حوامل شهر يوليو 2007

أحلى شهد:
هههههههههههه حلوه هذي الولاده أخف من حف الشنب هههههه


صدق الولاده حلوه واللي شفته بولادتي بعلاوي ولاده سهله بس الطلق هو اللي ذبحني


ولكن لحظه الولاده متعه كبيره بصراحه وهو يطلع من الرحم تحسي بأحساس مريح


وفعلا كلامك يا أم المهند مو على طول المستشفى لان البهدله هناك ببلاش :angry:


اني أستمر معاي الطلق من الفجر لين يوم ثاني منتصف الليل


بس رحت المستشفى مابين صلاه المغرب والعشاء يعني أستحملت الالم من الفجر


لين بعد المغرب ولما رحت كان مفتوح 1 سانتي بسسسسسس :sad: وبقيت لين


الساعه 2 منتصف الليل وولدت بعلاوي حبيبي :clap:

أحلى شهد:
هههههههههههه صدق هم مساكين ومايقصروا عيالنا بس اللي عندي غير عن ولدش يا أم المهند



يمكن المهند بيسمع كلامج بس علاوي فديته لما أطرشه البراد مع عيال عمه أعطيه دينار


تقريبا ريال عماني وأقوله خذ لي جالكسي والباقي خذ اللي تبيه



أتصدقين يجي وعنده كيس أكله بس بروحه ومو معبرني أبد :angry:



ياخذ اللي نفسه فيه وماياخذ لي الجلكسي :sad:




فكيف أعطيه خمسه دنانير واقوله خذ كيس حفاظ






أكيد بيرد لي وهو مليااااااااااااااااان بيض كندر سبرايز و شوكليت وعصير ووووالخ :angry:

أحلى شهد:
أتصدقين يا أم المهند


من بعد ولادتي بعلاوي مافكرت أستخذم اي مانع الا مانع الطبيعي من جهه الزوج نفسه


وما شاء الله قدر يتحكم بنفسه وماعودته إلا على هالطريقه بسسس


وقدرنا نحقق اللي نبيه والحمد لله وكانت فكرتنا انه حنا نترك المانع أول ما يكمل الولد



سنتين لكن ماتركناه بعد السنتين بسبب علاوي كان مريض ويحتاج علاج على طول أول



مايكمل ثلاث سنين عشان يقدر يستحمل العمليه على قوله الدكاتره والحمد لله أول ما سافرنا


به و عملنا له العمليه بفضل رب العالمين صار أحسن عن قبل بكثييييير ومنها ارتاح بالي كثير


وحملت بعد ثلاثه أشهر من أول ماكمل علي ثلاث سنين




الحمد لله ربنا ما يعمل شي لعبده إلا وفيه الصلاح :clap: يعني لو كنت حملت بوقت اللي



كان فيه ولدي مريض ما فرحت بحملي ولا قدرت أسافر بولدي للعلاج



وأعيد وأكرر وأشكر ربي كل يوم كل ساعه أنه وفق لي دربي وشافى ولدي وحقق حلمي

الحمد لله الحمد لله الحمد لله لك يارب

اليوم كلش كسلانات

أم فجورة دخلت وما ردت ( هود هود )

بسالكم بنات متى قررتوا تمشوا .. بالذات للي دشوا السابع خلاص

أنا يا حليلي لسه بدري ع السابع ..

وأريد أعرف من الأمهات الخبيرات اللي جربوا حليب الأطفال الصناعي ( سيميلاك ) يسوي غازات لأني بالمهند عطيته نان وكان يعاني تقريبا من الغازات .. وفي أكثر من مقال قريت إن سيميلاك زين بس ما أعرف شو يقصدوا بكلمة زين .. أفيدوني

أم فجورة صحيح كلامك نزلت فتوى بتحريم وضع اللولب من باب ( حرام الإطلاع على عورة المرأة )

الله يغفر لنا زلتنا آميين ( كنت في حكم الجاهلة ساعتها ) والله يتقبل مني يا رب

لكن ما أعرف أحسش محاتية موضوع الحمل الثاني واااجد .. أقول بنت الحلال لا تفكري بالموضوع تراه فعلا بعدين بيصير حمل ..

