حوامل اماراتي الحبيبه ..يلا نتجمع شو رايكم

مراحب جميعا

الله يعينج اختي روعة على اللوعة


انا كل ما اذكر ايامها تلوع جبدي من الخاطر واقول كيف بحمل مرة ثانية ....؟


بنت جميرا ...


الله يخليلج سيوفي

الله يحفظه ان شاء الله

وتسلمين على نصايحج وان شاء الله نستفيد منها

والحمدلله انج ولدتي بطلق طبيعي الله رحمج

لان وايد يذمون الطلق الصناعي وتعبه


والوان التجهيز نفس الواني

بس مب من محل .. يعني مجهود شخصي ...


ونتريا الصور


ويالله نتريا تجهيز شنطة المستشفى ...

هلا خواتي .....الحمدالله على السلامه بنت جميرا مبروك عليج سيف هذا الاسم في خاطري ...ظبيانيه أنا وأنت في نفس الشهر والله وايد زين تونسيني واونسج ونخفف عن بعض الله يعطيج العافيه يارب......قولي لي هل بديتي اتجهزين أغراضج وأغراض البيبي؟؟؟؟الله يكون في عونج أختي روعة دبي ويخفف عنج هاللوعه....

هلا لمن تثمر الزهور

هيه بديت أجهز لبابي

جهزت الأساسيات

الثياب و القماط و الفوط

طاقية و الدلاغ

و في اشياء عندي من طفلي الاول

مثل طاولة تبديل الملابس و السرير

بس محتاجة فوانيل و مفرش جديد للسرير

و بعدين ما شريت شامبو و صابون و هذه القصص

بالنسبة لي شريت قمصان نوم للرضاعة عاديات

بس ما أعرف وين يسون جلابيات دانتيل

و في حد نصح بجلابيات داكنه في المستشفى بس من وين احصل ما دري؟؟

و بنات حبيت اسألكم:

أنا خاطري اتحنى قبل ولادتي

بس شلون اضبطها اني اتحنى و اولد؟؟

يعني هل اخليه لين موعد ولادتي اللي نحددينه لي في المستشفى ؟؟

و لا اتحنى في بداية التاسع ؟؟؟

شو تنصحون ؟

لمن تثمر الزهور ..... الله يسلمج .. الحرمه اللي سوت لي الجلابيتين قالت انها بتعرض تشكيلة يديدة في معرض العروس اللي بيسونه شهر 4 .. اسم الحرمه .. نجاة آل رضا ... وجلاليبها روعه وأسعارها مناسبة .. يعني أنا لفيت في الخياييط وشفت بعد حريم يسون .. بس حسيت جلاليبها راقية وسعرهم فيهم .. سويت لي وحده 500 .. ووحده بــ350 .. القطع والدانتيل عليها .. اذا تبين رقمها خبريني وانا بطرش لج رقمها على الخاص ..

الصور اللي وعدتكم فيها ...

السلام عليكم و رحمة الله و بركاته

شحالكم :) و الله تولهت عليكم وااااااااااااااااااااااااااااااااااااااااااااايد و ثانكس لكل من سأل عني ^_^

حبيت ابشركم اني ربيت بالسلامة تاريخ 12.3 و نورت "مريامي" دنياي فديت روحها...

و رباي كان طبيعي لين ما قرروا في آخر لحظة يسوونلي قيصرية لأنه الأخت ما طاعت تنزل و تميت انزف :( بس الحمدالله على كل حال :)


بمر ان شاالله بعدين و بخبركم شو حطيت في شنطة المستشفى و ان شا الله نشوفكم كلكم جريب في قسم التربية و الطفل ^_^



الله يحفظكم و ايسر عليكم :)

ما شاالله بالبركة اختى بنت جميرا و يتربا في عزكم ان شاالله :shy:

الفرق بيني و بينج يومين ^_^

مرررحبــا

شو الاخبار ؟

ظبيانية ، ينصحون بالألوان الفاتحه و الهااادية للمستشفى

أنا خذتلي قطع من الغرير ، واايد حلوات و هاديات

ملانه ..

الله يسلمج .. والحمدالله على سلامتج ..وسلامتج البيبي ..


