حوامل شهر يوليو 2007

انا اليوم احس نفسي الحمدلله بس بسألكم ساعات تقومون من النوم تحسون ان مالكم بطن؟؟

عادي؟؟؟

وساعات وانا نايمه اتحسس مالقا بطن كلش اقول من يصدق اني في الرابع ؟؟


اتضايق ووايد اخاف ع البيبي..وانا اصلن في هذي الحمله وايد اوسوس اقول متى يتحرك البيبي علشان اتطمن عليه كل شوي

هلا بك احلى ام

احساسك نفس احساسي

دائما اوسوس

بس ما اعطي نفسي مجال

ودائما اقول اذا تحرك راح اطمئن

والوحده منا تستعجل كل شيء في وقته ان شاء الله


هلا بك اختي

أحلى أم:
مساء الخير

انا اليوم احس نفسي الحمدلله بس بسألكم ساعات تقومون من النوم تحسون ان مالكم بطن؟؟

عادي؟؟؟

وساعات وانا نايمه اتحسس مالقا بطن كلش اقول من يصدق اني في الرابع ؟؟


اتضايق ووايد اخاف ع البيبي..وانا اصلن في هذي الحمله وايد اوسوس اقول متى يتحرك البيبي علشان اتطمن عليه كل شوي

أحلى أم ياعمري لا تستعجلي

أني الكروشه بانت لي بسرعه خلال أسبوع طلعت وااااضحه


فأتوقعي هالأسبوع او بنهايته الشهر الرابع تشوفين الكروشه



وهذي سالفتي بأول الحمل أتصدقين كنت بالخامس ويادوب طلعت الكروووووشه


والله الناس اللي كانت تسألني بأي شهر مايصدقون بالرغم اني لما اجاوب عليهم



ما اقولهم اني بالخامس لالا أقول لهم اربعه أشهر وهم مايصدقون ان مالي كروشه ابد


ولما اقول اني اربع شهور مو قصدي الكذب اعوذ بالله بس قصدي اني كملت اربعه أشهر

مسلمه وأفتخر برافووووووا عليكي هذا الشعوووور



انش ماتعطي مجال للوسوسه أبد وخلك كوووول عشان لا تضايقي عمرج

عدت لكم من جديد


إحم إحم إحم


اليوم سرت للدكتوره وطالعت كل تحاليلي السابقه وطمنتي

وسمعت نبض البيبي وكان أوكيه على قولتها بس كنت وقتها خايفه لانه الصوت مب واضح

ولا يبن انه نبض الجنين بس أهي قالتلي أوكيه لانه البيبي توه صغير والصوت مايبين واضح

قلت الها اني لما كنت بالمركز سمعت الصوت أوضح من كذي وكان من قبل ثلاثه أسابيع

قالت لي الموعد الجاي انشالله راح تسمعينه عدل عبالها بنطر للموعد الجاي وأني احاتي



وكمان قالت لي الحجم أوكيه

وطمنتني ان كل شي تمام وكتبت لي على دوا بنفس اللي يعطونه بالمركز


وأخذوا عينه من البول وانتو بكرامه عشان تحاليل الزراعه


والحمد لله هذي أخباري

مرحبا

ماسألتيهم اذا يبين نوع الجنين :)

انا حملت بتاريخ 10 -10
و عطوني اكثر عن موعد ولاده
بس كلهم بين 17 - 20 /7 /2007

بنات ادعولي حالتي النفسيه صفر مضايقه من نفسي و حاسه بتأنيب الضمير و المشيمه عندي نازل و كل فترة نزيف ..

ادعولي الله يثبت حملي

ما شاء الله هالزين
بدت تكبر الرابطة....
كيف صحة حواملنا الغاليات.....
***************
أم المهند:
عسى الله ينولوج اللي في بالك وتجيبي للمهند احلى عروسة صغيرة...

***********

أختي أم سعود عسى ما شر وينج...

