حوامل شهر يوليو 2007

SHREEFA:
رميثية اختي
لاتشربين ولا تحطين بالاكل الحين رشاد تو الناس الا لما بعد الولادة ان شا ءالله


سونيا
الله يكون في عونج ان شاء الله ادري والله العظيم ادري البعد عن الاهل شي صعب صعب صعب والله يلم شملكم ان شاء الله ويجمعكم مع بعض بالخير خصوصا الوالدة الله يخليها لج ان شاءالله
يارب

انا عن نفسي اليوم بدأت بتغليف السكر الخاص للاستقبال ان شاءالله بالمستشفى بس التغليف الخارجي ياخذ وقت وان شاءالله لما افضى ازينه

واشتغل بالتوزيعات والله يساعدني يارب ويقدرني

انا الحين اعفيت عن ام المهند وعن ام فجوره
احس ان الواجب صار وايد ثقيل عليهم والله يكون في عونهم على حله

اخليكم الحين واشوفكم على خير


دمتم سالمين
اختكم شريفة

أم سعود ممكن أعرف شو هو الشكر اللي تغلفونه


هل قصدك سكر المكعبات
أو الكاكاو المغلف

كربلاء:
السلام عليكم


ماشاء الله الوحدة مايمديها تغيب الا الواجبات تجمعت عليها

لكن الكسالى يستاهلون ( انة اولهم )
بس قعدت بققت عيوني قريت كل الي طافني :eek:


شهد موعدي معاش بنفس التاريخ

بس الساعة كم بتروحين ؟؟؟؟ علشان اضبط روحي

وحملي معاش لافتة مكتوب عليها احلى شهد :gum: :cool2:

وبالنسبة للمشي انة وحدة ما افكر امشي الا في التاسع ( شفتو الخيابة )

مع انة وزني زاد واجد من بداية الحمل تقريبا 10 كيلو

مادري شلون بنزلهم بعد الولادة

وذكرتوني باكلات النفاس عندنا

الرشاد والحلبة والعصيد والمضروبة

شلون بضعف؟؟؟؟؟؟؟؟:sad:

الا وزني بزيد الضعف في الاربعين من هالاكلات (r)

الله يستر

مع السلامة

هذي الواجبات والا بلاش ههههههههه


توعت يا كربلا ايكون موعدش معااااااي



يالله بنلتقي على خييير


بالعاده أني اروح عالساعه عشر


إي والله صدقتي كيف بنضعف وأكلات النفاس تمتتتتتتن

رميثية:
الحمدلله خلصت الواجب اللي علي,,,

بااااااااااااااااااااااااااااااااااي

هههههههههه ويا حلوه من واجب



والله أحس بإستمتاع بالسوالف وحتى لو كان واجب أو لا



الفال لنا قربت أخلص الواجب

أشوف جزلا متواجده




يالله يا جزلا طمنينا عن أخر أخبارك



بالأنتظاااااااااااااااااااااار

شهد الساعة عشر !!!!!

انة اروح من وقت يعني على الساعة 8 اكون موجودة اخلص واروح بيت ابوي ارقد هههه


يلة خلصت واجبات اليوم


تصبحون على خير

هلا كربلاء

تدرين عجل هالمره بروح من وقت ههههههههه

أول شي أسلم عليكم بالخير والعافية ويا صباح الخير للي يدشوا وقت الصباح ومساء الخير للي بيدشوا المسا عشان ما يزعلوا


شو أخباركم ، بصراحة الواجب طويييل الله يعينا عليه ، والله يسامحكم خخخخخخخخ يالله مقدور له بحول الله ، بس أدري بيتراكم من جديد في نهاية الأسبوع .. لأن اليوم آخر يوم دوام وباكر وعقبه إجازة ..

كالعادة داشة أسلم وراجعة لكم بعد شويات

sounya:
الا بسالكم شو هو الحبة الحمراء..ام فجورة عاوزة ترجمة :)

صباح الخير أم شهودة

أقول إنتي مو دراش بسوالف الحريم خخخخخخخخخخ إسألي أمك حبوبة أكيد بتعرفها أو إذا فكرتي تشتريها يعرفوها المحلات ..