UMABDULRAHMAN:
[grade="00BFFF 4169E1 0000FF"]بنات حبيت اسألكم هالاسئلة عشان نستفيد من شوية العادات اللي عندكم:

بعد الولادة طبعا:

1.ووين المكان اللي راح تقيمين فيه بيتك /بيت اهل زوجك/بيت اهلك؟

إن شاء الله 40 يوم بالتمام بكون في بيت الوالدة ربي يحفظها ما راح تقصر معاي وإن كان عمتي أم زوجي فديتها تحايلني أكون عندها وأعرفها ما تقصر بس الأكيد إن راحتي عند أمي وخواتي

2. شو اللي راح تستخدميه عشان تردي الكروشة شوي مكانها " هذا اذا ردت زين"؟؟؟

والله صح كلامش هي ما راح بترد 100% مكانها بس نحاول ، بس سمعت إن شرب الشاي الأخضريوميا 4 مرات باليوم بدون أي إضافات يساهم ولو شوية ، وعندك بعد منقوع الكمون مع الليمون بس بالإستمرااااااار كله . والرضاعة الطبيعية تساهم بعد والطريقة إنك تشفطين بطنك للداخل في عملية الشهيق والزفير ..

3. شو اللي راح تعتمديه كغسول للمكان الحساس وهل هو مجرب ؟؟

للنظافة : الزعتر في ماي حار + الملح والماي الحار في أوقات معينة وغسول سيباميد للأماكن الحساسة كل ما أدش الحمام الله يعزك ، وللتضييق : مريمية مطحونة في غرشة ماي صحة

4. شو اللي راح تعتمديه عشان تضيقين مكان الرحم بعد الولادة ؟؟

عندي كم خلطة من النت غير المريمية اللي كتبتها فوق بتبع أسهل وحدة فيهم

5. في يوم معين تستقبلي فيه الضيوف والا مثلنا بعمان كل يوم وكل وقت عد الظهر وقت القيلولة وساعات الليل المتأخرة؟؟

الصبح من بعد الساعة 9 والعصر من بعد الصلاة إليييين وقت صلاة العشاء ( ما في وقت معين ) يعتمد ع التصنيفة خخخخخخ

6. في اكل معين ينعمل لك " كوالدة جديد" عشان تتقوين فيه ؟؟ شو هو ؟؟

أوهوووووه واااايد أشياء والأهم هو ( الخنفروش ) اللي هو عبارة عن طحين وماي وملح وينضاف له الثوم ويؤكل مع السمن والعسل أو الدبس + شوربة الشعير فيها حب الرشاد أو الحلبة + شوربة الدجاج ( سوب ) مع الثوم أكثر شي عشان الوسخ يطلع هاي أهم الوجبات من غير الأشياء الثانية العادية


في انتظار ردودكم...
[/grade]

