حوامل شهر يوليو 2007

هلا وغلا بالغاليه شريفه




ياحبيبتي منتى قاطعه ولا شي وأهم شي راحتك ثم راحتك ثم راحتك



وقت اللي اتكوني مرتاحه فيه اشبكي النت ووقت التعب أنسي النت


وسالفه البطن أني عندي من قبل كروشه وبعد ماشالله طلعت لي كرشه زياده والحمل


مبين على ماشالله عدل مدل


والرقبه كل ماليها يزيد سوادها


والحمد لله الجنين للحين ماتحرك ولا رفرف


وزين ان هالحمله أخف عن اللي سبقتها ولله الحمد


وننتظرك يوم الاحد بألأخبار الحلوه


واتحملي بروحك وخذي راحتك




وتصبحوا على خير

الله يعطيك العافية يا ام سعود وسلامتك حبيبتي
ومثل ما قالت شهد اهم شئ راحتك
بس احنا نحب انه نطمن عليكم
ولما تقطعوا نحاتيكم...
وعساكم دوم ع القوة حواملنا
************

مرحبا


شلونكم


اليوم انا تعبانه شوي نعاس فظيع والم باخر بطني وبالجهه اليمين مثل الالام الدورة

وبس توني جايه من الدوام وبرتاح شوي اشوفكم على خير بعدين

الف مبروووووووووووووك لكل حوامل .......... بس انا عندي ولد وبنت ....... وابغي احمل في شهر 7/2007 .. اشرايكم مب احسن .......واتمنى احمل بالبنت ...........

2m2m:

مرحبا يا احلى حوامل

سلامات ما تشوفي شر يا أحلى أم
ان شاء الله تقومي من النوم ما تلاقي اي اثر لألم بطنك و يكون بس من ارهاق الدوام

هلا بيكيroooh-2007 ان شاء الله ربنا ينولك اللي في بالك و يرزقك بنوتة حلوة زيك

المهم يا حلوين انا عندي خبر حلو اليومقلت لازم اقولكم هوا على طول
انا امس حسيت بحركة بسيطة في بطني اتوقع انها حركة الجنين بس صراحة مو متأكدة
لأني ما عندي خبرة و ما أعرف كيف يكون الاحساس بحركة الجنين بالزبط
بس انا انبسط و قلت اقولكم تنبسطوا معايا

و كمان اللي تعرف كي يكون الاحساس تقولي عشان اتأكد

عقبالكم كلكم ان شاء الله تبشرونا بحركة النونو قريب

اشوفكم على خير ان شاء الله

مرحبا اختي كيفك

ماشاء الله ماشاء الله ماشاء الله

الله يثبته ويخليه لك


سراحه ما اعرف كيف حركة البيبي لاني بكريه


وحسيت في اليومين اللي فاتت حركه بسيطه لكن ما تأكدت لان معي غازات واجده

وماني متأكده لان الاحساس نفسه


ان شاء الله البنات يفيدونا

انا امس حسيت بحركه جذي مثل رفسه صغيرونه جنب السر ماادري عاد هل هي حركه ام غازات


بنات بسألكم عن منطقه السر عندكم انا سري وايد داخل على داخل وساعات احسه مشدود انتوا شخبار السر عندكم؟؟

يه انا اخر من كتب امس واول من كتب اليوم


وينكم كروشات عسى المانع خيير

ماشالله ماشالله طايحين سوالف من وراناااااا



يالله راح اقرأ رد رد وارد عليه


بس لاحظت غياب حواملنا شريفه وأم عبد الرحمن وأم المهند وبوكيه ورد

أحلى أم:
مرحبا


شلونكم


اليوم انا تعبانه شوي نعاس فظيع والم باخر بطني وبالجهه اليمين مثل الالام الدورة

وبس توني جايه من الدوام وبرتاح شوي اشوفكم على خير بعدين

ماتشوفي شر حبيبتي أحلى أم وأهم شي راحتك أنتي والبيبي



وأحنا نبي نشوفك دوووم مرتاحه وكووووول :clap:

roooh-2007:
الف مبروووووووووووووك لكل حوامل .......... بس انا عندي ولد وبنت ....... وابغي احمل في شهر 7/2007 .. اشرايكم مب احسن .......واتمنى احمل بالبنت ...........

رووووح الفين وسبعه


الله يخليلك ولدك وبنت يارب وتجيبي لهم خوات وأخوان


والله يعطيك العافيه وتحملين بشهر سبعه ويكون أحنا نربي وانتي تبدأي مشوار الحمل :clap:

2m2m:

مرحبا يا احلى حوامل

المهم يا حلوين انا عندي خبر حلو اليومقلت لازم اقولكم هوا على طول
انا امس حسيت بحركة بسيطة في بطني اتوقع انها حركة الجنين بس صراحة مو متأكدة
لأني ما عندي خبرة و ما أعرف كيف يكون الاحساس بحركة الجنين بالزبط
بس انا انبسط و قلت اقولكم تنبسطوا معايا

و كمان اللي تعرف كي يكون الاحساس تقولي عشان اتأكد

عقبالكم كلكم ان شاء الله تبشرونا بحركة النونو قريب

اشوفكم على خير ان شاء الله

ماشاء الله ما شاء الله تبارك الرحمن :clap:



بصراحه خبر حلو وياريت كلنا نتبعك بحركه البيبي




بما ان حالحمله هذي للحين ماحسيت بالحركه


بخبرك بحركه حملي الاول بولدي



حسيت بآخر الرابع حركه خفيفه بكرشتي

وهذي الحركه ماتحسستها بيدي بس جوات كروشتي

مثل رفرفه الفراشه


يعني اتخيلي انش تلمسي جنحان الفراشه وهي تطيير كيف حركه ناااعمه



هذا اللي حسيت به وبعد كم يوم حسيت بحركه رفه أقوى يعني لما امسك بطني أحسه


مره وحده ينقز نقزه خفيفه خصوصا لما انسدح عالسرير وأكون نايمه على ظهري أحس


بهالحركه وكل يوم الحركه تقوى وتكبر لحتى الشهر الثامن تحسينه يتحرك يمين يساااار


وتحسي بالحركه بكل وضوح انه الجنين ينتقل يمين ويسار وركلات ترجيحيه وركنيه

واجوال ورفس وكل حاجه



بالشهر التاسع تقل حركته لانه يكبر وماعنده سعه للحركه




وأشوفكم على ألف خييير

ماشاءالله الحمدلله يا ام2ام2
ان شاءالله الله يتمم عليكم الحمل سبقتونا في احساسكم بحركة البيبي الله يخليهم لكم وتشيلونهم بين ايديكم
انا الظاهر حده حده البيبي كسلان ما حسيت فيه والله اليوم اتناقش مع امي اقولها يوم حامل في ولدي اول مره حسيت فيه باخر الثالث وبالرابع كان يتحرك
انا اليوم لي اول يوم بالخامس ماكو حركة بس ان شاء الله اول مايتحرك راح اقولكم عن الحركة
وبخصوص البطن انا عندي يتسمت ويصير يابس خصوصا اذا تعبت واذا بذلت مجهود .

واحلى شهودة شلونج ام المهند شخباركم اخواتي صديقاتي :) امهاتنا الحوامل شخباركم بشرونا عنكم

بانتظار اخر اخباركم

دمتم سالمين
اختكم شريفة

مسلمه..وافتخر:
مرحبا اختي كيفك

ماشاء الله ماشاء الله ماشاء الله

الله يثبته ويخليه لك


سراحه ما اعرف كيف حركة البيبي لاني بكريه


وحسيت في اليومين اللي فاتت حركه بسيطه لكن ما تأكدت لان معي غازات واجده

وماني متأكده لان الاحساس نفسه


ان شاء الله البنات يفيدونا

هلا بالغاليه مسلمه وأفتخر



وما شـــــــــــــــــــــــاء الله على حركه البيبي



وانشالله تكون هذي حركه الجنين يارب مثل أختنا طمطم :shy:


واني رديت على الاخت طمطم كيف حسيت بحركه جنيني بأول حمله ياريت تقرأي الرد


يمكن بمثل حركته اللي اتحسين فيه الحين :clap:


وفي أمان الله

2m2m:

مسلمه و افتخر
شكرا على ردك و ان شاء الله يكون اللي حسيتيه هو حركة البيبي

نستنى البنات يقولولنا كيف عشان نتأكد

أنشاء الله هذي حركه البيبي بس ماخبرتونا كيف شكل الحركه مثلي بأول حمل لي أو غيييير



وأظن قلت بكل اللي حسيته



ويارب اعيش هالأحساس بأقرب فرصه :shy:



صرت متشوقه كثييييير

أحلى أم:
انا امس حسيت بحركه جذي مثل رفسه صغيرونه جنب السر ماادري عاد هل هي حركه ام غازات


بنات بسألكم عن منطقه السر عندكم انا سري وايد داخل على داخل وساعات احسه مشدود انتوا شخبار السر عندكم؟؟

أحلى أم هذي حركه الجنين ما شـــــــــــاء الله :clap:



والكروشه عندك بدأت تكبر عشان جذي السر ينشد هذا ظني لاني الاسبوع اللي طاف حسيت


بالسر ينشد

2m2m:

و كيف الحوامل الحلوين .. وحشتونا

ترى احنا نستنى وحده منكم تعرف عن حركة البيبي و كيف يكون احساسها عشان نتاكد

لا تتاخروا علينا و كمان نبغى نطمن عليكم و على الصغار الحلوين
لسه كسلانين ولا خلاص صاروا نشيطين

هلا بطمطم وانتوا كمان وحشتونا وحواملنا كلهم اللي بالرابطه وحشوني



وعن جنيني ياحليله القمر :shy: كسوووووول حده


وللحين مابدأ عنده النشاط يبيني أحاتيه بس اني صدق تولهت على حركه البيبي


وفي نفس الوقت أقول يالله كل شي بوقته حلو ومابحط الشي براسي وأحاتي


وفي أمان الله

SHREEFA:
ماشاءالله الحمدلله يا ام2ام2
ان شاءالله الله يتمم عليكم الحمل سبقتونا في احساسكم بحركة البيبي الله يخليهم لكم وتشيلونهم بين ايديكم
انا الظاهر حده حده البيبي كسلان ما حسيت فيه والله اليوم اتناقش مع امي اقولها يوم حامل في ولدي اول مره حسيت فيه باخر الثالث وبالرابع كان يتحرك
انا اليوم لي اول يوم بالخامس ماكو حركة بس ان شاء الله اول مايتحرك راح اقولكم عن الحركة
وبخصوص البطن انا عندي يتسمت ويصير يابس خصوصا اذا تعبت واذا بذلت مجهود .

واحلى شهودة شلونج ام المهند شخباركم اخواتي صديقاتي :) امهاتنا الحوامل شخباركم بشرونا عنكم

بانتظار اخر اخباركم

دمتم سالمين
اختكم شريفة

هلا بالطش والرش أختي شريفه هنا :shy:


اي والله يا اختي شريفه اني موعدي معاج واليوم كملت الرابع وللحين البيبي كسول


والبطن كمان عندي متيبس بس احيانا اشوفه لين يعني اوقات عندي تيبس كامل او جهه وحده

وحاليا بطني كله لين مو حاسه بتيبس وأحنا بخير والحمد لله وكل شي تمام التمام