حوامل شهر يوليو 2007

مراحب أمهات يوليو...

كيفكـــــــــــــــــــــــــــــم وكيف البيبي :


ســــــــــــــــــــــــــــلامــــــــــــة

ريولك حبيبتي ام سعود ما تشوفين شر

صايرة هندية قبل لا يجيهم الالم

يدهنون بفكس

بس عسى خف الالم

انتي تبين بنوتة

الله يرزقك ان شاء الله
بوحدة حليوة مثلك
ونرسلها شباصات ونعالات
بس حيرتكم ام المهند


****************

وسلامتك الغالية شهودة من الكحة
وعساك على الصحة
وتتمعين بحملك بلا اي عوار رأس

*****************
وباقي البنات اخبارهم

***************

بالنسبة للرابع الحمد لله التعب النفسي من الوحام خاف
والكروشة كبرت
لدرجة انه حميتي الصغيرة " اخت زوجي" راحت اسبوع يوم ردت
بججت عيونها وفرحانة تقول الله مبين انك حامل
ورحت عند أهلي واختي الكبيرة لما فسخت العباية مع اني لابسة جلابية بيت واسعة كثير كان اكشنها نفس اكشن حميتي...تقول يالله عاد اكلي زين علشان في الخامس والسادس تكونين شئ..

وحركة البيبي ما اعرف احس بتقريص في بطني ومرات ع جنب احس بثقل ثواني ويختفي على حانب اليسار اكثر شئ

وفي انتظار احلى لحظة..اني اعرف بنت او ولد وما راح اعلمكم لاني محتارة ايش ابى بس البنات الصغار يقولولي هاذي بنت مثلنا :shy:

************


وسلامتكم
علومكم انتوا بنات

************

صبحكم الله بالخير



ماشاء الله يا أم عبد الرحمن سالفتك مثل سالفتي



لما رحت بيت أبوي الكل لاحظ كرشتي



أختي اتقولي متى طلعت ههههه



واللي يسألني ماتحرك البيبي




يبون كل شي مره وحده ههه





عاد أني شان زين بس الكروشه طالعه الا والسواد عند الرقبه



مسويلي تقزز وكل يوم يزيد عن قبل وكل ما دخلت أستحم




هااااات يافرك بهالرقبه لين تصييير حمره عبالي راح السواااد




ولين جيكت بالمنظره أشوف ماتغير ولا شي أهئ أهئ




وشي ثااااني بعد




صدق البيبي ماتحرك بس أحيان أحس البطن أسفل السره يصير يابس



جهه وحده بس والجهه الثانيه عادي





ومن أحلى التغيراااات أن وجهي صاااااير ينور وبياض ونعومه بس الرقبه




من الخلف بالعكس كل يوم تسووود ههههه وبشره جسمي بعد أحسها ناااعمه



خصوصا اني كنت شايله بالحلاوه من شهر وللحين ماطلع لي شعر بجسمي الا قليل



كأني هذرت واااااجد




يالله بالحلقه الجاااايه راح أكمل بقيه التغييرات اللي بجسمي هه



وأشوفكم على خيييير




وصبااااااحكم عسل يا حلوييييين

أحلى شهد:
هلا وسهلا ومليون غلا أختي


إنشالله كل خير يارب ويطلوا علينا بعدين الخوات العزيزات ام عبدر الحمن وأم المهند




حبيبتي أم المهند فيه فرق بين الدكتوره والقابله


يعني لما تكون زياراتنا للمراكز الصحيه مو كل مره ندخل عالدكتوره


مره الدكتوره والزياره الثانيه القابله



ثانيا القابله تسأل كم سؤال وتلمس البطن تكشف عليه واتشوف حجم الجنين


وماعندها جهاز الاترا ساوند بس يكون عندها الجهاز اللي تسمعين فيه نبض قلب البيبي


وتكتب الدوا المعتاد عشان ناخذه من الصيدليه ( أظن بس هذي وضيفتها



أما الدكتوره في دوووم تفحص الام بالجهاز وتتابع القياسات بالتلفزيون

وتفحص الثدي وتخبرنا بالظبط بأي أسبوع وبعض الارشادات للأم الحامل


يعني عنايه كامله ( وسمحيلي ما شرحت كل شي عدل ) اللي اتذكره ههه


وأخيرا اذا شافت تغير في الوزن زياده كبيره او نقصان على طول اتحولنا على


المثقفه التغذيه وهذي دورها التثقيف تقووووم تسألش أسأله كثيره وش تاكلى ووش ماتاكلي