حبيبتي ام المهند فديتك وفديت سوالفك
اللي ما تخلينا نقوم من ع الكرسي
****

ما اعرف احس الموقع صار يفتح ببطئ عندي
وتــــــــــــــــــــعبني شوي

****

احلى شهد
تروحوا وتردوا بالسلامة
عاد ما تردي الا وانتي منزلة صور لاغراض الغنونة

***

شريفة حبيبتي
يــــــــــــــــــــا بختكم ابوي بالجـــــــــــــــــــــو
ما نحن ما شاء الله حر
رسلولنا شوي من عندكم كمين غيمة
وحبتين مطر
نبرد على عمرنا
بدل المكيفات
وان شاء الله ما يصير لزوجك غير اللي خاطرك انتي فيه
والله يسعدكم
****
مسلمة وافتخر
طمنينا على سعد
في الموعد القادم
وبعد عليج لا تزعلين
***
الشروق
لا تخافي
ومثل ما قالت ام المهند
هذا البيبي يكبر
ويتحرك
بس لو لاحظتي
لما تكوني جالسة
الحركة تحت اكثر الاوقات او بالجوانب
لما تنامي ع جنب
فالحركة تكون ع الجانب اللي انتي نايمة عليه
ولما توقفي وتطولي
تلاحظين نفسك تعبتي
والبيبي يشد او يضغط ع مكان معين
في البطن
****
سونيا
هلا فيج
فرحانه انك بتولدي بنهاية 6
ماما يوم تدخلي التاسع
تعالي من اول يوم عندنا


صح سألتني عن عمري


ما بقولك


سر
سمحيلي
***
الى اللقاء مع جديدكم غـــــــدا
الله يعنن الرميثية
بتقرأ واجد
***

انا زوجي ينتظر متى ابدى امشي
وانا اقوله بنهاية الثامن
يقول بوديك كل مرة مكان مرة البحر ومرة حلتنا ندور فيها


ففديتك ام المهند
ويش هو الوقت المناسب
للمشي



***

لا ام المهند
تحريمه مو من باب الاطلاع ع عورة المرأة
بس يقولوا انه يسمح بدخول الحيوان المنوي للبيويضة
بعدين عاد يقوم بعلمية الاعدام
يعني ما من اول شئ يمنع لا لا لا
خلاف يقوم بشغله

ام المهند
شو هو حبة الرشاد
هل هي حبة الحمراء الصغيرة
بالعماني
والا....

ههههههههههههههه الله يخس سوالفش يا أم فجورة


بجاوب أولا على سؤالش حب الرشاد هي الحبة الحمرا بالعماني أيوه .. وهذي مفيدة وااااجد عن تقولي ما خبرتش خخخخخخخخخ .. كثري منها

بالنسبة للولب أنا قريت الفتوى كذا .. إن أوين حرام الإطلاع على عورة النساء ولو من مرأة لمرأة .. والله تعالى أعلم

بالنسبة للمشي من نهايات السابع أشوفه أحسن وهذا اللي سويته مع المهند ، وحال موه يمشيش زوجش في الحارة عسب يعيننش الحريم واموه خخخخخخخخ

يالله بنات بشوفكن على خير بإذنه تعالى باكر دوامي خلص ولله الحمد ..

أحلى شي إن هالأسبوع مر بسرعة والأحلى إن أسابيعنا بعد تمر بسرعة

الله يعطيكم العافية وسلامي للي بيدشوا عقب كذا ..

مع السلامة

مراحب لاحلى حوامل

كيفكم شو اخباركم

وما شاء الله عليكم بديتو تجهيزات وناس خلصو

وانة للحين ما بديت ( غير كم شغلة امي شرتهم لي )

والحين خفت من قلتو انة الوحدة تتجهز للولادة من تدش التاسع

وانة على بالي مطولة

ماادري ليش اتوقع اني اطوف الموعد الي عطوني اياة :gum:

ان شاء الله الشهر الجاي ببتدي اجهز

بس ان شاء الله اعرف جنس البيبي هالمرة ( مع اني اتوقع انها بنوتة )

كلة جالسة لي تحت تذبحني لي ترزحت تحت ....

شهودة موعدي بعد اسبوعين ان شاء الله

قبل لا انسى يا نسوان

تراني انسى اشرب الحبوب يعني يوم اشرب يومين لا

اخاف ياثر علي .. شرايكم..


