حوامل شهر يوليو 2007

أحلى شهد:
ما شاء الله حمليين متتالين الله يعينك بجد


ماقلتي لنا يالغاليه كم عمر ولدك حاليا وكم بيكون فارق السن بينه وبين أخته


أظن سنه ونصف تقريبا أذا اني مو غلطانه



والله يعينك عالحمل والوحام والتعب والله

هلا بأحلى شهودة,,,

الحمدلله شو أسوي,,

عمر ولدي محمد سنه و4 شهور وبيكون بينه وبين اخته علياء سنه و7 شهور,,

elsherog:
مرااااااااااااااااااااااااحي ياخواتي الحلواااااااااااااااااات
ازيكم وعاملين اااااااااااااااااايه (بالمصري)
اولا ثااااااااااااااانك يوووووووووو لكل الخوات اللي ردو علي من جد ارتحت والله يتمم علينــــــــــــــــــــــــــــــــــا يارب يسهل ولادتنا .........
وغير كذا حبيت اعلمك اسم البيبي انشالله اللي اتفقنا عليه (بـــــــــــــــــــــــــــــــدر) وش رايكم فيه؟؟؟؟؟؟؟؟؟؟؟؟؟؟؟؟؟
اختي مسلمه وافتخر تقولين طلتي قليله ........والله الحكي معكم ماينمل بس انا يجيني صدالع لما اطول على النت ................ودي اكون معكم على طول :)
وغير كذا وش سالفة المشي بالشهر السابع انا اعرف مايبدا المشي الا بالتاسع مش كذااااااا؟؟؟

هلا بالغالية شروق,,,

نحنا كوسين وانتي عامله اييييييييييييه,,,,

اسم بدر وااااااااااااااايد حلو ويتربى في عزكم ان شا الله,,,

ام المهند ,,, ام عبد الرحمن ,,, سونيا

صباح الورد ولو انها متأخرة,,,

وبالعافية عليكم الريوق,,,

حلو الواحد يداوم الصبح على الأقل ما تحسون بالملل ويمر يومكم بسرعة,,,

خاطري أشتغل ولا أروح أكمل دراستي,,,

انا اليوم بكتب وبرد على الردود اول باول
علشان اخلي الواجب ثقيل على ام المهند وعلى ام فجوره الاموره
هاهاهاهاهاي

انزين انزين وراكم وراكم :)

مشكوره ام فجوره على ترجمة السنتره لي
وهي الافندي او يوسف افندي
واقولكم بالعافيه عليكم

وسعود راح يصير مثل ماصار مع اخوج لما ياكم اصغر حفيد والله يستر :)

والله يبارك فيج ان شاء الله

دمتم سالمين
اختكم شريفة

مسلمة وافتخر الله يعينج
على ان دكتورتج اللي انتي متعوده عليها
غير موجوده وتأكدي اذا اجازتها راح تخلص بسرعه والا بعد تو الناس عليها
اذا مطوله
حاولي تشوفين دكتوره ثانيه علشان تستمر معاج لي وقت الولادة
والله يسهل امورج

دمتم سالمين
اختكم شريفة

الشروق
ياهلا وغلا
بالغاليه
وعاشت الاسامي اسم بدووري بدر والله اسم حلو
الله يهنيج فيه ويسعدج يارب وتشيلين مابين ايدينج وتشوفينه معرس ان شاء الله

وماتشوفين شر الظاهر الشاشة كثرة النظر فيها تعور عيونج سلامات يالغاليه



سونيا
شلونج وشخبارج
شلون الدراسة معاج بالتوفيق ان شاء الله
اقولج الحبة الحمراء الا وهي
الرشاد
تنحط بالاكل حبه لونها اسود تقريبا مع الماء والسوائل تنتفخ ويصير عليها مثل طبقة هلامية ويصير لون الحبه احمر


دمتم سالمين
اختكم شريفة

رميثية
يالله شدي حيلج وابدئي التجهيز
سواء حقج والا حق البيبي اهو كله تجهيزات ولويه والله يكون في عونج وعوني وعون الجميع