ووش كان أكلش طوووول أمس وهي اتسجل (((( في محكمه ))))



وتقوم أتشوف الاغلاط اللي نتبعها بالتغذيه وتنصح بالكثير الكثير ومن هالكلام


وأخيرا تشوف لنا جدول تنظيمي لحصص الوجبات بدون الممنوعات


وغير انها تعطينا فوائد بعض الاطعمه ومضااااااار بعض المأكولات




بالمختصر المفيد تقعد معاااااج ساااااعه كااااامله تهذر هذر مع الشرح



بس بصراحه كل اللي اتقوله لازم انحطه بالراس لانه مفيييييد



وهذا فرق بين الدكتوره والقابله والمثقفه التغذيه <<<<<<< أضفت المثقفه

يسعد صباحك يا شهودة إعذروني ما دشيت بالويكيند آخذ راحة من النت خخخخخخخخ

تصدقين شهودة نحن ما عندنا شي إسمه ( القابلة ) بس عندنا اللي تقوم بهالأشياء مقام القابلة عندكم نسميها النرسة nurse فما إختلفنا معناته وأنا اللي يالسة أحوس وأقول شوفوا الناس ما إحنا خخخخخ ..

والمثقفة الصحية هم عندنا نحن بعد وبالضبط زيكم تقوم بالنصائح للحامل كيف أكلها ووووووووووووووو ...على قولتك كأنك في محكمة هههههههه ..

مشكورة عالإفادة حبوبة ما قصرتي

SHREEFA:
السلام عليكم
هلا خواتي والله ولهت عليكم وايد وايد وايد
شلونكم شنو اخر اخباركم
والله قعدت اقرأ الحوارات اللي صارت وايد حلوه واااايد
وبخصوص كيس الحمل
خليتوني اقوم واطلع صور السونار الخاصة بولدي سعود وصور الجنين الحالي
مادري صور سعود بعضهم كاني بيضاوي وبعضهم كان دائري حيرتووووني والله حطيت الصور يا ام المهند واقارن صارلي يمكن الحين ربع ساعة انا كانت طايرة عني النومه قلت خل اشبك اشوف البنات شخبارهم طيرتي النومه الحين عني بزووووده هاهاهاهي :)
اذا تبين الصج بخاطري بنووووته بخاطري شباصات فساتين حلوه تنانير يااااي بس اللي الله كاتبه يصير ان شا ءالله واللي ايي من الله حياه الله

انا اليومين اللي طافوا الله يسلمكم واسم الله عليكم عوار في ريولي مادري من شنو وايد تعورني وتورم بس كله رافعتها ودهنتها ذاك اليوم بفكس ودفيتها قلت يمكن برووده والله العالم

حبيت اسلم عليكم



دمتم سالمين
اختكم شريفة

هلا بأحلى أم سعود شحااالك الطيبة وووينك إنتي عن الرابطة من فترة والله إلك وحشة الله يستر عليك حبيبتي ..

اما بخصوص كيس الحمل فأكدته لي وحدة طبيبة لأني زيك كنت محتارة وقالت إذا ما ظهر الشكل الصحيح في الورقة مال السكانر فهذا معناته إنه هي خذت بوجى عام للرحم ومن هالكلام ..

فديتك شروفة والله أنا زيك نفسي في البنت ربي يرزقنا آميييين ويفرح عيالنا ببنوتات حليوات ، تصدقي من وأنا كنت أتريا الحمل كنت أشوف ملابس بنوتات أتهبل عليهم والشباصات والذهب والحركات هذي .. يا ربي كيف البنات يهبلون بجد أدعي ربي يحقق لنا اللي ببالنا آميين يا رب ..

