حوامل اماراتي الحبيبه ..يلا نتجمع شو رايكم

حوامل الامارات .. بغيت أبشركم ... أنا ربيت .. والحمدالله الله سهل علي ..

بس الخياطة متعبني شوي ...

عقبالكم يا كروشات ...

مبروووووووووووك بنت جميرا

و حمد لله على السلامة


شو جبتي ؟؟ بنت و لا ولد ؟؟

و كيف كان الولادة ان شاء الله ما تعبتي وايد ؟؟

متى كانت ولادتك؟؟


الله يسعدكي ان شاء الله و مبروك قدوم البابي الجديد :)

السلام عليكم أنا عضوه جديده حامل في الشهر الثامن بغيت أشاركم حديثكم بديت أجهز للولاده أبغي أشتري أطقم للبيبي خفيفه على ان تكون قطن بس مادري وين تنباع ممكن اساعدوني

mother care & baby shop

عندهم اوفر اولات حلوة كثيرة و مريحة

و فيه معارض مرات تنقام يكون فيها محلات متخصصين في بيع ثياب للمواليد الجدد

بس لا تكثري منها لانه البابي يكبر بسرعة

و بالتوفيق :)

الصراحه يطلع وزن البيبي كيلوين وسبعمئه جرام وما يزيد اكثر عن هذا الوزن

صباح الخير :)

شحالكن بنات ؟؟

اخيرا يوم الخميس

ما عندي صبر ارجع من الدوام و أتمدد على الفراش

خاطري انام طول هل الويك ايند من التعب

السلام عليكم


مبرووووووووووووووووووووووووك اختي بنت جميرا

تستاهلين السلامة

وبشرينا عنج وعن البيبي باقرب وقت


بنوتات وامهات

اللي عندهم خبرة بالولادة واليهال

خبرونا شو نحط بشنطة المستشفى

وكم طقم ملابس يسد الياهل باول شهرين


وهل يلبس بهالفترة اوفر اول بس ... ولا في شي ثاني اقدر البسه؟؟


يالله عطونا من خبرتكم


وكم جلابية دانتيل تسد لفترة النفاس

ووايد استفساراتي حد يساعدني وبدعيله من كل قلبي

هلا فراشة بوظبي

بالنسبة لشنطة المستشفى ما جهزتهالين الحين

بس فصلتلي جلابيتين حق المستشفى

و جلابيتين دانتيل

و جلابيتن شغلها يكون بالخيوط

و يمكن آخذلي جلابيات جاهزة بس خفيفه عشان الصيف



و حق البيبي ما كثرت من الملابس

لان بيكبر بسرعه فخذت 4 أطقم مع القماط

حق new born ، و 3 أطقم من 0 - 3

و طقم من 3 - 6 غير الملابس الداخلية

يالله فديتج يا بنت جميرا ولدتي بالسلامة

حمد الله على سلامتج وسلامة البيبي بس ما عرفنا بنت والا ولد!!!

ارتحتي والخياطة ما عليج فترة وبتروح انشاء الله

يالله اموت واحب سوالف شنطة البيبي وشنطتي الخاصة للمستشفى
احيدني بولدي الاخير

رحت البودي شوب وشريت لي شنطة للحمام خاصة وترستها روائح وعطور وحركات للام الوالدة
وشنطة ولدي وايد مرتبة وما خليت شئ ما سويت لها

من اوكايدي ومذركير

لي رجعة مرة ثانية بخبركن عن اغراض البيبي والام باذن الله

منو الحامل اللي بنفس شهري من الامارات

هيه بغيت اسألكن:

متى اقدر اعرف جنس البيبي!!!

باي اسبوع اقرب

انا اعرف ان كلما تاخرت كلما عرفت!!!

بس ابي اعرف بسرعة

روعة دبي:
هيه بغيت اسألكن:

متى اقدر اعرف جنس البيبي!!!

باي اسبوع اقرب

انا اعرف ان كلما تاخرت كلما عرفت!!!