انا اليوم بنات والله القعده في البيت حلوه وانتوا تقولون ودكم تشتغلوون يالله سبحان الله
تصدقون يمكن لو اكون غير موظفه يمكن اشعر نفس شعوركم ولو انتوا موظفات هم قلتوا ياريت نقعد بالبيت نرتاح

انا اليوم حسيت انتي مرتاحه عن الازعاج والشغل والكراف بالدوام ومقابلة المراجعين واوامر المسؤولين وعن سياقة السيارة وعن الزحام والبحث عن باركنج موقف للسيارة الحمدلله على كل حااااال

دمتم سالمين
اختكم شريفة

UMABDULRAHMAN:

تعرفي ام المهند لا توصي حريص انا احب الحبة الحمرا واجد
اللي احاتيه الحلبة
هذيك ام ريحة
أعععععععععع
والمشكلة انه في اول الاسابيع تكثر امي وجدتي من الحلبة صبح ومغرب "توصية تراثية "
وعاد اذا تعبت منها يراوعنش " يريحوك " منها بالحبة الحمراء،،،
*****

اما عن المباعدة
امس جالسين نتذكر انا وزوجي يوم عرفت اني حامل
جلست اضربه واقوله ما اريد احمل توووووو وانك انت السبب لان
قلت له انت اللي كنت ما تريد لمدة سنتين
والله بس سوينا مباعدة طبيعية فجلست اربعة شهور بعد زواجنا الا عاد انا حامل
قلت له هالمرة بتمسك نفسك
عشان ما اريد احمل الا بعد ما تكبر فجر شوية
قاللي يسدنا وحدة بس خلاص عاد ما ترومي ما تشوفي عمرش تعبانة من الحمل
المسكين يراعيني
فديت عمره
بس الحمد لله احسن من غيري

*****

وبالنسبة للمشي زوجي مزهب عمره
ما يصدق متى اقوله خلى نروح نمشي
الاخ رياضي مرة
وبعدين اتطمني الحلة اللي نسكن فيها
هـــــــــــــادية
وبعدين نروح نمشي فيها من تسعة باليل وغادي
******

انا بعد مثلج يا ام فجوووووووووورة أحب الحبة الحمرة وااااااااايد واشربها دايما حامل ولا والدة
أحسها تنظف الرحم,,, اما عن الحلبة كانت ام زوجي تحطلي اياها في الحليب وما كنت أحس بطعمها
وكنت أحب آكل الرهش بالحلبة كانت تساعدني على ادرار الحليب,,,

والله انا بعد زوجي يباني أمشي من الحين,,,:sad:

بصراحة سوالفكم حلوة تسر الخاطر.. عاد انا ما ادري شو بشرب شو بسوي هاي كله من اختصاص الوالدة واخواتي الله يخليهم.. ماعندي فكرة خير شر عن هاي سوالف..انا خلصت تقريبا تجهيزات البيبي بس باقي التوزيعات هاي ببدا في الشهر الثامن وباقي تجهيزاتي هاي الي ماعرف عنها شي ..لاني بالغربة(رجعنا لسالفة الغربة) :gum: فانتظر لما ارد البلاد اجهز او يمكن اهلي بيجون هنا عشان يساعدوني
تسلمي شريفة على التوضيح

رميثية اختي
لاتشربين ولا تحطين بالاكل الحين رشاد تو الناس الا لما بعد الولادة ان شا ءالله


سونيا
الله يكون في عونج ان شاء الله ادري والله العظيم ادري البعد عن الاهل شي صعب صعب صعب والله يلم شملكم ان شاء الله ويجمعكم مع بعض بالخير خصوصا الوالدة الله يخليها لج ان شاءالله
يارب

انا عن نفسي اليوم بدأت بتغليف السكر الخاص للاستقبال ان شاءالله بالمستشفى بس التغليف الخارجي ياخذ وقت وان شاءالله لما افضى ازينه

واشتغل بالتوزيعات والله يساعدني يارب ويقدرني

انا الحين اعفيت عن ام المهند وعن ام فجوره
احس ان الواجب صار وايد ثقيل عليهم والله يكون في عونهم على حله

اخليكم الحين واشوفكم على خير


دمتم سالمين
اختكم شريفة

السلام عليكم


ماشاء الله الوحدة مايمديها تغيب الا الواجبات تجمعت عليها

لكن الكسالى يستاهلون ( انة اولهم )
بس قعدت بققت عيوني قريت كل الي طافني :eek:


شهد موعدي معاش بنفس التاريخ

بس الساعة كم بتروحين ؟؟؟؟ علشان اضبط روحي

وحملي معاش لافتة مكتوب عليها احلى شهد :gum: :cool2:

وبالنسبة للمشي انة وحدة ما افكر امشي الا في التاسع ( شفتو الخيابة )

مع انة وزني زاد واجد من بداية الحمل تقريبا 10 كيلو

مادري شلون بنزلهم بعد الولادة

وذكرتوني باكلات النفاس عندنا

الرشاد والحلبة والعصيد والمضروبة

شلون بضعف؟؟؟؟؟؟؟؟:sad:

الا وزني بزيد الضعف في الاربعين من هالاكلات (r)

الله يستر

مع السلامة

أم المهند,,,,

غريبة ليش يمنعون جلبيات البيت؟؟؟:qaq: :qaq:

ما أحب أغراض المستشفى أحب يكون كل شي من عندي,,,

حتى انا أفكر بس أقعد يوم واحد في المستشفى,,, بقعد أحاتي ولدي,,, ولا شو رايج:sad:

المشكلة نحن عندنا في المستشفى الغرف الخاصة بفلوس تدفعين 5000 درهم تأمين
وكل يوم ب 1500 بس شو غرف كأنج في قصر أو سويت ملكي يعني للفخفخة,,:shy: :shy:
بس في الغرف العادية اللي بدون فلوس,,, بعد زينه تمشي الحال,,,

يصير خير لين ذاك الوقت,,, الله يسهل علينا الولادة,,,

هلا بالغالية شريفة,,

شخبارج وشخبار البيبي,,,
وزن البيبي لحد الحين 930 جرام
وزني انا زاد 5 كيلو

قالت المفروض الحين وزن البيبي 1000 جرام وشويه بس انتي مو ناقص وايد عن الطبيعي وان شاء الله المره الياية وزنه يصير احسن قلت لها ان شاء الله

انا أشوف وزنه زين لأنه الدكتورة شرحتلي انه من السابع وطالع يبدا يزيد وزنه كل شهر نص
كيلو وفي التاسع كيلو واحد وقالتلي الدكتورة انه كل ما زاد وزنه كل ما تعبتي في الولادة
فأفضل وزن ما بين كيلوين ونص و3 كيلو
ام فجوره ترى التمر ممتاز 7 تمرات باليوم والله عليج بالف عافيه واستمري عليها تحفظج من كل شر ان شاء الله وتسهل عليج ولادتج والله
انا ناويه ابدأ اكل تمر خلاص يالله يمكن من باجر او من اليوم

والله صحيح كلامج,,, وانا وايد مقصرة من هالناحية ما آكل تمر مول


وعن الحليب سيميلاك انا سعود سوى له امساك وغازات
فخليته على نان 1 ونان2 بعد ست شهور وان شاء الله بجربه هالمره بعد

تصدقين بديت أتشجع وايد على نان معظم الأمهات يستخدمونه

sounya:
بصراحة سوالفكم حلوة تسر الخاطر.. عاد انا ما ادري شو بشرب شو بسوي هاي كله من اختصاص الوالدة واخواتي الله يخليهم.. ماعندي فكرة خير شر عن هاي سوالف..انا خلصت تقريبا تجهيزات البيبي بس باقي التوزيعات هاي ببدا في الشهر الثامن وباقي تجهيزاتي هاي الي ماعرف عنها شي ..لاني بالغربة(رجعنا لسالفة الغربة) :gum: فانتظر لما ارد البلاد اجهز او يمكن اهلي بيجون هنا عشان يساعدوني
تسلمي شريفة على التوضيح

ما شا الله عليج خلصتي كل شي وما شفنا شي,,,:clap:
انزين صوري لنا خلينا انشوف شو شريتي,,,