*************
شهودة:
لا تسهري وايد ع النت نامي بدري هههه
ترى مو بزين
والله يطمنج على البيبي وتسمعين صياحه جنبك
************

أحلى ام ومسلمة وافتخر
مستعجلين ع الكروشة ليش
ان لما اشوفها انتزق ولو انها حليوة
بس بعد الولادة راح انشيل همها
والله يعلم كم راح يصير كبرها في الاشهر الاخيرة

******************
صح انه الحمل في بدايته صعب
بس الحين وناسة
ومشتاقة اروح الموعد الثاني بتاريخ 20/2
صرت استانس ع روحة المواعيد عشان اطمن ع نفسي
وع حركات البيبي
لما اتخيل اول حركة بيده ما شاء الله عليه انسى هموم الدنيا والشغل
وابتسم
****************************************

صح حواملنا
متى يبدوا يعطونا محلول اللي في سكر
وليش يعطونا ايه ممكن نعرف
**********************************
وعلومكم الحلوة بنات

وسلامتكم

أحلى أم:
مرحبا

ماسألتيهم اذا يبين نوع الجنين :)

لا والله أختي ما سألتهم حتى الزياره القبليه بعد ماسألتهم



وزوجي يبي يعرف جنس الجنين وأني مطنشه



أقوله وش لك بهالسؤال ((( خاطره في بنت )))


اللي يجي من ربنا حيااااه الله


والدكتوره لين ما سألناها ماتخبرش عشان يمكن تحبين يكون مفاجأه للولاده

مجنونة زماني:
انا حملت بتاريخ 10 -10
و عطوني اكثر عن موعد ولاده
بس كلهم بين 17 - 20 /7 /2007

بنات ادعولي حالتي النفسيه صفر مضايقه من نفسي و حاسه بتأنيب الضمير و المشيمه عندي نازل و كل فترة نزيف ..

ادعولي الله يثبت حملي

هلا بيك أختي مجنونه زماني


أختي المواعيد تختلف بس انتي أختاري لك واحد منهم عشان لا اتعبين نفسك هههه




بصراحه تضايقت لما قلتي الحاله النفسيه عند صفر ليش أختي عسى ماشر ؟؟؟؟


والمشيمه نازله يمكن انتي واجد تستعملي الدرج وتمشي كثيييير



حبيبتي فكري في اللي ببطنك وخلك مريحه عالسرير ورافعه ريولج


ولا اتقومي منه ابد الا للضروريات حتى يوقف النزيف



وخلي اللي حواليكي يساعدونك يعني لا اتقومي الا لل حمام وأنتو بكرامه



وكمان شغله انتي مارحتي وخبرتي الطبيبه بالنزيف



وش قالت لك ؟؟؟؟ وهل عطتك أبر مثبته وبعض الادويه ؟؟؟



لا تهملي نفسك حبيبتي وأرتاااااااااااحي طول الوقت عشان ترتفع المشيمه



تراها من تجربه بحملي الاول وكان بألأشهر الاوليه وهي أخطر من الاشهر الوسطى




والله يقومك بالسلامه يااااارب وتبشرينا على طول فتره الحمل وكمان اتبشرينا بصحه البيبي




@@@@@@@@@@@@@@@@@@@@@@@@@@@@@@@@@@@

مجنونة زماني:
انا حملت بتاريخ 10 -10
و عطوني اكثر عن موعد ولاده
بس كلهم بين 17 - 20 /7 /2007

بنات ادعولي حالتي النفسيه صفر مضايقه من نفسي و حاسه بتأنيب الضمير و المشيمه عندي نازل و كل فترة نزيف ..