الحمدالله على كل حال

السلام عليكم
أولا ربنا يرزق كل زوجات المسلمين بالذريه الصالحه ويتم الحمل لكل حامل على خير ويرزقها ابناء صالحين حسنى الخلقه والخلق ... أنا مصريه مقيمه فى الامارات حاليا وحامل فى اخر الشهر الخامس ده تانى حمل ليه لكن الاول الجنين توفاه الله فى اخر الشهر التانى -الحمدلله طبعا- انا متبعتش لحد دلوقتى مع الامومه والطفوله ومعملتش اى تحاليل لكنى رحت كزا مستشفى للمتابعه وليه استفسار ارجو من نساء الامارات افادتى بالله عليكن . أنا بأذن الله ربنا يتملى على خير ناويه اولد هنا فى الامارات لكن بحاول الاقى مستشفى تكون كويسه وسعرها كمان قليل - انا فى الشارقه- حد يقدر يدلنى ويفيدنى وجزاكن الله خيرا - الله المستعان.

الله يعين يا حوامل اللوعة لوووووووووووووووعة


خلاص كارهه نفسي اختي تقولي انتظري باقي للج شوية وبتخلصين من الوحام الزفت

بالنسبة لشنطة المستشفى:

رحت اشتريت اغراض خاصة بس للمستشفى مع اني كانت عندي اغراض بالبيت ويديدة بس روحي حبيت اتدلع

رحت البودي شوب اشتريت لي كريمات للجسم والشور جل مع العطور الخاصة بالحمام اللي يعزكم، وسويت لي مشط ونعال للحمام من نعومي حلوة وايد انزين
وخذيت ملابس داخلية من كيفن كلاين رووعة صراحة بقياس اكبر علشان الصدر يكون فيه حليب طبعا تدرون
ملابس داخلية طبعا
جلابيات بروحي مفصلتهمن بتصميمي ما استعنت بحريم يسوون لي ما اهتميت لها الشغلة لأن الثياب اللي سويتهنكانو حجلوات وايد بالدانتيل اللي ابيه بذوقي

ادوات المنكير علشان اظافري بس بس ما سويت شئ

انا ولدت المرة الثانية بطلق صناعي يعني عندي خبر بالولادة
فعلطول سشورت شعري وتحفحفت من العدل وصار شكلي ناعم ورحت المستشفى زاهبة ..هيه صح غير وقاية الصلاة والوقاية اللي البسها بالمستشفى مع لون الجلابيات هذا اللي اذكره
وشنطة البيبي شاريتنها من اوكايدي وكنت اعرف انه ا ولد يعني سويت كل شئ بالشنطة وما طولت يومين وطلعت انا ما اطول ما احب المستشفى بالمرة

والله يستر للمرة الياي انشاء الله ما اعرف ولد والا بنت ادعو لي بالبنت يا رب
عقب عاد بشوف شو بسوي ما قررت لأني ما كشفت

شخباركم حوامل ان شاء الله اموركم تمام ونا بعد مثلج اختي روعة دبي لوعة ونفسيتي زفت وتعبانه من الوحام عاد انا وحامي في الحمل الاول كمل لين التاسع وان شاء الله هالحمل ينقطع من الحين ونا بعدني مااعرف بالضبط انا اي اسبوع ونا الحمل عندي متاخر بس الي اعرفه ان الولاده 16\11\2007 والله يسهل علينا ونقوم بالسلامه :shy: :shy:

[هلا خواتي اشحالكم الله يعطيكم العافيه ويهون عليكم حملكم وتولدون بالسلامه ....وهلا بخواتي الجدد ...مبروك على أختي ملانه بنوتتهامريامي[COLOR="PaleTurquoise ظبيانيه أنا مثلج جهزت أشياء خفيفه الاساسيات وبس ويمكن أنت جهزت أكثر مني أبغي أجهز قبل دخولي التاسع بس ياربي ماشي وقت....الأخوات شجعونا على التجهيزات الوحده ليش ما أدلع عمرها بعد كل معاناتها من لوعه وغيره ....والحين أفكر شو أجهز بعد سوالف عرايسنا...وبعد التفكير برد عليكم ..وأي وحده عندها أفكار حلوه ويديده تخبرني أياها وخاصه أنت ظبيانيه وياي في نفس الشهر خبريني شو تجهيزاتج اليديده........:shy: :think: [/COLOR]

السلام عليكم
و مساء النور

سكروا سايت المنتدى في الدوام عندنا :(

يعني ما اروم أدخل الا في المساء

المهم

شحالكم بنات ؟؟

مين تعرف وين احصل كتالوجات لتصاميم جلابيات ولادة حلوة؟؟؟

بنت جميرا 6:
اهلين .. انا رجعت عشان اسولف وياكم عن ولادتي ..

