حوامل شهر يوليو 2007

السلام عليكم بنوتات
الله يسامحكم ان شا ءالله على الواجب الطويل اللي اجباري علينا نأديه
:)
ماشاءالله عليكم نشاط اليوم حلووو
الله يعطيكم العافيه

ام المهند
بخصوص المانع ما اعتقد ان اللولب هو سبب ان تاخر الحمل معاج
وهذا قضاء الله وقدره وقدر الله وماشاء فعل
والحمدلله على نعمة الذرية والحمل
والله نعمة عظيمة الحمدلله ان الله اعطانا اياها
والله يرزق كل بنت تتمنى الذرية
بس طريقتج في المنع عن الحمل في المرة القادمة
ما احبها ابدا ابدا
لاني اوسوس واحاتي
وتلقيني كل راس شهر اسوي تحليل حمل اخاف اكون حامل
هاهاهاي والله يسهل عليج ان شاء الله ويرزقج البنوته الحلوه
ويخلي لج مهند الغالي


احلى شهوده
سلامة الغالي علاوي الله الحمدلله على نعمة الشفاء الحمدلله
والله يخليه لج ويبلغج فيه ربي وتشوفينه معرس يارب
ويساعدج ربي على تحسين الوضع
ليش ماتشتغلين
شنو شهادتج اي مرحلة انهيتي من الدراسة والله الشغل تعب بس
فيه مساعدة للزوج ولنفسج وعيالج
والله يكتب اللي فيه الخير ان شا ءالله وتتحسن الظروف يارب
عن سعود ولدي عمره سنتين وثلاث شهور وثلاث اسابيع والله يخليه لي ويبلغني فيه ان شاء الله وعلى ما اولد ان شاء الله صاير سنتين ونص


ام فجوووره الاموووره
كتكوتتنا شلونها تمام ان شاء الله
اقولج بخصوص الامومه
ترى والله ما جربتي بس اذا جربتي صعبه عليج اول يوم دوام وتخلين العنونه واااي شعور عجيب
وكئيب
بس ان شاء الله الله يعينج عليه وماردلج للدوام بعد شهرين والا ثلاث والا سنه الله يكون بالعون ان شاء الله
بخصوص سفرة زوجي والله قاعده ادعي ربي ليل ونهار وعندنا هالايام مطر والله من اسمع هطول المطر اقابل القبلة وادعي ربي وان شاء الله في بوادر بالغاء السفره ياااارب

مسلمة وافتخر
سعد الغالي يسلم على بنتي خطيبته نور
وهي تسلم عليه وايد وايد وايد :)
الله يتمم بالخير على الجميع
يارب


بخصوص الولادة والله ودي اولد الحين وودي بعد شويه بس ما ابي اطول ان شاء الله اول ماادخل شهري اولد يارب
بس بنات
تزهبوا يعني من اول يوم من التاسع احتمال كبير تصير الولاده

بس الله يهدي ام المهند تقول ان شيلة شعر الشنب اهون اقولج يا ام المهند خير ان شاء الله مابي اخرع البنات البكريات :)

الله يسهل علينا الولاده يماااااااااااااااااااااااااااااااااا


انا بخصوص المانع اكلت حبوب منع الحمل وبعد ثلاث او اربع شهور تقريبا حملت وخفت يوم ماحملت من اول شهر لان صديقتي صارلها الحين خمس سنين مأثره فيها الحبوب وقاعده تعالج وقاعده افكر باللولب بس اخترعت من كلام ام المهند والله حيره

الولادة عندنا بالكويت الحكومة تعطيج وضع شهرين براتب كامل واعتقد الخليج كله ولج حق تاخذين انتي بعدهم 4 شهور بس بنصف الراتب وانا في ولادتي في سعود اخذت الشهرين الوضع براتب وبعده كملت عليه بنصف الراتب بس ماكان يفضل من راتبي الا عشرة دنانير فقط لان عندي قسط سيارتي
والحمدلله
والحين هالمره نفس السالفه بس مادري اخذ ست شهور او لا على حسب الظروف المالية لان قسط السيارة ماخلص ونفس الشي راح يتبقى فقط 10 دنانير من الراتب حق سعود حق الحلاو من الجمعيه
لان الظروف تغيرت كنت قاعده في بيت اهل زوجي والحين عندنا التزام ايجار شقة وشي يكسر الظهر يعني والله اللي يكتبه راح يصير

