حوامل اماراتي الحبيبه ..يلا نتجمع شو رايكم

خواتي ظنتي اختنا بنت زايد
بنت زايـــد موعد الولادة : 11 / 4 / 2007ربت ولا انا غلطاااانه ..؟؟

اذا ربت الحمدلله على سلامتها وسلامة الكتكووت والله يقومهم بالسلامه ياااربي

شرايكم بنات منو يعرف شي عن اختنا بنت زاااايد..؟؟

غالية الأثمان..

شو اسوي اقولج بو شباب باااااارد عندي والله اضني مب مصدق لني حامل لان ما يشووف بطني كبر..كل يوم يسال وين البيبي وكم كبره..مب تااااااااااارس عينه...ههههههههههههه

الوالدة الله يرحمها..والحمدالله اختي كانت سايره مذركير وخذتلي كمن شي..

وانا فصلت جلاليب الدانتيل 5 للمستشفى..

واخر هذا الشهر بسير اخذ فراش للمستشفى ومال التوزيعات.. والهسوالف.

وانشالله اخلص بس ما بشتري وايد اشياء للبيبي..يوم بيكبر اشويه باخذله لانه بيكون كله في قماطه

عروس الموج:
غالية الأثمان..

شو اسوي اقولج بو شباب باااااارد عندي والله اضني مب مصدق لني حامل لان ما يشووف بطني كبر..كل يوم يسال وين البيبي وكم كبره..مب تااااااااااارس عينه...ههههههههههههه

الوالدة الله يرحمها..والحمدالله اختي كانت سايره مذركير وخذتلي كمن شي..

وانا فصلت جلاليب الدانتيل 5 للمستشفى..

واخر هذا الشهر بسير اخذ فراش للمستشفى ومال التوزيعات.. والهسوالف.

وانشالله اخلص بس ما بشتري وايد اشياء للبيبي..يوم بيكبر اشويه باخذله لانه بيكون كله في قماطه

هلا وغلا

يحليله ريلج ... ريلي كان جيه قبل بس من دخلت السابع قمت انا احسسه شوي شوي
حتى دوم يسألني ياترى بتتغيرين عني يوم بتيبين الياهل :shy:
يالله الحمدلله على كل حال ...
هيه لا تتشرين وايد اشياء لأنه بسرعه يكبر وعقىقولتج كله بقماطه بيكون

يالله الله ييسر علييج الغاليه
وخبرينا جديدج

مع كل الحب
(f)

انا مغتربة و ساكنة فدبي اتمنى تقبلوني معاكم حامل بشهري الرابع وده اول حمل لي اتابع حملي عند الدكتورة زينب بس مش عارفة اي مستشفى توليد فدبي يقدم خدمات كويسة و لا دكتورة توليد بهذه المستشفى اتمنى تساعدوني و تنصحوني بدكتورة زينة و شاطرة في مستشفى كويس.
اخواتي العزيزيات كما لي طلب ثاني بدي اعرف محلات و المراكز الي بيعون فيها ملابس الحوامل و الاطفال .
ولما تروحون للمستشفى شو تاخدون معاكم من ملابس و اغراض ارجوكم انا بحاجة تساعدوني لاتي لا اعرف شيء.
و اشكركم جدا على اهتمامكم و تجاوبكم:shy:

هلا وغلا كروشات بلادي

من زمان مادخلت النت مشغولة مع الامتحانات

والحمدلله كملت معظم الاشياء وباقيلي بعد

تشريت ملابس البيبي من بيبي شوب وماخليت شي بخاطري

بس الصراحه غلاية اسعارهم

يعني طلعت من عندهم ب 1200 درهم

هذا مب كل شي بس الملابس وبعض الاشياء

غير قبل شريت لوازم السرير من كفر وغيره وطلع ب 800 درهم

وباجي السرير العود واشياء ثانية

ليش الملف ما يتحرك !!!

غالية الأثمان:
خواتي ظنتي اختنا بنت زايد
بنت زايـــد موعد الولادة : 11 / 4 / 2007ربت ولا انا غلطاااانه ..؟؟

اذا ربت الحمدلله على سلامتها وسلامة الكتكووت والله يقومهم بالسلامه ياااربي

شرايكم بنات منو يعرف شي عن اختنا بنت زاااايد..؟؟

السلام عليكم والرحمه،،

اول شي اشكرج الغاليه ع السؤال وانا الحمدلله ربيت تاريخ 12 -4 يوم الخميس :) ويبت ولد

سميته "أحمد" ،، وان شاء الله برجع لكم بقصة ولادتي :shy:

السلام عليكم خواتى
انا طبعا عضوه يديده عليكم
بس ان شالله بنعرف بعض انا على قولت اميه يا فاطرات ارمضان لان ولادتى بتكون على احساب الدكتوه فى اخر 9او اول 10 يعنى فى ارمضان انا الحين فى الرابع ما ضنى حد ويايه فى نفس الشهر
لان ماشالله مشرين اغراض النونو سمعت عن محل فى الشارجه ابيع اغراض النونو بس يمدحون اغراضه واسعاره اسمه ارض الاطفال انا بسير بس يوم بدش السابع

صبااااااااح الخير هلا ببناااااات دااار زااايد الله يرحمه ...
مبروووووووووك بنت زاايد على البيبي وحمدالله على سلامتج ^_^ يتربى في عزكم انشاء الله ..
والله يسهل علينا انشاء الله
استانست وااايد يوم شفت الجدول تواريخ المرابي يعني في حد معاايه ...
بليز بنات اللي تربي قبل تدخل واطمنا عليها واتخبرنا شو سوت عشااان اتشجعنا
لاني صراااحه وااايد خااايفه...
مرحبااا في الحمام الراعبي ..
حبيبتي بغيت اعرف وين مكاانه المحل اللي تقولين عنه في الشارجه ..؟؟

اشحالكم يا حوامل بلادي..

انا زجماااااانه ...بس تعبت متى بربي.

اشحالج غالية الاثمان.. وشووو صحتج والحمل.

ملاك الرحمه..

ما ادري اذا انتي تبين اتربين في مستفشى خاص او حكومي وفي كلا الحالتين بيكون فيه دفع..

وانتي وين ساكنه في ديره او بردبي لان كل مستشفى وحسب منطقته

فراشة بوظبي..

فعلا اسعار بيبي شوب غاليه مب رخيصه يعني كفر السرير البيبي وهالسوالف نفس اسعار الينا ما يفرق..

بكلمكم بعدين ههههههه

مرحبا بنات انا يديده في الرابطة شخباركم انا موعد ولادتي ان شاء الله 17/5/2007م انا الحين 36 اسبوع

اللهم حسن خلقه وخلقه ..
اللهم أعذه من شياطين الأنس والجن..
اللهم سهل ويسر حمله وولادته..
اللهم أقر عيني وعين والده به..
اللهم ارزقني ولدا بارا واجعله تقيا ذكياجميلا
واجعله سليما معافى ولا تجعل في خلقه زيادة ولا نقصان

السلام عليكم

هلا بنات بلادي الامارات

اسفين على الغياب الطويل بس المنتجى ما يفتح عندي من البيت للأسف و لذلك ما اقدر اسالف معاكم الا و انا في الدوام

ان شاء الله هذا الاسبوع بدخل 36

قلتلكن اني سفرت خدامتي و الحين أنا بدون خدامة

بصراحة تعب بس راحة البال أحسن وايد

الحمدلله على كل شي و نسأل من الله العفو و المغفرة و العافية

و الله يسهل على كل حامل ان شاء الله

علوجه يابسه..

هلا فيج من بين احلا حوامل الامارات..

ظينانية 2007..

الله يعينج اختي والله الشغل فالبيت وايد تعب...انا اهلك والله معني ساكنه بيت اهل ريلي بس كلشي انا اسوي لان بشاكيرهم وايد يقهرووون فا قلت ليش اذل عمري عسبهم خلهم يلولون احسن..
اخلص الدوام الساعه 3:30 ولين ما ارد البيت اصلي العصر واطيح اشويه..ونش عالمغرب وبتدي اشتغل اغسل الملابس ونظف الغرفه وارتبها واكوي الثياب..معنا هذا وايد شي بسيط بس الحمل يتعب واااااااااااااااايد والله.

حاسه فيج والله لان عندج ياهل قبل يعني كله دبل

بنات وين هاي محل اليانا؟؟ وممكن رقمه

sounya

اختي محل الينا بتحصلينه في شارع الضيافه..

وفي في ديره مقابل مطعم قيصر..بس حاليا ما عندي رقمهم انشالله بكره ايبه لج

السلام عليكم ،، مرحبا بالحوامل والمربيات ،، كتبت ف رد سابق اني ربيت بالسلامه الحمدلله واحين رجعت لكم بقصة ولادتي ،،

