حوامل شهر يوليو 2007

أحلى شهد:
هلا بأم المهند


الحمل ماشي معاي تمام لو لا ألم الظهر وألم أسفل البطن مابين الفخذ والـ......


والله الالم يزيد علي لما أنش من الرقاد أحس نفسي مو قادره أقوم بس يالله


كله راح ننساه لما نشوف الغاليين بالسلامه ويشرفونا




و سالفه النفاس جهزت لي الملابس اللي حق المستشفى وملابس للبيت بس باقيلي كم بجامه


وللحين ماشريت ولا شي للصغيره ((( أتخيلوا ))) بديت نفسي أول عن اللي ببطني :qaq:



بس والله ودي اروح أتشرى اليوم قبل بكره بس هالأيام صار عندنا كثير مناسبات وزواجات



أنشغلت كثير كثير بعد تعرفون لزوم الكشخه والنفخه هههههه وحتى مع الحمل :ok:




وهاليومين بنشغل بترتيب شقتي ومن بعدها بأذن الواحد الاحد ببتدي على طول للي



بكروشتي والله يعيني عالتب بس شاسوي




وعلاوي بخير ويسلم عليكي كثير بس هاليومين مجنني بزياده ومعصبني :angry:


لدرجه أحس أن ضغي بيرتفع من شقاوته والله صرت أحاتي أكثر كيف بعدين بستحمل



طفلين واحد رضيع والثاني مزاجي كثييير

هلا بشهودة شخبارك وشخبار علاوي والبيبي ...
تصدقي انا بعدني ماشريت ولا شي حالي كله مشترياتي عشان البيبي..بس انتظر ادش الثامن وابدا باغراضي

تعرفي انا بعد سالت الدكتورة بس هي طمنتني ان ها طبيبعي ..بس حمدلله انا الالمي قلت ماعدا الظهر والرجل احس مااقدر امشي ياربي..الله يساعدنا جميعا..

احس حياتج بتكون وناسة طفلين مختلفين في وقت واحد كل واحد له اهتماماته ومزاجة..الله يعينج :)

أحلى شهد:
هلا بالغاليه سونياااا

أنتي للحين ماتعودتي على جمعه وسبت وأني مو فارقه معي بشي لأني حتى ايام الاسبوع

أحيانا ما اعرفهااااا لأني لا شغل ولا شي بس يوم الجمعه أروح بيت أهلي اعرف انه جمعه خخخ



ما شاء الله عليج واجد ياقلبي تتشرين لهالبنوته :shy: خففي شوي على الاقل


وترا هذا طبع ماراح تتوقفي منه وحتى لو كبرت شهوده صدقيني و ما راح تملي من



التسوق وببتكود عندش الثياب من كثرهم خذي نصيحتي ومن البدايه أعتدلي وخذي الضروريات


فقط لأني بولدي بصراحه اشتري له كل ما هب ودب وللحين مو قادره أوقف نفسي


وصار الكبت كله ملابسه والملابس الصغيره والله غميضه عليها كأنها جديده لانه مايروم


يلبسها كثير من كثر ملابسه وأقول بعتدل وبقلل من المشتريات بس ما أقدر



والله يعين لو جات بنوته شباسوي أكيد بشتري كل اللي القاه بالسوق خخخ ياخوفي

ياختي شو اسوي امي كل يوم تزخني بس ماعرف شو اسوي..تعرفي اول مرة اتسوق ملابس صغنونة لاني اصغر وحدة بالبيت وماعندي اخوان اصغر مني اشتريت لهم ..صح كنت اشتري لعيال اخواتي بس مع ذلك الوضع غير لماتشترين حال عيالج وبالذات اذا كان اول.. بس والله مااستحمل لان اشكالهم تجنن ..بس ان شاء الله بحاول قدر المستطاع

[grade="00BFFF 4169E1 0000FF"]ام المهند
شهودة
وام شهد

طاجينها سوالف من ورانــــــــــــــــــــــا


كم صفحة فاتتني
*****

ام المهند:

اقول تسد الاجازة شهرين
حال الفجر
والا ايش رايك
خاطري اجلس معها لما تكمل 3 شهور
بس اعرفهم في الدوام صعبين شوي
وتعرفي صيف
وكل من يريد اجازته فيها
****

شهودة
ما لش حق
لا تنسين بنوتتنا في التجهيزات
ترا بناتنا بتزعل منج
جد

*****

سونيا
انتي وصلي عمان
وكم مرة قايلة لج تعالي
نتقاسم
ما شاء الله عليج
بس خسرتيه زوجك
****[/grade]

sounya:
[QUOTE=أم المهند][SIZE="5"][FONT="Comic Sans MS"]