ونشوف


سوسو84 يالغاليه
لاتحاتين ان شاء الله ماكو الا العافيه والله يخلي لج اللي في بطنج وتشيلنه مابين ايدينج يارب


سونيا تبارك الرحمن
حلمك روعه والله يحقق لج الخير كله يارب

نسيت اقولكم عندنا اليوم الجو بالكويت شتاء رجع لنا المطر والرعد وتوني الحين وانا اكتب تم مقابلة الدكتور صالح العجيري عالم في الارصاد الجويه يقول سوف تستمر الامطار والعواصف الرعديه خلال شهر ابريل بشكل متفرق :)
بنات بليز
لاتخلون الواجب وايد قللوا منه يعني خلونا نلحق معاكم هاهاهاي
اتغشمر باجر ان شاء الله لنا لقاء
واشوفكم على خير يارب
وفي الختام سلام


دمتم سالمين
اختكم شريفه

هلا بالغاليه شريفه


وطلتك حلوه وتسعدنا


بنات يا حلوات


زوجي صاير شايب ويسألني عن تكحيلة عين الطفل يوم يولد
لا ويقول تفركين بصل او ما ادري ايش
والله ما ادري وين سامعه فيه

قلت اسأل البنات عن هالاختراع

طبعا انا رفضت

بس هل فيه احد يسوي كذا



الشيء الثاني
بعض الاحيان اسمع ان الطفل يكون به فهاق
وبعض الاحيان يبيله صعوط


والله ما ادري شو السالفه

بكريه وتوني صغيره
يعني ابي خبراتكم

سوسو 84


لا تحاتين يا أختي وخلج كوووول ودايما أتوكلى على الله وما راح يصير إلا كل خير يارب

أم سعوووود




الواجب طويل هااااااا



هذا درس للي يغيبوا عنا خخخخخ



من ناحيه سؤالك ليش ماتشتغلين ؟؟؟ظ



أولا لأني مو راعيه أشغال :gum: وشهادتي ثانويه بسسسس


وزوجي أول ماتقدملي قالي صدق أنه على قد حاله بس مايحب أتكون زوجته بالمستقبل تشتغل



وتترك شغل البيت والعيال بس يحب أنه زوجه تدرس مو مشكله هذا مهم بس شغل ما يفضل




وبصراحه هذا كان رأيي بعد لاني ما عمري فكرت بالشغل ولا أحب الدوامات .. مو كفايه المدرسه



الله يخلي لج سعود الغالي ويتربى هو وأخته بعزكم يارب



:shy:

مرااااااااااااااااااااااااحب ياحلوووووووووووووين كيفكم وشو اخبار الكرووووووووش معاكم ........................
وحشتوووووووووووووووووني واجد واجد واجد من جد انتم احلى رابطه واحلى بناااااااااات :)
انا لي فتره مادخلت النت والسبب راح اقولكم ليش بس ماعليش بنات بقولكم وش المتعبني باسلوبي لاني ماعرف اشرح وش المشكله ........المشكله طال عمركم انا دخلت السابع يوم السبت ولله الحمد طبعا انا مع ام عبدالرحمن :)
اناااا ياحلوووووووين احس بحركه البيبي غير عاديه احس بالحركه اسفل البطن يعني فوق منطقة العانه على طول وغير كذا لما يتحرك احس كان يطلع مني هواء من قدام او مثل ماتقولون احس المنطقه الاماميه تنفتح مع الحركه بس بدون الم (انشاللله فهمتوني ) في احد زي كذا ولا بس اناااااااااااااااااااااااااااااا :(
وهذي مشكلة والباقي ولله الحمد تمام
وعلى فكره بديتو بتجهيز البيبي انا لسى ماسويت شي :)