ادعولي الله يثبت حملي

مراحب فيك اختي

موعد ولادتك نفس موعد ولادتي

ان شاء الله في 17\7\07


واكثري من الدعاء وطمني بالك
وحاولي دوم ترفعي رجلك افوق
يساعد على رفع المشيمه
واعرف ناس فيهم نزول ومع هذي الحركه ان شاء الله ربي ييسر امرك


وارتاحي اهم شيء الراحه

UMABDULRAHMAN:
ما شاء الله هالزين
بدت تكبر الرابطة....
كيف صحة حواملنا الغاليات.....
***************
شهودة:
لا تسهري وايد ع النت نامي بدري هههه
ترى مو بزين
والله يطمنج على البيبي وتسمعين صياحه جنبك
************

صح انه الحمل في بدايته صعب
بس الحين وناسة
ومشتاقة اروح الموعد الثاني بتاريخ 20/2
صرت استانس ع روحة المواعيد عشان اطمن ع نفسي
وع حركات البيبي
لما اتخيل اول حركة بيده ما شاء الله عليه انسى هموم الدنيا والشغل
وابتسم
****************************************

صح حواملنا
متى يبدوا يعطونا محلول اللي في سكر
وليش يعطونا ايه ممكن نعرف
**********************************
وعلومكم الحلوة بنات

وسلامتكم

هلا بأم عبد الرحمن كيف حالك حبيبتي وكيف النونو الجميل؟؟؟؟



فعلا ماشالله الرابطه بدت تكبر وعقبال نتعرف على غيرهم وأكثرررر



هههه والله مو بيدي السهر يجي عالمزااااج
والله يسمع منك دعوتك الحلوه يارب ياكريم




وسالفه محلول السكر هذى اللي ما انتظره خخخخخ
بس أظن بالخامس أو نهايته يعطونا أيااااه



وصدقتي أختي الحمل ببدايته صعب والحين نعيش فترات جدا حلووووه
بالشهووووور الوسطى وأما عن المواعيد الحين بس أحب اروح لكن بعدين



بمل من الروحه كثييير خصوصا المواعيد راح اتكون قريبه من بعضها




إلا صدق ياحواملنا محد قال لنا أن جنينه اتحرك



إضاهر كل اللي ببطنا كسلانين مايحبون الحركه:qaq:




الدكتوره تسألني قلت لها لا والله ماتحرك فديت عمره

يالله يابنات الرابطه وينكم


أولكم أم المهند صايره تاخذ أجازات عن النت

وأختي شريفه وينك عمري ماطليتي علينا


والاخت بوكيه ورد وكربلا كماااان وينكم


وين حضوركم أفتقدنااااااااكم

مراحب فيك اختي احلى شهد


منوره الرابطه


كيفك مع الحمل

صدقت المفاجأه احسن .......بس الفضول يذبح بعض الاحيان


يالله الله ييسر

موعدي بعد اسبوعين ان شاء الله


مره اقول بسأل ومره اقول لا

بس لو سألت ماراح اقول لاحد بقول ما بان افضل

مع ان الوالده مره متحمسه تعرف

زوجي يقول خليها مفاجأه بس احس يبي (ولد )

يمكن عشانه البكر

وزوجي ما عنده اخوان ؟؟




بشرونا عنكم

الدكتوره في الموعد اللي فات سوت لي تحليل بول ودم والحمد لله قالت بخير

الموعد اللي جاي اتوقع تعطيني ابرة الكزاز

الله ييسر الامر

مرحبا

اشلونكم اليوم؟؟

انا بخير ولله الحمد ..وخذت موعد بعد عشرة ايام للسونار علشان اعرف الجنس باكون في الاسبوع 16 انشالله يبين

صج جنيني لين الحين ماتحرك ماادري بأي اسبوع يتحرك خاطري احس بحركته :(

مسلمه..وافتخر:
مراحب فيك اختي احلى شهد


منوره الرابطه


كيفك مع الحمل

صدقت المفاجأه احسن .......بس الفضول يذبح بعض الاحيان


يالله الله ييسر

موعدي بعد اسبوعين ان شاء الله


مره اقول بسأل ومره اقول لا

بس لو سألت ماراح اقول لاحد بقول ما بان افضل

مع ان الوالده مره متحمسه تعرف

زوجي يقول خليها مفاجأه بس احس يبي (ولد )