انزين بغيت اسالج انا شريت السريرالخشبي من مذركير بس ماشريت اسفنجة الي يناموا عليها (الفراش )
مهم في واجد نوعيات شو نوعية الي تنصحيني بها حال شهود ومن افضل شي اشتري؟؟

عزيزتي سونيا تقدري تاخذيها من ماذركير نفسه لأني لما شريت سرير لولدي أخذت من عندهم


الأ سفنجه (( أظن لها أسم غير أسفنجه بس ناسيتها ))) :gum:



وعندهم نوعين تقريبا وأسعارهم متقاربه أخذي النوعيه الافضل :clap:

بصراحة يا أم الجوري ما تسد شهرين وايوي عليهم هناك عندش في الشغل

ليش إنتي ما عندش رصيد إجازات ؟؟ وأعتقد من حقش تاخذيهم من غير الـ 50 يوم مال القانون .

بنت الحلال تخلي بنتش عمرها شهرين يعور الفواد .. راجعي نفسش خخخخخخخ <<<< جالسة أوسوس لش بس في النهاية لصالح فجورة تستاهل الغالية .

الله يقدم اللي فيه الخير يا رب

يالله بنوتات بروح أخذ لي غفوه أحس جسمي كله مترخرخ <<<<-------- كلمه غريبه خخخ




أشوفكم باقي النهار على خييير حبوبات

السلام عليكم
شلونكم بنوتااات
شلون رابطتنا رابطة البنات
والصبيان الاثنين لاتزعلون
وان شاء الله شهوده معانا تصير بنوووته

شخباركم بخير ان شاء الله
انا عن نفسي الحمدلله بخير والحمدلله
بس مابي اداوم تعبت ماحب الدوام بنات مابي اقوم الصبح الفراش لذيذ
هاهاهاي
والله يعني تقومين من صباح الله خير
من الساعة 6 او 5 ونص
وتلبسين وتروحين الدوام والطريج مزدحم اووووف
يالله الحمدلله وتقعدين على الكرسي من الصبح لي نهاية الدوام وهاتي مشاكل وهاتي حلول
تعرفون صديقتكم اخصائية اجتماعية في احدى الهيئات الكبرى في دولة الكويت
بس جد جد الصبح الدمعة بين اهدابي
ودي ابكي مابي اقوم بس مضطرين
صار هذا مسلسل كويتي بين الهدب دمعه هاهاهاهاي

يالله الحمدلله على كل حال
انتوا شخباركم وشلون البنوتات الحلوين
شلونهم معاكم
بخير ان شاء الله

ام المهند اذكري الله ما يحسد المال الا اصحابه
اعملي نفسج منتي حاسه بالحركة عطيها طاف والله يخليها لج ان شاء الله ويحفظها وتشيلينها مابين ايدينج موده الحلوه

ام فجوره
كيف الكتكوووته فجوره خلصتي تجهيزات والا بعد
الله يسهل امورج ان شاء الله

كربلاء
شلونج بخير ان شاء الله

احلى شهوده
الله يحفظ لج علاوي ويخليه لج ان شاء الله
الا ماقلتيلي جم عمره اسم الله عليه
وشلون بنوتتنا خلاص انا بسميها بنوووته كتكوووته :)
شهوده ابدئي بالتجهيز يالغاليه ترى كلنا بلشنا الا انتي

رميثيه
شخبارج بخير ان شاء الله
شلون الحمل معاج ان شاء الله كل شي اوكي


مسلمة وافتخر
شلون معرسنا ترى بنتي تسلم عليه
:)

سونيا
اخر الاخبار ان شاء الله كل شي تمام
موفقه يالغاليه

واسلم على الكل والجميع اخاف اني نسيت احد

ونرحب بالضيوف الجدد وحياكم الله معانا

انا كانت مراجعتي مع ام المهند
الحمدلله كل شي بخير الحمدلله سألت الدكتوره عن الضغط والتعب
قالت طبيعي بالاشهر الاخيره
وسوت لي سونار قالت البيبي ضاغط تحت على الحوض وقت ماخذت الصوره كان واضح فعلا الراس والضغط كله تحت
الحمدلله
قلت لها احس من كثر الضغط احس بافرازات عطتني غسول
وقالت تبين مسكن للالم قلت لها لالا ماحتاج شي نقدر نتحمله ان شاء الله والله يهون علي وعليكم جميعا يا بنات
شهوده اول مره تقولي الدكتوره ان كل 28 من الشهر تدخلين شهر جديد يعني اليوم 11 يوم من السابع

شهوده شكثر لج بما اننا متقاربين جدا جدا جدا :) ونشوف مني تولد قبل الشاطره فينا :)
ام المهند حاشني نفس شعورج سألت الدكتوره
اكيد بنوته شريت كلشي وردي

:)