يلة مع السلامة

مراحب حبايبي


كيفكم
وكيف الحمل معاكم



ام المهند
والله زوجي ما ادري وين جايب الحكي هذا منه

بس اللي حابه اسال عنه
ان في بعض الاحيان الطفل ما يشرب حليب كويس
ولما يتحسسوا راسه (النافوخ)
يكون داخل
ولما يتحسسوا لهاته تكون نازله
فيقولوا يبيله ترفيع
وهذا يساعده على الرضاعه

هل احد عنده فكره عن هذا الشيء



*******************

احلى شهد
هلا بك حبيبتي في السعوديه
وانا اقول السعوديه منوره


***********************

ام عبد الرحمن كيفك حبيبتي
وكيف فجوره

وسوالفك تجنن

*********

شريفه
كيفك حبيبتي
وكيف الحمل
وخبرينا عن الشهر السابع والتغيرات اللي تصير فيه


***********************

الشروق
حبيبتي طلتك قليله
وش اخبار صديق وليدي ؟؟

****************************

كربلاء
هلا بك
حبيبتي حافظي على الحبوب
حتى اذا كان اكلك مو زين
فهي بتكون بدل الاكل
وعن تجربه
حطي لك تنبيه على الجوال
وحطي تكرار
الى وقت الولاده
ان شاء الله ما تنسي

اقولكم عن تجربتي

في المانع
بتقولوا كيف وهي بكريه

الله يسلمكم انا تزوجت وانا ادرس
وزوجي كمان كان يدرس

فسوينا مانع لمدة ثلاث سنوات

والحمد لله لما تركت المانع كم شهر وحملت


والمانع طبعا من الزوج
حتى ما يأثر على
والحبوب واللولب
مهما كان لها مساوئ ومحاسن


لكن مو كبوت
لالالالا
صراحه كارهين هالطريقه

لكن يكون القذف برى >>>>>>شكلي بنطرد من المنتدى

هلا بكل بنات الرابطة,,,

ما شا الله سوالفكم واااااايد حلوة,,,

أم المهند بالنسبة لسؤالك عن حليب سميلاك ان جربته لولدي أول 4شهور بس ما ناسبه
كان يرجع وايد,,, ما أدري هو السبب في الحليب ولا لأنه كان عند مشكله في المعدة,,,
المهم اني بعدين غيرته ل كيكوز,,,

يعني ام المهند اقنعتيتي بحليب نان وانتي غيرتي>>>>> يا بنت يا بكاشة>>> على قولة اخوانا المصريين

بما انكم تتكلمون عن المانع بقولكم تجربتي الفاشلة معاه

انا بعد ماتزوجت حملت على طول من أول شهر,,, فحسيت اني ما ستانست وايد
حاولت اقنع زوجي بفكرة المانع ( لولب أو حبوب) فطبعا الحبيب رافض الفكرة
نهائيا ومصر على المنع الطبيعي ألا وهو بصوت واطي ( القذف الخارجي)>>> شكلي بنطرد معاج يا مسلمه
وبعد ما ولدت ما جتني الدورة بعد الأربعين ولما سألت الدكتورة قالت مع الرضاعة ما تجي الدورة
وطبعا مو كل الحريم تصير معاهم بس انا حظي كان حلو وطبعا ما يصير حما في هالحالة,,,

بعد ما كمل ولدي 7 شهور جتني الدورة ولأول مرة بعد الولادة فبدينا أنا وزوجي نهتم بالمنع أكثر
ولما كمل ولدي 10 شهور حملت وكانت الصدمة لي ولزوجي,,, بس كيف استوى الحمل ما ندري بقدرة قادر سبحان الله,,,

الحين زوجي مصر اني أركب لولب بس انا خايفة تجيني الدورة بعد الولادة ما يصيرلي مثل ما صار
بحملي السابق,,,

وان شا الله هالمرة بنباعد أكثر من سنتين إلى 3 سنوات أو أكثر بعد,,,

على قولة زوجي ولد وبنت يكفونا ما نبغي عيال وايد نبغي نستانس مع بعض أكثر,,,

وبيني وبينكم حمالي مب سهل طول فترة الوحام يومين في ابيت ويومين في المستشفى
وحالتي صعبة,,, بس الحمدلله تعدي المرحلة على خير,,

أم المهند:
ههههههههههههههههههه فديتك يا شهودة يالسة أواسي البكريات الله يطلعهم بالسلامة .. بس بجد بجد أنا أشوف كذا .. لأن عملية الولادة كولادة غير مؤلمة ذاك الزود بس الألم العود في المخاض ربنا يعديه بسلامة قولي آمييين ..