بالنسبة للعوار في الريول فسلامتك ما تشوفين شر ، بس إنتي متأكدة إنك ما تشتكين من الورم ؟؟ إذا كذا فديري بالك من البداية وفعلا رفعي ريولج وأنصحك ما تمسحين لا بفكس ولا غيره لأن الورم مع المسح يزيد العلة ( طبعا هذا إذا كان عندك ورم ) وإذا كان عوار عادي فخففي من الجلوس بالمكتب وغيره لأن الضغط ع الشرايين وارد في هالحالة حبيبتي فلا ترهقي نفسك في العمل تراه ما يستاهل مقابل صحتك يا عيوني ..

الله يعطيك العافية ويشافيك يا رب ( طمنينا عليك أول بأول ) ..

أحلى شهد:
صبااااااااح الخيييير

شخباركم بنات وحوامل


الحين أني كملت 17 أسبوع وثلاثه أيام وزيارتي للدكتوره باقيلها يومين


وعندي تطورااااات كثيره وسرييييعه وأنشالله لين فضيت بأقرب فرصه أبذكر


كل هالتطووووورات

هلا بشهودة ..

نحن بخير ولله الحمد وشكلك عندك أخبار حلوة بس ما عطتينا التفاصيل !!!!

يا اللللللله حلوة سالفة التطورات السريعة يالله منتظرينك على أحر من الجمر نبا نعرف سوالفك

لا تتأخرين علينا

أحلى شهد:
السلام عليكم ورحمه الله وبركاااته




نهاركم سعيد حواملنا الغايبين وينكم عسى ماشر



وينكم خواتي الغاليين أم المهند وشريفه وأم عبد الرحمن وكربلا وطمطم وبوكيه ورد



وبقيه الحوامل اللي انقطعتوا عناااااا



نريد نعرف أخباركم عشان تحلى سوالفنا معااااكم



المهم يابنات بخبركم عن بعض التطورات اللي صارت لي بهالشهر الرابع




البطن بدأ يكبر وواضح كماااان وضاقت علي الملابس وحاليا أدور على ملابس خاصه بالحمل



الوحااااام ونسينااااااه والحمد لله بس أمراض الشتاء ملازمتني ماتبيني اتهنى بحملي ههههه



وبقيه الاعراض والتغيرات راح اكتبها بعدين أحس روحي أشوي تعبانه من الكحه








راجعه لكم يابنات اليوم عشان أكمل معاكم تغيراتي فلا تبخلون علينا بسوالفكم

حبيبتي شهودة نحن هنا ما عليك منا وبالتأكيد إذا ما شاركنا مو معناته إننا ما نعرف سوالفكم بالعكس نقرأ من وين ما وقفنا خخخخخخخخخخخ وتاليها نشارك ..

وبعدين في هالرابطة صرنا مميزين ومعروفين من نحن واللي أكثر شي يشارك ( غريبة وين الباقي ) الله يعطيهم العافية يا رب وينورونا من جديد ..

الله بطنك كبرت ما شاء الله .. والله أنا حاسة نفس الشي الحين بدليل التنانير ما عادت تسع لي ..

بس شو سالفة أمراض الشتاء يا كافي الشر ؟؟؟ خير شو فيك ؟؟؟

فيه شي غير الكحة والزكام مثلا ؟؟ عموما حاولي تشربين الحليب بإضافة شوية من الزنجبيل تراه ينفع لحالتك ، وإذا ما حبيتي الوصفة إشربي الحليب مخلوط فيه ملعقة كركم طبيعي هم ينفع لهالشي ..

تراه الكسل هو اللي يأخر الشفاء فلا تتهاوني بالوصفتين وجربيهم يا قلبي والله يعطيك العافية دوم يارب ..

UMABDULRAHMAN:
مراحب أمهات يوليو...

كيفكـــــــــــــــــــــــــــــم وكيف البيبي :




وباقي البنات اخبارهم

***************

بالنسبة للرابع الحمد لله التعب النفسي من الوحام خاف
والكروشة كبرت
لدرجة انه حميتي الصغيرة " اخت زوجي" راحت اسبوع يوم ردت
بججت عيونها وفرحانة تقول الله مبين انك حامل
ورحت عند أهلي واختي الكبيرة لما فسخت العباية مع اني لابسة جلابية بيت واسعة كثير كان اكشنها نفس اكشن حميتي...تقول يالله عاد اكلي زين علشان في الخامس والسادس تكونين شئ..