يوم الثلاثاء 10-4-2006 انتبهت من رقادي على ويع خفيف مثل ويع الدورة وكان ريلي فهلوقت يتزهب حق دوامه ويوم قتله اني احس بويع خفيف قالي اذا زاد عليج اتصلي ،، نشيت من السرير ودخلت الحمام وتفا جئت يوم شفت خيوط دم مختلطة ب سائل لزج واذكرت اني قريت في المنتدى ان هاي السدادة المخاطيه ونزولها معناه قرب الولادة ،، طلعت من الحمام وانا محتارة شو اسوي عندي امتحانين في الجامعه عقب ساعتين وماادري اسير ولا لا ،،اتصلت ف امي وخبرتها قالت لي سيري الجامعه واذا ياج ويع قوي اتصلي فيني بمر عليج ،، المهم لبست واتجهزت ونزلت عشان اسوق السيارة واسير بس حسيت بثجل ودووخه والويع كان بسيط واتصت امي قبل ما اتحرك وقالت لي اذا ما ترومين تسوقين بطرش ابوي يوديني ويا ابوي وخذاني وسرت الجامعه امتحنت اول امتحان والإمتحان الثاني ما ما قدرت كنت حاسه بدووخه والم واحساس غريب والسائل اللزج كان ينزل علي فردني ابوي البيت وجهزت بسرعه شنظة المستشفى وسرت بيت اهلي ،، حاولت ارقد الظهر ورقدت شوي ونشيت العصر والالم موجود بس على خفيييف فودتني امي عيادة خاصه عشان تكشف الدكتورة اذا الرحم مفتوح ولا لا ما حبيت اسير المتشفى عشان ما يبهدلوني ويحجزوني ،،
الدكتورة فحصت بالسونار وقالت في تقلصات والسائل اللي نزل الصبح كان سدادة عنق الرحم لكن الرحم مب مفتوح بس الولادة جريبه ان شاء الله ،، رديت بيت اهلي ويا ريلي خذاني ع الساعه 8 وسرنا نمشي ع البحر ومشينا واايد على رمل البحر وعقب خذنا عشا ورديت البيت وقلت حق ريلي خل شنطة المستشفى في السيارة تحسبا لأي طارئ..

الحمدلله ليلتها رقدت ليين الساعه 6 الصبح نشيت من رقاادي على آلام فظيييعه ما خلتني اكمل رقادي وكان الويع يسير ويرد ما خبرت ريلي بشي وسار دوامه تميت في الفراش من 6 لين 9ونص اتويع كنت على امل ان الويع ايخووز وارد بس ما خاز الويع بالعكس زاااد ،، اتصلت ف امي عقب ما نشيت وقتلها اني ما اروم ايلس الويع يسير ويرد ،،يت امي وخذتني وسرت بيت اهلي ،،واتصل ريلي يتطمن علي وخبرته عن الويع اللي فيني ،، وتميت على هالحال ويع يسير ويرد لين المغرب خلاص ما رمت اتحمل ويوم اييني الويع اصيح وامي تسويلي زعتر وبابونج وحطتلي العشا وحاولت آكل عشان تكون عندي طاقه بس رجعت اللي كلته 
وامي تقوولي بعدج قلت شو بعدني ما اروم ايلس خلاااص لين متى بتم جي 
واتصت ف ريلي اللي كان في الكليه وقتله تعال وهو اصلا يوم سمع صووتي زااغ وقالي احيين ياي لبست عباتي بسرعه وتميت ادور في الحوي لاني ما كنت اروم ايلس !!

وصل ريلي ع الساعه تسع تقريبا وقلت حق امي اني بسير البيت اتسبح واغير ثيابي وعقب بنمر عليها عشان نسير المستشفى واتصلت امي حق عمتي (ام ريلي) وقالت لها ان بنسير المستشفى ..عقت ما اتسبحت بسرعه سرنا المستشفى ويانا عمتي وامي ..وصلت مستشفى دبي ع الساعه 10 وربع تقريبا وفحصت الدكتورة وقالت لي الرحم مفتوح 3 سم ..امي استغربت لانها ما توقعت ان الرحم مفتوح اكثر عن 1 سم .المهم ودوني بالكرسي لقسم الولادة ..دخلت غرفة التحضير و غيرت ثيابي ولبست ثياب المستشفى ويت ممرضة بس مب اللي بتولدني وحدة ثانيه شفتها بيخلص.. وقالت لي تبين اسااعدج ا عشان يفتح الرحم وتولدين بسرعه؟طبعا انا ما صدقت ابا افتك بسرعه واربي قتلها اووكي قالت لي ساعديني ولا تصارخيين .. طبعا هيه كانت تحاول تفتح الرحم بايدها ،، وما تتخيلون الم فظيييييييع فظيييييع ويين ما اصارخ شليت القسم بصراخي بسرعه شلت ايدها وقالت فضحتينا وفتح الرحم 4 سم الحمدلله و تحمست يوم قالت ان شاء الله بتربين بسرعه لان رحمي من النوع اللي يفتح بسرعه ..ويت عقبها الممرضه اللي بتشرف على ولادتي وعطتي الحقنه الشرجيه وعقبها ودوني لغرفه ما قبل الولادة .. وتميت هناك من الساعه 12 لين الساعه 3 ومعاناة ويا لألم اللي يروح ويرد وحاولو فيني يعطوني ابرة الظهر بس ما طعت وحتى امي وعمتي ما رضوا وقالوا مب زيين لان يمكن ما احس بشي وقت الدفع.. طااف الوقت ثجييل وجنه كابووس خاصه ان كان ماشي حالة ولادة هاييج الليله غيري .. كنت رووحي وامي وعمتي يقروون ادعيه وقرآن وريلي برع القسم يتريا .. استوت الساعه2 ويت الدكتورة اللي بتولدني عشان تفحص ووتخيلوا كل هالويع والوقت الطويل والرحم بعده 4 سم !!