بنات انا شريت اغراض البيبي كلها تقريبا
وان شاء الله بصورها وبعرض لكم بعض الاشياء منها
بس تبقى اغراضي انا الخاصة للنفاس
وان شاء الله بالقريب العاجل يارب



دمتم سالمين
اختكم شريفة

شخباركم بنات <<<<<<<<<<<<< اقصد نسوان

وشخبار العيال الحلوين

حبيت اسلم عليكم بعد ما قريت الي فاتني وان شاء الله بكرة بدردش معاكم

تصبحون على خير

هلا بالغاليه شوشو أم سعود


الحمد لله الحال زين وعلاوي بخير بس مطلع لي قرون ههههه


وعمره ألحين 3 سنوات و 9 شهور و 10 أيااااام إلا ساعه خخخخخخ



والله يخلي لج سعود ويحفضه يارب من كل شر ومكروه وياترى هو بعمر ولدي



والا أكبر أو أصغر ,,,, وسلمي لي عليه




وإن شاء الله راح أبتدي بالتجهيز عما قريب بس عندي كم شغله راح أسويها بألاول



ولو زوجي نشيط والله من زماااان أشتغلت بشقتي وغيرتها بس شاسوي الرباده عنده ببلاش



و من بعدها راح أبتدي تجهيزات النونو والبحرين صغيره حطيت ببالي كم محل بإذن الله



بقدر أزورهم بيوم واحد بعد البحرين كلها أنتيفه خخخخخ




ياقلبوا ترا اني بعدك بكم يوم وكل تاريخ 2 أدخل شهر جديد يعني اليوم صار لي



6 أيام من الشهر السابع





&&&&&&&&&&&&&&&&&&&&




ياهلا بالعزيزه كربلاء


كيف حالك أختي وكيف النونو اللي جالس بالكروشه


أبسألك كربلا متى موعدك الجاي بالمركز يمكن نتلاقى ونتعرف


والله يسلمك يالغاليه من كل شر وننتظرك تدردشي معانا

احلى صباح لكل الكروشات..شخباركم وشو مسوين..انا بخير وشهودة تسلم عليكم كثير..بس هالكني الم الظهر ياااااه تعبت ما اقدر امشي مثل الناس..
تعالوا اخبركم شو حلمت البارحة وهاي يمكن ثالث او رابع مرة اشوف هالحلم..حلمت اني بمكان جميل وكانه مكة وجالسة على صوب وفي حد جا وعطاني كمية من الورد الابيض وماكان مني الا ان اخذته ولبسته للرضيع الي بيدي..
كل مرة يتكرر لي هالحلم وطبعا اشوف اماكن اخرى مثل حديقة او جبل اخضر او ماشابه بس لازم اشوف الورود البيضاء
واقوم مستانسة عسى حلم خير يارب :)
بس بس خلصت اخباري

أم المهند:
بصراحة يا أم الجوري ما تسد شهرين وايوي عليهم هناك عندش في الشغل

ليش إنتي ما عندش رصيد إجازات ؟؟ وأعتقد من حقش تاخذيهم من غير الـ 50 يوم مال القانون .

بنت الحلال تخلي بنتش عمرها شهرين يعور الفواد .. راجعي نفسش خخخخخخخ <<<< جالسة أوسوس لش بس في النهاية لصالح فجورة تستاهل الغالية .

الله يقدم اللي فيه الخير يا رب

[grade="00BFFF 4169E1 0000FF"]صبحتي الحلوة:
لا حبيبتي عندي رصيد اجازات
فوق الاربعين يوم
لاني من اشتغلت خذيتها مرة وحدة يوم العرس
وخذيت 26 يوم
***
حتى عمتي تقول خذيلك اجازة لحد ما يكون عمر بنتك 3 شهور
بس ما كأنها وايد
بتردين الدوام كانش وحدة يديدة
****

اللين ما يوصلوا النونات بالسلامة
واللين ما نتأقلم عليهم ويتأقلموا علينا
ان شاء الله خير

***
فجــــــــــــــــــــــــــــــر ومـــــــــــــــــــــــودة والبيبات كلهم
يستـــــــــــــــاهلون والله[/grade]

هلا شريفة اخبارك واخبار الحمل..حمدلله على فحوصاتك :)
كربلاء وينك من زمان .. يعجبني اسمك كثير ويذكرني بالمقولة الشهيرة ..كربلاء لازلت كربا وبلاء ..يلا ننتظر اخبارك
احلى شهد ماشاء الله علاوي عمره 3 سنين :clap: الله يحفظه والعمر كله يارب

صباح الخيرات بنوتات <<<<< أصغركم

مو الأخبار وبالبداية أصبح ع المتواجدات ( المجموعة العمانية ) ههههههه سوسو أم شوشو و أم الجوري .. مو أصبحتن يو حبابيني

داشة أسلم وراجعة لكم بعد ما أخلص شاربة الشاهي لا تسيرن مكان ..