UMABDULRAHMAN:
يالله يا ام المهند
الله يخليش لنا ذخر

والله انج ما قصرتي ابد

في النصايح والتجهيزات

وبفعل هذه الرابطة اللي جمعتنا
والكلام المفيد
حتى انه بنت عمي توها بالشهر الثاني من الحمل وبكرية
ومتصلة علي
وزهبتلها هذيك النصايح اللي اعرفها
قالت لي انتي هالمعلومات كلها من وين جايبتنها

قلت لها الله يخلي النت ورابطة موقع عروس
والله بفتقدكم يوم اولد
****

اما بالنسبة للولادة
فما اعرف
رايحين اليوم نزور زميلتنا اللي ولدت بالسلامة
وبشوف كيف كان مستشفى السلطاني معاها
ومرات اقول خليها على الله
ويوم غاية الولادة بشوف اي مستشفى اقرب ترا يا السلطاني يا خولة ما في غيرهم
****

صباح الخير أم فجورة .. أشوف مالش حس اليوم سلامات ..

ويالغالية ما سوينا شي والحلوين يستاهلوا كل الخير ، والحمد لله إن في هالرابطة إستفدنا واجد أشياء الله يديمها لنا يارب ..

وعن سالفة يوم نولد .. خبرت زوجي يشترك في خدمة الوايرلس عشان أدش يوم أفضى من لابتوبي النت .. وكما إتفقنا بعد الولادة بإذن الله راح نفتح رابطة أمهات شهر يوليو . صحيح ما بنكون مضبوطين في حل واجباتنا بس ع الأقل نسولف ولو شوية .. بصراحة ما أطيق عنكن خلاص تعودت عليكم واااجد .

بالنسبة لش يا أم فجورة أشوف إن السلطاني أحسن وأقرب لش في الولادة .. خولة بعيييد واجد عليش هتستحملي الوجاع خخخخخخخخخ .. أخاف علين توصلي خولة عاد إنتي مربية في السيارة لا سمح الله خخخخخخخخ فديتش بعيد الشر عنش وإن شاء الله فجورة تلاقي أحلى عناية ساعة ولادتها يا رب .

وطمنينا على علوم زميلتش ..

ما شاء الله أم سعود يوم تحل الواجب دايما طويييييل فديتها أنا شطورة ما شاء الله تبدع في التعبير ما نروم لها ..

هاه شريفة مو الأخبار .. مو معدلة زامطة <<<< هذا عماني كلمتش خخخخخخ


سلامتك أمس كنتي تعبانة ما مروحة الدوام ، كيفك الحين إن شاء الله أهون ، والأحلى إنك اليوم مجازة بعد يالله ناطرينك تدشي وتهذري شوية معانا ..

على سالفة الريول والظهر ، سبحان الله يا شوشو أنا أحس حمل البنت يجيب هالأوجاع ولا شو رايك ؟ في المهند ولا حسيت بهالأمور أبدددددا سبحانك ربي .. حتى إني يالسة أحاتي كيف بقدر أمشي بعدين ، إذا كانت الوقفة الطويلة ترهقني وتآلمني فما بالك بالمشي .. فعلا سبحان الله .

تعالي صح الحين من اللي بيعرس ( حماتك ) ؟؟؟ والله غريبة تدرين نحن عننا الحماة هي العمة أم الزوج لا تكون هي اللي بتعرس ؟ وخبرينا عاد شو تزهيبتك للعرس ؟ فضول بنت الحلال

والسنترة مثل ما خبروك البنات هي اليوسف أفندي بس الأكبر وهاي موسمها في الصيف وعلى فكرة لفظ ( سنترة ) خذيناه من الهنود طبعا هي لها مسمى ثاني أكيد ..

أما عن الحلبة فيا فديتك وربك شاهد ما عمري شربتها بكثرة قولي ولا أحبها أبدا .. أذكر آخر مرة كانت أمي مسوتها لي وقت ولادتي في المهند في الشوربة وشربتها 3 أيام ووقفت .. مدري أحسها تكبر الصدور وترهلهم وتزيد الوزن ببلاش ولا شو رايك .. برغم من إني أعرف فوايدها الحلوة للنفساء بس سبحان الله أختك ما تطيقها أبدا..

