حوامل شهر يوليو 2007

UMABDULRAHMAN:

مو شرط اتطرشينة الدكان " المحل "

ممكن وانتي في البيت تقوليه جيب فوطة اختك
جيب حفاظ لاختك
روح ارمي حبيبي هالحفاظ في الزبالة
وغيره من الامور

عن بعد يخسرك
هذا بروحه علاوي ميزانية دولة حق بيض كيندر
انا عندي اختي الصغيرة تدور بيضة فلة اللي للحين ما ادري نزلت السوق والا

الله يحفظ لكم المهند وعلاوي،،،

UMABDULRAHMAN:

عاد للحين عرفنا طريقتين للمباعدة واحدة اللولب
والثانية يقوم فيها الزوج اللي ما تاوي يتبهدل بكثر طلبات العيال وام العيال
وعرفنا كل وحدة مساويها وحسناتها
وان شاء الله بخلي هالموضوع على زوجي
لاني ما اريد اعمل لولب يقولوا حرام
ولا اريد حبوب وابر لان ليها مضاعفاتها
والله المستعان
وما تحصلوني في رابطة ثانية للحمل بعد ثلاثة شهور من الولادة :confused:

أم المهند:
اليوم كلش كسلانات

أم فجورة دخلت وما ردت ( هود هود )

بسالكم بنات متى قررتوا تمشوا .. بالذات للي دشوا السابع خلاص

أنا يا حليلي لسه بدري ع السابع ..

وأريد أعرف من الأمهات الخبيرات اللي جربوا حليب الأطفال الصناعي ( سيميلاك ) يسوي غازات لأني بالمهند عطيته نان وكان يعاني تقريبا من الغازات .. وفي أكثر من مقال قريت إن سيميلاك زين بس ما أعرف شو يقصدوا بكلمة زين .. أفيدوني

كربلاء:
مراحب لاحلى حوامل

كيفكم شو اخباركم

وما شاء الله عليكم بديتو تجهيزات وناس خلصو

وانة للحين ما بديت ( غير كم شغلة امي شرتهم لي )

والحين خفت من قلتو انة الوحدة تتجهز للولادة من تدش التاسع

وانة على بالي مطولة

ماادري ليش اتوقع اني اطوف الموعد الي عطوني اياة :gum:

ان شاء الله الشهر الجاي ببتدي اجهز

بس ان شاء الله اعرف جنس البيبي هالمرة ( مع اني اتوقع انها بنوتة )

كلة جالسة لي تحت تذبحني لي ترزحت تحت ....

شهودة موعدي بعد اسبوعين ان شاء الله

قبل لا انسى يا نسوان

تراني انسى اشرب الحبوب يعني يوم اشرب يومين لا

اخاف ياثر علي .. شرايكم..


يلة مع السلامة

مسلمه..وافتخر:
اقولكم عن تجربتي

في المانع
بتقولوا كيف وهي بكريه

الله يسلمكم انا تزوجت وانا ادرس
وزوجي كمان كان يدرس

فسوينا مانع لمدة ثلاث سنوات

والحمد لله لما تركت المانع كم شهر وحملت


والمانع طبعا من الزوج
حتى ما يأثر على
والحبوب واللولب
مهما كان لها مساوئ ومحاسن


لكن مو كبوت
لالالالا
صراحه كارهين هالطريقه

لكن يكون القذف برى >>>>>>شكلي بنطرد من المنتدى

رميثية:
هلا بكل بنات الرابطة,,,

ما شا الله سوالفكم واااااايد حلوة,,,

أم المهند بالنسبة لسؤالك عن حليب سميلاك ان جربته لولدي أول 4شهور بس ما ناسبه
كان يرجع وايد,,, ما أدري هو السبب في الحليب ولا لأنه كان عند مشكله في المعدة,,,
المهم اني بعدين غيرته ل كيكوز,,,

يعني ام المهند اقنعتيتي بحليب نان وانتي غيرتي>>>>> يا بنت يا بكاشة>>> على قولة اخوانا المصريين

بما انكم تتكلمون عن المانع بقولكم تجربتي الفاشلة معاه

انا بعد ماتزوجت حملت على طول من أول شهر,,, فحسيت اني ما ستانست وايد
حاولت اقنع زوجي بفكرة المانع ( لولب أو حبوب) فطبعا الحبيب رافض الفكرة
نهائيا ومصر على المنع الطبيعي ألا وهو بصوت واطي ( القذف الخارجي)>>> شكلي بنطرد معاج يا مسلمه
وبعد ما ولدت ما جتني الدورة بعد الأربعين ولما سألت الدكتورة قالت مع الرضاعة ما تجي الدورة
وطبعا مو كل الحريم تصير معاهم بس انا حظي كان حلو وطبعا ما يصير حما في هالحالة,,,

بعد ما كمل ولدي 7 شهور جتني الدورة ولأول مرة بعد الولادة فبدينا أنا وزوجي نهتم بالمنع أكثر
ولما كمل ولدي 10 شهور حملت وكانت الصدمة لي ولزوجي,,, بس كيف استوى الحمل ما ندري بقدرة قادر سبحان الله,,,

الحين زوجي مصر اني أركب لولب بس انا خايفة تجيني الدورة بعد الولادة ما يصيرلي مثل ما صار
بحملي السابق,,,

وان شا الله هالمرة بنباعد أكثر من سنتين إلى 3 سنوات أو أكثر بعد,,,

على قولة زوجي ولد وبنت يكفونا ما نبغي عيال وايد نبغي نستانس مع بعض أكثر,,,

وبيني وبينكم حمالي مب سهل طول فترة الوحام يومين في ابيت ويومين في المستشفى
وحالتي صعبة,,, بس الحمدلله تعدي المرحلة على خير,,

رور:
مرحبا بالحوامل انا جديدة معاكم بشات حوامل يوليو بس ممكن اسال ايش الى بتاخذوة معكم وقت الولادة يعنى ملابس البيبى و الام ؟

أم المهند:
ههههههههههههههه الله يخس سوالفش يا أم فجورة


بجاوب أولا على سؤالش حب الرشاد هي الحبة الحمرا بالعماني أيوه .. وهذي مفيدة وااااجد عن تقولي ما خبرتش خخخخخخخخخ .. كثري منها

بالنسبة للولب أنا قريت الفتوى كذا .. إن أوين حرام الإطلاع على عورة النساء ولو من مرأة لمرأة .. والله تعالى أعلم

بالنسبة للمشي من نهايات السابع أشوفه أحسن وهذا اللي سويته مع المهند ، وحال موه يمشيش زوجش في الحارة عسب يعيننش الحريم واموه خخخخخخخخ

أم المهند:
صباح الخير سوسو مو حالها شهودة عساها طيبة

تو أنا أبغى أعرف الكورن فليكس يشربوه ؟؟؟ :think: :think: أول مرة :eek2: أحيدة يتاكل خخخخخخخخ شكلش ملخبطة :dd: :dd:

لا يكون تقصدي هورلكس مع الحليب وداير راسش :bigsmile:

فديتش كم زاد وزنش من حملتي لين الحين:cool2:

رور:
مرحبا بالحوامل انا جديدة معاكم بشات حوامل يوليو بس ممكن اسال ايش الى بتاخذوة معكم وقت الولادة يعنى ملابس البيبى و الام ؟