************


وسلامتكم
علومكم انتوا بنات

************

هلا بالغالية أم عبدالرحمن نورتينا حبوبة ..

نحن بخير يسرك الحال وأخبارك حلوة عن كبر بطنك بس عاد سمي بنت الحلال تراه ما زين الإنبهار بالحامل كذا ، وخليهم يذكروا الله

ههههههههه ، أما أنا الحين أجيب المهند وأقوله كلم أختك هههههههههههه والله إنه عايش بفرح وشوق وكل يوم يسألني متى تولدي خخخخخخخخخخ ، ودومه يسألني ما كبرت بطنك علما بأن فيه كروشة صغيرة ما راحت من بعد ما ولدته وأوهمه أقوله هذا بطني شووف ..

بجد هو معيشني في فرح بحملي الله يسعده يا رب ويرزقني البنت اللي تكون له الأخت الونيسة يا رب .

هلا وغلا ويامسهلا بالغاليه أم المهند



قريت كل سوالفك الحين وأني مبسووووووووطه


والله اني سعدت بوجودك




وأنشالله راح ارد وأكمل بقيه التطورات هههههه




بس حدي مستعجله عال (هياته) بطلع شوي وراده العصر

[grade="00BFFF FF6347 008000 4B0082 32CD32"]السلام عليكم ورحمة الله وبركاته


مراحب بأحلى رابطه


صراحه مره اشتقت لكم

بس صارت مشكله في الجهاز
وبعد اصرار على زوجي اخيرا صلحه


المهم وش اخباركم وش علومكم

يا حليلنا والله وصرنا في منتصف الحمل
والحمد لله ان شاء الله راح وقت الخوف


الحمد لله انا الان في الشهر الرابع
في الاسبوع الخامس عشر و4 ايام

الحمل ماشي معي بس مستعجله على الولاده

الله ييسرها ويهونها

قريت كل ردودكم السابقه من آخر صفحه قريتها

مره اضحك ومره ادعي لكم


ومشكوره اختي احلى شهوده بهالدنيا على الرساله وسؤالك
وسبحان الله جت بوقتها



يالله نشوفكم على خير ولي عوده [/grade]

مسلمه وافتخر الله يخليلج اللي ببطنج وتقر عيونكم به يارب ياكريم



أحسج وايد مستعجله هههههه وش لش بالولاده وطاريهاااااا



خلينا بفتره الحمل لانها مرحله جدا جميله بحياه كل امرأه



عن نفسي أحسها كالتجربه أو رحله مدتها تسعه أشهر جميله جدا رغم صعوبه أجتيازها



العفو أختي مسلمه والله ييسر حملج وحمل كل بنت بهالمنتدى وبهالدنيا يارب ياكريم

مرحبا حوامل


اشكر احلى شهد من كل قلبي على رسالتها اللي كلها ذوووق


واانا اسفة اني انقطعت عنكم مب علشان شي قلبي وياكم والله بس فتحت رابطه لبنات قطر وصرت ادخلها واطلع ..

بس خلاص اوعدكم اني بعد بتم وياكم

انا بالنسبة لي دخلت الرابع امممم والنساه خفففت بس يجيني صداع







بغيت اسألكم في حد عرف جنس الجنين؟؟؟؟ودي اروح علشان اشوف بس احس بدري ومايبين

مرحبا خواتي ...

حبيت انظم لكم وانا بعد ان شاء من حوامل شهر يوليو وانا لحد الحين الحمد لله بالشهر الرابع وباجي جم يوم وبدخل الخامس والحمد لله كل شيء بخير ...واتمنى اني اشارككم بكل شيء ....