شريفة انا بخير حبيبتي

تعالي بغيت ازيد المواجع

ما ادري امس خطر على بالي موضوعش

اللي بكاك

هو زوجك وسفره

ما في شئ جديد

يبشر بالخير

يا اخصائيتنا

بصراحة الله يعينك

بس اكيد حــــــــــــــلوة وظيفتك وتستفيدين منها في حياتك العامة

****

هلا بسونيا
شخبارك

المشكلة يبغى لك تطرحي
حلمك في منتدى تفسير الاحلام

عن يكون تفسير تسمي ينتك " ورود":cool2:

اللي يفرحك اكثر يوم بتشوفين شهودة تكبر وتصير عروس


****

أم المهند:
صباح الخيرات بنوتات <<<<< أصغركم

مو الأخبار وبالبداية أصبح ع المتواجدات ( المجموعة العمانية ) ههههههه سوسو أم شوشو و أم الجوري .. مو أصبحتن يو حبابيني

داشة أسلم وراجعة لكم بعد ما أخلص شاربة الشاهي لا تسيرن مكان ..

الله يهنيك بالشاهي

عاد عزمينا

نحن هنا

جالسين

الله يصرف بليس الشغل

اللي المفروض يكون نعمة

وانا عن نفسي جالسة كذاك


****

اخبارج يا ام مهند ..شخبار الدوام؟؟ وانتي يام فجورة شخبار فجر.. شو ماكان تفسير الحلم اتمنى سكون خير :)

انزين عندي سؤال .. هل لازم الحامل (البكر ) تكمل 40 اسبوع عشان تولد او يمكن لها الولادة باي وقت من شهر التاسع طبعا انا اتكلم عن الولادة الطبيعية ..يعنى يصير وحدة تولد قبلها ويكون الطفل سليم غير محتاج لوضعه في الرعاية الصحية..

صباح الخير بكل بنات المنتدى,,,,,

انا الحمدلله بخير وانتظر متى اولد بس تعبت خلاص,,,,

المهم اخباركم انتو وشو الحمل معاكم,,,,

اخت سونيا انا ولدت قبل موعد الولادة باسبوعين وكان ولدي كامل بس كان عنده ثقب في الحجاب الحاجز واحتاج انه يسووله عملية ويمكن يكون هو سبب الولادة,,,

المهم انه الوحدة من تدخل التاسع تتوقع في اي لحظة الولادة

صباحكم ورد حوامل وكروشات



ما شاء الله النشاط اليوم خاص للعمانيات بس زين جت رميثه وكسرت الحاجز خخخخ



والحين أحلى شهد وياكم تصبحكم بالخير مع أنه الوقت ظهر عندنا هههههههه توها الناس



شاسوي رقاد متأخر ومن أقعد على طول المطبخ وتوني فارغه وجيت للنت والرابطه هذي




عزيزتي سونيا حلمك جميل واتخيلته بكل كلمه قلتيها بس ياريت تطرحيه بركن التفسير وعساه



خييير يارب



وفعلا ياسونيا علاوي عمره 3 سنين وقريب بيكمل الاربع سنين ويه ولادتي بإذن الله و



أحلى مافي الموصوع انهم بيكون الفارق بينهم 4 سنين كامله مكمله




عادي أختي البكر وغير البكر تولد بأي وقت وكله بيد الله سبحانه جل وعلا



بولدي علاوي ولدت قبل موعدي بس بأربعه ايام تقريبا وصاحبتي تأخرت 15 يوم وهي بكر



والحمد لله الاثنين سليمين والوحده عادي من تدخل شهرها تتحسب للولاده بأي وقت

هلا بأم فجوري الغاليه


شخبارك وشخبار فجر الحلوه



ياقلبي الحين تقولي الـ 3 شهور واجد بس بعدين لما تشيلي فجر بيدك ماودك تفارقيها خصوصا


انها بتكون معك خلال هالفتره وطول الوقت بتتعودي عليها وما ودك ترجعي الشغل عشانها




صدق اني مامريت من قبل بهالأحساس اني اترك علاوي لاني ولا مره توضفت ههههه بس هذا



الشي أتوقعه بكل الحريم لأنه فعلا صعب تروحي الدوام وخصوصا أول الايام بتشوفي



كيف الامر بيمر عليج صعب وحتى لو بقيتي مع الطفل أكثر من 3 شهور بعد الامر أحسه صعب



^^^^^^ شفتي كيف أم المهند بتشرب الشاهي وما تعزم ^^^^^^^ شكلي بشن عليها حرب