انصدمت ويااني احبااط كنت متفائلة اني بربي بسرعه قبل الصبح بس يوم عرفت ان 4 سم بس والساعه 2 قلت عيل بعدني باجي واايد خاصه ان قالولي ان الرحم يفتح بمعدل سم واحد كل ساعه .. امي وعمتي طلعوا وساروا يتريون برع القسم عشان يريحون ع الكراسي تميت رووحي ادعي وادعي والممرضة ما ادري شوو يالسه تكتب في الملف وتميت سااعه وكانت الساعه 3 الفجروانا على هالحال عقبها يت الدكتورة وياها ممرضة هنديه عيووز اونها خبيرة ،،قالت الدكتورة بفحصج احين ويوم فحصت شفت ويها تغير وجان ترمس الممرضه الهنديه وتقولها بالإنجليزي 8 سم شوي جان تقوول مفتووح كامل واحس اني امسك الراااس هني انا استانست رغم الوييييع الفظييع اني خلااص بفتك وبربي وعلى طووول حطولي الأكسجين بس من الويع فريته ما قدرت امسكه خلاص وصلت حدي والممرضة تقووول PUSH وانا اقوولها كييف ما ارووم والدكتورة تقووولها شو بتولدينها هني !! وعلى طوول بالسرير ودوني غرفة الولادة وما شفت حد من اهلي .. كانوا برع يتريون .. وبعد اوقااااات عصيييبه وصعبه ما استمرت ساعه الحمدلله طلع الراس ومع طلوعه خااااز كل الويع اللي كان فيني وحطو ولدي ف حضني وعقب شلووه ينظفوونه وبدوا بالخياطه وطوولوا فيها والحمدلله مر كل شي بسلااام وحسيييت بعدها جني كنت ف كابوووس مخييف واحين ف حلم جمييييل خاصه ان النهار بدا يطلع وخذوني ع الساعه 8 الصبح غرفتي في المستشفى ..

دخلت المستشفى بتاريخ 11 -4 يوم موعدي اللي عطوني على حسب السونار وربيت يوم الخميس تاريخ 12-4 -2007 ويبت ولدي البجر أحمد ..

وهاي بالتفصيل قصة ولادتي اكيد مليتوا وانتوا تقروونها بس حبيت اخليكم في الصورة وتتخيلون الموقف :shy:

عروس الموج:
sounya

اختي محل الينا بتحصلينه في شارع الضيافه..

وفي في ديره مقابل مطعم قيصر..بس حاليا ما عندي رقمهم انشالله بكره ايبه لج

وين في الضيافة يالغالية؟

بنت زايـــد

مبرووك ع ما ياج ، يتربى ف عزكم

خوفتيني و أنا بعدج ع طووول


في اشيا ما كنت اعرفها ليش قلتي و خوفتينا


اللــه يسهل علينا و نفتك

هلا و غلا بنت زايد

الحمدلله على سلامتج

والفال لنا ولباقي الكروشات

واندمجت وانا اقرا قصتج

الله يخليلج الوالدة

زين انج ماسرتي المستشفى من وقت عسب ما تتبهدلين وتتروعين


عروس الموج

سلامات يالغالية

والله يعينج ان شاء الله

ترا احس ان الزكام من اعراض الحمل انا طول السابع متحسسة وزكام


ظبيانية

افتقدناج اختي

والله يعينج ان شاء الله على شغل البيت

انا بعد ماعندي خدامة وبيت روحي

بس مودرة نص الشغل

اغسل مرة بالاسبوع وعندي غسالة فل اوتوماتيك مرتاحة عليها

وساعات اتاخر في الغسيل يتملل بو الشباب ويحط ملابسه روحه

احسن خل يحسون ويشتغلون معانا ....

مافيها شي


غالية الاثمان ...

وينج غناتي

بشريني عن التجهيزات والخطة اللي قلتلج عنها ...

مشت ولا لأ ؟؟


وباقي الكروشات اليدد حياكم في الرابطة والله يعين الجميع

مبرروووووووووووك بنت زايد الولادة

حمد لله على السلامة

و مبروك قدوم أحمد يتربى في عزكم ان شاء الله

عقبالنا يا رب