يمكن عشانه البكر

وزوجي ما عنده اخوان ؟؟




بشرونا عنكم

الدكتوره في الموعد اللي فات سوت لي تحليل بول ودم والحمد لله قالت بخير

الموعد اللي جاي اتوقع تعطيني ابرة الكزاز

الله ييسر الامر

صبحكم الله بالخيييير


الرابطه منوره بوجودكم حبيباتي



أخذي راحتك أختي وأسألي عن جنس الجنين عشان ترتاحي ولا يتم عندك



الفضول تسعه أشهر وانشالله يارب يكون اللي تتمنونه وبصحه وعافيه



وعن نفسي الحمد لله تمام تراها شهوووور الوسطى حلووووه:shy:

أحلى أم شخبارك وشخبار العنونو



ههههه ترا ما اشوف وحده من الرابطه تقول انه جنينها اتحرك




عندهم اتفاقيه يخلونا نوسوس ونحاتي لين يتحركوااااا



مثل ما نحن الامهات عندنا رابطه هم بعد هه الاجنه عندهم رابطه


ومتفقين كلهم علينا

2m2m:

مرحبا يا احلى حوامل

كيفكم و كيف كل الصغار الحلوين ان شاء الله كل شي تمام

من جد شكلهم مره كسلانين حتى انا لسه ما حسيت بحركته الين دحبن
بس لا يكونوا مستنين عشان لمن يبدؤا يتحركوا يجننونا .. الله يسلمهم

يلا يا حلوين اشوفكم على خير ان شاء الله

ياهلا بطمطم نحن بخييير والحمد لله


والصغااااريه الحلوين على افضل مايكونون


أهما داخل مرتاااحين والنوم عندهم كل الوقت لا حس ولا خبر ولا


يبون يتعبون انفسهم ويناقزون نقزه عشان يفرحون أمهاتهم



بس ياخوفي انهم يطلعوا مثل ماقلتي لما يبدأو يتحركو يطفشونا من حركتهم





الله يستر منهم هالصغااااريه



وفي أمان الله

اهلا اهلا اهلا
باخواتي العزيزات
شلونكم والله ولهت عليكم
ادري صايره قاطعة ومااستحي على ويهي بس ميخالف سامحوووني بزنس وومان :)
والله ماكو ارجع من الدوام دايخه وما عندي وقت اشبك على النت بس الوله اهو اللي يخليني ادخل واشوفكم واشوف اخر اخباركم

ما شاء الله الرابطه وكل مالها وتكبر وارحب من كل قلبي بكل الحوامل الجدد اللي انضموا الينا
وحياكم الله بيينا والله لا يفرقنا ان شاء الله ويتمم علينا حملنا ويرزقنا الذرية الصالحة اللهم امين
واللي تبي بنت الله يرزقها بنت واللي تبي ولد الله يرزقها ولد واللي اي من الله حياه الله

انا مع المشيمة النازلة والكحة المستمره مازلت اعاني الحمدلله على كل حال بس على فكره ام المهند واحلى شهودة ترى الزنجبيل حار على الحامل وخطر عليها

وبخصوص الحركة لحد الحين لا طلع لي بطن لاني ماني رشيقة :) وهذا بطني المعتاد بس ماطلع لي بطن واللي مايدري اني حامل محد يشك فيني اني حامل بس احس ان ساعات يصير بطني متيبس ويعورني احسه يشد معاي

والحركة لاحركة ولا شي كسووول نايم خدران الظاهر ينطر البرد يروح :)

ورقبتي بدأ فيها السواد يوم حملي في سعودي ماصار جذي الحين في اشياء تختلف عن حملتي الاولى

الحملة الاولى النساة استمرت معاي الى اخر ساعات من الولادة كنت انا في غرفة الولادة اقوم ارجع وارد مكاني الحين الحمدلله في هالحمله وايد وايد وايد اخف من الحملة الاولى

والله يتمم على خير انا موعدي ان شاء الله يوم الاحد اروح الموعد وارجع لكم بالاخبار ان شاء الله وراح ازوركم بس سامحوني على القطاعة وعلى الاطاله

دمتم سالمين
اختكم شريفة