صبحكم الله بالخير حبايبنا الحلوين


ما حبيت أطلع نص النهار من ديرتي بدون ما أصبح بكم



لا حد يستغرب من جلوسي الصبح هههههههههه لاني أصلا مانمت وبعد شويه



بإذن الله طالعين السعوديه وبنرد العصر



يعني اليوم أحتمال ما أدش النت لكني راح أشتاق لكم كثير



ألقاكم على خييير

عروس الموج:
هلا والله بالحوامل الله يسهل عليكم
انا حامل في الشهر السادس و موعد ولادتي 27/7/2007 وهذا حملي الرابع وعندي بنات بس الأخيره توفت لان الماي ناقص كان عندي

هلا وغلا يا حي اله ومسهلة بأختنا وضييفتنا الجديدة عروس الموج <<<<< أحس إني أعرفك قبل كذا ..

ومبروك عليك الحمل يا خويتي والله يرزقك الولد الصالح آميين يا رب العالمين .. بس من توقعيك يالغلا أشوفك كأنك بالسابع ما شاء الله مو بالسادس ..

إنتي موعد ولادتك قبلي أنا ب 3 أيام .. تأكدي حبوبة من التاريخ أو التوقيع

طمنينا على فحوصاتك هالمرة عساها طيبة وشو ما قالوا لك نوع الجنس ..

وأهلين فيك ويانا من جديد

أحلى شهد:
سوالفكم حلوه وماتنمل أبدا



قرأت كل الردود من بعدي ماشاء الله زياده في هاليوم


الله يعين للي غايبين اليوم لما يجوا بيكون عليهم واجب مدرسي كبير هههههه


بيقرأوا صفحات كثيره حال أم سعود وكربلا وووووالخ


أعذروني بنات بروح أخذ لي شور حمام دافئ عشان ريحه الطباخ مبينه فيني


وأكيد ما برد الا والحبايب كلها خلصت دواماتها


أشوفكم على خير من بعد السبوحه

مراحب فيك شهودة أقول أم علاوي تراه من سبق لبق هههههههههه ..

وفيه بنات صار لهم فترة ما دشوا الله يعطيهم العافية وإن شاء الله يدشوا يطمنونا

أحلى شهد:
هههههههههههه حلوه هذي الولاده أخف من حف الشنب هههههه


صدق الولاده حلوه واللي شفته بولادتي بعلاوي ولاده سهله بس الطلق هو اللي ذبحني


ولكن لحظه الولاده متعه كبيره بصراحه وهو يطلع من الرحم تحسي بأحساس مريح


وفعلا كلامك يا أم المهند مو على طول المستشفى لان البهدله هناك ببلاش :angry:


اني أستمر معاي الطلق من الفجر لين يوم ثاني منتصف الليل


بس رحت المستشفى مابين صلاه المغرب والعشاء يعني أستحملت الالم من الفجر


لين بعد المغرب ولما رحت كان مفتوح 1 سانتي بسسسسسس :sad: وبقيت لين


الساعه 2 منتصف الليل وولدت بعلاوي حبيبي :clap:

ههههههههههههههههههه فديتك يا شهودة يالسة أواسي البكريات الله يطلعهم بالسلامة .. بس بجد بجد أنا أشوف كذا .. لأن عملية الولادة كولادة غير مؤلمة ذاك الزود بس الألم العود في المخاض ربنا يعديه بسلامة قولي آمييين ..


بالنسبة لي في المهند نفس الشي طلقي كان بارد وولادتي كانت سهلة ولله الحمد وعسى يا رب في مودي نفس الشي ..

أحلى شهد:
هههههههههههه صدق هم مساكين ومايقصروا عيالنا بس اللي عندي غير عن ولدش يا أم المهند



يمكن المهند بيسمع كلامج بس علاوي فديته لما أطرشه البراد مع عيال عمه أعطيه دينار


تقريبا ريال عماني وأقوله خذ لي جالكسي والباقي خذ اللي تبيه



أتصدقين يجي وعنده كيس أكله بس بروحه ومو معبرني أبد :angry:



ياخذ اللي نفسه فيه وماياخذ لي الجلكسي :sad:




فكيف أعطيه خمسه دنانير واقوله خذ كيس حفاظ






أكيد بيرد لي وهو مليااااااااااااااااان بيض كندر سبرايز و شوكليت وعصير ووووالخ :angry:

ههههههههههههههههه يا عيني عليه اله يحفظه لك يا رب .. بس هالله هالله عليه من الحلويات تراه مو زين له إنتبهي .. ما بتصدقين إذا قلت لك بأن المهند ما يحب شي إسمه حلويات .. ممكن كوفي كاكاو مع حليب بس الشغلات الثانية لاااااا .. وهذا طبعا لأني عودته ومنعته منها .. وتعرفي كثرتها تسد شهيتهم يا قلبي ..