الله يحفظه البيبي مب مخلني احك راسي ...

الحمدالله على كل شيء ...

الله رزقني ولد .. سميته سيف

انا كنت مخططه أسوي طلق صناعي .. يوم الخميس تاريخ 15 عشان المشيمة عندي متكلسة

والحمدالله الله سهل علي وياني الطلق تاريخ 14 يوم الاربعاء ..


الولادة تجربة ما أعرف شقى أفسرها .. بس الله يسهل عليكم جميعا ..

عليكم بالخروع .. كنت يوميا صبح وليل ملعقتان .. ومشي مثل الجنود ..

وحزت الطلق شربت ماي زعفران ..


ونصيحتي .. تعلموا طريقة التنفس الصحيحة .. ولا تصارخون لو شو يصير خلوا طاقة الصريخ في التنفس ...

وعن تجهيزاتي ..

في المستشفى .. اتفقت مع محل ياني وزين لي الغرفة .. والحمدالله الكل مدح ..

وسويت لي جلابيتين عند حرمه في جميرا ..

واشتريت لي فراش جاهز على الألوان اللي انا مختارتنهم .. (الازرق + الأخضر )

وبحطلكم صور للغرفة

الحمد لله على سلامتج

ما دريت انج ربيتي لاني ما ادش دوم المنتدى

يتربى في عزكم ان شاء الله

بنت جميرا 6:
الصور اللي وعدتكم فيها ...

ماشاء الله روعة ..هالاغراض من المحل اللي في الضيافة و الا انتي بروحج امجهزتنهم..؟

اختي وين ربيتي في اي مستشفى

مراحب جميعاً

مبروكين اختي ملانة

الله يجعلها من الذرية الصالحة

_____________________________________


ياله نبي نعرف كل وحدة معانا في الرابطة ومتى موعدها

نبي نعرف من اول ضحية :)

انا موعدي 11/6

بس يااااااااااااااااااارب اربي قبل .... >>>> وحدة بكر وماتعرف شو يعني ولادة


وعلى تجهيزات المستشفى حطيت الاشياء في لستة عسب ابدا اشطب لان مابقالي وايد

وشوفوا شو اللي ناقص علي ...

لحاف السرير
سلة+علبة الكلينكس+شبشب حقي+مخدات صغار

اللي فوق بسويه طقم بلون واحد

سلال حق الضيافة
صواني تقديم
توزيعات البيبي

اغراضي :::

4 جلابيات دانتيل
شيل الصلاة على كل جلابية
شلح وملابس داخلية >>>>> خبروني اي حمالة للرضاعة اخذ وكيف اعرف القياس

مشط+فرشاة ومعجون+ديودرنت+شامبو+شباصات+كريم+ عطر+فوط صحية+.....


اذا قاصر علي شي نبهوني ......؟؟؟

واغراض البيبي ما اعرف شو اخذ وكم يحتاج اذا قلنا اني بقعد 3 ايام


ودعواتكم احصل غرفة خاصة >>>>> من سابع المستحيلات في الكورنيش


يالله اتريا خبرتكم في التجهيز

هلا بنات..

انا موعد ولادتي انشالله 15-06- حسب اخر الترا ساوند سويته من يومين..

يا كروشات كنت بسألكم في وحده كانت مطرشه على الاميل الخاص انها اتسوي مفارش وسليببنج باج للأطفال.. ابا اعرف منو
انا مسحت الاميل بالغلط

ممكن إلى اتعرفها اتخبرني.

السلاااام عليكم ورحمة الله وبركاااته
هلا ببناااات زااايد ^_^
انا يديده عندكم وحبيت انضم معاكم بس انا خلاص ماباقلي شي ...
انا توني داااخله الشهر الثامن وقالولي بنووووته ^_^ متعبتني يوم تتحرك في بطني ترااافس الاخت وماخذه راحتهاااا
بس انا تعبااانه وااايد عظامي تعورني وظهري وما اقدر اقعد او اطييح وااايد
ابا اعرف عااادي ويع العظاام ولا انا فيه شي ...؟؟
وبناااات بليز اللي تعرف وين يفصلوون طقم المستشفى اللي هو اللحاف مع الشنطه ولبس المنز والخش ودي اسوي بس ماعرف وين ابا يكووون السعر مناااسب وعن جلابياات الدانتيل في الشارجه يمدحوونهن وااايد
واسعاارهن معقووله انشاء الله قريب بروووح افصل منهن ...