انزين حبيبتي انا بساعدج على التجهيزات ما تعرفين عنها شي,,,

بما انج في دبي,,, بساعدج بللي أقدر عليه

إلا ما قلتيلي انتي وين تدرسين في دبي بما انج من عمان؟؟؟؟؟؟

الحمدلله خلصت الواجب اللي علي,,,

بااااااااااااااااااااااااااااااااااي

رميثية:
ما شا الله عليج خلصتي كل شي وما شفنا شي,,,:clap:
انزين صوري لنا خلينا انشوف شو شريتي,,,

انزين حبيبتي انا بساعدج على التجهيزات ما تعرفين عنها شي,,,

بما انج في دبي,,, بساعدج بللي أقدر عليه

إلا ما قلتيلي انتي وين تدرسين في دبي بما انج من عمان؟؟؟؟؟؟

هلا عزيزتي ..بصراحة متكاسلة اصور واصغر اصور وانزلهم بس ان شاء الله على شهر الياي بفضى وبنزل ان شاء الله.. عزيزتي اذا بامكانج تفيدني اماكن ومحلات حق تجهيز اغراضي وتوزيعات وانا بلف باخذ افكار منهم وماقصرتي يالغالية..انا عزيزتي ادرس بالشارجة :)

SHREEFA:
السلام عليكم


وعليكم السلام ورحمه الله وبركاته





بنات شلونكم



الحمد لله نحن بخير أنتي شخبارج


الله يساااااااااامحكم على الواجب الطويل آآآآآآآآآآه
الله يعطيكم العافيه



الله يعافيش أختي وهذا الواجب الالزامي



اليوم انا قلت ماني رايحه الدوام وبقعد مع اخواتي العمانيات علشان مايطوفني شي
والله تعبانه شويه وريولي تورم علي من كثر القعدة بالمكتب وظهري يعورني قلت باخذ مرضية يومين اليوم وباجر والله يسلمكم الخميس عرس حماتي ان شاءالله
ويبيلها السالفة لوووويه وتعب شويه قلت خل اريح قبل العرس وراي صالون ولبس ومكياج ووقفه بالعرس الله يكون بالعون ان شاء الله

أهم شي الراحه يا أختي وعليج بألف عافيه بالأجازات وغيرها وماتشوفين شر وهذي حالي رجولي متورمه من جلسه البيت


وباركي لحماتج وعساكم دووم بأفراح والله ذكرتيني بأفراحنا الاسبوع اللي طاف


كنت بين يمين وشمال الشعر صالون والمكياج صالون غير والمنكير والبدكير صالون أخر


ووووووو كل شي بمكان هذا غير التصوير والـ ........الخ




بنات اول شي بسألكم يا ام المهند ويا ام فجوووره
شنو اللي تشربونه وتاكلونه اسمه
(سنتره ) و ( غسره )


السنتره أعتقد السنطره خخخخخ اليوسفي بس الغسره مو عارفتها

شنو هذا ....؟؟؟ ابي اعرف ما اعرفه

وبخصوص الاكل للولاده يا ام المهند ترى الحلبة مفيده تقويج عقب التعب والطلق وترم العظم بعد الثقل تسع شهور وتقوي الظهر
ريحتها اااااااااااااااااااااااه على ريحتها استغفر الله كل ادويه الولادة ريحتهم استغفر الله مو حوله وتعلق فيج حتى لو تطلعين من الحمام عزكم الله تلقين الريحه لاصقة فيج ما تروح واذا رضعتي البيبي تشمين الريحه فيه وحتى براسها تشمينها بس ميخالف كلها جم يوم بس فتره وتعدي
اهم شي صحتج وتصيرين قويه تالي احم احم


يالله هالمره شكلنا بنجرب الحلبه والله يستر عالريحه






والرشاد مطلوب يطلع الهوى اللي بالرحم كله وينظف تنظيم مو طبيعي شدوا حيلكم ولا تقولوون ويع ما ويع
واكلوووا
طالع منو يتكلم احم احم احنا عندنا شي اسمه حسووو ماحبه ما حبه ماحبه وفيه ادويه كثيره كثيره اييج لونه اسود او بني غامج استغفر الله لالالالالالالالالالالالالالالالالالالالالالالالالالالالالالالالالالالالالالا والف لالالالالالالالالالالالالالالالالالالالالالالالالالالالالالالالالالالالالالالا للحسو
بس اضطر اضطر من كثر ما امي على راسي اني اكل منه لو جم ملعقة باليوم
وتلقيني جبدي لايعة وكل شوي ابي اروح الحمام ابي استفرغ استغفر الله





