اني بطني يتقطع من اليوع ومب قادرة اكل ما عندي اي شهية وانا بروحي بالبيت مع الخدامة والعيال الحمد لله ان بيت هلي لاصق في بيتي والا كنت بنتحر من الملل..اي وقت ضقت رحت سيدة بيتهم والا خواتي ايوون عندي الحمد لله ، على الرغم اني فرحانة ببيتي اليديد وناوية اربي فيه باذن الله، الا اني حزينة يفارق هلي بصير بعيد شوي عنهم!!!

المهم نرجع لموضوعنا:
مرحبا والله عروس الموج، مبروك الحمال والله يسهل علينا كلنا ويتمم لنا على خير باذن الله تعالى..
انا كنت ابتدي اشتري للبيبي من الشهر الرابع على راحتي .بس الحين باخر وايد ما بشتري من الوقت وراي اغراض بيتي اليديد لازم اخلصها احسن

لا هذا ثالث حمل لي وبعدين عاد ناوية اوقف شوي تعبت خلاص ابي انام شوية مو قادرة عيالي ما شاء الله من الساعة 7 الصبع يقومون

الله يسهل علينا كلنا
مرت اخوي بتولد يمكن بطلق صناعي علشان الماي اللي حول الجنين صاير شوية[/grade]

السلام عليكم ,, الله ييسر لكم ترى الحمل حلم حلو وبعدين ان شاء الله تشوفوا النونو حبيت اسألكم ويارب اللي يهمها أمري تقولي هل ما أشعر به طبيعي ولا لأ أن فطامي عمرها سنة وأحاول احمل من فترة وان شاء الله انضم لكم هذا الشهر ,, أحس بخوف من عدم الحمل مرة ثانية متولهة ع الحمااااال أحس شي غريب حلو نطفة صغيييييييييييييييييييييييييييرة بقدرة الله تعالى بعد شهور تكون طفل بحضنا نبوسه ونبدله ,, ويارب تشاااااااااااااااااااااركوني

الله يرزقج يالغالية وتتحقق امنية كل محرومة يا رب

السلام عليكم
مرحبا خواتي الحوامل اول مرة ادخل التجمع
انا حامل في الشهر السابع ....... و ولادتي في مايو و ان شاء الله بربي في الوصل باذن الله تعالى
هذا الحمل الخامس و عندي قبل اربع اسقاطات ........ معرسة من اربع سنين و نص ... و الله يتمم حملي هذا على خير يااااااارب ...............

الله يتمم لج حملج على خير يالجوهرة، الله يعينج والله

انا متخسبقة اليوم، اتغربلت واكلت حار، والله بطني يعورني أتألم وايد وبنطي يمغصني وصار عندي اسهال من كثر الحار اللي اكلته..

اخر مرة افكر آكل حار!!!
شربت حليب وما شئ فايدة والحين يا بشرب سفن اب وباكل روب والله يعيني اليوم كيف بنام

هلا وغلا جميع حواملنا

قررت ابتدي تجهيز البيبي من الحين لاني بديت احس بالثقل والتعب

عاد هذا اول ياهل يعني كل شي يديد

وكل التجارب عليه الله يعينه

على العموم اذا تعرفون عن تنزيلات قريبة في المحلات بلغوني عسب ما اخذ قبل السيل

والسموحة على القصور

فراشة بوظبي..

اتمنى ان اتخبرينا شو الي بتشترينه من البدايه

انا امس رحت برجمان تميت الف جني هبله انا وزوجي ما عرفت شو اخذ او بشو ابتدي..

انا هالمرة بتأدب ما باخذ شئ الا من التنزيلات تعبت وانا اشتري بالغلا والبلا

وبالتنزيلات احصل نفس البدلات وبالرخص..ما فيني صراحة وبعدين لين ما نولد وايد تنزيلات بيسوون احسن علشان اختار على مزاجي وبالاسعار المناسبة

جريب تنزيلات BABY SHOP اللي في الشارجة يمكن الشهر الياي أو اللي بعده

يالله كلنا انسير نضاااااااااارب عالثياب هههههههههههه

كل وحده ابكرشتها

و ين احصل منزات حلوه و صغيره بمظله غير بيبي شوب و مذركير :(



بليييييييييييييييييييز قولولي

اتمنى من قلبي تطلع بنت طبعا بروح اووكايدي ومذر كير روووعة في منطقة جميرا محل ثياب روعة

MoonStones:
و ين احصل منزات حلوه و صغيره بمظله غير بيبي شوب و مذركير :(



بليييييييييييييييييييز قولولي

:cry:





ردواااااااااا علي

[grade="800080 00BFFF FF1493 FF7F50 A0522D"]مرحبا بنات بلادي شحالكم وعساكم بخير يارب..
انا حامل في الشهر الثالث وحبيت انضم معاكم..
والله يسهر على كل حامل ويسر ولادتها ويرزق كل محرومه بدرزن بيبيات..[/grade]

بنت جميرا 6:
وحليلج يالفلاسية .. الله يتمم حملج على خير .. ويقومج انتي والبيبي بالسلامه ..
وصدقيني ماشي احسن عن الوصل من ناحية رعاية لج وللبيبي ..