يا هلا ويا مرحبا بشهوده

أحسج وايد مستعجله هههههه وش لش بالولاده وطاريهاااااا

انا مومستعجله عالولاده
انا مستعجله اشوف النونو


ولا الولاده ما احب احد يجيب طاريها مع اني ما جربتها لكن بعض الحريم يهولون بزياده ويخوفون عالفاضي واحنا باول الطريق
















0000000000000000000000000000000000000000000000000000000000000000000000












مراحب فيك اختي احلى ام

وبعودتك


وزين النساة خفت الله يكون بالعون

والله يشفيك من الصداع ... آمين

وان شاء الله ببداية الخامس راح يبين كل شيء

وصراحه انا ما ودي اسال لكن الفضول ذابحني

مره اقول الموعد الجاي بسال ومره اقول خليها مفاجاه ازين




.............................................................................................................................


مرحبا باختي شظايا الروح


الحمد لله على سلامتك ويا مرحبا بإنضمامك معنا


واتمنى عدم انقطاعك
ودوووووووووم اتصالك بالرابطه

أم المهند:
يسعد صباحك يا شهودة إعذروني ما دشيت بالويكيند آخذ راحة من النت خخخخخخخخ

تصدقين شهودة نحن ما عندنا شي إسمه ( القابلة ) بس عندنا اللي تقوم بهالأشياء مقام القابلة عندكم نسميها النرسة nurse فما إختلفنا معناته وأنا اللي يالسة أحوس وأقول شوفوا الناس ما إحنا خخخخخ ..

والمثقفة الصحية هم عندنا نحن بعد وبالضبط زيكم تقوم بالنصائح للحامل كيف أكلها ووووووووووووووو ...على قولتك كأنك في محكمة هههههههه ..

مشكورة عالإفادة حبوبة ما قصرتي

هلا أم المهند


زين انش ماخذه أجازه من النت ههههه


أهم شي راحه الحامل والنت لاحقين عليه بكل الوقت



اتصدقين يوم قريت الرد قلت في نفسي ليش مو من البدايه قلت ان القابله هي النرس هههههه:qaq:

أم المهند:
هلا بشهودة ..

نحن بخير ولله الحمد وشكلك عندك أخبار حلوة بس ما عطتينا التفاصيل !!!!

يا اللللللله حلوة سالفة التطورات السريعة يالله منتظرينك على أحر من الجمر نبا نعرف سوالفك

لا تتأخرين علينا

ههههههه التطورات والتفاصيل جايه على حلقات



حلقه تكون :clap: :clap: زي كذا كووووووول


وحلقه تكووون :sad: :sad: زي كدا حزينه هههه



وراح اكمل الحلقات كل ما حسيت بتغييير

:sad:

أم المهند:
حبيبتي شهودة نحن هنا ما عليك منا وبالتأكيد إذا ما شاركنا مو معناته إننا ما نعرف سوالفكم بالعكس نقرأ من وين ما وقفنا خخخخخخخخخخخ وتاليها نشارك ..

وبعدين في هالرابطة صرنا مميزين ومعروفين من نحن واللي أكثر شي يشارك ( غريبة وين الباقي ) الله يعطيهم العافية يا رب وينورونا من جديد ..

الله بطنك كبرت ما شاء الله .. والله أنا حاسة نفس الشي الحين بدليل التنانير ما عادت تسع لي ..

بس شو سالفة أمراض الشتاء يا كافي الشر ؟؟؟ خير شو فيك ؟؟؟

فيه شي غير الكحة والزكام مثلا ؟؟ عموما حاولي تشربين الحليب بإضافة شوية من الزنجبيل تراه ينفع لحالتك ، وإذا ما حبيتي الوصفة إشربي الحليب مخلوط فيه ملعقة كركم طبيعي هم ينفع لهالشي ..

تراه الكسل هو اللي يأخر الشفاء فلا تتهاوني بالوصفتين وجربيهم يا قلبي والله يعطيك العافية دوم يارب ..