بالنسبة لي في المهند نفس الشي طلقي كان بارد وولادتي كانت سهلة ولله الحمد وعسى يا رب في مودي نفس الشي ..

ما شاء الله يا أم المهند طلق الولد دوم يكون حار


والله علاوي ذبحني بطلقه ذباااااح كان طلق حار حار


والحمد لله كانت ولادتي سهله وهذا اللي اتمناه لحملي هالمره الولاده السهله


والله يبلغنا جميعا بالولادات الميسره ويهون علينا الطلق

أم المهند:
ههههههههههههههههه يا عيني عليه اله يحفظه لك يا رب .. بس هالله هالله عليه من الحلويات تراه مو زين له إنتبهي .. ما بتصدقين إذا قلت لك بأن المهند ما يحب شي إسمه حلويات .. ممكن كوفي كاكاو مع حليب بس الشغلات الثانية لاااااا .. وهذا طبعا لأني عودته ومنعته منها .. وتعرفي كثرتها تسد شهيتهم يا قلبي ..

على فكرة حتى المهند يحب كيندر سيبرايس بس تدرين ليش عشان الألعاب اللي فيها ههههههههههههه .. حتى بعض الأحيان يرمي الحلاوة في الزبالة برغم إنه فيها حليب وكاكاو يعني مغذية للطفل ..

الله يحفظهم جميعا يا رب

أي والله يا أختي اللي أشوفه ان علاوي أكله كله شوكليت وكاكاو وأكل مخربط


والاكل الصحي ما يتقبله بالمره بس والله اني ماعودته على هالشي


لكن تعرفي الجهال لما يجتمعوا وياكلوا من هالأكلات الشينه فيتعود عليها :angry:


وسالفه كندر سيبرايس هذي حاله خاصه ههههه بشكل يومي لازم ياخذها :sad:

أم المهند:
الله يفرجها عليكم يا رب ونلتقي من جديد في رابطة غيرها بعد سنتين وشوية ههههههههههههههه ..

قدمي اللي فيه الخير وعسى الظروف تتعدل وتستقروا عدل ..

الله يسمع منك ياقلبي


وعلى قولت خواتنا المصرييين



من بؤك لباب السما يارب

أم المهند:
وصباحك بالخير يالغالية .. أشوف إنك موجود الصبح وانا أقول أتاريك مروحة للسعودية ..

يا حظك وهناك .. بس أهم شي لا تنسين تشترين شي للبيبي ههههههههه تراه ماشي سالفة غير هم فديتهم ..

الله يروحكم بالسلامة ويعودكم بالعافية آميين يا رب العالمين

وراح نشتاق لطلتك بس عاد تحملي الصفحات اللي بتفوتك أو الواجب الطويل على قولة أم سعود .

الله وياك

أي والله كنت موجوده الصبح وبالأصح مانمت البارحه ومن الصبح طلعنا بس ردينا من وقت وماتوفقت هالمره بالمشتريات بعكس المره اللي طافت يمكن لأني ما رحت مع زوجي أخذ
راحتي بالأماكن اللي أبيها وبس


والصفحات اللي فاتتني لا بأس بيها واني جالسه أحل الواجب :salam:


ولكن أحلى ما في الامر أني تمشيت اليوم لكن المشي الكثير متعب فكان من الافضل


أتمشى كل يوم قليل بس اليوم مشيت كفايه لمده أسبوعين هههههه