ليش ماتحبين الحسو ((( الرشوف ))) والمصريين يسمونها ((( الموغات ))) عن نفسي أحبه واتقبله




وبخصوص المشي بنات تو الناس لا تمشون بالسابع ترى متعب المشي الحين وخطر احتمال يصير ولادة مبكره معاكم نطروا لي اواخر الشهر الثامن والله يسهل




يالله نسمع كلامج ونمشي بنهايه الثامن



بالكويت فاتحين عندنا مركز تجاري كبييييييييييييييييييييير مثل الامارات مول وابن بطوطه باللي بالامارات بس على اكبر بكثير فيه 350 محل تجاري بالاضافة الى ايكيا وكارفور اول مره يفتحون عندنا كارفور بالكويت رحت ذاك اليوم
بقيت اوولد والله تعبت تعب شديد وحسيت بتقلصات وحسيت كانه شي راح يطلع من تحت
بس والله مشيت فيه شويه حتى مادخلت الا يمكن 12 محل بس بقى لي 338 محل هاهاهاهاهاهاي
ومارحت كارفووووور ابي اروح له لاني احبه بالامارات كله اروح له يونس


نفس حالي بالأمس كنت بالسعوديه ومن كثر المشي تعبت على الرغم أني ما مشيت كثير

بس الثقل يتعب كثييير والله يعينا على الايام اللي جايه زياده ثقل وتعب أكثر


وبخصوص تجهيزات المستشفى
بنات اهم شي ملابس للبيبي
انا احط لي اكياس صغار واحط في كل كيس غيار كامل من الملابس الداخليه والافورول واللفه والقبعه واحطهم في الكيس واول ما ينولد البيبي تعطينهم واحد ومن باجر تعطينهم الثاني ويوم الخروج تعطينهم الثالث يبدلونه ويغسلونه ويعطونج اياه
يعني يكفي ثلاث غيارات لان ان شا ءالله اذا ولاده طبيعية يومين وانتي طالعه بالسلامة
ولج
قميص حلو ناعم حرير
قميص قطن او بيجامه للنوم
ملابس داخليه قطنيه وشي خاص للرضاعة
وروب ونعال مصنوعة من الخام والقطن الخاصة بالسيراميك
وشامبو وكريماتج الخاصة فيج


ما قصرتي أم سعود وعطيتيني فكره الاكياس



والله يهون علينا ويسهل عليينا يااااااااااااااااارب بطني قام يعورني تذكرت الولادة الظاهر

الحمدلله توني متريقة (متفطره) كليت بيضة مقليه مع خبزة مع عصير برتقال

وبخصوص موعدي القادم يا ام المهند قبلج لاني دكتورتي ماعندها دوام يوم 5-5-2007 خلت موعدي 29-4-2007
يعني اكون اول يوم بالثامن والله يتمم بالخير يارب

احلى شهودة حبوب
الحديد دايما ثقيلة على المعده انا تعطيني حبوب حديد اسمهم فروز على طعم الشوكولاته بس بعد ثقيله
والله يكون في عوننا
والله اكل حبوب شكثر حبة بيبي اسبرين تسوي سيوله بالدم مادري لي متى
حبة حديد
حبة كالسيوم
حبة فيتامينات



والله صرت ما أتقبل أي دوا مش شرط حديد
حتى الاكل المفيد والصحي قامت المعده ماتتقبله
يعني قبل كنت أشرب الحليب الحين ما اقدر ونفس السالفه للخضار الورقيه
والكبده والسمك وعصير البرتقال كل هذا الحين ما اقدر أتقبله


وزن البيبي لحد الحين 930 جرام
وزني انا زاد 5 كيلو

قالت المفروض الحين وزن البيبي 1000 جرام وشويه بس انتي مو ناقص وايد عن الطبيعي وان شاء الله المره الياية وزنه يصير احسن قلت لها ان شاء الله

ام فجوره ترى التمر ممتاز 7 تمرات باليوم والله عليج بالف عافيه واستمري عليها تحفظج من كل شر ان شاء الله وتسهل عليج ولادتج والله
انا ناويه ابدأ اكل تمر خلاص يالله يمكن من باجر او من اليوم