وبعدين يا عمري شو هو الحسو عندكم ، ألاحظه موجود في أغلب دول الخليج ما عدا نحن .. شو مكوناته وووو يعني بإختصار نبا معلومات عنه يمكن نجربه هالمرة !!

موعدك القادم حلو يعني ما بعيد عني ... يا إنك معاي أو حواليني خخخخخخخخخخ ... الله يبلغك الفحووصات الزينة عند دخولك الثامن .. يااااه .. راح الكثييييير يا شوشو وما بقى الا القليل ..

وإنتي ما شاء الله كونك بتولدين أول وحدة في الرابطة كأنه بينا وبينك شهر خخخخخخخخ سابقتينا وايد بالأسابيع الله يطلعك بالسلامة يا رب ..


وبالنسبة لوزن البيبي لا تحاتين أصلا ما عمر التلفزيون عطى الوزن الدقيق .. يعني ممكن يكون وصل الكيلو هذا إذا ما أزود بشوية .. بنت الحلال أهم شي صحتك وصحة البيبي وعندنا مقولة شائعة في عمان بما معناه .. إن البيبي ينزل وزنه شوية أحسن للأم تاليها البيبي يتربى في الأرض .. فهمتي طبعا شو المقصود .

عجبتني فكرة تصوير المولود الجديد بالفيديو ، والأحلى إنك سويتيها مع ولدك يا هناه حلو باكر يوم يكبر يطالع صورته وهو توه طالع من بطنك .. يا سلاااام والله هالمرة ما بفوت التصوير بس أتمنى النرسات يسمحن .. في المهند صورته عقب ما خلصت والدة في غرفة التنويم بسسسسسسس وإن شاء الله في مودي بسوي العجب هههههه ..

بالنسبة للحليب حتى أنا نان حبيته بس ولدي كان يعاني من غازات مدري يمكن من الحليب يمكن من أكلي أنا شخصيا الله أعلم ، والحين أدركت إن الحرمة لزم تمتنع عن البصل والثوم والملفوف لأنه يجيب غازات للبيبي وأنا كنت شرهة عليهم من باب إن هالمأكولات زينة للنفساء .. بس بقاطعهم هالمرة . الله يخلي تجارب البنات اللي يالسين يفيدونا فديتهم محد مقصر أبد ..

أنا بعد ما شفت آرائكم راح أعتمد حليب نان إن شاء الله ، وبشوف الأمر ساعتها .

هلا مسلمة شخبارك يا قلبي ..

الله يعينك على تأخير طبيبتك ، يعني ما سوتها إلا الحين

وفعلا الوحدة ما ترتاح إلا ويا طبيبتها ، الله يعودها بالسلامة والخير ويطمنك على فحوصاتك أكثر وأكثر ، كيفك الحين وكيف ريولك وظهرك ما طمنتينا ..

الله يعطيك العافية

رميثية حبوبة .. دام إنك وصفتي حالك بالأنانية فإسمحي لي اقولك يا أنانية خخخخخخخخ فديتك تبدين حالك على اللي ببطنك أسميك سالفة ، ولو إنه أغبطك وأقول يا هناك .. لأني أنا شخصيا لين الحين حضرتي ما زهبت شي لحالي .. وطبعا هذا بسبب إني يالسة أبدي مودي علي أنا ..

ناطرين الصور يا حلوة

صبحكم الله بالخير




راجعه لكم

شهودة صباح الخير أو مساء الخير وقت ما تدشين شخبارك يا عمري وكيفه علاوي ..

بالنسبة للمشروبات الساخنة بعد الولادة .. أصلا الوحدة من بعد الولادة مالها خلق تشرب شي أبدا هههههههههه تعبانة يا حليلها بس بجد والله المفرووووووض تشرب شي يريح رحمها التعبان والأفضل والأسهل والألذ نوعا ما والمقبول ذيك الحزة هو الحليب بالزعفران ..

