غالية الأثمان:
هلا حبيباتي الغاليات
وحشتوني والله
انا عقب 8 ايام ان شاءالله بدش السابع
اخر دورة 4/10/2006
موعد الولادة المتوقع 11/ 7/2007
الأيام تركض بسرعه
ولا شريت ولا شيء للياهل
وخاطري اسوي زينة بسيطة للحجرة
بس ريلي كله يقولي لاء
:(
وكل ما بسير اتشرى يقولي تو لناس(:(:(
ومن كثر ما يقول تو الناس مالي بارض اخذ شيء خلاص
احس عمري بديت استوي ثجيله
ودوووم ييني الم تحت البطن جهة اليسار بس
خواتي كل وحده شرت شيء اتمنى انها تحطه لنا هني بالصور
مع كل الحب
هلا وغلا بغلوية
ليش هالزعل كله ....
حبيبتي انتي ماتعرفين عن كيد الحريم
انتي مب لازم تقوليله سالفة التجهيز كاش
لفي ودوري عليه .... قوليله عن تجهيزات وحدة من اهلكم وكيف رتبت غرفتها في المستشفى كلميه بسياسة وصدقيني بيطيعج
انا كنت شراتج ... ادش محلات اليهال اطالع وانا مستانسة وهو مب مهتم او يتم برع اقوله ليش انته جي مب مهتم .... يقولي تو الناس
بالعكس يستخف على ملابس يهال بوسنتين عسب ولد اخوه
يعني يحب ولد اخوه اكثر من ولده .... كنت انقهر ...
بس كل مابينت الكرشة وكثر مااسولف معاه بدى يتغير ويحن اكثر حق البيبي اللي بيي
ونفس الشي حق سالفة تجهيز غرفة المستشفى ... قلتله باحجز غرفة في اي بي
يقولي ماله داعي وما ادري شو ... قلتله كل الحريم يسوون جي ومافيها شي الواحد يدلع نفسه
ولا انت مستخسر عليه ...؟
يعني في اشياء ما اعطيه مجال يتخذ قرار فيها لان نحن الحريم ادرى .....
وكان يحسها خساير ..... بس الحين ماشي معاي ومايعترض
لان شاف امي كيف مهتمة وتساعدني ..... قال الظاهر هذي اشياء ضرورية ....
وبعد يوم ربت بنت اخوه قلتله عن ترتيبها لغرفة المستشفى .... اقتنع اكثر
وبشرينا عن النتايج ...
واهم شي لاتضايقين عمرج