على فكرة حتى المهند يحب كيندر سيبرايس بس تدرين ليش عشان الألعاب اللي فيها ههههههههههههه .. حتى بعض الأحيان يرمي الحلاوة في الزبالة برغم إنه فيها حليب وكاكاو يعني مغذية للطفل ..

الله يحفظهم جميعا يا رب

أحلى شهد:
تصدقين يا قلبي أم المهند


أني بعكس كلامج ترا ناويه اباعد هالمره أكثر عن خمس سنوات بسبب ضيق المعيشه


وضيق المكان بس أكيد راح اغير رايي لما الله يفرجها ونتوسع وتكون معيشتنا أفضل

الله يفرجها عليكم يا رب ونلتقي من جديد في رابطة غيرها بعد سنتين وشوية ههههههههههههههه ..

قدمي اللي فيه الخير وعسى الظروف تتعدل وتستقروا عدل ..

مسلمه..وافتخر:
مراحــــــــــــــــــــــــب حبايبـــــــــــــــــــــــــي

والله اشتقت لكم
وما شاء الله النشاط في الرابطه زايد الحمد لله

ووجعتني عيبني من القرايه


بس والله سوالفكم تجنن

وكلكم توسعون الصدر


الحمد لله اخباري تمام
وسعودي (سعد مو سعود )الحمد لله اخباره زينه
ويسلم على خطيبته

والحركه تركد ايام وتزيد ايام
الله يحفظه ويخليه



عندي موعد هالاسبوع
والله يسمعنا خير

هلا بالغايين مسجلينك غياب كم يوم خخخخخخخخخخخ

شخبارك يا أم سعد والله تصدقين توقعت تبغين تسمين سعود أشوه إنك صححتي لنا الفكرة ..

وترانا مشتاقين لكم وااايد .. ويا ترى من خطيبته المقصودة هاه ؟؟؟؟ تدرين الرابطة أغلبنا بنات ههههههههههه حددي فديتك ..

وبالنسبة للحركة نفس الشي مرة كذا ومرة كذا وتكثر الحركة وقت النوم .. الله يحفظ بيبياتنا يا رب ونشوفهم بسلامة قولي آمين.

طمنينا على فحوصاتك في الموعد القادم

صباااااااااااااح الخير هلا بنات شخباركم..ياربي كم ساعة مادخلت وصار عندي واجب اقرا كل هاي ردود الله يعين الي ماتدخل كم يوم خخخخ..
ام مهند شخبارك شو مسوية..انا بخير والحمدلله

عروس الموج:
هلا والله بالحوامل الله يسهل عليكم
انا حامل في الشهر السادس و موعد ولادتي 27/7/2007 وهذا حملي الرابع وعندي بنات بس الأخيره توفت لان الماي ناقص كان عندي

[grade="00BFFF 4169E1 0000FF"]الله يثبت لج حملك حبيبتي
والله يخليللك بناتك

وحياك بينا[/grade]

SHREEFA:
السلام عليكم بنوتات
الله يسامحكم ان شا ءالله على الواجب الطويل اللي اجباري علينا نأديه
:)
ماشاءالله عليكم نشاط اليوم حلووو
الله يعطيكم العافيه

ام المهند
بخصوص المانع ما اعتقد ان اللولب هو سبب ان تاخر الحمل معاج
وهذا قضاء الله وقدره وقدر الله وماشاء فعل
والحمدلله على نعمة الذرية والحمل
والله نعمة عظيمة الحمدلله ان الله اعطانا اياها
والله يرزق كل بنت تتمنى الذرية
بس طريقتج في المنع عن الحمل في المرة القادمة
ما احبها ابدا ابدا
لاني اوسوس واحاتي
وتلقيني كل راس شهر اسوي تحليل حمل اخاف اكون حامل
هاهاهاي والله يسهل عليج ان شاء الله ويرزقج البنوته الحلوه
ويخلي لج مهند الغالي