الله يعافينا يا رب ونتهنى بالحليب ههههههههه

أقول رميثية والله محد راضي عن حاله إللي ما تشتغل تتمنى الوظيفة واللي تشتغل منهد حيلها المسكينة

يالله الحين بتتسلين بضناك عما قريب وما راح تحسين بالفراغ .. خبرينا دام إنك بالبيت شو ريوقك

وشفتي كيييف عندنا الحين هالقانون بصراحة باااايخ .. يعني الوحدة ودها ترتاح بهدوم البيت وهم يلوعونا بملابسهم .. بالرغم من إنها منظفة ومعطرة بس شو نقول ، تصدقي أي وحدة تخالف يغصبوها تفسخ ههههههههههه على فكرة هاي طبعا فقط في المستشفيات الحكومية ، الخاصة طبعا لاااااا .. تلبسين على ذوقك وكيفك ..

ويا فديتك ما أكسلك تستخدمين حليب نان لأني إستخدمته ويا المهند لين عدا السنة بس أقصد موضوع الغازات كنت أريد أستفسر من خواتي اللي جربوا سيميلاك هل يسوي ولا لأ . عموما تراه مو كل اليهال واحد بربك يختلفوا في تقبلهم لأي نوع من أنواع الحليب ، عموما أنا رجعت عن فكرتي وراح أستخدم نان أكيد وإن شاء الله مع بعض ..

صبحتــــــــــــــــــــــــــــــــــــــو

ع كل الموجودات الحين او بغيابي
والحين الموجودات امهات السوالف

احلى شهد وشريفة

احسن لي اسبق واحل الواجب
اللي فاتني
عن يتراكم علي

صباح الخيرات
ماشاء الله الحبايب كلهم هني ام فجوره احلى شهوده ام المهند
لالا جذي اقدم استقاله من الدوام واقعد معاكم :)
قريت الواجب الحين
اتريق وارجع لكم


دمتم سالمين
اختكم شريفة

ام المهند صبحتي
ترا سمحيلي ما كانك باينة من ضمن الاسماء المتواجدة تحت
قلت عجب انشغلت وطلعت
المهم ابوي شوي شوي علينا هالله هالله
بسوالف
خاصة اليوم الاربعاء كل من ويدخل
بس عاد الخميس والجمعة بتكون الرابطة اذا زادت صفحة وحدة خير وبركة

أم المهند:
أول شي أسلم عليكم بالخير والعافية ويا صباح الخير للي يدشوا وقت الصباح ومساء الخير للي بيدشوا المسا عشان ما يزعلوا


شو أخباركم ، بصراحة الواجب طويييل الله يعينا عليه ، والله يسامحكم خخخخخخخخ يالله مقدور له بحول الله ، بس أدري بيتراكم من جديد في نهاية الأسبوع .. لأن اليوم آخر يوم دوام وباكر وعقبه إجازة ..

كالعادة داشة أسلم وراجعة لكم بعد شويات

صباااح النور لكل حبايبنا


الحمد لله ماعندي وقت محدد للنت يعني أي وقت


هههههههه صدق الواجب طويل هذي شوشو يوم تدخل تشوف الواجب طويل عشان كذا تعطي

واجب أكبر منه هههههههههههههه



وعليكم السلام ورحمه الله وبركاته .......... توني ارد السلام






بالأنتظار

أم المهند:
رميثية حبوبة .. دام إنك وصفتي حالك بالأنانية فإسمحي لي اقولك يا أنانية خخخخخخخخ فديتك تبدين حالك على اللي ببطنك أسميك سالفة ، ولو إنه أغبطك وأقول يا هناك .. لأني أنا شخصيا لين الحين حضرتي ما زهبت شي لحالي .. وطبعا هذا بسبب إني يالسة أبدي مودي علي أنا ..

ناطرين الصور يا حلوة

عجل أنا وش أقول إاللي للحين ماجهزت للبيبي ولا شي


أتصدقين ولا ولا شي شريت للبيبي لكن جهزت حالي تقريبا


بالأمس كنت بالمستشفى مع صاحبتي وجت ببالي فكره أني أسوي ألتراساوند


بس والله خفت على البيبي لأن ماصار لي أكثر من عشره ايام من سويت الأشعه


فخفت على البيبي بس قلت بإذن الله الجايات راح أسويه وأنتوا أول من أخبركم



وإن شاء الله من بعدها بنسى حالي وببدي التجهيزات كلها للبيبي