انا سعود الله يسلمكم صاير كئيب ويغار ويبجي وايد
ادري انا ملاحظه كل ماقلت له عن البيبي تأزم الصبي
بس الحين ساكته عنه قلت بعد بقى شهرين خليني الحين باخر اللحظات بكلمه بس بين فتره وفتره اقص له قصته اهو يوم كان في بطني واوريه صوره يوم اهو صغير ولقطات الفيديو الخاصة بلحظات ولادته واول ماطلع من بطني كله دم وقاعدين يسبحونه وينظفونه مصورته اختي
يستانس انا بيبي انا عنونو انا مريض في الطبيب
اقوله عنونو انت كتكوووتي ولازم اعطيه وحده اكو بيبي ثاني مني مثلك انت اسمها نووور
يفكر ويسرح بس يالله


بيييييييييييييه ليش كذا ترى نفس حال علي ولدي صاير كثير البكاء ويغااااار بعد
وكأنش تتكلمين عن نفسي والله دوم أقص عليه سوالفه يوم هو صغير وأوريه صوره
ويفرح كثير لكن بالمقابل صار غيووووور ودوم البكاء



بس تدرون عندي احساس راح يرجع ويشرب مميه حليب وراح يمكن بعض مصاصة ويمكن بعد يطلب اللفة المهاد وينام يم البيبي هاهاهاهاهاهاي
والله احساس قوي الله يكون في عوني

امممم بعد شنو كنت بقووول نسيت
اي اي اي بخصوص البصفار اللي يحوش اليهال انا حاش سعود بس بشي قوي فاضطريت يدخلونه المستشفى والله مدة اسبوع حطوه تحت الجهاز
بس ان شاءالله ناويه يا ام المهند مثل ماقلتي على مسؤوليتي وان شاءالله الله مايعيد السالفه نفسها بس سكر نبات واعرض البيبي لاشعة الشمس وان شاء الله ماكو الا العافيه ياربي

وعن الحليب سيميلاك انا سعود سوى له امساك وغازات
فخليته على نان 1 ونان2 بعد ست شهور وان شاء الله بجربه هالمره بعد

اليوم تكلمت وايد وهذا كله من كثر الواجب اللي حطيتوه على عاتقي
بس ماراح اخليكم وراكم وراكم والزمن طويل هاهاهاهاي

اشوفكم على خير
باذن الله وفي الختام سلام

دمتم سالمين
اختكم شريفة

مسلمه


كيف حال صغيرنا معرسنا



والوزن عندش نفس حالي 5 كيلو تقريبا زدت


بس هالدكتوره متعايزه شكلها تبي تتفرغ بأسرع وقت وتصفى الحوامل

رميثية:
هلا بأحلى شهودة,,,

الحمدلله شو أسوي,,

عمر ولدي محمد سنه و4 شهور وبيكون بينه وبين اخته علياء سنه و7 شهور,,

الله يخليهم لج يارب ويتربون بعزكم


بالرغم اني ما افضل الحمل المتتالي الا إن خواتي يفضلون ان يكونون الاطفال اعمارهم متقاربه


عشان يقولوا التربيه مره وحده بس أحس أن الوحده ماتفضى لعمرهاا ولا لزوجها أو بيتها

sounya:
بصراحة سوالفكم حلوة تسر الخاطر.. عاد انا ما ادري شو بشرب شو بسوي هاي كله من اختصاص الوالدة واخواتي الله يخليهم.. ماعندي فكرة خير شر عن هاي سوالف..انا خلصت تقريبا تجهيزات البيبي بس باقي التوزيعات هاي ببدا في الشهر الثامن وباقي تجهيزاتي هاي الي ماعرف عنها شي ..لاني بالغربة(رجعنا لسالفة الغربة) :gum: فانتظر لما ارد البلاد اجهز او يمكن اهلي بيجون هنا عشان يساعدوني
تسلمي شريفة على التوضيح

أي والله سوالف البنات ما تنمل أبدا وتسر الخاطر


والله يردش لبلدكم يارب سالما ولو انها كلها نص ساعه