بخصوص الولادة والله ودي اولد الحين وودي بعد شويه بس ما ابي اطول ان شاء الله اول ماادخل شهري اولد يارب
بس بنات
تزهبوا يعني من اول يوم من التاسع احتمال كبير تصير الولاده

بس الله يهدي ام المهند تقول ان شيلة شعر الشنب اهون اقولج يا ام المهند خير ان شاء الله مابي اخرع البنات البكريات :)

الله يسهل علينا الولاده يماااااااااااااااااااااااااااااااااا


انا بخصوص المانع اكلت حبوب منع الحمل وبعد ثلاث او اربع شهور تقريبا حملت وخفت يوم ماحملت من اول شهر لان صديقتي صارلها الحين خمس سنين مأثره فيها الحبوب وقاعده تعالج وقاعده افكر باللولب بس اخترعت من كلام ام المهند والله حيره

الولادة عندنا بالكويت الحكومة تعطيج وضع شهرين براتب كامل واعتقد الخليج كله ولج حق تاخذين انتي بعدهم 4 شهور بس بنصف الراتب وانا في ولادتي في سعود اخذت الشهرين الوضع براتب وبعده كملت عليه بنصف الراتب بس ماكان يفضل من راتبي الا عشرة دنانير فقط لان عندي قسط سيارتي
والحمدلله
والحين هالمره نفس السالفه بس مادري اخذ ست شهور او لا على حسب الظروف المالية لان قسط السيارة ماخلص ونفس الشي راح يتبقى فقط 10 دنانير من الراتب حق سعود حق الحلاو من الجمعيه
لان الظروف تغيرت كنت قاعده في بيت اهل زوجي والحين عندنا التزام ايجار شقة وشي يكسر الظهر يعني والله اللي يكتبه راح يصير

ونشوف


نسيت اقولكم عندنا اليوم الجو بالكويت شتاء رجع لنا المطر والرعد وتوني الحين وانا اكتب تم مقابلة الدكتور صالح العجيري عالم في الارصاد الجويه يقول سوف تستمر الامطار والعواصف الرعديه خلال شهر ابريل بشكل متفرق :)
بنات بليز
لاتخلون الواجب وايد قللوا منه يعني خلونا نلحق معاكم هاهاهاي
اتغشمر باجر ان شاء الله لنا لقاء
واشوفكم على خير يارب
وفي الختام سلام


دمتم سالمين
اختكم شريفه

يا ألف مرحبا بأحلى أم سعود شخبارك يا قلبي .. شكلي اليوم من الصبح بروحي يالسة أحل الواجب رغم طوله بس يهون ويا مشاركاتكم .. وخلي ببالك يا شوشو إنه إجباري ههههههه ..

يا فديتك بالنسبة للمانع الله تعالى اعلم شو السبب في تأخيري ما حملت بعد ما شلته بس الأكيد إني إرتحت وياه وربك شاهد .. لا نزيف ولا تحاتي حمل ولا هم يحزنون المسألة وما فيها إن الدورة أول الشهور تكون غزيرة بس بعدين تنتظم وتتعدل وحتى لا تحسين فيه ولا البيه بعد يحس فيه .. طبعا التشييك الدوري ضروري وأهم شي ..

بس سالفة إشتياقي للحمل ذيك الفترة والعامل النفسي أعتقد بعد من أهم الأسباب ولا شو رايك يا إخصائيتنا .. لأني كنت متولهة ع الحمل ، وممكن بعد يكون بسبب شي واحد كنت شاكة فيه والله أعلم إني مريت بحساسية في جلدي وحكة ومن هالكلام طولت وياي بالشهور وكنت آخذ إبرة مسكنة للتهيج قيمتها تخيلي 15 ريال عماني وشهريا لازم أضربها .. إذا ما خاب ظني هاي ساهمت في التأخير لأنها دووم الطبيبة كانت تسألني إنتي حامل ومن هالكلام .. وسبحان الله بعد ما تحسنت وطبت من الحساسية بفضل الله وتوقفي عن الإبره هاذي حملت .. فما أعرف بصراحة راسي داير في معرفة سبب تأخري من جملة الأسباب اللي ذكرتها ..