حلو الواحد يسولف عن نفسه ويستمع لغيره خصوصا أذا كنا بمرحله وحده :clap:




وسالفه أمراض الشتا حبيبتي هذي هي الكحه :sad: والزكاااام :confused:



لان الكحه مب زينه للحامل وكل مارحت دكتوووور خاص عطاني دوا غييير


جمعت عندي صيدليه من الادويه والكحه لا زالت أحسها صعب انها تروح بسهوله



ودوووووم أشرف مويه داااافيه أو سوائل صااااخنه والبارد صار من الماضي




أما الزكام مو هامنى ابد لانها ماراح اتأثر بالبيبي وأحسه أخف عن قبل الحمد لله



ومشكوووووره غناتي عالوصفتين والاولى أشربها الزنجبيل حلو بالشتا




وراح أجرب اليوم الوصفه الثانيه وارد واقول مشكووووره عمري عالوصفه




والله يجزيك ألف خير وعافيه ويتمم عليك الحمل بكل يسر يا رحمن يارحيم

أحلى أم:
مرحبا حوامل


اشكر احلى شهد من كل قلبي على رسالتها اللي كلها ذوووق


واانا اسفة اني انقطعت عنكم مب علشان شي قلبي وياكم والله بس فتحت رابطه لبنات قطر وصرت ادخلها واطلع ..

بس خلاص اوعدكم اني بعد بتم وياكم

انا بالنسبة لي دخلت الرابع امممم والنساه خفففت بس يجيني صداع




ياهلا وسهلا بأحلى أم


العفو يالغاليه ورابطه قطر على عيني :clap: بس أحنا هنا بمرحله وحده


يعني كلنا بصف واحد بنفس الشهر والتغيرات تجينا قريبه من بعض وحلو


أنسولف كلنا عنها :shy:



عن نفسي ادخل رابطه البحرين وتلقين وحده قريب بتولد والثانيه اتبشرنا بحملها


والحلو في الرابطه اننا نستفيد من اللي غالبينا من ناحيه التجهيزات ووين أماكنها


وأسماء بعض الدكاتره



وحياش الله أختي معانا بالرابطه وأنشالله ماتقاطعينااااا :shy:




وألف مبرووووك على دخولش الرابع وعقبال الخامس والساااادس لي التاسع



على ألف خيييير يارب وتبشرينا بولادتك يارب وكمان أحنا نبشركم











بغيت اسألكم في حد عرف جنس الجنين؟؟؟؟ودي اروح علشان اشوف بس احس بدري ومايبين

أنشالله بهالشهر راح ينعرف جنس البيبي أو ببدايه الخامس :shy:

شظايا الروح:
مرحبا خواتي ...

حبيت انظم لكم وانا بعد ان شاء من حوامل شهر يوليو وانا لحد الحين الحمد لله بالشهر الرابع وباجي جم يوم وبدخل الخامس والحمد لله كل شيء بخير ...واتمنى اني اشارككم بكل شيء ....

ياهلا ومسهلا ومليووووون هلا وغلا بكي ( شظايا الروح ) معنا بالرابطه:shy:




باب المجلس مفتوح 24 ساعه تعالي سولفي واتقهوي كماااان :clap:



المره الجايه خبرينا موعد الولاده بأذن الله :salam:



وارد اقول حياش الله معااااانا من جديد

[QUOTE=مسلمه..وافتخر]يا هلا ويا مرحبا بشهوده


انا مومستعجله عالولاده
انا مستعجله اشوف النونو


ولا الولاده ما احب احد يجيب طاريها مع اني ما جربتها لكن بعض الحريم يهولون بزياده ويخوفون عالفاضي واحنا باول الطريق




هههههههههههه



انشالله أتشوفي النونو على خييير يارب (w)


وأما الولاده فلا تخافين ولا اتحاتين أحنا مجربينها من قبل :shy:


والنسوان واجد يبالغون فلا تسمعين كلامهم :gum:



وعشان تتطمنى دوم أقري أيه الكرسي على بطنك


وداومي على سوره مريم


والله يسهل عليكي الولاده يارب وتقر عيونك بشوفه النونو



:shy: :shy: :shy:

مساء الخير

انا اليوم احس نفسي الحمدلله بس بسألكم ساعات تقومون من النوم تحسون ان مالكم بطن؟؟

عادي؟؟؟

وساعات وانا نايمه اتحسس مالقا بطن كلش اقول من يصدق اني في الرابع ؟؟


اتضايق ووايد اخاف ع البيبي..وانا اصلن في هذي الحمله وايد اوسوس اقول متى يتحرك البيبي علشان اتطمن عليه كل شوي