وانا رقدت في المستشفى يومين .. عشان أسوي فحص للسكر ..

والحمدالله معاملتهم جدا طيبه .. بس أهم شيء يوم بتكلمين السيسترات والدكاتره .. تكونين اوكيه وياهم وادلعينهم .. وشوفي الدلع اللي بيج منهم .. والله يوفقنا في السسترات والدكاتره ..

الشيء اللي يخيلج على أعصابج .. انج ما تعرفين منو اللي بيولدج ..

بس أنا يلست أسولف ويا وحده وياي في الغرفة .. مشالله عليها كل ولاداتها هني .. وتقول خواتها واهلها يروحون مستشفيات خاصه .. بس هي ولا تفكر في هالشيء ..

تطريلي سالفه وحده .. ولدت في الامريكي توهقوا فيها وطرشوها بالاسعاف لمستشفى الوصل ..

وأغلب الدكاتره قالولي اني لازم ما اكمل لين موعدي .. والله يستر

الحمدالله على كل حال .. قوي قلبج .. ترى كلنا في الهوا سوا ..

ملاحظه : جهزي شنطه المستشفى ..

بالفعل صدق اختي بنت جميرا 6

ماشي احسن من الوصل ..حتى انا تنومت عندهم 4 ايام بسبب النزيف في الشهر الرابع..ماشاء الله ما زينهم ..النرسات و الدكتورات ..و المستشفى الحكومي اضمن من اي مكان ..انا مول مب مقتنعة بالمستشفيات الخاصة ..!!

بنت جميرا 6:
* د. ناديا اداوم في دار الشفا .. في بوظبي

* في محل في شارع الضيافة يسوي لج تجهيزات الغرفة مع التوزيعات كل شيء انتي تبينه .. بس يتحسن انج تسيرين له وانتي في نهاية السابع ... أو قبل .. إذا عندج شيء تبين تسوينه وفي بالج .. الريال فلبيني هو وحرمته .. وشغله مرتب .. .. وانا وااااااايد عيبني ..

* وفي بعد مجموعه بنات .. شغلهم بعد يمدحونه .. يسون لج اللي في بالج .. وباسعار مناسبة ..
تزيين غرف المستشفى .. وتوزيعات .. الخ

واللي بتلحق على معرض العروس اللي بيسونه في دبي .. اعرف وحده بتعرض جلاليب ولاده وبتبيعهم .. المعرض بيكون أول شهر 4

وبالتوفيق للجميع

ماشاء الله عليج ..updated بالاشياء اليديدة

اختي ما عليج امارة شو اسم المحل اللي في الضيافة ..

فراشة بوظبي:
مراحب امهات المنتدى


انا رجعت لكم بعد غيبة

تحيدون يوم قلتلكم اني مسخنة وعندي التهاب في اللوز

عقبها رحت الكورنيش حرارتي وصلت 39 ويودوني

ترقدت من الثلاثاء ورخصوني يوم الجمعة


المشكلة اني اضطريت اخذ مضاد حيوي

وايد متضايقة من هالشي

بس الله كريم ويحفظني ويحفظ البيبي من اي سوء


وانتوا شخباركم ؟

ان شاء الله خير ..اختي لا تخافين من المضاد

انا الدكتورة علياء المنصوري قالت لي تقدر الحامل تاخذه اذا عندها التهاب شديد..و ما منه ضرر باذن الله ..

مراحب يالحلوات:

انا توني ييت من الحواطة رحت دبي ستي سنتر اشتريت لي مجموعة مكياج يهبل خاطري فيه ، ووديت عيالي يلعبون بعد بالالعاب استانس ولدي فديته وقصيت يومي هناك ومن ساعتين رجعت ,,بسالكم سؤال متى بدش الثالث!!!! باي اسبوع


وسلامتكن

مون سنورس حبيبتي بتحصلين في البيبي شوب ومذر كير عادي
حتى المحلات العادية موجودة ا لمنزات


انا بشتري متأخر ما بشتري من الوقت تعلمت من المرتين اللي فاتو

اختي مون ستونز.. شي محل في مول الامارات فوق ع نفس صفة هاجن داز (اعتقد اسمه ناتاليز) و محل ثاني في مركز الغزال اللي في شارع الضيافة.. انا ما سرتلهم لأني شريت من بيبي شوب بس بنت خالي خبرتني عنهم.. ^_^ ان شالله يعيبونج و تلقين اللي خاطرج فيه :)