لأن مثل ما قلت لك إن اللي نصحوني في تركيب اللولب بعد ما شالوه حملوا ع طووول ومن ضمنهم أختي .. إذا كنتي يا شوشو ناوية عليه هالمرة فتوكلي على الله وإضربي بكلامي عرض الجدار مثل ما يقولون ..

أما الطريقة اللي الحين ناوية لها بإذن الله أعتقد إنك ما فهمتي قصدي يا شوشو ( يعني لازم نفصح أكثر ؟؟ ) خخخخخخخخخخخ إتفقت ويا أبو المهند على مانع العازل أو الكبوت وبالعكس هاي ما تخليش تحاتي وتشكي بأنك حامل أبد وعموما المسألة ما راح تطول لأني بعد سنتين ناوية على الثالث بإذنه تعالى .. ( شو رايك ) ..

وبالنسبة للولادة بجد يا شوشو ألم حف الشنب يوجعني مووووت سبحان الله ما قدرت أتكيف عليه بربك ههههههههههههههه ودوم أقول لخواتي إني أربي أهون لي من شيلته شفتي كيف ..


أما إجازة الأمومة فمو كل دول الخليج .. يعني نحن في الجهات الحكومية عندنا بس 50 يوم من القانون ..

بس أنا كوني أشتغل في هيئة دبلوماسية تابعة للأمانة العامة لمجلس التعاون اللي مقرها بالرياض فنستحق شهرين ( يعني ماشيين على نظام السعودية ) .. وإجازتك الأولية كانت وااااايد طويلة ما شاء الله .. بس بصراحة يستاهلوا فديتهم .. يالله الله يقدم اللي فيه الخير وتسوين إجازة هالمرة مشابهة للمرة الماضية ..

أنا ناوية على 4 أشهر تقريبا وإحتمال أمدد شهر إضافي بدون راتب .نستاهل الراحة والله

ويا حلو الاجواء الطيبة ما شاء الله عندكم .. يا هناكم أغبطكم بصراحة عقبالنا آميين يا رب ، أما نجن فأجواء الحر والرطوبة بدت :angry: :angry: الله يرزقنا ويعطينا كثل ما عطاكم ..

مسلمه..وافتخر:

بنات يا حلوات


زوجي صاير شايب ويسألني عن تكحيلة عين الطفل يوم يولد
لا ويقول تفركين بصل او ما ادري ايش
والله ما ادري وين سامعه فيه

قلت اسأل البنات عن هالاختراع

طبعا انا رفضت

بس هل فيه احد يسوي كذا



الشيء الثاني
بعض الاحيان اسمع ان الطفل يكون به فهاق
وبعض الاحيان يبيله صعوط


والله ما ادري شو السالفه

بكريه وتوني صغيره
يعني ابي خبراتكم

هلا بمسلمة الحبوبة .. تصدقين أقرأ سالفتك وأضحك ، بالنسبة لتكحيل الطفل حلو ومفيد بس تأكدي ما يكون فيه مادة الرصاص يعني ما يكون سوقي فهمتي .. وفايدته إنه ينمي شعر الرموش والحواجب لأن فيه مادة زيتية .. بس الحين حريم وايد ما صارن يكحلن أولادهن من باب الحيطة والحذر وأنا بصراحة ما أحب أشوف عيون الياهل ( حافة ) يعني ناشفة ..

اما البصل فشكله زوجك يالس يتمسخر عليك هههههههههه بنت الحلال أي بصل وأي خرابيط إياك ثم غياك تحطين شي مو طبيعي للبيبي ولا تفكرين حتى .