بس ابي اعرف بسرعة

هلا روعة دبي

أعتقد من الاسبوع ال16 ممكن تعرفين

بس العادة هم يسون صورة على الاسبوع ال18 الى ال20 و ان شاء الله يكون واضح :)

انا عرفت جنس البابي من الاسبوع 16 :)

انتي بأي أسبوع الحين ؟؟

مشكوره أختي ظبيانيه 2007 أنا بغيت أسال عن الجلابيه اللي تي ويا القماط والخيط يكون طقم مطرزاو محطين عليه داندتيل يكون للبيت خفيف على الياهل بشرط يكون قطني ...وين ينباع..؟ الاربعاء رحت الموعد في مستشفى دبي وقالوا عندج شوية سكري وعطتني نظام غذائي...

أختي روعة دبي أنا عكسج ما أحب أعرف جنس الجنين أحب يكون مفاجئه حتى لي أنا حلو بعد التعب تعرفين شو يبتي ليه نكهه خاصه بس اللي اعرفه كل ما تأخرت في الحمل تكبر أعضائه ويغلطون في جنسه

اهلين .. انا رجعت عشان اسولف وياكم عن ولادتي ..

الله يحفظه البيبي مب مخلني احك راسي ...

الحمدالله على كل شيء ...

الله رزقني ولد .. سميته سيف

انا كنت مخططه أسوي طلق صناعي .. يوم الخميس تاريخ 15 عشان المشيمة عندي متكلسة

والحمدالله الله سهل علي وياني الطلق تاريخ 14 يوم الاربعاء ..


الولادة تجربة ما أعرف شقى أفسرها .. بس الله يسهل عليكم جميعا ..

عليكم بالخروع .. كنت يوميا صبح وليل ملعقتان .. ومشي مثل الجنود ..

وحزت الطلق شربت ماي زعفران ..


ونصيحتي .. تعلموا طريقة التنفس الصحيحة .. ولا تصارخون لو شو يصير خلوا طاقة الصريخ في التنفس ...

وعن تجهيزاتي ..

في المستشفى .. اتفقت مع محل ياني وزين لي الغرفة .. والحمدالله الكل مدح ..

وسويت لي جلابيتين عند حرمه في جميرا ..

واشتريت لي فراش جاهز على الألوان اللي انا مختارتنهم .. (الازرق + الأخضر )

وبحطلكم صور للغرفة

روعة دبي ممكن أعرف أنتي فيأي شهر بالنسبه لي انا في الشهر الثامن.

لمن تثمر زهور انا معاك في الثامن

هلا الغاليية
باين من التوقيع اني توني داشة الشهر الثالث وبمووووووت من اللوعة

توني الحين ياية من هوم سنتر مسوييين تنزيلات وشريت اغراض وايد للبيت اليديد

امشي وانا فيني هبوط تعبانة وايد والله

اتعرفون امر على محلات البيبي شوب ومذر كير واوكايدي وما لي خاطر ادش لين ما اعرف جنس الجنين احسه بعيد ناوية اروح على تاريخ 8/4 بجرب حظي

بالنسبة لولادتي الاولى: الله لا يوريكن: صرخت وعضيت اختي وامي وسويت الهوايل علشان اول مرة اعرف الالم
المرة الثانية كثر ما صرخت المرة الاولى كثر ما كنت استغفر واتنفس واحط الاكسجين على ويهي

يعني صارت لي خبره من الولادة خلاص عرفت الحمد لله

المرة الثالثة نفس الشئ بخلي الصراخ للتنفس وبمشي وانا فيني ويع يسهل الولادة بطريقة فظيعة
ولادتي الاولى كانت طوييييييييييييلة الولادة الثانية كانت قصيرة لأني سمعت الكلام وما صارخت وساعدت نفسي



والله يسهل علينا يا رب

خبريني روعة دبي شو حطيتي في شنطة الحمام وشو تجهيزاتج ...اترياج

واترريا صور غرفتج بنت جميرا 6

السلام عليج أختي بنت جميرا أشلونج أنشاءالله بخير .....حبيبتي ممكن أسالج عن معرض العروس اللي بيسوونه في دبي أول شهر أربعه وقلتي يبوعون فيه جلابيات وين مكانه...ويزاج الله ألف خير.