أما بالنسبة للشي الثاني فيا فديتك وضحي أكثر بربك ما فهمت شي ، وعموما إنت ي لو تدشين مواقع الطفل وما شابه راح تحصلين جواب لكل أسئلتك بالذات إنك بكرية ..

elsherog:
مرااااااااااااااااااااااااحب ياحلوووووووووووووين كيفكم وشو اخبار الكرووووووووش معاكم ........................
وحشتوووووووووووووووووني واجد واجد واجد من جد انتم احلى رابطه واحلى بناااااااااات :)
انا لي فتره مادخلت النت والسبب راح اقولكم ليش بس ماعليش بنات بقولكم وش المتعبني باسلوبي لاني ماعرف اشرح وش المشكله ........المشكله طال عمركم انا دخلت السابع يوم السبت ولله الحمد طبعا انا مع ام عبدالرحمن :)
اناااا ياحلوووووووين احس بحركه البيبي غير عاديه احس بالحركه اسفل البطن يعني فوق منطقة العانه على طول وغير كذا لما يتحرك احس كان يطلع مني هواء من قدام او مثل ماتقولون احس المنطقه الاماميه تنفتح مع الحركه بس بدون الم (انشاللله فهمتوني ) في احد زي كذا ولا بس اناااااااااااااااااااااااااااااا :(
وهذي مشكلة والباقي ولله الحمد تمام
وعلى فكره بديتو بتجهيز البيبي انا لسى ماسويت شي :)

مرحبا فيك يا الشروق ..

وإنتي اللي وحشتينا موووت والحمد لله إننا تطمنا عليك .. بالنسبة للي تحسن فيه عادي يا قلبي وهاي طبيعي لأن البيبي بدأ يكبر ويتشقلب ويركل بريوله لتحت فهمتي كيف .. فما له داعي إنك تحاتين وبالعكس إفرحي هالحركات وناسة .

بس بالنسبة لموضوع الهوا أعتقد إنك تشوفين الطبيبة أحسن .. من باب الإطمئنان لا أكثر يا قلبي ..

وبالنسبة للتجهيزات ما شاء الله دشيتي السابع ولسه ما شريتي شي .. معقول ولااا شي ، كيف صبرتي هههههههههه يالله شدي الهمة وإبدأي في التجهيزات تراه الأيام يالسة تمر الحمد لله ..

أحلى شهد:
صبحكم الله بالخير حبايبنا الحلوين


ما حبيت أطلع نص النهار من ديرتي بدون ما أصبح بكم



لا حد يستغرب من جلوسي الصبح هههههههههه لاني أصلا مانمت وبعد شويه



بإذن الله طالعين السعوديه وبنرد العصر



يعني اليوم أحتمال ما أدش النت لكني راح أشتاق لكم كثير



ألقاكم على خييير

وصباحك بالخير يالغالية .. أشوف إنك موجود الصبح وانا أقول أتاريك مروحة للسعودية ..

يا حظك وهناك .. بس أهم شي لا تنسين تشترين شي للبيبي ههههههههه تراه ماشي سالفة غير هم فديتهم ..

الله يروحكم بالسلامة ويعودكم بالعافية آميين يا رب العالمين

وراح نشتاق لطلتك بس عاد تحملي الصفحات اللي بتفوتك أو الواجب الطويل على قولة أم سعود .

الله وياك

sounya:
صباااااااااااااح الخير هلا بنات شخباركم..ياربي كم ساعة مادخلت وصار عندي واجب اقرا كل هاي ردود الله يعين الي ماتدخل كم يوم خخخخ..
ام مهند شخبارك شو مسوية..انا بخير والحمدلله

الله بالخير حبوبة مو حالش ماه .. وكيفها شهودة إن شاء الله زامطة

أنا بخير ولله الحمد يسرك الحال واليوم مغبشة في الرابطة وأشوفني جالسة أهذر وحدي محد معاي .. عموما أنا حليت واجباتي والدور والباقي عليكم ..

يالله وينك تعالي سولفي شكلي اليوم فاضية شوية من يدري بعد شوي مو بيصير خلاص تعقدت خخخخخخخخخ

أم عبدالرحمن مو صبحتي يو ماية ..

أشوفش موجودة لكن ما جالسة تشاركي ولا جالسة تحلي الواجبات هههههههههههههههه

يالله بروح أحرك رجولي شوية وراجعة حالكم تعرفي الجلوس واجد ذي الفترة ما زين ..